السماء لا تمطر ذهب4

جمعنا حفل إفطار أقامه احد الأقارب للعائلة و بعد الإفطار و التحلية و التراويح قعدنا مجموعات بنظرة شاملة كده تحسها مبنية على أساس الأعمار و النوع. كانت المجموعة التي من نصيبي تضم احد أقاربي و لمدة دقائق قبل أن ينسحب متعللاً بصداع زوجته . وما أن انسحب إلا وقد وجدت أبناء خالتي و أخي معهم فوق رأسي. عايزينك في موضوع.... كبيرهم سليم اللي عمل فيها كوما ندة و بدأ الكلام خش يا واد في الموضوع على طول . *بص يا ابن خالتي انت عارف ان انا و اخويا في جامعة خاصة و أنى باقضى السنة في اثنين ، فانا عايزك تساعدني علشان اجيب فلوس علشان محدش يكون ليه عندي حاجة و اخويا الصغير كده كده سابقني بس برضه هانشوفله حاجة يعملها.و ماتقعدش تقوللي شد حيلك و خلص و الكلام ده ، انا كل اللي عايزه منك تعرفني على المطبعة اللي بتطبع لكم الشغل فى الشركة عندكم و تضمنى عندهم اول شغلانتين تلاتة و لو عندك حد عايز يطبع كروت ولا دفاتر ابعتهولى. **طيب يا بني و انت ايه علاقتك بالطباعة، يعنى تفهم فيها ايه؟؟ *بصراحة كل علاقتى بيها اني طبعت مرة كروت لخالي و ان فيه اتنين صحابي من اللي كانوا دفعتي أتخرجوا و بيعملوا شركة وعايزين يعملوا شوية كروت و دفاتر فواتير و انا قلتلهم انا هاعملهالكم. ** لا فعلاً دى علاقة غريبة. ماحصلش انى عرفته على المطبعة و لا اني ضمنته عند حد و لا انى جبتله زباين ، هو نزل دور على شغل و اشتغل و من اللاشئ اللي كان بيطلعله بدأ يشغل نفسه و يطبع لده كروت و لده دفاتر. سليم دلوقتي مش شغال في الطباعة بس ، ده شغال في كل حاجة شقق ماشى ، عربيات شغال ، موبيلات وارد دبى مايضرش و علاقاته اصبحت مالهاش حل ....ما شاء الله متشعبة و كبيرة ، لكن المشكلة انه ماخلصش تعليمه لغاية دلوقت لا أشجع احد على ان يترك دراسته و يشتغل بس اللي عايز يعمل حاجة بجد ها يعملها ، و مش ها يرمي مشاكله لا على الحكومة و لا على اهله.

السماء لا تمطر ذهب3

ممكن أتكلم معاك في أمر شخصي؟ سألني نائل هذا السؤال و أنا في ذروة غرقي وسط أوراق حكومية و قانونية و مواصفات فنية أحاول أن احل لغز كيف احل مشكلة معينة مع احدي الجهات الحكومية. رديت عليه : دلوقتييي؟؟؟؟؟؟ ....لا لا لا و الله ما أقصد أعطلك!!!( ده هو المرادي اللي بيقول و بسرعة ) و كمل مستدركاً لو ممكن يعني بعد مواعيد العمل الرسمية لو مافيش واراك حاجة . رديت و أنا باحاول أحافظ على حبل أفكاري متصل ما يتقطعش و في نفس الوقت بادعى على السكرتيرة اللي ماوقفتهوش قبل ما يدخل : حاضر ها خلص و اندهلك على طول. * خير يا نائل فيه ايه؟ =أنا عايز أتكلم معاك كصديق مش كصاحب شغل و موظف عنده في الشركة. *انت عارف ان انا عمري ماعاملت حد على الاساس ده خصوصا وانا كمان مجرد شريك صغير = انا عارف بس قصدي ان الكلام ده مالهوش دعوة بكونك صاحب قرار. *ماشي يا سيدى ممكن تقول اللى عندك علشان الحق اجيب العيال من المدرسة  = اديك انت بدأت الكلام بصراحة كدة انت عارف ان سنى من سنك و عارف ان انا مرتيى كله على بعضه مش بيكمل 600 جنيه ، انت رايك ان ده ينفع للجواز؟؟ *من وجهة نظري و معرفتي بيك لأ مش هايكفيك =طيب أعمل أيه و انا على فكرة عامل حسابى انك وعدتني ان اول السنة مرتبي هايوصل 700 جنيه. *شوف يا نائل انا قلتلك من اول يوم ان احنا مش هانقدر نديك المرتب اللى انت تستحقة على الاقل فى الاول ؟ يمكن فيه ناس قدك هنا و بتاخد ضعف مرتبك بس كل وظيفة و ليها ظروفها وانت امكانياتك كبيرة بس احنا مش عارفين نستغلها و لا انت عارف تستغلها ، بس اللى اقولهولك ان احنا بنكبر الشركة و عاملين حسابنا فى استغلال امكانياتك و ساعتها هايتم تقديرك و هاتاخد رقم كويس. =طيب يعني أنت رأيك كصديق إيه؟؟ *بص يا عم نائل انا قلتلك اللي فيها ، بالمنظر ده مرتبك خلال سنتين هايعدى الالف جنيه ، انا عارف ان ده مش كفاية بس انا مش هاقدر أعمل أكتر من كده..................بس عايز اسألك سؤال لما بتروح من هنا الساعة 4 قول بتوصل بيتكم بالكتير الساعة 5 بتعمل ايه بعد كده؟ =ساعات اقعد اقرأ أو اتفرج على التلفزيون أو أقابل جماعة صحابي على كافيتريا و ساعات انزل اتمشى فى وسط البلد اتفرج على الفتارين و على الناس اللى رايحة وجاية. *طيب ماتشوفلك محل جنب البيت صغير كدة تأجرة ب200 ولا 300 جنيه و حط شوية بضاعة ب 5000 جنيه واهي نواية تسند الزير. =طب و اشغله ايه؟؟ *يا سيدي أي حاجة ، هات شوية كشاكيل و كراريس و معاهم شوية كروت حب على عيد الام . = لا لا جنبنا مكتبات كتير *طيب شوية لعب اطفال مع شخاليل للبيبيهات و قلوب حمرا و دباديب للشبات =لا لا عندنا كتير بيبيعوا الحاجات دى فى المنطقة. *طيب شوف دي واحد صاحبي كان بيتكلم علي ملابس أطفال بواقي تصدير، موديلات شيك و سعرها مغري جداً = يعني لبس تصدير اكيد ذوقة مختلف عن لبسنا ، لا لا و لما الهدوم تقعد الفلوس هاتروح عليا و بعدين ده انا تحت بيتى محل هدوم كبير عنده كل المقاسات و الموديلات ،اكيد مش هاعرف انافسه *بس لاقيتها....... طالما كل المحلات دى فاتحة حواليك هاقولك على مشروع لطيف جداً ، انت تشتغل فى الشنط و الاكياس البلاستك تجيب واحد بعجلة يلف على المحلات اللي فى المنطفة و تحط فى المحل شوية اكياس سندوتشات و اكياس قمامة على شوية ادوات نظافة خفيف كدة و هاتمشي ان شاء الله =نعم عايزنى اشتغل فى اكياس الزباله انا المهندس نائل ، ده انا باحضر ماجاستير فى الكيمياء...أبيع أكياس؟؟؟؟؟ • * * باقولك ايه انا لازم امشى الولاد زمانهم واقفين فى الشارع يالا بينا بعد 3 سنوات من هذا الحوار و في احد ورش العمل قابلت المهندس نائل اللى بقى عنده 34 سنة و اخبرنى انه اصبح مدير صالة انتاج فى احد المصانع و انه بيقبض 750 جنيه و ما عملش حاجة فى الماجستير و ماتجوزش . و برضه مش عايز يفتح محل يبيع فيه اي حاجة و مش عاجبه حاله

البطالة 2

السلام عليكم ورحمة الله وبركاته مددت يدي لالتقط رزمة صغيرة من الأوراق من شاب فى أوائل العشرينات من العمر و أنا ابتسم في وجهه و أقول له و مسعود أخوك عامل ايه وقبل ما يرد قلتله سلم لي عليه كتير ، كنت فرحا لأنني سأرد جميلا لشخص خدمني من قبل و انا من نوع اللى مش بيهمني الخدمة كبيرة ولا صغيرة لان فى رأي ان الخدمة اللي احتجها مهما كانت فهى كبيرة ، اشتغلت فين قبل كده يا سامي؟ رد على انه اشتغل فى كل المهن من اول مساعد مبيض مرورا بكل انواع مساعد الحرف ، طيب تفهم ايه فى الشركات التجارية ، قالي ما فهمش فيها غير اللي باشوفه في الافلام العربي و المسلسلات في التلفزيون، طيب انت جاي هنا و انت في دماغك ايه؟ تشتغل و السلام و لا عندك احلام عايز توصل لها ، قالى لا طبعا عندي أحلام كبيره جدا ، قلت في سري حلو أوي ، طيب يا سامي تفتكر انت ممكن تنفع الشركة هنا ازاي؟ قالى جربني و انت ها تشوفني ، طيب يا عم سامي انا ها عمل معاك واجب انا ها رشحك تشتغل فى جهاز البيع تنزل على عربية تبيع ، هاتاخد منطقة تشتغل فيها و هاتاخد عمولة على اللي هاتبيعة ، المرتب و العمولة مش هايقلوا عن 900 جنيه فى اول شهر وخلال سنة الكلام ده ها يتضاعف لو عملت شوية مجهود وده بالمقارنة بزملائك هنا فى المناطق ألشبيهه... إيه رأيك..؟؟، لاقيته بيقول لى مش عارف انا ممكن انجح و لا لأ ... قلت له ما تقلقش ولو اتزنقت فى حاجة تعال اسالنى و انا اقولك تعمل ايه...قالى طيب مافيش غير الشغلانة دى ؟؟....رديت (وانا غير مصدق ) طيب جرب شهر ...عجبتك الشغلانة كمل.. ماعجبتكش اشوفلك حاجة غيرها. و ده كان أول يوم أقابل فيه سامي و أخر يوم برضه و تحيا الشكوي من البطالة

الالالالالال

بيبسيبنسي
0% (لا أصوات)
شسشسنشسن
0% (لا أصوات)
شنسشسن
50% (صوتان)
شسشسن
50% (صوتان)
ششنشسن
0% (لا أصوات)
عدد الأصوات: 4

بسم الله

بسم الله الرحمن الرحيم

حاسبوا أنفسكم قبل أن تحاسبوا

قال رسول الله صلى الله عليه وسلم: استحيوا من الله حق الحياء وقال أيضا حبيبنا صلى الله عليه وسلم: اذا لم تستحي فأفعل ما شئت صدق رسول الله اخواتي في الله ... والله عم يوجع القلب إلي عم يجرى في الشات إلي أصبح مجرد مكان شبيه ببيوت الدعارة والقناوات الاباحية وتجرد من كونه مكان لتعارف وتبادل الأفكار حقيقة شيء مؤسف للغاية...يخليك تحس اننا كشباب لسه ما نعرف كيف نستغل الحكي مع الأخرين في أشياء أهم من الترهات إلي بتتقال في الشات شيء مؤسف يخليك تحس اننا عمرنا ماراح نتقدم عشان فكرنا لسه ماتجاوز مستوى حذاءنا اليوم في الشات حبيت ارفع من مستوى الحوار وضليت اقنع في الشباب اإنه في كلام كتير مهم نتكلم فيه كشباب عربي مثقف تعرفوا شو قالولي؟؟؟؟؟ الشات مكان للهزار والفرفشة الرجاء على المثقفين الخروج والله العظيم حبيت ابكي لأنه شيء بخجل وبعدين لفت انتباهي اسم مستعار لأحد البنات الموجودة هناك وداخله بإسم بستحي والله اني رددوا وحولت كتير أقنعها انها عم تخسر أغلى شيء إلي هو عفتها كبنت مسلمة وان قيمتها في احترام الناس لتفكيرها ولكلامها مو اعتبارها سلعة رخيصة مثلها مثل تصفح المجلات الاباحية لكن للاسف..... مع مين عم احكي قالتلي بكل بساطة بعد نصف ساعة حكي معها " أنا بحب هيك والشبان بتحب هيك والدليل انوا عندي زحمة كتير بليز لضيعي وقتي في ناس تنتظر فيا بالله عليكم قولولي مش شيء بيبكي؟؟؟؟ يا خسارة اليوم بالذات تأكدت إنه لسه فاضل كتير عشان تتحرر فلسطين والعراق اللهم اصلح لنا ديننا الذي هو عصمة أعمرنا وأصلح لنا دنياناالتي فيها معاشناوأصلح لنا آخرتنا التي فيها معادنا وأجعل الحياة زيادة في كل خير وأجعل الموت راحة من كل شر اللهم اني أعوذ بك من شر سمعي ومن شر بصري ومن شر لساني ومن شر قلبي اللهم آمين اختكم في الله

البطالة1

السلام عليكم و رحمة الله وبركاته الموضوع اللى باتكلم فيه ده بالنسبه لي مهم جدا . و هو ان الشباب بيتخرج و يدور على شغل ويقول مش لاقي شغل و اصحاب الشغل بيدوروا على حد يشتغل و مش لاقيين ، و لو الخريجيين الجدد اشتغلول ما يعجبهمش المرتب( بصراحة عندهم حق ، ده مايقضيش المواصلات ) و صاحب الشغل يقول اللي زيكم كتير و لو مش عاجبكم فيه الف يتمني يشتغل بالمرتب ده ز المعادلة اللى فاتت دى لازم نلاقيلها حل ، كل واحد خريج النهاردة شايف ان هو مميز يأيه الله اعلم ، تسأله طيب عايز تشتغل ايه يقولك اي حاجة مافيهاش امتهان للكرامة ، لا حول و لا قوة الا بالله يعنى ايه يا اخى هو انا بدير خمارة و بقولك اشتغل فيها جرسون و لو هى خمارة و الشغل فيها مش عاجبك دخلتها ليه . المهم زميل لينا بعتناله واحد من معارفنا يشتغل لسه خريج جديد( الكلام ده من سنتين) و بصفتة مدير فى احد شركات الابحاث التسويقية و بيحتاج ناس كتير حدد ميعاد مع هذا الواحد و فى الميعاد شرحله الوظيفة انه هاياخد خطة عمل و هايقضي جزء صغير من الوقت فى المكتب و كتير من الوقت فى الشارع و ان الدخل مش هايقل عن 450 جنيه لو بس عمل شغل عادى و ممكن يوصل ل 1200 جنيه ، وكله حسب المجهود و امعانا فى تحفيزة بدأ يعرفه على مديرين اخرين أخبروة ان بدايتهم فى الشركة كانت فى نفس الوظيفة المقترحة له و أنهم بالعرق و الاصرار استطاعوا ان يثبتوا انهم جديرون بالترقيات حتى وصلوا الى ماهم فيه الان ، هل تعلمون ماذا كان تعليق هذا الواحد لقد كان تعليقه جملة واحده ( ممكن مرتب اقل بس اقعد فى المكتب و الترقيات حتي مش مهم )..........اه اه يادماغي مش مصدق نفسي ....انا اسف جدا كان هذا هو ردى لزميلي العزيز الذي كان يضحك بمرارةو هو يقول تصدق بيقول و مش مهم الترقيات .............. و اللى اللقاء قى القريب العاجل لاستكمال هذا الموضوع الهام

Woman

المرأة


ايتها المرأة
اذا كنتي لا تريدين اتباعي.
فيجب ان لا تريدي ان تكوني امرأتي


Woman,
If you do not want to follow me.
You should not want to be my woman.

لازم نفيق

لوين احنا رايحين؟ تيار الحياة عم ياخدنا بعيد واحنا مش حاسين إن العمر عم يضيع. عم نعطي حق لكل شيء إلا لطاعة الله عم ننسى نعبد الله وصرنا نعبد الشيطان خلينا نسأل نفسنا.... كم من ساعة نجلس عالنات؟..كم ساعة نتفرج عالتلفزيون؟...كم ساعة نجلس مع الاصحاب؟...كم...كم والان كم ساعة بنذكر فيها الله؟..كم ساعة بنقرأ قرآن؟...الجيد فينا بيصلي الفرض وأحيانا يصلي قضاء عشان النات والا الماتش عنده أولى قال رسول الله صلى الله عليه: من أحب دنياه أضر بآخرته ومن أحب أخرته أضر بدنياه فآثروا ما يبقى على ما يفنى"""".صدق الرسول الله أخواتي في الله أوصيكم وأوصي حالي قبلكم بالعودة إلى طريق الله فاتقوا الله وأنصروا الله وأصطلحوا مع الله فإن الدنيا ساعة فأجعلها طاعة والنفس طماعة عودها القناعة, تزود من التقوى فأنك لا تدري إذا جلى ليل هل تعيش إلى الفجر؟ فكم أمسى وأصبح ضاحكا وقد نسجت أكفانه وهو لا يدري؟ وكم من صغار يرتجي طوا عمرهم وقد أدخلت أجسادهم ظلمة القبر ؟وكم من صحيح مات من غير علة ؟وكم من سقيم عاش حين من الدهر؟ الله يهديني ويهديكم ويثبتني ويثبتكم السلام عليكم ورحمة الله وبركاته اختكم في الله

اضحك

في عجوزة أكلت صرصار قالت اه الله يخلي الحكومة حاطه في التمر ميونيز.
لَقِّم المحتوى