المثل بيقول : إمسك ف الباطل لغاية ما يتقلب حق .. و الأخ saleh222 لما غلب حماره و ما عادتش عارف يرد على مناقشتى معاه .. خللى صبيانه يشنعوا بالطريقة المعروفة .. عملوا فيها الاخ كولمبو و ربطوا بين اخوكم الفقير فلتاؤس .. و بين اعضاء تانيين الظاهر متغاظين منهم و لا متعقدين منهم الله اعلم ... هما احرار و كل واحد حر ف رأيه .. الظاهر انهم زى الاخ مندور ابو الدهب جالهم ف المنام شيخ لابس ابيض ف ابيض و قال لهم يا اخونا فيفى عبده هى فلتاؤس .. و هانى شاكر هوه فلتاؤس .. و انور وجدى هوه برضه فلتاؤس

الظاهر المدونة somaa87 خيالها واسع حبتين و بتقرا ارسين لوبين و لا الالغاز .. انصحها تبطل تقراها احسن دى خطر ع الصحة و هى نفسيتها ضعيفة .. و القصص دى بتخلليها تحلم احلام موش كويسة .. و انصحها متجريش ورا الاوهام و نظرية المؤامرة .. و انصحها كمان متجريش ورا الظنون و الكلام المرسل ..

و محدش قال لكم متكتبوش بس اكتبوا بدون غرض بدون تحيز .. مش هى مصر بس اللى تاعباكم اوى!!! .. و لا انتو مش مؤمنين بالقومية العربية .. لو مؤمنين بيها زى ما انا اعتقد فالمفروض تنقدوا العالم العربى ككل مش بس مصر ... على فكرة كلامكم مش بالخطورة دى اللى بتصوريها يا somaa87 جرايد المعارضة مليانة كلام زى كلامكم و العن .. يعنى انتو مخترعتوش الذرة و لا حاجة ... مصر فضايحها واضحة من غير كلامكم و ده من سوء حظها.. اما الدول العربية التانية فمكتمة و محدش يعرف عن الفساد فيها اى شئ و عاملة فيها دور الملاك الطاهر

يا ريت تعيدى النظر مرة تانية انتى و استاذك saleh222 ف اللى بتكتبوه  ... بدلا من الكلام المكرر اللى بنقرا زيه و احسن منه ف جرايد المعارضة على اختلاف احزابها

و لو خدنا بنظرية المؤامرة نقول انك و saleh222 و nnno برضه شخص واحد