????

د حاتم البيطار اسف على الازعاج

اسف على الازعاج

انا فعلا لما شفت الفيلم حسيت انه لمسني بشكل او باخر
لان الفصام تقريبا عندنا بس بدرجات
شخصية حسن وهو حاسس طول الوقت انه مضطهد من الاخرين
وتخيله بشخصيات موجودة
جمال الفيلم هو مطابقته بالواقع

انا شخصيا كنت ساعات بستدعي شخصيات مرت بيا واتذكرها واقعد افتكر عملت ايه دلوقت
وكنت بسرح مع ده وقت كبير
ويمكن لما عيشت لوحدي حسيت اني محتاج حد اكلمه
الموضوع تفاقم ايام سيناء
وقعادي لوحدي مدة طوويلة علمني ازاي اتعايش مع الواقع مهم كان مرير
وده اللي حاصل دلوقت
بس الفرق بيني وبين حسن
اني متفهم ده ومش بوصل للمرحلته

احب اتصالح مع نفسي ومع الناس كلها
لو زعلت حد يوما بفعل او كلمة او حوار
او حتى نظرة ان يسامحني
ويغفرلي
وبتاسف واقوله
اسف على ازعاجك

د حاتم البيطار

د حاتم البيطار اكشف حساب 2009

كشف حساب2009

لما فكرت ايه كشف حسابي للعام المنقضي فكرت كتير
هو العام ده كان كبيس عليا انا بس ولا على العالم كله
فيه الحلو وفيه الوحش
الحلو
اني قضيت عام من الانجاز في مجال عملي
انضميت للمكتب الوزير في برنامج تطوير المستشفيات
وحصلت على شهادة دبلوم الدراسات العليا في علوم الليزر الطبي للطب الاسنان
وهو اول خطوة (تمهيدي ماجيستير)
حصلت على تريب مكثف 90 ساعة تدريب في ادارة المستشفيات
يمكن اشتهرت في منطقتي كاخصائي وجراح اسنان ذو شأن
واصبحت مقدر من شركات الادوية اكثر (بدليل تصارعهم عليا)
انفصلت عن عائلتي واصبحت معتمد على نفسي بشكل كامل
رجعت من الوزارة للمكان عملي الاصلي مع تسلمي
قيادة المركز مسائيا (غرفة طوارئ انفلونزا الخنازير)
اترشحت رسميا للعدة مناصب لكن مالهاش نصيب معايا
(مدير مركز المعلومات بمديرية الصحة بالقاهرة
منسق جودة ونائب اداري بمعهد ناصر
منسق جودة ومكافحة العدوي بمستشفى الشيخ زايد
عدة عقود بالسعودية بعدة اماكن منها الرياض جدة جيزان ......
صلحت علاقاتي بصلة رحمي واصدقائي
كسبت علاقات كتير اثناء عملي بالوزارة-العمل الخاص
اصبح إنتاجي الأدبي اكتر ورسومات التشكيلية اغزر وبخاصة بالتحبير والرصاص
طلوعي كذا قافلة طبية تبع عدة جمعيات خيرية
نزول عدة مقالات في الصحف (صحيح من غير فلوس)بس الفوز الأدبي أسمى ألان
صحيح مكسبتش فلوس بس الحمد لله صحتي كانت كويسة وديها احسن وكان بالي شبه مرتاح
التوتر ده العادي طبعا

الوحش (الحمد لله)برضك

فشل في علاقاتي الخاصة من حب للخطوبة يا قلبي لاتحذن
نزول عدة كيلو هات لا تتجاوز اليد الواحدة
نزيف الصرف المالي وقلة الادخار بشكل قاتل من بعد استقلالي الكامل
خروجي من مكتب الوزير
تقصيري في حقوق ربنا (وبتدارك ده بشكل سريع)
كسلي في كتابة عدة مقالات مازالت متخزنة في درج مكتبي تعدت ال50 مقال قصة شعر
عدم شرائي موبيل محترم (بلاك بيري او ما شابه)مع لاب توب محترم عشان
اكتب شغلي اثناء الوقت الفاضي
معرفتش اوصل لكل طموحاتي الأدبية والفنية لان سكريبت فيلمي مازال في الرقابة
وتعاقدي على طباعة كتبي وديواني تحت البحث
فشلي كمورد ادوية وعمل بزنيس ادوية مع عدة موردي ادوية
فشلي في ايجاد وظيفة تانية للتحسين دخلي
فشلي في شراء عربية نص عمر وشقة من بتوع اسكان الشباب
وعدم تقديمي في مشروع ابني بيتك او تطليع رخصة خاصة
عدم حصولي على منحة كنت موعود بيها
التوتال
مرضي واحصل على درجة مقبول تقارب الجيد
نسبة
65%

د حاتم البيطار

د حاتم البيطار سكن الاطباء

حلقة جديدة
سكن الاطباء

زي ما قلت ان المستشفى بعد اكتر من خمس سنوات
اتغيرت وده بعد ما عرفت من ناس لسه موجودة وبنتكلم مع بعض اثناء المناسبات
والسكن كان جزء منه في المستشفى نفسها زي معظم السكن
بس اللي كان موجود كان متاخد من عنابر مرضى وكان لا صحي للمرضى ولا للدكاترة
وبعدين التمريض كان محتله
ومتجول فيه
المهم زي ما قولتلكم اني اول لما جيت استقبلني دهشام اللي عامل نفسه مدير المديرية
وعرفني بكل الافراد
وتهكمهم عليا
من تقديم واحد من التمريض على انه اخصائي عظام
المهم قابلت دكتور بدقن شكله سني من شكله
فرحب بيا
وقالي هتقعد هنا معانا ولا مع التانيين بجز سنانه كده
فقولتله أي حاجة
المهم دخلت الحمام صدفة لاجد انهم بيحولو المية من الخزان لان المواسير بايظة
والقعدة بايظة ومفيش ولا كرسي صالح للاستخدام
و كل فرد عامله ناموسية من ايشارب وعمودين كده عشان الناموس والذباب
اذكر ان الناموس كان جبلي
وتشوف دمك في خرطوم الناموسة وارتوت من دمك
وغلس مش بيمشي
يعني تموته تارك خرطومه في جلدك
وده الاهون هناك عن الحيات والعقارب
اللي اول احتكاك كان في العيادة لما مشيت على الخرم حوالين الماسورة ووقع في الحوض
ولان الحوض مكور فبيزحلق العقرب كل لما بيطلع يقع تاني
وقتله سامي الممرض بحذائه
قائلا اتعود بقى يا دكتور ده حاجة بسيطة
وانا واقف مذبهل
المهم حسيت ان السكن ده مش ولا بد
واستغربت الدكتور السني ده ازاي مولف مع التمريض
وفهمت ان فيه ولد ممرض سني وهم اول شلة
والشلة التانية الهليبة
ودول اللي بيهلبو من أي حد وكل حد يشوفوه
مرضى دكاترة موظفين عمال طوب الارض بيمصلحوه او بمعنى ادق
يكلكشوه بلغتهم
أي يفرغو جيوبه
وليهم طريقة في عمل ذلك
انهم بيحاسبو الحالة بمزاجهم ويطلعو للمستشفى الاقتصادي
قانوني يا معلم
وطبعا لو حالة سياح الكلكشة باليورو او الدولار لان ليهم ميديكال انشورنس

سكن الاطباء 2
المهم وانا بمشي مع د هشام روحنا السكن الخارجي وده المستشفي بشوية
مش بعيد بس انظف ومور برايفسي
اقصد اكثر خصوصية
ومفيش احتكاك بالتمريض اللي عشان تعمل معاه شخصية لازم تكسر عينه بالفلوس
وياما تكلكش معهم واما تكون عدوهم
المهم دخلت الدورالاول لاجد
جراكن جنب الباب
ومطبخ اكثر ما اثرني الحوض مليان مواعين ممكن معدي عليها شهر
وصفيحة زبالة ريحتها معتقة
والارضيات مليانة اعقاب سجاير
وكل دكتور نايم على سرير بشورت بس
ماهو كان اغسطس وهناك حر مووت
وجو جبلي
بس الملاحظ ان قلة النظافة متوطنة
وان مفيش ولا سرير موجود سليم لو بملة مفيش مرتبة وهكذا
والشقة ديه ساكن فيها
دكتور خلاص هيخلي بعد شهرين ومش فارق معاه
وكل اكله من برا وهو اللي مالي الارض اعقاب
طلعت الدور التالي
لاجد شلة غريبة
متنفرة شكلا ومتناسقة مضمونا
واحد تخين وواحد رفيع واحد طويل وواحد قصير
وكلهم جامعة الزقازيق وبيلعبو استمشن
وكلهم بالشورت والحمالات كانهم بيلعبو سلة مش استمشن
المهم البرتيتة ديه ليل نهار ومش بتقف الا عن مواعيد الامضاء والطعام
ونزول البحر
وهشام المخضرم مع الماشي المخضرم الاكبر
المهم نستلم الجماعة الاولي
السنية ودول في اوضة وبيسمعو قراءن وشرايط دين محمد حسان واخرين
مالهمش في الكلكشة
ودول ضد جماعة السكن الخارجي على طول الخط
جماعة الاستمشن
اصدقاء دراسة بقى وشلة متماسكة فيهم المخ والعضلات سويا وكلمتهم واحدة وهم ميالين
لكسب الماشي وهشام
ودول بياكلو لوحدهم وبيعملو ميزانية لوحدهم خالص
افتكر بدران ده كان طباخ درجة اولي
المهم كانو بيخلصو علبة سجاير في دور الاستمشن الواحد
وعاملين دفاتر التذاكر الحمرة الطبعة الثالثة يعرفها الصيادلة
كشكول للتسجيل ناتيجهم
وكانو في شقة لوحدهم
منفصلة
بينزلو البحر مع بعضهم
الغريبة لما يقابلو شلة التمريض على البحر ميتجانسوش لاني لما نزلت معرفتش اندمج مع شلة الهليبة ولا الاستمشن
ولا هشام ولا الماشي
ولا السنية
المهم هشام والماشي
دماغين في العلالي
هشام محتل البرايفت بتاع عيادة هناك ومش فاضي للعيال (أي جديد بالنسبة له
حد هيرسم عليه ودايما لابس فانلة الاسماعيلي او ترنك مش ترنج بوما تقليد)كان من المنصورة
والسيجارة في بقه وعينه حمرة
وهشام الاكثر قدما من المحافظ نفسه
شاب له كريزما من الغربية عامل دويتو مع هشام ومتفاهمين
تحسه متزن زطول الوقت بيلعب دور الراجل الغامض لا بيشترك في لعب كوتشينة ولا أي اكتفتيتي معانا
ودايما مع المعسكرا ت الشبابية معلق مع بنات تونس والعراق وما شابه
فلوس وفسح وحوارات
ودايما يجي بليل اوي عشان ياكل أي حاجة في الثلاجة ولو رغيف يابس
بعلبة زبادي

سكن الاطباء 3
اخر شلة العواجيز
وهم طارق جلدية(اسمعيلية)وده تحس انه تايه وموبيله ملغم طول الوقت
وده بيبات مع المدير واصحاب وماشي في ديله يتسولو القعدات مع ده شوية وفلاني شوية
وبياكلو مع بعض
وعمره ما كمل عمالة وكان مسجل دبلومة جلدية ومكملهاش وده طلع عليه اسمه
ونصر ده حوار الحوار دايما مظبط نفسه على الغدا حاجة غريبة يصادف انه بيجي لما خلاص هناكل
وعمره ما شارك بتعريفة من الشرقية
وعنده حقد على الجدد لانهم بيمشو وهو قوة اساسية خلاص
وجاله امراض الشيخوخة بدري من كتر السفر وروماتيزم كل لما كان يشوفني يحكي عن الالم اثناء سفره
رغم انه كان ساعات يعدي شهرين ومينزلش
وحججه جاهزة دايما بس ساعة القبض اول واحد
دايما قط وفار مع أي حد جديد
مجموعتي اللي كونتها بعد كده وزادت بعد كل حد استقطبته
كنت بقعد مع دكتور نسا بينفذ يعني 6 شهور منوفي
بس ايه راجل كاره نفسه وكاره سينا
لانه كان المفروض يتعين في الجامعة ومحصلش
المهم انا اكتر واحد كنت بحاول اتنقل بينهم
لاني اولا اجدد فرد
ثانيا وافد على جماعات اتشكلت وصعب اتأقلم مع حد
اول احتكاك بالسنية قفلني منهم للابد والاستمشن
كانو دايما معهمش فلوس اثناء الشوبنج وكذا مرة ادبس في حاجة ليهم
ودايما بينسو يحاسبو في القهوة ودايما عايزين يعرفو كرم القاهريين الفرافير
وديه نظرية الوجه البحري
كله ان أي قاهري فرفور ميعرفوش الاحياء الشعبية شكلها ايه
يالا الصيت ولا الغنى
المهم حاولت الاندماج مع المود العام
فقررت اشوف الجو فقولت
اشوف بياكلو فين فرحت ميس المستشفى
لاجد الطباخ هو اللي شايل جثث حادثة الصبح
وبيطلع صينية الغدا من الثلاجة
والمعلقة مظليطة خالص وشكل الالكل
حد كان واكل فيه قبلي فاستعفهم لفافي اللي هو انا
المهم لسه بمشي لقيت بيجهز الجاف
وهو علبة مربي و4 جبنة ورغفيين وقطعة زبدة لورباك
وقرطسين واحد شاي والتانس سكر
ميعملوش ربع كبية شاي
المهم
قرفت من اكل المستشفى وقررت اخش مع الاستمشين لان بدران ده بيطبخ
لقيتهم مشيليني الدرتي ورك
و طول الوقت بلعبو الاستمشن وانا الل ي بتابع الاكل لاني مش بعرف اطبخ
المهم خلصت عاملتهم واستنيت لوحدي في السكن
لاقوم بازالة جميع اثارهم من العمالة كاملة
مش هطيل عليكم
اني بدأت استقطب كل من اتوسم فيه الصلاح
حتى كونت شلة
من اطباء واحد من الغربية واخر منصورة واخر بني سويف ازهري
واصبحنا الثلاثي المرح
عوكاشا وعبد الخالق وحاتم
ننزل البحر سوا
وناكل سوا

حتى حدثت المفاجاة
انتظروها قريبا

انتظرو سكن الاطباء 4

د حاتم البيطار انا مين؟

د حاتم البيطار انا مين؟

انا اللي غربته علمته يكون انسان
انا اللي وحدته بقت احلى من كل مكان
انا اللي كلمته زي حد السيف على البنان
انا اللي حبه تضحية وسكوت واناان
انا اللي بسمته بعيدة الشطئان
انا اللي دمعته تملي الكئوس اطنان
انا اللي سمعته جنيه دهب وعرفان
انا اللي سكته طريق واحد فيضان
عرفتو انا مين
انا د كتور حاتم حمدان
وطبيب جراح اسنان
http://www4.mashy.com/cfriends/photos/41fa93aa820ea53a381a655d509524cb.jpeg

http://www4.mashy.com/cfriends/index.php?mode=listing&act=show&lst_id=2450

د حاتم البيطار قلب الرجل زي المحيط ايضا

قلب الرجل زي المحيط ايضا

ربما الكثير شاف فيلم تيتانيك
وكان مركز مع الاحداث او السوبر برودكش الفذ
والقصة المتميزة وجمال الابطال
لكن لن اتوقف بعد كل الزمن ده واتكلم عن فيلم دخلته اكتر من مرة في السيما
وشوفت مئات المرات فيديو (مكنش الكمبيوتر انتشر بالشكل الحال)للدرجة ان
صاحب نادي الفيديو سجلهولي شفقة منه
من كتر المشاوير للاسئجاره
في جملة من روز الكبيرة
على لسانها
ان قلب المراءة زي المحيط مالوش اخر
وانها حبت جاك واحترمته جدا لكنها اخفت علاقتها بيه عن زوجها
اللي انجبت منه حتى وصلت للسن ده

والجملة ديه لم اتوقف عنده الكثير لكنها عجبتني
ولم اكن اني هستعين بيها يوما

لنفترض ان شاب حب واحدة حب
نقي حب لم يعرفه يوما
للدرجة ان شكل حبيبته لم يراها يوما
ولكنه كأنه يعرفها من سنين
لم يخجل منها حبها بكل جوارحه
رغم انه شاب له تجاربه
ورغم ذلك يحب كما قالت ام كلثوم
قبل ماتشوفك عيني عمري ضايع يحسبوه ازاي عليا
كتير هيقولو ما يتجوزها ويستريح ويريحنا
لكن حبيبته ديه ليها ظروف تمنعه من الارتباط
وهو عشان انسان بيتمنى لها السعادة ولو على مصلحته
والله بيتمنى لها السعادة ولو مع غيره
من كتر حبه ليها
لما الواحد يوصل لمرحلة تمنى السعادة للطرف التاني ولو مع غيره
يبقى ده قمة الحب
عشقها نعم
حبها يمكن اكتر من نفسه
بما يسمع صوتها يرتجف ويشعر ان قلبه بخرج من صدره
اصبحت محور حياته
ولكن دائما ما يفكر في سعادتها
نعم احبك ولكني اتمنالك الحياة مع من اخترتي يوما
وبيتلاقي روحينا ثانية ريما في حياة اخري
وفي جسدين اخريين
نعم اؤمن بتناسخ الارواح
واؤمن بالحب بالسمع دون النظر
انه الحب الاسمى من يحب دون ان يعيش مع حبيبه

لم يكن يريد لها الضرر من علاقته بها
قرر ان يرمي تميمة حبها في قاع قلبه
ولن يتحدث عن هذة العلاقة
التي عاش فيها ورغم قصرها احلى مشاعر ولمس قلبه وعقبه
وهو من كان يؤمن ان قلبه لن بلاقي عقله في
اي علاقة حب

نعم احبك ولكن
سارمي قصة حبنا في اعماق قلبي
وليكن قلبي بعمق المحيط
من يغوص فيه لن يسترده احد
غوصب الان في اعمقي لان حبك تمكن من
اعمق اعماق نفسي وروحي

هذة المدونة للذكري حبنا
وبعد اخر مكالمة بينا انتي
طلبتي ان ابعد عنك
وسوف ادوس على قلبي وروحي واتألم
تعرفي لما حتى تعيشي في سعادة
ولتعلمي اني سوف ادعو لكي
وسانسحب من حياتك كما طلبتي
ولن اضايقك بحبي الذي يقتلني
لان الواحد لن يمر بتجربة حب كهذة الا مرة واحدة ومن حظي العاثر انها مرت
كما قلت ساعتبرك واحدة من بنات افكاري وطيف مر امام عيني لثواني
او كلمعة من لمعات الفضاء
مرت دون ان اشعر
اعلنها على الملئ اني احبك ولكن
حياتك وسعادتك اهم
يعلم الله كم تألمت وان اخط هذة الحروف
لكن التضحية في الحب هي
قمة العطاء
ولو طلبتي روحي لن استخسرها فيكي
يا من شحنتي قلبي وروحي وعقلي في اان واحد
اتركك الان
في اعماق قلبي
واتحسس قلبي حتى اتأكد انك موجودة
بحبك

د حاتم البيطار
الساعة الثانية والنصف صياحا
19/1/2010
صورة ليا معبرة عن الحالة ديه

http://www4.mashy.com/cfriends/photos/1a3982cdf69d5482cfdf8c16f8350a25.jpeg

د حاتم البيطار شارك بصوتك في حملة اطباء الاسنان

ياريت تشاركوني في حملتي
باللنك
http://www.batalaa.com/play-187.html
التغيير

اين حقوق طبيب الاسنان؟
مساواة اطياء الاسنان بالبشريين ادبيا وماديا وفي الوظائف القبادبة والادارية
كاتب الحملة : د حاتم

اخبار خفيفة اككيد منها
عن اطياء الاسنان
المهنة دايما بتحكم

منقولة من مجلة بص وطل

تخلع ضرسها و"زوجها" عند طبيب الأسنان!!
تحولت زيارة زوجين إلى عيادة طب الأسنان في السعودية بغرض خلع ضرس الزوجة إلى "طلب خلع" تعتزم رفعه ضد زوجها، إثر خلاف نشب بين الطرفين خلال تواجدهما في العيادة. وأثناء تألم الزوجة من ضرسها جلس الزوج يتحدث مع موظفة الاستقبال الآسيوية، مما أوقد نيران الغيرة في نفس الزوجة التي بدأت في كيل السباب له بتهمة الخيانة على مرأى ومسمع من المراجعين، رغم محاولاته تهدئتها وإفهامها حقيقة الأمر، إذ كان يتفاهم مع الموظفة حول ارتفاع تكاليف العيادة، ولكن دون جدوى، ما دفع بالزوج إلى مغادرة العيادة وتركها تتألم في العيادة إلى حين حضور شقيقها واصطحابها إلى منزل أسرتها.

انتي فين وحشانا والله يا نو القمر

انتي فين وحشانا والله كلميني من فضلك
د حاتم البيطار
د حاتم البيطار

انتي فين وحشانا والله كلميني من فضلك
استشاري اسنان وجراح الوجه والفكين
موبيل
0105684344

حرر رد

د حاتم البيطار قافلة الخير بكفر دار الكتب بمحافظة القليوبية

http://www.futurepharmacist.net/forum/showthread.php?t=8947قافلة الخير بكفر دار الكتب بمحافظة القليوبية
جمعية رسالة الخيرية فرع شبرا
مش عارف ابدأ منين ,لكن الحماسة واخدني بجد لان ما تم انجازه
مرضي على الاقل بالنسبة ليا رغم من يقوم بعمل تطوعي
لن يشعر باكتماله وهو ما اشعر به وهو كماء البحر لا يروي عطشا وهو ما يجعل الانسان دائم محب للعمل الخير ومائل له حتى ولو كان كائن مؤذي بطبعه
في اعماق اكثرنا نقطة بيضاء مشعة دائمة الوميض كالليزر
يخرج من نقطة لليصل الي مالانهاية
مش هتفلسف وهخش في الموضوع
من يومين بالظبط تم الاتصال بيا من اعضاء رسالة للمشاركة بقافلة لاحدى القري وعلى الفور ودون تفكير في ظروفي المعقد هذة الايام والله اعلم بمدى صعوبتها وافقت لعدة اسباب
حبي للعمل الخير وتعودي على طلوع قوافل من ايام مساعدة
واحساس الفرد باهميته للمجتمعه لان مش كل من تبرع بملايين هو المهم
المهم هو كيفية تقديم الخدمة /بجد بيكون شعور مهم باهميتك كفرد وخدمتك للمحيطك
وابتغاء رضاء الله وكم الدعوات والخير وتوسيع الرزق
لكن احساسي بتوسيع معرفتي بناس بجد قلوبهم خضراء بجد
وفعلا لم اكن اتخيل ان ده بينقي النفس كمن نزل لليغوص في اعماق المحيط لليخرج كالماسة
والله العظيم ان القافلة ديه بتوقيتها ده غير من نفسيتي وقد اخبرت احد المتطوعين بذلك (ابراهيم)ورغم الصعوبات من تلاقينا
وبيرقورطية من احد مديري المديرية
الا ان الله زلال ذلك بعد صلاتنا الجمعة وذلك لرفضهم فتح عيادة الاسنان والعهدة والحوارت ديه
ويمكن ده كان متوقع لقلة خبرة منظمي القافلة وسوف يتم تدارك ذلك المرات القادمة باذن الله
بجد شعورك بعمل لوجه الله له متعة لا تقدر بمال وابتسامة المرضى ورغم بساطتهم تخليك عايز تكسر الصخر ومحسستنش بالتعب والجوع والزهق والضيق من المعاملة اللي قابلنا بيها هذا الرجل الروتيني الذي لا ينفذ روح اللوائح
وقد تم الحل بفكرة مني باستبقاء ممرضة من المركز الطبي للتكون بديلة للصاحبة العهدة
وبعد تزاحم الناس ودخول عدد كبير من المرضى وثقتهم فيا
الحمد لله
هم من فتحو لنا كل سبل الراحة واخص بالذكر ممرضة (عبير)ساعدتني كتير لان حصلت مشكلة تانية السرنجة بتاعت البنج اللي احضرنها بها مشكلة وبتاعتهم بايظة
فطبعا بقينا نعمل لودنج بسرنجات بلاستيك
وتم التعامل مع ذلك والحمد لله
ولان الناس غلابة ومش هيقدرو يجيبو تمن السرنجة تم شراء عدد وفير وتم السيطرة على المشكلة
واجهتنا مشكلة توزيع الدواء وتم التعامل معها فحددت الاصناف المحتاجة والتي قد حددتها قبل القافلة
من كلندام300_150 مجم وايضا مضمات سترولين وانتي سيبتول _سترولين اف ومراهم دنتو كالم وميكوناز وكاتا فاست اكياس وباراموا وسيتال اقراص وفايل سيفوتاكس وامبولات فيتامين كاف وكيتوفان
وبقيت اعالج واصرف الدواء في ان واحد بجد لتقليل اللود والجهد على الصيدلانية الوحيدة
والله كان فيه بركة غريبة لان البنج الميباكيين الاحمر والاخضر قاربو على الانتهاء وكانو شديدي المفعول للدرجة التنميل كان لحظي بعد الحقن .......حاجة غريبة والله بركة لم اعتادها
وتم عمل خلع وعلاج لثة وكشف وصرف ادوية لعدد يعلمه الله على اقل تقدير اكثر من المائة وخمسون والله اعلم بعددتهم
الغريبة لا حالة فليرت ولا صعوبات في الجراحة رغم ان الاجهزة ناقصة لكن ربنا كان بيسهل للناس دول بشكل غريب
المهم من اللافتات الجميلة
الممرضة عبير كانت حاسة بتعبي جابت لي مولتو وشاي وكانت لطيفة جدا
لانها حاسة بتعبي مع اهل بلدها وكل شوية تعتذر عن ما حدث من معاملة المدير
للدرجة اني مديرة المركز والله كانت بتجبيلي مروحة من مكان تاني
وبعض الناس من المرضى عزمو عليا بالغذاء
عندهم ناس بسيطة لكنهم كرماء بالفعل
ما اثر فيا ان كل مريض بيكشف بيدعوك للغداء في بيته والدعاء
بجد اأثرت اكتر بست كبيرة جدا ماسكة ايدي وعايزني اتغدي عندها بيض وجبنة والله بعتذرلها وهي رافضة تسيب ايدي
من الحاجات اللي تخلي الواحد مبسوط كيفية استقبال الناس وتوديعهم مع طلبهم بتكرار الزيارة
طريقةالاطفال بمشاورتهم طول الطريق وابتسامة الناس حسستني بالقيمة اللي فعلنها في ناس
اهلنا كنا نسينا اوجعهم وبنفكر في نفسنا وبس
لهم حقوق علينا واعد بعدم رفض أي دعورة للقوافل مجانية خيرية حتى ولو ذهبت متطوع للحمل اشياء وتوزيعها وهذا اقل ما افعل
بس الغرض تقديم خدمة متميزة كطبيب لان المتطوعيين كتير ومش كلهم اطباء
المهم مكنش في فرصة للتعارف على باقي الاطباء للتزاحم وتدافع الناس لكنهم قامو بعمل ممتاز ومحترف واخص بالذكر دكتورة اول لما شافتني
انت كمان هنا كل حتة اللاقيك
كنا طلعنا قافلة مع مساعدة ومش عارف سر توقفهم
الدنيا فعلا ضيقة بعد المدة ديه اقابلها في قافلة تبع جمعية تانية
مش هنسى المتطوعين اللي شاركو ومهتم في توزيع شنط الطعام وتجهيزات العرائس
وقد قامو باستكشاف المنطقة من قبل ودراسة حالتهم الاجتماعية وده قامو به باحتراف لانهم باقلهم فترة بيطلعو قوافل من النوع ده
واخص بالذكر دايمان منسقة طبية للقافلة واعذر لها انها اول مرة عشان كده الصعوبات متوقعة للانها ديه اول مرة تنسقها
بنت مصرية وشها بشوش جدا طالبة في طب عين شمس
وكمان نحلة القافلة نهلة بنت مصرية سمراء وشها زي بنت عمك
او قريبتك تشعر انك تعرفها وكانت زي الدينامو وتجمع البيانات
والمايسترو استاذ محمد المنسق العام وهو شاب صغير لكنه واسع الخبرة هادئ الملامح
وابراهيم وطارق واسلام وغيرهم شباب مصري زي الورد يفرح
كلهم نامو من شدة التعب وانا نمت رغم المطبات الكثيرة
بداية تعارفي على الجمعية لما جيه اسلام ياخد هدوم للجمعية وعرضت عليه خدماتي كمتطوع في قافلة طبية
وبعد 3 ايام كانو منظمين القافلة ديه
مش هنسى تقديرهم لينا بشهادات تقدير متميزة تقديرا للمجهوداتنا وللحق كان كل واحد يستهال الالاف شهادات التقدير
من الجوع اكلنا المولت والتوينكز والعصير وكانه وجبة كباب
وكلنا نمنا من التعب الا النحلة ظلت مستيقظة بجد معجب جدا بنشطها وتوزيعها البسمات على الجميع وكانها مصدر للتجديد النشاط
من احلى القوافل رغم تعبي حتى الان منها حتى اثناء كتابة هذة السطور
ياريت كلنا نشارك بعمل تطوعي ان شالله مرة في الشهر ولو كلنا عملنا كده مش هيكون في حد محروم او فقير
فكرة التكافل فكرة اسلامية يجب ان تزرع في اطفالنا
من التبرع من المصروف او اهداء هدومه الضيقة للطفل محتاج
او حتى زيارة اطفال مريضة او ايتام
البلد محتاجة مجهود كل واحد ولو حاجة صغيرة ممكن تسعد ناس كتير
وانصح كل حد بيفهم في حاجة يروح ويعرض مساعدته
كمبيوتر تعليم تطوع ادارة المجالات كتير وميتكسفش من طلوع الجمعيات ديه
لانهم كعائلة وتشعر وسطهم انهم كلهم اخوة وبيدخلوك وسطهم بسرعة كانك كنت صاحبهم وبعيد و جيتلهم ورجعت للحضنهم
يا جماعة بدعوكم للزيارة جمعية رسالة شبرا امام محطة كلية الزراعة بمترو الانفاق وشوفو شباب مصري متميز جدا
د حاتم البيطار

مرحبا بكم

 

 

 

مؤسسة علي صبري

 

للــحدادة الـــفنية

 

 

 

لَقِّم المحتوى