أقامت هيئة الأمم المتحدة حفلا بجامعة السادس من أكتوبر بمناسبة فوز المطرب الشاب المسجون حاليا تامر حسنى في الاستفتاء الذي أقيم في الجامعة وحصل من خلاله على لقب "رائد الجيل" !!
عل فكرة تامر قصدى رائد الجيل متهم بالتزوير و الهروب من الخدمة العسكرية يا ترى العيب فى الرائد و لا في الجيل.
التعليقات
تعليقاً عن رائد الجيل
أنا شخصياً و كتير من أصدقائي مادخلناش الجيش ،لكن رحنا سحبنا الاستمارات و ماليناها و كل واحد دور على واسطة علشان يدخل سلاح هو شايف انه احسن بالنسبه له و كتير منا مالقوش واسطة اصلاً و لكن محدش فينا فكر و لو للحظة أنه يزور ،لا تزوير علشان يهرب من الجيش و لا تزوير شهادة علشان يشتغل.
المشكلة غالباً في اللي وضعوا قواعد ألاختيار و ماكنش فى اعتبارهم النواحي السلوكية و القدوة.
حاجة أخيرة اقولها بدموع من دم معلش يا مصر حقك علينا
التقدير لمن يستحق التقدير
تامر ممكن يحصل علي تقدير من الشباب بحكم نظرتهم السطحية للامور وبحكم موهبته الغنائية لكن يحصل علي تقدير من الدولة لا طبعا لان تامر يعتبر غير ملتزم وخارج عن القانون وده مش كلامي ده كلام الاحداث اللي كلنا تابعناها بعد ما صدر من المحكمة حكم بادانه تامر والتاكد من تورطه في التزوير فانه لا يستحق اي تقدير ايا كان وانا اعترض علي لقب رائد الجيل واحب ان رائد الجيل يكون شخص تاني قدوة و ملتزم وجدير باحترام الناس والدولة وتامر لا تتوافر فيه هذة التعليقات بعد ما صدر منه وانا لا اتحامل علي تامر ولكن اتمني ان يمنح هذا اللقب لمن يستحق علي العلم ان هناك الكثير ممن يستحق هذا التقير ولكن لا تعليق بعد ذلك واتمني له الهداية والتعلم من الدرس والعودة مرة اخري اكثر التزاما ..........