ليه كل حاجة بالعافية

أربعاء, 2006-12-06 12:18 — timo_dentist

اصح من النوم بالعافية من الساعة السابعة صباحة
وليه لما انزل شغلي اروح بالعافية
واركب مواصلة بالعافية
وامضي بالعافية(دفتر التاخير)وده كل يوم
وليه لما بنشتغل بنشتغل بالعافية
وليه لما نفكر في دراسات تبقى غير شرعية
وليه لما نخلص الشغل ونروح
كمان بنروح بالعافية
الناس كلها بتخرج مع بعض
وليه لما بنام ونتفسح ده كمان بالعافيه
مش عارف الغلط من نا ولا من الاخوة البعدة
حياة الشخص في مصر بقيت بالعافية
يتعالج بالعافية ويتعلم بالعافية ويتجوز ويسكن بالعافية
ليه مفيش حاجة سهلة
طبعا الحياة السهلة ملهاش طعم اوي بس الناس بتكلم نفسها في الشارع
كل يوم افكر العيب في مين
الناس غلابة ومعهاش فلوس وفي طحونة طول الوقت
تفتكرو لما كانت جدتي بتحكي عن رطل اللحمة اللي بكام قرش وتعريفة
والهيات اللي كانت بالخمسة جنيه ومعيشة عائلات محترمة
ليه مبتنفعش دلوقتي
انا دماغي لفت من التفكير وبيصعب عليا الشباب اللي بيفكر يهاجر
ويسيب بلده للغربان تقطع فيها
اسئلة كل يوم بتدور في ذهني من غير ردود
ايه العمل وازاي نساعد الناس ديه

من ساعة ماستلمت الامتياز و انا بمضي في دفتر التأخير...... الحياة مش سهلة ... بس ممكن أسهلها شوية....قبل كل حاجة اخلص النية عشان تحس ان لها فايدة.... و دايما زي ماشعبنا اتعود.. اسخر من الموقف بدل ما نموت