?????

شكه دبوس

امبارح وانا مروحه من الكليه وراكبه الميكروباص في امان الله كان في واد اهبل قاعد ورايا وانا بركب راح عدلي الكرسي وقالي اتفضلي قلت الواد ده جنتل المهم لما قعدت والعربيه مشيت بفتره حسيت انه بيحاول يحسس قلت لا لا لا الظاهر اني بهلوس من تاثير الصحيان بدري واتعدلت في مكاني لقيته برده مستمر رحت عملت نفسي بعدل الاشارب ورحت مطلعه دبوس وقمت شكاه في ايده ورحت بصاله وقلتله ايه وجعتك ؟! عشان ما تمدش ايدك علي بنت بعد كده لقيته يا حرام من الشكه مش قادر يتكلم وكل اللي قدر عليه انه قعد يقول استغفر الله العظيم يارب انا مش هرد عليكي عشان انت بنت وفضل كل شويه يقول استغفر الله العظيم يا رب المهم عشان ما اطولش عليكو وانا نازله رحت بصاله وقلت استغفر الله العظيم يارب كمل ولقيت العربيه كلها بتضحك من رد فعلي ومن ارتباكه وهو مش قادر ينطق بكلمه 

أشهر جمل الاباء والامهات في مصر

 

* انت فاكرنا لاقين الفلوس دي في الشارع.

* ما تتكلمش بصوت عالي في الحمام.

* والله ما انت فالح .. وادي دقني أهه.

* ما تنمش غير لما تغسل سنانك.

* ما تلزقش في التلفزيون كده .. نظرك هيضيع.

* سلم على عمك كويس يا ولد .

* يا ابني محدش هينفعك .

* ما تطلعش ايدك من الشباك .

* قصة الغريق الكاذب اللي كل مره يقول الحقوني ... لحد ما غرق بجد .

* ربنا يرزقك بعيل يوريك اللي ورتهوني .

* ما تطلعش على الملايه النظيفه و رجليك متوسخه كده .

* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

* طلع ايدك من جيبك و انت بتكلمني .

* ايه الامبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

*انت فاكرنا نايمين على ودانا ؟

* يا ابني انت مسطول ولا ايه ؟

* ما تلبسش القميص على اللحم زي العيال الصايعه .

* بلاش أكل بره .

* كلمنا لما توصل .

* عيب ... لازم تحترم اللي أكبر منك .

* يعني المكان اللي كنت فيه مفيهوش تليفونات.

* لو شفت خناقه مالكش دعوة بيها .

* لازم تأكل سلطه .

* اوعى تكدب عليا كده تاني مره .

* اوعى حد غريب يديلك حاجه تاكلها و تشربها و تاخدها منه.

* لو حد قالك تعالى اوديك لماما متروحش معاه.

* لو حد غريب قرب منك صوت علطول.

* يا ابني كلم خالتك العيانه اسأل عليها .

* بلاش لعب في الشارع .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .

* ما تقعدش قدام المروحه وانت مستحمي .

* كفايه رغي في التليفونات .

* بلاش وقفة الشبابيك و البلكونات .

* اوعى تقول لحد هات لي حاجة .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر . أو اطفي التلفزيون و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

* صليت العصر ؟!

* ما تمشيش حافي في السقعة دي

* ما فيش مذاكرة على المزيكا .. أو .. بتذاكر إزاي و البتاع ده شغال جنبك .

* افرد ظهرك .

* ما تتأخرش بعد المدرسه و تقعد تصيع مع أصحابك .

* بص كويس و انت بتعدي الشارع .

* ومالها الكتب بتاعة الوزاره ؟!

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* تقعد في أول صف قدام السبوره .

* ما تردش عليا .

* مش عايز اسمع صوت .

* مالكش دعوة بالسياسة .. وماتمشيش في مظاهرات .

* هأقطم رقبتك / هأقطع ايدك / هأقطع لك لسانك / هأدبحك دبح .

هذه الكلمات الغرض منها الدعابة فقط لا اكثر ولا اقل، فكل حبي واحترامي الكاملين لوالدي ووالدتي وكل الاباء والامهات اللذين عانوا الكثير من اجلنا دون حتى ان نشعر.

 

أخترناه أخترناه

 

 

 صبيحة يوم الحميس .. 25 أغسطس عام 2105

العالم كله ينتظرهذه اللحظة العظيمة..

يالها من فرحة لو تحقق المطلوب..

بل وساعتها سيثبت العلماء للناس أنهم امتلكوا الدنيا بما فيها..

هذا هو ما دار على ألسنة الكثيرين فى أحد المختبرات السرية

التى تعنى بالأبحاث العلمية المتطورة الخاصة بنكنولوجيا التجميد..

وبداية القصة فى سنة 2005 ..قبل هذه اللحظة بـ100 عام

عندما قرر تلاثة من العلماء(مصرى-وصينى-وأمريكى) ان يبدأوا

فى أبحاثهم وتجاربهم لكى يستطيعوا أن يحافظوا على حياة

الإنسان بعد تجميده فى أماكن خاصة ومعدة لذلك..

وبالفعل ..

ولخطورة ما هم مقدمون عليه لم يطلبوا من أية دولة ولا اى

شخص تمويل مشروعهم وأبحاثهم .. بل قاموا هم بتغطية جميع

التكاليف..فى السر حتى لا تتعرض محاولتهم للإحباط..

كانوا يحلمون بان يستطبع الإنسان تجميد حياته ويخرج بعد مدة

معينة ليجد نفسه مازال فى المرحلة العمرية التى تجمد عندها

وساعتها يكون شاهدا على العصر الذى ينتمى إليه..

يروى أحداثه ويستطيع الاستفادة منها كى يوجه أمته ووطنه نحو

الأفضل ..

وبعد أن توصلوا إلى النتائج النظرية كان ينقصهم أن يخرجوا

بأبحاثهم إلى حيز التجربة..

وساعتها قد فشلوا تماما فى استقدام متطوعين عن طريق

المكاتبات السرية ليقوموا بتجميدهم..

وأخذ كل منهم يريد الزج بصاحبه ليتطوع كى يستطيعوا مشاهدة

النتيجة..

لكن ما أنتذكروا وأدركوا ان الذى يتابع البحث لن يمكنه البقاء لمدة

100

عام على قيد الحياة ..فقرروا خوض التجربة بأنفسهم ..حدمة

للعلم وحتى يمكنهم جميعا حضور تلك اللحظة الغالية التى يعترف

لهم العالم فيها بالفضل..

ولكى يكون كل منهم شاهدا على اعصرهم الذى تركوه ..

وهاهى اللحظة المرتقبة قد جاءت.

وبدأ الجليد يذوب داخل ذلك المختبر القديم عن ثلاثة اجساد..

اجساد العلماء الثلاثة..

وبمجرد ان خرجوا الى الدنيا أخذتهم نشوة النصر وكل منهم ينظر

إلى ساعته المتقدمة

 (هذا على حسب العصر الذى أتوا منه)

ليعلموا انهم خرجوا بعد 100 عام ..

هرع الثلاثة إلى هذا الراديو الموجود على إحدى المناضد ليعرفوا

أحوال العالم.. ولم يكونوا يمتلكون وسيلة احدث من هذه لمعرفة

جديد الأخبار..

ولما تنازع الثلاثة على تقليب المحطات..صرخ فيهم الأمريكى

أنا الذى سيفتح الراديو أولا على محطة نيويورك -

أنا أنتمى لدولة عظمى..

واستسلم الآخران لرغبته بعد أن تحركت فى نفسيهما هواجس

الشك فى نوايا هذا الأمريكى الذى لم يكن أفضل منهما بحثا ولا

اغزر علما..

وبمجرد ان فتح الأمريكى المحطة الإذاعية..

كانت تنظرهم المفاجأة ..

الشديدة
رباه... ما الذى يحدث؟

!!

أتاهم صوت مذيع عربى بلهجة سودانية خالصة.. ليشق الصمت

قائلا..

سيداتى سادتى  ..
هنا اذاعة السودان الكبرى .. نيويورك سابجاً

كان هذا معناه أن السودان احتلت أمريكا خلال الـ100 عام الماضية

..

وضيقت على الأمريكيين حتى فى وسائل الإعلام

ولم يسنطع الأمريكى تحمل الصدمة .. فمات لوقته..

لم يكد يقع على الأرض حتى بدأ الصينى والمصرى سباقهما نحو

الراديو..

وسبق الصينى بقوله للمصرى..

اسمع ياحبيبى انا من دولة نووية -

أنا الأول ..

وبالطبع لم يستطع المصرى ان ينبس ببنت شفة .. وهو يلعن أبا

الذى جعله فى هذا الموقف من الحكام العملاء الهلاهيل..

وكانت أيضا مفاجاة..

ما هذا الذى ينطلق من إذاعة بكين

..!!

انه صوت مذيع صينى يقول بلهجة صينية ..

ان الرئيس الصينى يشكر الصومال على ما قدمته للصين من

معونات هذا العام مما جعل الصين تدستطيع الصمود لفترة أطول

أمام حالة الفقر المدقع التى اصابتهاكانت ايضا مفاجأة صعبة

للصينى فلم يملك هو الآخر خيارا إلا ان يفقد وعيه بدوره

وعندها كان المصرى يحدث نفسه..قائلا..

يا سلاااااااااام -

تلاقى مصر دلوقتى هى الدولة العظمى .. وتلاقيها صاحبة نووى

وذرى وهيدروجينى كمان

لم يستطع منع نفسه من الوثوب الى اقرب مكان من المنضدة

لقلب موجة الراديوا على إذاعة جمهوية مصر العربية

ليُصعق بدوره هو الآخر.. عندما سمع صوت المذيع قائلا..

وهكذا يؤكد الشعب المصرى حبه وتأييده للسيد الرئيس

 

 (....أبو جمال...)

 

نحن نؤيد ونبايع السيد الرئيس

 (...أبو جمال...)

 لفترة رئاسة جديدة

 

قادمة..

 

 

وتنطلق الأغنية المحفوظة على مر العصور والأجيال..

 

اخترناه .. اخترناه

السلطان سعيد بن حسن آل أبو زيد

الموضوع منقول من بعض الاميلات المرسلة

 

أواخر الشتا

 

من قصيدة (أواخــر الـشـتــا)

للشاعرة/ إليسا أبو ماضى

 

كنا فى أواخر الشتا قبل اللى فات

زى اليومين دول عشنا مع بعض حكايات

أنا كنت لما أحب أتونس معاه

أنا كنت باخد بعضى واروح له من سكات

 

أجب عن الأسئلة التالية:

 

1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟

2- فى أى فصل من فصول السنة كتبت هذه القصيدة؟ (مستدلا على ما تقول)

3- علام يدل التعبير (أنا كنت باخد بعضى وأروح له من سكات)؟

4- أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟

5- اختر الإجابة الصحيحة مما بين القوسين:

 

 

الجمال فى قولها (عشنا - معاه): (تصريع - جناس - حسن التفات)

(أروح له من سكات) المقصود بها: (دكاكينى - دحاليبى - ذرابيئى)

مصدر كلمة (أتونس): (تَوَنًّس - تُونِس - تَنَاسَى)

(زى اليومين) مجاز مرسل علاقته: (الكلية - المدرسة - الحضانة)

*****

 

والناس فى عز البرد يجرو ويستخبو

وأنا كنت باجرى وأخبى نفسى قوام فى قلبه

ولحد لما الليل يليل بابقى جنبه

وأفضل فى عز البرد وياه بالساعات

 

أجب عن الأسئلة التالية:

 

1- هات من الأبيات مضاد (النهار), وكلمة تؤدى معنى (معاه)

2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.

3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)

4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!

5- أيهما أفضل (ولحد) أم (ولغاية)؟ ولماذا؟

 

*****

 

 

على سهوة ليه الدنيا بعد ماعشمتنا

وعيشتنا شوية رجعت موتتنا

والدنيا من يوميها ياقلبى عودتنا

لما بتدى حاجات قوام تاخد حاجات

 

أجب عن الأسئلة التالية:

 

1- اختر الإجابة الصحيحة مما بين الأقواس:

 

 

 

(على سهوة) تفيد: (السرعة - العجلة - الموتوسيكل 'البجاج الهندى أبو 7')

(عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعة)

كلمة تؤدى معنى (شوية): (بعضشى - حفان - قيمة مقطف)

المقصود بـ (يوميها) فى الأبيات: (يوم العاركة - يوم الخناقة - يوم الكرامة)

2- اشرح الأبيات شرحًا مفصلا باختصار.

3- أيهما أفضل (ياقلبى) أم (يانضرى)؟ ولماذا؟

4- يتضح فى الأبيات أن (الدنيا ملهاش أمان .. خالص). وضح ذلك مستدلا على ما تقول.

5- استخرج من الأبيات مايدل على:

 

عشمنى بالمحبة وشعلقنى بالهوا، حايلته حبة حبة زودها واتلوى.

زألطنى الحب زألوط، نمت فى بنها صحيت فى أسيوط.

*****

 

وسط الشوارع ناس كتيرة مروحين

والناس ياقلبى هما هما وهو فين

وأنا ماشية باتلفت وباسأل كل يوم

بيعمل إيه دلوقتى وبيحلم بمين

 

أجب عن الأسئلة التالية:

 

1- يتضح فى الأبيات الشوق اللهفة وتطلع الشاعرة لرؤية (اسم النبى حارسه). اشرح

2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور.

 

3- فى الأبيات لوحة فنية رائعة للناس اللى مروحين والمطرة اللى خلصت وبعد ما الخناقة انفضت قام شريف الظالم أفكار يا أفكار فين راحت أفكار؟! رد ابنه عليه ومنين ارتاحت أفكار ما انت السبب السبب يابا فرقت بين حبيبين آه يابا آه يابا على قلبك فرقت بين حبيبين أفكار كانت راحة ابنك وابنك كانت راحة أفكار. نسيت كنت عايز أسأل فى إيه.

4- لماذا غضبت أفكار وتركت البيت؟ ولمَ كثر عتاب الابن لأبيه؟

5- ((حُذف من قِبَل الرقابة))

وصيه رئيس لأبنة

 

استدعى   الاب ابنه لغرفته وما ان رأه امامه الا وبادر بتوجيه هذا   السؤال


الاب :  هل تعرف يا بنى كيف تحافظ على الثروه اللى هتورثها من بعدى


الابن:  طبعا يا بابا دانا تربيتك


الاب :  يعنى هتعرف تربى الكتاكيت زى ما انا ربيتهم


الابن:  ( باندفاع وحماسه الشباب ) اكيد


الاب :  طيب هات الكرتونه اللى فيها الكتاكيت دى


سارع الابن باحضار الكرتونه ووقف امام ابيه


الاب :  اقلب الكرتونه على الارض وورينى ازاى هتقدر تلم فيها   الكتاكيت


وبسرعه   قلب الابن الكرتونه وما ان رفعها حتى انطلقت الكتاكيت فى ارجاء الغرفه واندفع الابن خلفها يحاول جمعها مره اخرى


لكن   هيهات , وبعد ان ادركه الفشل وقف امام ابيه وقد ارتسمت على وجهه البلاهه والغباء ولم يوقظه الا صفعه قويه من ابيه


الاب :  شوف يا بنى اللى هاوريهولك .... ده خلاصه 27 سنه فى تربية الكتاكيت


ثم اخذ  الاب الكرتونه بعد ان جمعا فيها الكتاكيت اخذ يهزها   بقوه يمينا ويسارا وسط صراخ متواصل من الكتاكيت ما لبث ان تلاشى


وانقطع نتيجه ما اصابها من اعياء


الاب :  الان فقط نقلب الكرتونه


وما ان  رفعها الا وشاهد الابن الكتاكيت لا تحرك ساكنا مما اصابها من اعياء ودوار ثم قام بتعبئتها فى الكرتونه بمنتهى


السهوله واليسر

الاب :  دلوئتي يا ابنى اتعلمت اهم حاجه فى تربيه الكتاكيت وهى :

اتعبهم يريحوك لكن لو ريحتهم هيتعبوك    

عيد ميلاد

 قالت: اهواك بلا شك هل تطلب مني إثباتا ؟

فأجبت: نعم هاتي قبلا تحيي في قلبي الامواتا
فغدا احتفل بميلادي وبعام من عمري فاتا فتعالي فلدي جاتوهاً وسأذبح عجلا او شاتا
وأقيم سرادق أفراح وسأعزم فيه البهواتا

فخذي تاكسيا سيدتي قولي وصلني الكيت كاتا
فأجابت: الفا مبروك وغدا أهديك الشيكولاتا

وغدا بعثت بهديتها فإذا بحذاء من باتا.

منقووووووول

www.youtube.com




on line ناس

 تفتكروا الدنيا كده

.... on line.....فيها ناس

على طول جنبك ولو احتجتهم تلاقيهم دايما جاهزين

 

.... off line....وناس

دايما مش موجودين حتى لو كانو قريبين

  

.... away ....وناس

بعدوا من زمان وغابوا من سنين

 

.... Busy ....وناس

على طول مشغولين وبيجروا ومش لاحقين

 

.... out to lunch ....وناس

 عايشين علشان ياكلوا وعلى الدنيا ميتين

 

.... blocked ....وناس

جرحونا كتير وبوجودهم مش مرغوبين

 

.... Delete ....وناس

تعبونا معاهم وعلى فراقهم قادرين

 

.... sign in .....وفيها اللى عملوا

دخلوا وباللي مستنيهم مش عارفين

 

.... sign out ....وفيها اللي صاروا

راحوا بس فى قلوبنا محفورين

بس يا ترى انت مين فيهم؟

نصب عالماشى

 

عندما اشترت لينا الفرخة ب 50 قرش فقط . ولم يصدق زوجها نفسه . مش ممكن مش معقول
حتى صدمته بحقيقة الصفقة ' القفص فاضي ب 15 جنيه '

وللأسف صار هذا هو شعار المرحلة . . وسياسة التعتيم والتعميم . التعتيم يعني عدم التصريح بالحقيقة وبواطن الأمور. والتعميم يعني أي حد بيبيع أي حاجة لازم يلبسنا العمة .

............
البرامج المستفذة اتصل ب 0900 .. واكسب مليار جنيه ... وأجب على السؤال التالي مين قام بحركة عرابي . 1- أحمد عرابي. 2- محمد هنيدي 3- أبو تريكة

اتصل واكسب المليار.. وطبعا كذب في كذب
ولو صدقوا فهي مقامرة رخيصة. ويا ريت بيصدقوا. كله شغل نصب واحتيال. والشركة المصرية للإتصلات بتلاقي عليها كذا مليون جنيه للخدمة الصوتية. فبتوزعها بعشوائية على الفواتير. والناس تصرخ وتصوت من الفواتير واسعارها

...........
المصرية للسيارات. طبعا معروفة . بتنزل كل يوم جمعة تقريبا إعلان في الأهرام . بأسعار السيارات . ياخدك الحماس وتطلع على المصرية علشان تشتري سيارة تتناسب مع إمكاناتك. تفاجأ ان السعر اللي في الإعلان سعر وهمي. ويقولك السيد مندوب التسويق إن الباقي بيتدفع عند الإستلام . وان العرض المكتوب مقدم السيارة فقط. وتجد ان سعر السيارة أغلى من أي معرض آخر
............ .
دريم لاند بتاعت أحمد بهجت .. ناس أجانب أصحابي على نياتهم شافوا الإعلانات صدقوا. فحجزوا وحدة في دريم لاند سنة 99 . على أساس يقضوا أجازاتهم في مصر لأن لهم شغل هنا. المفروض كان استلام الشقة في سبتمبر 2000 ..
عدى 2000 ... و 2001 .. و2002 .. و2003 .. و 2004 . و2005 .. و2006 .. ولا في شقة ولا غيره وكل ما ينزلوا أجازات بينزلوا على حسابهم في الفنادق.. حاولوا يستردوا فلوسهم من دريم قالولهم في الدرييييييييييييييييييييييييمز إن شاء الله

'هنعرض الشقة للبيع ولما يجيلها زبون ويشتريها . هنخصم منها 20 % والباقي يرد على أقساط على 10 سنوات '

............ ...

معظم البنوك وعلى رأسهم سيتي بنك . يعمل للواحد البحر طحينة . ويعدد في المزايا والتسهيلات الرهيبة لتكون عميل في سيتي بنك. وأول ما تعمل فيزا أو ماستر كارد . تلاقي النصب الرسمي والربا الفاحش والإحتيال المقنع. والحكايات كتير مع سيتي بنك .
............ .......
المطاعم ومحلات الوجبات السريعة . إعلان 10 متر في 10 متر. السندويتش العملاق الصاروخ الميجا الخ ............ . وصورة أد الأوتوبيس مكتوب تحتها صورة بالحجم الطبيعي.. تتحمس وتدخل المطعم تبقى جعان وخلصان . وتدفع وكلك ثقة ان السندويتش الجديد هيكون مختلف تماما عن اللي فاتوا. لأ المرة دي هيكون كبير بجد . أنا ممكن اللي يفيض أخليه يلفه . وأعزم الشارع كله عليه .
Error! Filename not specified.
وتيجي الصينية وفيها حاجة ملفوفة في ورقة شكلها حلو. يا دوب أد كابسولة الفيتامين .... أمال فين السندويتش

Error! Filename not specified.

تفتح السندويتش تلاقي نصه خس. والنص التاني بصل ... وحتتين طماطم . وشكرا
Error! Filename not specified.

تبلعه .. بشوية مية . وتجري على أقرب عربية فول وتاكلك كام رغيف وانت متنكد ومتحسر على الفلوس اللي اتدبست فيها .

............

ولا بتوع تايم شير اللي مغرقين البلد . بيبيعوا الهوى . اسبوع مصيف في أي مكان ب 50000 جنيه متجدد كل سنة. ادفع الآن واحصل على خصم 6000 جنيه . ويفرجك على صور من هنا لاسوان . جميل هايل

طيب حضرتك . أحب أشوف الموقع وأخد فكرة عن التجهيزات . يحمر ويخضر ويصفر. موقع ايه . احنا بتوع مواقع ادفع وإلا هتروح عليك الفرصة. وطبعا معظم ضحاياهم من العرب والأجانب اللي موش عارفين احنا وصلنا لحد فين . والنصب عندنا أخد أشكال ايه .
.....
من غير زعل وللأسف النصب أصبح إدمان لدى معظم الشعب المصري. ولدى معظم المؤسسات التجارية . واللي موش نصاب ميعرفش يعني ايه التزام. وبيضيع حقوق العميل ويبهدله ويمرمطه وده ميفرقش كتير عن النصب
..

نصائح لازم تتبعها في مصر

1- إياك ثم إياك ثم إياك من شراء شقة على الورق. أو لسة هتتبني . ودفعة حجز ودفعة استلام ودفعة نصب. لازم تشوف الشقة بعينيك وتمسك مفتاحها بإيدك وتراقبها يومين تلاتة وتسأل عنها علشان تتأكد أنها ما اتباعتش ل 2 . 3 قبلك

2- اي حد يقولك حضرتك احنا شركة ......... عندنا عرض ... قبل ما يكمل قل له شكرا وسيبه وامشي

3- أي شخص يقول لك مبروك انت كسبت معانا. قل له ما تاخد انت الهدية . وتتكل على الله

4- أي شخص يوقفك في بنزينة بعد ما تمون . ويقول لك حضرتك احنا عاملين حملة دعايا و هتكسب معانا هدية و ......... قل له أنا موش متزوج علشان دول بتوع التايم شير. يا عيني اتفقسوا في كل حتة فبيمشوا يشمشموا في أي بنزينة .

5- أي حد يديلك سعر وهمي أو معلومة وهمية أو حاجة ببلاش متصدقش. لأن السما مبتمطرش فلوس

6- وأهم حاجة خذ حذرك لأن

القفص فاضي ب 15 جنيه

ويا عالم بكرة ممكن يحصل ايه . يمكن نصحى الصبح نلاقي المهلبية المضروبة مغرقة السوق

لَقِّم المحتوى