هو ايه اللى بيحصل فى المدونات ده؟؟؟ هى بقت كدة...سومه مبقتش بتكتب ولا عمو صالح ولا عمر المصرى ولا اى حد ...معظم المواضيع بقت شتيمة ....طب هما دخلوا بغرض انهم يبوظوا المدونات ...نقوم نعملهم اللى هما عايزينه؟؟؟
طيب و دلوقتى ايه هى النتيجة؟؟؟ مدونة فاضية الا من كل ما هو غلط؟؟؟ ماحنا كنا بنكتب فى الفن و السياسة و العلم ..حتى النكت ماسبنهاش.... يا جماعة انا اصلا عرفت موقع ماشى من اعلان فى الجورنال ..كانوا بيقولوا انه من المواقع المثالية و خاصة فى مجال المدونات و لما دخلته اكتشفت كدة فعلا لغيط قريب لما بدأ يدخل ناس جديدة معندهمش اى نوع من انواع الاحترام و بدل مانساعد فى انهم هما اللى يمشوا لامشينا احنا...مين يرضى بكدة ...دى المدونات فضيت ..و مبقاش الواحد لاقى اى حاجة حلوة يقراها....على العموم لو الناس الكويسة راحت لموقع تانى ابقوا قولولى ...الظاهر ان ماشى خلاص راحت عليه
التعليقات
إزيك يا أنجي
إزيك يا أنجي وشكرا على إهتمامك.. وأنا ما سبتش المدونة يا أنجي ولا حاجة.. لكن أنا الفترة اللي فاتت كنت مشغول بس ولكن هرجع المدونة وأكتب قريب اوي إن شاء الله.. وأنا معاكي يا أنجي إن إحنا مش لازم نسيب المدونة للناس إياها ومش عايزك تيأسي وبعدين البركة فيكي برضه.. يعني إحنا انشغلنا شوية فعلا بس إنتي موجودة برضه وبعض الأعضاء المحترمين
تحياتي ليكي وشكري أيضا
أنا المصري... بفنه ولونه وسكوته.... وأنا اللي اديت للحجر صوته.... وناولت للامل صيته ...وفاكر في الضحى صلاة عصري.... أنا المصري
أنجى احنا لسه
أنجى احنا لسه هنا معاكى واكيد سومة وراها امتحانات
وعمو صالح مشاغل
اصل انا مش بدخل كتير للاسف علشان الامتحانات
وبايدنا اننا نعمر المدونة لحد ما يرجعولنا
وبلاش الياس ده
تذكرونى بأنى الكلمة التى لا تموت والفرح الذى لا يزول......ومهما حصل فى الدنيا هعيش وأقول مقبول