السلام عليكم ورحمة الله وبركاته
انا صديقة ماشي مش عارفة اكتب ايه لاني اول مرة احاول اكتب حاجة عارفين ايه السبب لاني كنت تايهة في الحياة بلا هدف بس هحاول اكتب وانتم هتسمعوني الاول عاوزة احكيلكم حكايتي وبعد ما اخد علي الكتابة هكتب علي طول باذن الله حكايتي وباختصار اني كنت عادية زي بقيت البنات اروح الكلية واجي اخرج مع اصحابي عادي قليل اوي لما اقعد علي النت واشيتبس في مرة جربت ادخل موقع ماشي وجربت ادخل شات ماشي واصبحت مدمنة حقا لشات ماشي لدرجة اني ان شاء الله هدبلر بسببه ولاقيت اصحاب زي العسل واعتبرتي نفسي بجد صاحبت الشات تقريبا مقيمة جوه اتعرفت علي شاب في الشات وحبيته طبعا انا عارفة اني عبيطة ازاي احب واحد من الشات الخيبة اني عارفة ان ده عبط بس معلش بقي الحب ملهوش كبير ماعلينا طولت عليكم حصل مشاكل بيني وبينه وسبنا بعض ومن طيبتي وهبلي بقيت بضعف لما ادخل الشات ولما الاقيه لازم اسلم عليه او اسأل عليه وانا عمري ما كان ليا نقطة ضعف فعشان كده انا قررت اني اعالج نفسي وعالجي كان غريب بس انا شايفاه صح انا خلاص موش هدخل الشات تاني علي الاقل لمدة اسبوعين او شهر وكمان موبايل اديته لصحابه ده بالنسبة لاي حد ده حاجة عادية لكن انا لا ده كان قرار صعب لاني بجد حياتي هنا في الشات بس الحمد لله وطبعا انا صحتي مدمرة لاني متعلقة بصحابي وباخواتي الكبار والصغيرين في الشات انا عارفة اني لكاكة طحن بس اصلي زهقانة ياريت تردوا عليا وتساعدوني اكتب علي طول لاني بجد محتاجة حد يوقف جمبي سلام.
| مرفق | حجم |
|---|---|
| yallazoom_Ah1MsjMeCK.gif | 71.84 كيلوبايت |
التعليقات
السلام عليكم
السلام عليكم اولا ساسوو ازيك يارب تكوني بخير
ساسو انتي اكيد شوفتي اسمي كتير في الشات والصور والمواضيع دي بس بجد ملقتش نفسي ولا حسيت اني بقيت بفكر غير لما دخلت المدونات هنا ولقيت ناس بجد بتحاول تغير وتتغير من جواها وبتحاول تصلح في مجتمعنا ككل
الشات ممتاز لاني بتعرف فيه علي اصحاب كتير ميضرش ياعني لو دخلت وقعدت ساعه او اتنين ولعلمك انا كمان كنت مدمن شات ومش بس ماشي اكتر من اربع مواقع كنت فيهم وبتابعهم باستمرار بس حاليا الحمد لله قدرت اكتر من موضوعاتي وبغير من تفكيري وبحاول علي قد ما بقدر اني افيد واستفيد وبالنسبه لموضوع الحب دي ساسوو عايزك تفكري فيه من ناحيه تانيه انتي مش ممكن تتخطبي او مش انتي ممكن اي بنت بتتخطب في اي وقت بيجلها نصيبها اكيد وممكن متكنش موفقه في علاقتها مثلا يبقي معني كلامك انها تنتحر بقي احسن لو انتي علشان حبيتي وكنتي صادقه في مشاعرك والطرف التاني غلط حتي في حقك مش شرط انك هتعتزلي الدنيا وتتعبي وعمر ما حد هيريحك غير نفسك لازم تقفي بجد وقفه مع نفسك تشوفي انتي عايزه ايه وايه اللي هيسعدك وايه اللي هيخرجك من اللي انتي فيه
وبالنسبه للشات انا فعلا مش بقيت بشوفك كتير ودي خطوه كويسه بس متنسيش اصدقائك وتخليكي بصله جيده بيهم متخديش الشات كله بزنب واحد وسيبك من انك تعتزلي الناس واخوانك واصدقائك دي هيتعبك اكتر لازم تكوني مع الناس وقبل الناس اكيد تكوني مع ربنا
واسف طولت عليكي في ردي يمكن اكتر من كلامك انتي نفسك بس دي لاني بعزك وبحترمك وانتي انسانه كويسه وربنا يوفقك ان شاء الله وهننتظر منك مواضيع جيده ليكي هنا ان شاء الله
مع خالص تحياتي
مصطفي ** دراشا
الفضي بيعمل اكتر من كده
بجد انا بضايق من اي بنت تحب من عل الشات دا دليل علي انهم فاضين مش وراهم شغلانه وكل بنت تكلمها عل الشات تكون عاوزه ترتبط او ما تكلمهاش تاني و انت سنك اصغر منها عشان مش هيكون في المستقبل ارتباط صدقيني املي قلبك بحب ربنا وانتي تنسي وهتكوني عملتي الصح انا اول مره ابعت تعليق لاي حد ممكن تاخدي الصح والباقي درددددددددددددددددددددددددددددددددددددشه
قصه حلوه
الله عليكى انتى بجد مريتى بقصه الاغلبيه بيمروا بيها تقريبا ..بس مش كل حاجه الواحد ياخدها بجد يعنى لازم نفصل بين حياة النت والحياة الطبيعيه لان اللى هيقع بين الحياتين دول هيتعب بجد وفى الاخر النت ده كله والشات ده كلام فاضى ...سامحينى الخلاف فى الرائ لا يفسد فى الشات قضيه