جمعة, 2009-07-24 16:44 — ramyoussef
ازميرالدا والشاطرحسن
سيما ترسو عيني بيها اتعلقت
الف ليلة أو دي فاتن
سيما شتوي سيما صيفي
يلا هو اي حاجة
ترمي عينيك ... افيش كبير
ولحم ابيض من الرخيص
أخ ده مرمر ده جريتا ولا مارلي
لا يا خويا سمن بلدي
قول دي خوخة من غير غسيل
يا بني حاجة من عيارنا التقيل
وقشطة سايحة
وولعة خالص
من اللي قلبك حبها
تقدر تقولي قبل ما ادفع
ده فيه مناظر
ولا حكاية افضل اعيط بعدها
قول لي يا شاطر
تحب اقولك الحكاية
لو جيت معايا عند يني
في نص بوظة تنحكي
هنومة كانت بت عايقة
تبيع ازايز أو هزايز كتفها
لو فاضية حتى اشتري...
بضاعة دايبة في الهوا
أو حتى أفسدها الهوى..
وقع في عينها هانشباك
عينه سفت رجله لفت
وقعة يا بني كعبلة
قال ايه قناوي أصله غاوي في الحلال
هنومة قالت ازميرالدا باب الحديد
لما ترافق أوتصاحب واد ألاجة من الصعيد
قامة وهامة وكمان قيافة بيشيل حديد
اسمه حسن وهو شاطر
دبلوم شيالة من باب الحديد
اقدر أكمل ولا أعيد لك من جديد...
عرفت يا بني ازميرالدا صناعة مصري
تقفيل حارتنا او فكرك يروح بعيد