?????

البنت أحسن من الولد

 

البنت أحسن من الولد

بعض التدقيق والتدوير والتنقيب

اثبتت التحريات ان البنت احسن من الولد والاسباب :

- تتكلم براحتها في التليفون وابوها او جوزها اللي هيدفع الفاتوره

- البنت مش ملزمه تجهز نفسها ابوها او خطيبها اللي هيدفعو دم قلبهم

- مفيش حد بيبص علي بدله العريس كله بيركز في فستان العروسه

- لو واحده عملت مخالفه مرور تعيط شويه للظابط وهو يعديها لو راجل هياخد علي دماغه

- البنت مش ملزمه تدفع ضرايب ابوها او جوزها بيدفعوها

- لو واحده مدتش لقرايبها عديه مفيش حد هيتكلم ولا يقول ياه دا راجل تبت وبخيل

- لو واحده متاخره علي المحاضره ممكن الدكاتره يدخلوها لو ولد يقولوله روح يا بابا كمل بره في الشمس

- لو حصل زعل بين البنت وباباها مش هيطردها بره البيت بس هي يدوب دتخل الاوده وتعيط شويه وبابا يروح يصالحها أما الولد فيدوب يلحق مكان ينام فيه جنب البواب

دلع البنات :
ياختي قميله ) سنتين)
يا عسوله (5 سنين)
يا عروسه (12سنه)
يا قمر (18سنه)
يا هانم (40سنه)
يا ست الكل (50سنه)
يا أم العيال (60سنه)

دلع الأولاد:
انت ياد (10 سنين)
انت يا شحط انت بقيت طول الباب اهوه (18 سنه)
يا راجل (40 سنه)
يا عم الحج (50 سنه)
يا راجل يا عجوز منخيرك اد الكوز (60سنه)

شوفتوا بقى ان الولاد مظلومين اوى وحقهم را يح.

حوار بين الحفيدة والجد في 2080

السلام عليكم
اقدم لكم حوار بين الحفيدة والجد في عام 2080

عام 2080

الحفيدة : جدو تامر إزيك .. حلو البدي اللي انت لابسه ده . بس ده
موضة قديمة قوي يا جدو
الجد : يا بنتي أنا راجل دقة قديمة وبالبس زي ما جيلنا اتعود وحسب
التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟
الجد : أبداً ده هو ده اللبس المحتشم اللي مفروض الكل يلبسه
ويحافظ عليه .. فين أيام زمان لما كنا نلبس البدي اللي مبين البطن
والظهربس، مع البنطلون السترتش الجلد والجوانتي الجلد... كانت حاجة
آخر روشنة

الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما
يعلم بيها إلا ربنا .. فين أيام سنة 2002م ، هو الواحد فينا كان
يستجري يشرب سيجارة البانجو ولا يسحب له سطر بودرة قدام أبوه؟ طب ده
الدنيا كانت تتقلب ساعتها وما تتعدلش .. أمال إيه .. كان فيه حاجة
اسمها أخلاق
الحفيدة : معقول يا جدو؟ للدرجة دي؟؟

الجد : أمال انتي فاكرة إيه .. وبعدين كانت الست من دول ما تلبسش
اللبس الخليع بتاع اليومين دول .. يعني الجيبة كان لا يقل طولها عن
شبر ونص .. وكانوا الستات يلبسوا فوقيها بلوزة باستمرار ..مش زي دلوقتي

الحفيدة : يا خبر .. وإيه كمان ياجدو
الجد: ح أقول لك إيه ولا إيه .. يعني خدي عندك مثلاً .. زمان كنا
نسمع الطرب الأصيل لمطربين حقيقيين زي مصطفى قمر ، وعمرو دياب ،
وكانت الأغنية مدتها أكثر من دقيقتين متواصلين من الطرب الأصيل
والسريعة الروشة اللي تعمر النافوخ بصحيح كانوا مطربين روشين طحن
وكله كوم والست كوم تاني

الحفيدة: ومين الست دي يا جدو
الجد: في حد مايعرفش الست...نانسي عجرم طبعا
الحفيدة : وبعدين
الجد : وبعدين كنا نسمع على حاجة اسمها اسطوانات ليزر ، ودي صحيح
انقرضت ، بس
كان ليها طعم عن دلوقتي ، يا سلام لما كنا نحطها في الووكمان ونعلقه
في حزام البنطلون ونمشي في الشارع كده ،، كانت أيام جميلة
الحفيدة : حكاويك ممتعة قوي يا جدو .. ثانية واحدة بس لما أصحي
سوسو صاحبي
لأنه بايت معايا في الأودة من امبارح ..

)بعد عدة دقائق) هيه يا جدو .. وبعدين
الجد : أحلى أيام بقى كانت أيام الدراسة ، الفصل كان على أيامنا
رايق وعدد التلاميذ فيه ما يزيدش عن ستين سبعين تلميذ ، وكنا ساعتها
بنعرف نفهم الدرس كويس مش زي دلوقتي ، وكانت الشوارع أيامها فاضية
لأن مصر كلها كان تعدادها 70 مليون مش أكثر ، تخيلي بقى الروقان
اللي كنا فيه؟
الحفيدة : 70 مليون بس؟

الجد : أمال إيه .. علشان كده كانت كل حاجة رخيصة ، يعني مثلاً
كيلو اللحمة يوم ما يضربه الدم كان يبقى بخمسة وعشرين جنيه أو بخمسة
وتلاتين جنيه ، وكان أتخن جوز جزمة بمتين وخمسين جنيه ، وكان الواحد
يقدر يشتري شقة تمليك بـ 350 الف جنيه بس .. وكان الدولار بستة جنيه
بس تخيلي بقى؟
الحفيدة : ما هو علشان كده كان الجواز على أيامكم كان سهل خالص
الجد : أمال .. ده احنا الواحد مننا كان بمجرد ما يوصل سن 35 سنة
يبتدي يفكر في الجواز على طول ، وما كانش عندنا الأفكار الغريبة
اللي بتعملوها دلوقتي زي إن البنت تعد مع الولد كام سنه قبل الجواز
علشان يتعرفوا على بعض أكثر زيك انتي وسوسو صاحبك ، أنا شخصياً شايف
إن ده وضع مش لطيف ، ده احنا يا بنتي على أيامنا كان لا يمكن البنت
تتأخر بره البيت عن الساعة أربعة صباحاً ، طب ده باباها كان ممكن
ساعتها يخاصمها

الحفيدة : ده انتوا كنتوا ملتزمتين خالص ياجدو!!
الجد : يا بنتي إحنا اتربينا على الأخلاق والفضيلة والعادات
والتقاليد .. يعني كان الواحد مننا زمان لما يدخل الأسانسير ويلاقي
جاره في الأسانسير ممكن يفكر يصبح عليه ، ومش بعيد كان يسأله عن
أحواله ... وكانوا أهل الفن محتشمين جداً وكانوا دايماً يطلعوا
بالمايوهات البيكيني ، والمذيعات كانوا يقعدوا جنب الضيف مش على
ركبته زي دلوقتي... هيـ يـ يـ يـ ـه الله يرحم دي أيام

الحفيدة : رايح فين يا جدو
الجد : أصلي كنت موصي الجزار على اتنين كيلو لحمة وأعطيته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ ..
تشاو .. سي يو..

أغبى 5 أسئلة في العالم

هم اغبى خمس اسئلة وهنشوف دي قصة واحد غبي اشترك في مسابقه جايزتها مليون دولار . . . . . . . . . . . . . .

.بدأت المسابقه بالسؤال الاول ؟؟؟!!!

ياريت تقروهم كلهم للاخر مش عاوز حد يطفش من اولها دول كلهم خمس اسئله

س1/ كم أستمرت حرب المائة عام ؟؟؟؟

-116 -99 -100 -150

صاحبنا فكر كتير واختار انه يحذف السؤال داه بيقول انه اول مره يشوفه ( حرب المائة عام هتكون مدتها قد ايه ) وانسحب مفيش مشاكل نشوف السؤال التاني

س2/ اين تصنع قباعات بنما ؟

- البرازيل - تشيلي - بنما - الاكوادور

صاحبنا اختار انه يستعين بصديق ( ربنا يكون في عونه والله ) واتصل بصديقه

السؤال التالت س3/ في اي شهر يحتفل الروس بثورة اكتوبر ؟؟؟

- اكتوبر - يناير - سبتمبر - نوفمبر

مقدرش وخد راي الجمهور ..... معلش ياجماعه استحملو فاضل سؤالين بس

س4/ اي من هذه الاسماء هو أسم الملك جورج السادس ؟؟؟ -

جون - البرت - جورج - مانويل

طلب حذف اجابتين وتوصل للإجابه بصعووووووبه معلش يا جماعه هيا عقليات بتكون كده بس ربنا يصبرنا

السؤال الاخير س5/ ماهو الحيون اللذي اشتق من اسمه اسم جزر الكناري ؟؟؟

- طائر الكناري - الكنغر - الجرو - الفار

هنا صاحبنا انسحب من المسابقه ومقدرش يكمل !!!!!!!!!!!!!! حقه

بس لو واحد فيكم مفكر نفسه اذكى من الغبي يقرى الاجوبه تحت وهتعرفوا مين الغبى!!

. . . . . . . . . . . . . . . . . . . . . . . . . . . . . . . .

جواب السؤال الاول: استمرت حرب المئة عام 116 سنة من عام 1337 وحتى 1453

جواب السؤال الثاني : قبعات بنما تصنع في الاكوادور

جواب السؤال الثالث: يحتفل الروس بثورة اكتوبر في نوفمبر

جواب السؤال الرابع: الاسم الاول للملك جورج هو البرت

جواب السؤال الخامس: جزر الكناري اخذت اسمها من الجرو... حيث ان اسمها اللاتيني هو Insularia Canaria والذي يعني جزر الجراء.

دلوقتي مين الغبي ؟؟؟ ههههههههههههههههههه هالمره اذا شفتو واحد غبي

اعزروه

اختبر معلوماتك

بسم اللة الرحمن الرحيم

ماهو الفرق بين الغتت والأيتم؟

 

فكروا لحظة؟

 

الفرق هو:

كا فية واحد غتت وواحد أيتم اتحكم عليهم بالأعدام عند تنفيز

الحكم كالعادة سئلوا الأول نفسك فى اية قال لهم نفسى اشوف امى

سئلوا الثانى وانت نفسك فى اية قالوهم  ماتخلهوش يشوف امة

حدد الأن من فيهم الغتت ومن هو الأيتم؟

(1)او(2)

اضحك فرفش اوعى تكشر اوعى 

إيه رأيك في النظام

ذهب مواطن إلى أحد السوبر مركات الكبيرة  فوجد طبور كبير فوقف فيه وبعد نص ساعه وصل إلى الموظف وسأله عندكم فراخ  نظر إليه الموظف مبتسما  وقال  الفراخ في الطابق التاني  فصعد المواطن فوجد طابور أطول من الأول فوقف فيه وبعد ماوصل إلى  البائع سأله عندك فراخ فقاله  الفراخ خلصت بس إيه رأيك في النظام ؟؟؟؟؟

ولو تأمانا مجتمعنا فسنجد ان الطوابير أصبحت أسلوب حياة بدايه من الوقوف لشراء لقمة العيش ومرورا بالمستشفيات والمصالح الحكوميه وطلبات الوظائف.......... وهذه نتيجه طبيعة الروتين وكثافه السكان إلى جانب العشوائيه وعدم الأستعانه بالتكنولوجيا في أحيان   كثيره  ولكن هل يتعامل الناس مع الطابور في حد ذاته  بأحترام  أم انه أصبح حتى لو كان منظما عنون للفوضى

ونترك المجال مفتوح لأرائكم  

التطور الطبيعي للأم

الملابس

الطفل الأول: تلبس هدوم الحمل من أول لما تعرف إنها حامل
الطفل الثاني: تحاول تلبس هدومها العادية لأطول فترة ممكنة
الطفل الثالث: هدوم الحمل هي هدومها العادية اليومية

الإعداد للطفل

 الطفل الأول: كل دقيقة تغيير للطفل.. وتحاول تخلي ريحته حلوة

الطفل الثاني: كل ثلاث ساعات

 الطفل الثالث: لما ريحته تطلع

القلق

 الطفل الأول: من أول خبطة تجري عليه و تشيله

 الطفل الثاني: تشيله لو حست أن خلاص فيه عربية حتخبطه

 الطفل الثالث: أحسن..علشان تتربي... خلي العربية تدوسك

الأكل

الطفل الأول: ترمي أي حاجة تقع على الأرض

 الطفل الثانى :تغسلها بشوية مايه

 الطفل الثالث: تمسحها فى هدومها

الفسح

الطفل الأول: الملاهي... المراجيح..النادي

الطفل الثاني: النادي

الطفل الثالث: السوق

الخروج

الطفل الأول: تسيبه مع أختها و تتصل تطمئن عليه كل خمس دقائق

الطفل الثاني: تسيبه مع أختها... و هي على الباب تفتكر تسيب رقم التليفون بتاع المكان اللي هي رايحاه

الطفل الثالث: تسيبه مع أي حد.. مع تحذير بان محدش يتصل بيها إلا في حالة يكون في الموضوع دم

فى البيت

في البيتالطفل الأول: كل دقيقة تتفرج على ابنها وهو نايم

الطفل الثاني: من وقت للتاني تتأكد إن الكلب مأكلش ذراع الولد

الطفل الثالث: تستخبى منهم على قد ما تقدر

لو بلع قرش

الطفل الأول: تطلب عمل أشعة للولد

الطفل الثاني: تقلق شوية عليه ، وتستنى وتشوف هيبلع الفلوس ويهضمها ولاَّ لأ؟

الطفل الثالث: تخصمه من مصروفه

 

موسوعة النكت المصررررررررررررررررية

مرة واحد امريكي وواحد اسباني وواحد صعيدي اتفقوا مين
>بجيب اكبر تمساح راح الامريكي جاب واحد كبير وراح
>الاسباني جاب واحد اكبر وراح الصعيدي و ما رجعش راحوا
>يدوروا عليه لقوه شايل تمساح صغير و بيغني له بابا فين ؟؟
>
>
>
>صعيدى أخذ شهادة دكتوراه فقال لزوجته والله ماخبرشى ليه
>الناس بيضحكوا على الصعايدة أدينى جبت الدكتوراه. فقالت
>له زوجته: دق على الخشب عشان العين. فدق على
>الخشب. فقالت الزوجه مين على الباب؟ فقال الزوج: خليكي
>انا حاشوف مين
>
>
>مرة بدوي قال لأبوه: عايز آخذ نوكيا قال له:على جثتى
>حتاخد بنت عمك
>
>
>بدوى اول مرة يشوف فلبيني قال يا بخته هذا شبعان نوم
>
>
>اتنين صعايدة بيلعبوا شطرنج الملك مات مشلول
>
>
>مرة صعيدي طلعله عفريت علاء الدين وقال له شبيك لبيك
>خدامك بين ايديك قال له
> عايز كوبري من الصعيد الى نيويورك
>قال له مستحيل شوف طلب غيره قاله طيب خلي الصعايدة يفهموا
>فكر شويه وقال له عايز الكوبري اتجاه واحد ولا اتجاهين ؟
>
>
>مره واحد صعيدى سافر مصر إتسرقت المحفظه بتاعته بلغ عنها
>فقال له الظابط حاضر حجيبهالك من تحت الأرض طلع الصعيدى
>بره لقى الناس بتحفر لخط المترو فقال لهم الهمه يارجاله هى
>سوده وفيها سوسته
>
. واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

· مرة مدرس رياضة اتجوز مدرسة رياضة خلفوا ولد متساوى الساقين

· ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

· هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه

· زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

· واحد أحول راح يجيب أبوه من المطار باس الشنطة وشال أبوه

· مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة

· تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع

· مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك

· سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

>· اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

· محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

واحد ندل فتح مصنع بيبسي كتب على كل علبة : رج جيدا قبل الفتح

· بلديات فتح محل انابيب غاز .. فجّر اسطوانتين فى وسط البلد .. دعاية

· واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر

ثعبان نظره ضعيف يوم ما حب واحده..... طلعت خرطوم

· بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها

· بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!

· واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور

· واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى

واحد بلدياتنا دخل الجيش بيسأل زميله إنت من دشنا...فقاله: لأ رد بلدياتنا: يبجى إنت من ديش العدو... و راح طاخه عيارين

واحد بلدياتنا شال جرس الباب وركب فيبريشن

واحد بلدياتنا وقع على السلم فظهره وجعه .. راح للدكتور.. فكتب له مرهم وقال له إدهن مكان الاصابة.. فراح دهن السلم

فيل ضخم كل يوم يمر على مملكة النمل يهدها، النمل اتفق عليه قالوا : حنستخبى له فوق الشجر و أول ما يعدى نقفز عليه و نقرصه لحد ما نقضى عليه المهم الفيل مر راح النمل قفز عليه الفيل حس بيهم راح خابط زلومته شمال وقع نصهم و راح خابط يمين وقع النص التانى و مفضلش غير نمله واحده فكل النمل واقف تحت يهتف لها اخنقه يا فوزى

مرة واحد بلدياتنا اشتري تاكسي وماشي بيه ومبسوط واحد واقفه وقاله تاكسي يااسطي قال له ايوة تاكسي وكمل مشي

تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يسرخ و يصوت الثالث قال أخوك راسه طارت ماسمعناش صوته وانت اًُُُُلى ايدك طارت عامل دوشه!!!!!!!

واحد بلدياتنا عداه العيب خد اللي وراه*
مرة أتنين صحاب راحوا للحلاق واحد حلق والتاني غويشه*
واحد اصلع خلف ولد سماه شعراوى *
مرة واحد اكل رز معمر ضرب في وشه*
مرة واحد راح الجهاديه طلع من الجهة التانيه*
فرخة استحمت بهد اند شولدر باضد بيضة من غير اشرة*
مرة أتنين قرع أتخانقوا على مشط *
مرة مدرس كيمياء خلف عيل سماه سامى اكسيد الكربون*
مرة أتنان بلدياتنا حبوا يسرقوا بنك سرقوا بنك الدم *

مرة واحد بلدياتناوقع فى حفرة نزلولوا حبل طلع مخنوق*
واحد احول امه ماتت دفن ابوة *
مره واحد بيحب يمشى ويمشى مبيحبوش*
واحد بلدينا حط حجرين للراديو المذيع انسطل*
مره كان في قط بيجري وراء قطه اعد يجري وراها لحد ما خبطتها عربيه قال لها احسن ابقي خالي الشرف ينفعك*
مرة واحد بلدياتنا جات طوبة في صدرة بص وراة *

مره واحد احول بيعاكس واحده حوله بيقولها والله انتوا الاتنين احلى من بعض انتو الاتنين زى الامر فاتعصبت وقالت :جرىايه ياشله قليله الادب

واحد بلديتنادخل على واحدصحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار الى مش عجبكده غالبنى عشرين دور

مرة واحد كان نفسه يعمل حاجة الناس تفتكره بيها
ففكر انه يغلم نملة الباليه وفعلا جاب النملة ونجح فى تعليمها.... وقال يا ترى مين يقدر الفن ده
قرر انه يعرضها على الاطفال
فقابل ولد وسأله اسمك ايه ؟ قال محمد...
قال الراجل ايه دى ...
قال الولد :دى نملة وفعصها باصبعه....
الراجل اتجنن وقعد فى المستشفى سنين كتيره...
المهم علم نملة تانية الباليه....
وقال المرة دى نعرضها على الشباب بيفهم أكتر
فراح لشاب و سأله اسمك ايه قال :محمد
قال الراجل :ايه دى قال الشاب: قلتلك من عشرين سنة ان دى نملة وبرضه فعصها باصبعه

واحد بلدياتناغنى قوى ..راح يصطاد فى افريقيا..ولما رجع سالوه صحابه اصطدت ايه قالهم3 غزلان و 2 حمار وحشى ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسودقاعده تقولى نوبليز نوبليزنوبليز (no please)

نشر رجل سطر فى اعلانات مبوبه:مطلوب زوجه و تانى يوم جاله ميت جواب فيهم نفس الرد:تاخد بتاعتى؟

مراهق قعد على القهوة مع أبوه نادى القهوجي على جنب وقالو بصوت واطي هاتلي واحد بيرة بس حطه فى فنجان شاي علشانأبويا مايخدش باله فصاح القهوجي وقال وعندك واحد بيره فى فنجان شاي وصلحووووووووووووو

مره واحد ابنه بلع فتاحة فكلم الدكتور و قال له ابنى بلع فتاحة فقاله الدكتور اقلبه لحد مأجى و بعدين الرجل كلم الدكتور و قالهماتجيش أنا لاقيت فتاحه تانيه

كان فيه قرية كلها أغبياء وكان فيها حفرة كل الناس بتوقع فيها وبتتعورالعمدة جمع أذكى 3 فى القرية عشان يحلوا المشكلة أول واحد … إحنا نبنى مستشفى بجانب الحفرة الى يقع يدخل يتعالج العمدة …. أنت غبي آوى تانى واحد ….. إحنا نجيب إسعاف بجانب الحفرة الى يقع الإسعاف تشيلة للمستشفى العمدة …… أنت اغبى منة الثالث ……. يا حضرة العمدة إحنا نردم الحفرة دى ونعمل واحدة ثانية جنب المستشفى

مرة واحد راح للدكتور قال له يا دكتور لما احط ايدى على عينى ما بشوفش حاجة الدكتور عملة عملية خرملة ايدة

راجل متجوز عنده دولاب فى البيت ممنوع أى حد يفتحه غيره مراته حيقتلها الفضول عاوزه تعرف الدولاب فيه ايه؟ لكنالرجل مش مديها أى فرصة، المهم فضلت طوال عشرين سنه منتظره الفرصه لحد ما فى يوم نسى يقفل الدولاب و نزل ففتحتهفلقيت عشرين ألف جنيه و بيضتين فجريت على جوزها وسألته عن سر الموضوع ده و أصرت انها تعرف فقالها اقولك بستوعدينى انك تسامحينى، قالت أوعدك، فقالها الصراحه انا كنت كل ما أخونك أجيب بيضة و أحطها فى الدولاب، فالست قالت فىنفسها مرتين خيانه فى عشرين سنه ماشى سامحتك بس العشرين ألف جيه دول بتوع إيه قال لها ابدا أنا كنت كل ما اكمل كرتونه أبيعها

واحد بخيل ابوه مات فراح يعمل نعى فى الجرنان
فقالهم :أقل حاجه عندكم ايه
قالوا له : سطر واحد خمس كلمات،
قالهم : اكتبوا رزق ينعى ولده،
قالوا له : لسه ، فاضل كده كلمتين
قال لهم : و يصلح راديوهات

واحد بواب كل يوم ينزل ينادى على مراته
ويقول لها : عاوزة حاجة قبل ما أروح الشغل
فتقوله : لا
يروح قاعد على الدكة

راجل و مراته ساكنين جنب شريط سكة حديد فكل لما القطار يعدى يوقع لهم الدولاب فالزوجه زهقت فجابت نجار طلبت منهيصلح الدولاب النجار اختبر الدولاب قال لها ده سليم
قالت له خش جواه و لما القطر يعدى حتعرف العيب فين فسمع كلامها و دخل،
بعد شويه جوزها وصل من الشغل فتح الدولاب فوجئ بالنجار
فقاله انت بتعمل ايه هنا؟
رد عليه لو حلفتلك ميت يمين حتصدق انى مستنى القطر؟

بلدياتنا زعلوا من النكت اللى بتتقال عليهم فكتبوا النكت كلها ورموها فى البحر فتانى يوم لقوا السمك كله ميت من الضحك

الفلاحين خايفين يقولوا نكت على بلدياتنا فرقموا النكت وقعدوا على القهوة أمام بلدياتنا ..
واحد منهم يقول 3 الفلاحين يضحكوا..
واحد ثانى يقول 7 .. يضحكوا..
راح واحد بلدياتنا قام وقال 5 فلم يضحك أحد
فقال لهم ليه ما ضحكتوش
فردوا عليه.. أصل إلقاءك وحش

واحد حقود اتحكم عليه بالاعدام هو وواحد ثانى فقالوا لهم كل واحد له طلب أخير قبل الموت فالأول طلب إنه يشوف مامته والثانى الحقود قاله ما تخلوش يشوفه

بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول زلعة بس نسى يسمى، تانى شهر برضه نسى يسمى، ثالث شهر طلع له الشيطان قال له:"ابوس ايدك سمى، صدرى اتحرق!"

مره واحده كل ما حاجه تبوز تقل لزوجها "يا راجل التلاجه بازت " يقول وانا مالى هو انا ايديال "يا راجل التليفزيون باز " يقول هو انا جولد ستار . راحت فى الاخر اشتكت لجارهم راح قالها ولا يهمك انا اصلحلك كل حاجه بس على شرط يااما اخد بوسه او تعمليلى تورته . المهم جوزها جه من الشغل لقى كل حاجه متصلحه قام سألها مين اللى صلح الحاجات دى راحت حكتله فرد جوزها وقالها " وطبعا عملتيله تورته " فقالت " ليه انت شايفنى لابوار "

جذمجى مات بالجذمة القلبية
عملوا له نعل فى الجرنال
جم يعملوا له الاربعين لاقوه ضيق عملوا واحد و اربعين

واحد بلدياتنا دخل محل أدوات كهربية فسأل صاحب المحل قالوا : عندك تلفزيونات ملونه قالوا : أيوا قالوا : طب أديني واحد أحـمر

مرة واحد كان عنده 15 قملة فى شعره فراح للدكتور فقال له انت تروح تغسل شعرك بميه سخنة وتنام فعمل زي ما الدكتور قاله وراح فى الصبح سمع قملتين بيتكلموا الأولى بتقول للتانية شفتى موجة الحر بتاعة إمبارح دى قتلت واحدة من عندنا.. فراح للدكتور تانى فقال له لازم تروح تغسل شعرك بميه باردة و تنام فعمل زي ما الدكتور قاله.. وفي الصبح سمع نفس القملتين بيتكلموا الأولى بتقول للتانية شفتى موجة البرد بتاعة إمبارح دى قتلت واحدة منا فراح للدكتور قاله مفيش غير حل واحد إنك تنام جنب واحد شعره مليان قمل فعمل زي ما الدكتور قاله الصبح سمع القملتين بيقولوا شفتى الحرب بتاعةإمبارح دى قتلت منا 7 قملات ففرح أوى.. فسمع التانية بتقول و إيه يعنى ما إحنا اسرنا 50

مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين

ظابط بيسأل عسكرى :السهرة إيه النهاردة
قاله:اخترنا لك
رد الظابط:أيه!!!؟
العسكرى:إخترنا لسياتك ياباشا!!!

عملوا مسابقة لاسرع واحد يصطاد ارنب برى من مغارة مهجورة
الامريكى دخل المغارة وخرج بعد 10 دقايق وفى ايده ارنب
الالمانى دخل المغارة وخرج بعد 7 دقايق وبرضه فى ايده ارنب
بلدياتنا دخل المغارة وغاب خمس ايام دخلوا يطمنوا عليه لقوه ماسك اسد بيضرب فيه وبيقول له : جول آنى ارنب 00جول آنى ارنب

عوضين عمال يخبط دماغه في الحيطة لحد ما دماغه اتفتحت
امه بتساله: مالك يا واد يا عوضين
ضحك اوي و بطل خبط دماغه و قال: ايييييييوه عوضين - هو ده اسمي

واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟

مره واحد بلدياتنا راح للدكتور وقاله
يادكتور عندى صداع جامد اوى
ساله الدكتور :انت بتنام و الشباك مفتوح
ولامأفول؟ قاله :مقفول
قاله الدكتور جرب تنام و الشباك مفتوح وتعالى بعد اسبوع
قام بلدياتنا مروح و فتح الشباك قبل ما ينام
وبعد اسبوع راح للدكتور .سأله الدكتور الصداع راح
فقاله بلدياتنا يا ه يا دكتور
الصداع راح و الغساله راحت و الثلاجه راحت و البوتجاز راح و التليفزيون راح و كل حاجه راحت
بصراحه النوم علي الارض مافيش احسن منه

الأمريكان و الروس قاعدين يتباهوا على بعض
الروس : إحنا أول ناس طلعوا الفضاء
الأمريكان: إحنا أول ناس طلعوا القمر
بلدياتنا إتغاظوا فسالوهم....يعنى لجيتوا إيه فوج؟
فقالوا لهم: طوب و ظلط و رمل
بلدياتنا بفخر: إحنا بجا إلى طلعناهم!!

عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟

واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهماحنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط

واحد بلديتنا وصل مصر فبص على عمود نور مكتوب عليه للايجار فقعد يخبط على الععمود فمردش عليه حد فسأل واحد معدىفى الشارع
بلدياتنا : هو مفيش حد هنا ولا ايه؟
الراجل : مش عارف مع ان النور مولع

مرة واحد من بلدياتنا اشترى مراية.الصبح مراته بصت فيها و فضلت تعيط.راحت للعمدة و قالتله يا عمدة ...جوزي اتجوز علي.فقال لها العمدة تعالي نروح نتأكد.فراح و بص في المراية و قال ده جاب عمدة تاني كمان

تنين بلدياتنا زهقوا من الأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سألالثاني هما بيحترمونا كدة لية؟ قال له أصلهم هنا بيعبدوا البقر.

مجموعة من الكلاب قاعدين مع بعض بيتكلموا فى موضوع
الأول قال: هوهو
التانى قال: هوو هو
التالت قال: هوووهوو
راح الرابع قال وووووووو
رد عليه واحد قاله لوسمحت ما تخرجش عن الموضوع

مــرة واحد بلدياتنا ماشي مع صحبته فـشافت أبوها
البنت : أمشي أبويا جــي
بلدياتنا : إيه يعني قوليلو أخوكــي

واحد عنده برد.. راح للدكتور..
فالدكتور سأله.. انت بتهوى بيتك كويس..
فقاله لا ..
فقاله افتح الشبابيك كل يوم قبل ما تنزل وتعالى ليه بعد اسبوع..
بعد اسبوع راح للدكتور
فسأله الدكتور.. ها البرد راح
فقال له البرد راح والتليفزيون راح والفيدو راح

و زبون يدخل كل يوم نفس المطعم فالجرسون يسأله
عاوز تاكل إيه.. فيأخذ فوطة الجرسون ويشمها ويقول له انتوا عندكم النهاردة سمك فيليه + أرز + صلاطة وهكذا كل يوم فالجرسون اتجنن فأعطى لمراته الفوطة وقال لها استحمى بيها وأديها لى وبعد كده الزبون دخل المطعم واخذ الفوطة زى كل يوم وشمها وبص للجرسون وقاله انت جوز فتحية؟

لفرق بين مراتك ونجوم اف ام ! لو عايز تعرف الفرق خش وشوف

(الفرق بين مراتك ونجوم اف ام)

***********************

نجوم اف ام

مزيكا على كيف كيفك

>>
>>

مراتك

نكد على عين عينك

***********************
نجوم اف ام
عيش صباحك مع نجوم اف ام
>>
>>

مراتك

اصحى ربنا يهدك

************************

نجوم اف ام
اجمد سبعه الساعه سابعه

مراتك

اجمد عالقه فى اى
وقت
********************

نجوم اف ام
البرنامج بتاعك مع موبينيل
>>
>>

مراتك

كل حاجه بتاعتها الشقه المراتب واوعى تفتح بؤك

***************************
نجوم اف ام
توب تونتى
>>
>>
مع مراتك
توب ساكت قاطع النفس
***************************
نجوم اف ام
انا والنجوم وهواك
>>
>>
مع مراتك

هاتشوف النجوم في عز الظهر

***************************
نجوم اف ام
ميه فاصله سته
>>
>>
مراتك

فاصله ميه ونور وشحن

لَقِّم المحتوى