أنا ليه سميت مدونتى على جنب يا أسطى
ما تستغربوش خالص من عنوان المدونه بتاعتى ، انا هاقولوكوا ايه الحكايه بما اننا اصبحنا فى عصر السرعه وكل حاجه بتمشى بسرعه وانا ابتديت ادوخ من كتر السرعه دى , هاتلاقى نفسك مشغول اربعه وعشرين ساعه ودايما فى ناس قاعد بتتكلم معاهم فى البيت فى الشغل فى الكليه وحتى الشارع طيب امتى ممكن تكون لوحدك وتاخد فرصتك فى السرحان والتفكيرعلشان كدا انا لاقيت ان الفتره الوحيده اللى ممكن الواحد يختلى فيها بنفس هى فى وسائل المواصلات !
اه والله طيب شوفوا معايا كدا لما بتبقى راكب اى حاجه تاكسى ميكروباص او حتى مترو حواليك ناس غريبه وطبعا راغيييييييييين بس انتا كل اللى بتعملوا انك تقعد لوحدك تبص على الناس شويه وبعدها تسرح هو دا الوقت اللى انا على الاقل بقعد فيه بجد لوحدى واعتقد ان فى ناس كتير زى - طبعا بتروح عليك الفرصه دى لو ركب معاك صديق من اياهم اللى لما بتقولوا اسكت مابيسكتش ارميه من الشباك واخلص- وبما ان الفتره اللى بقضيها فى المواصلات هى الفتره اللى بتجيلى فيها احلى واكبر واهيف الافكار واللى ناويا انى اكلمكوا واوجع دماغكوا بيها فى مدونتى كان لازم اسم عمودى الثابت يكون على جنب يا اسطى لان كلامى معاكوا هايوقف اول ما الاسطى السواق يوصل بيا للمحطه المنتظره وبعدها اخرج لعجله الحياه اللى اكيد هاتدوسنى فى يوم من الايام وساعتها انا مش فاضيالكوا.
تيجوا معايا نشوفوا انا بفكر فى ايه يمكن يعجبكوا وتردوا عليا ويمكن تقلبوا الصفحه
خليكوا على راحتكوا خالص ويلا بينا نركب قطر الحياه ونشوف......
التعليقات
موضوع جميل و
موضوع جميل و فكرا جديدا و مبتكرا ... شكرن جزيلن يا من لايت
انا هستنى عشان
انا هستنى عشان اركب معاكى ف قطر الحياه بس ياريت ما تتأخريش عليا
عشان ما اضطرش آخد المواصله اللى بعدها
مع تحياتى ليكى
لااااااااااااا
لاااااااااااااااااااا اوعى تاخد المواصلة الجايه استنى عليا شويه يمكن يعجبك كلامى ويمكن كمان تكره المواصلات خالص وتاخدها مشى بس المهم اوعى تمشى دلوقتى .
انا هستنى عشان
انا هستنى عشان اركب معاكى ف قطر الحياه بس ياريت ما تتأخريش عليا
عشان ما اضطرش آخد المواصله اللى بعدها
مع تحياتى ليكى
ماشي ياجميل
ماشي ياجميل وانا معاكي فى قطر الحياه ومستنيه اشوف افكارك
بس تعرفى انا بالنسبه لى فتره المواصلات دي بحب افكر فيها فى ربنا وبس وابعد عن الدنيا دي كلها ببلاويها ومشاكلها وافكر بس فى ربنا وبتبقى فتره حلوه اوي للذكر والدعاء . لانك لو عودتي نفسك على اذكار معينه فى فتره المواصلات هتلاقى نفسك قربتي من ربنا اكتر وكمان هي فتره وبتعدي فى اليوم محدش بيحس بيها والافضل اننا نستغلها صح
وتحياتي ليكيي يا جمييل . اتمنالك التوفيق
نصيحه جميله
نصيحه جميله وشكرا جدا على تعليقك وياريت تشاركينى بأرائك وتأملاتك اللى بتيجى على بالك وانتى فى المواصلات علشان نقرب من ربنا معاكى .