مش عارف أقول أيه ... لكن الحال تدهور بشكل رهيب.. والمدونه لا يوجد عليها رقيب وسيبنها سداح مداح ولامبالاه غريبه .. أنا لما دخلت المدونه دي وقررت أكتب فيها كان عشان حسيت أنها مدونه كويسه وتحافظ على الأداب العامه وتحافظ على أعضائها المحترمين واللي عايزين فعلا يخدموا المدونه .. وأنا كنت أريد أن أخدم المدونه وأساعد في إنها تكون مدونه كبيره ولأني وجدت فيها أعضاء محترمين فزاد إصراري على خدمتها أكثر.. ولكن للأسف.. هذا الجو الذي فيه المدونه الان وأستهتار المشرفين الرهيب وعدم إصغائهم وأستماعهم لينا عند وجود المشاكل التي تواجه المدونه..وكإنهم عاجبهم الوضع بتاع المدونه .. وكإنهم بيقولونا إغبطوا راسكوا في الحيط وأمشوا رغم إن اللي إحنا بنطلبه بيبقى في صالح المدونه ومش مصالح شخصيه .. وحتى في ظل الامبالاه العجيبه كنتا بندافع عن المدونه بشكل كبير ولكن الموضوع بقى مأساوي دلوقتي ومنقدرش نتحمله لوحدنا .. دلوقتي وصلنا لشتائم قذره وألفاظ يندى لها الجبين خجلا.. من أشخاص غير محترمين وهذا وضع لا يحتمل
ولذلك فأنا قررت التضامن مع سومه .. وهي كانت فعلا شخصيه ممتازه وأشهد لها إنها حاولت بكل إخلاص أن تصلح المدونه رغم الصلاحيات المحدوده المعطاه لها.. وأعتذر عن الكتابه في المدونه حتى يكون هناك وقفه جاده من المشرفين وأحس فعلا إنهم يريدوا أن يهتموا ويصلحوا المدونه.. وإذا لم يتحركوا ..فهم يريدون الوضع على ما هو عليه وعاجبهم.. وهنا فقط سأترك المدونه نهائيا وبلا عوده
التعليقات
يا عمر انت كنت
يا عمر انت كنت بتطلب من عمو صالح انه يشيل الرد بتاع همس القلوب ...اللى انت ماتعرفوش ان عمو صالح نفسه دخل و شتم... و مش اى شتيمة.....المدونة امبارح كانت فى حالة هيجان...لمصلحة مين ..انا مش عارفة...لو ثأرنا واجعنا قوى كدة مانروح ناخده من هولندا ولا الدنمارك....ولا حتى اسرائيل اللى بنصدرلها الحديد...لكن ازاى لازم نيجى ع هايفة و نتصدر...اكيد اللى بيحصل مش هايف ..ماشى..بس برضه اكيد فى حاجات اهم منه...اللى لاحظته قبل كدة ان الهدف من كل الخناقات دى اتفهم و قلنا مش حنرد..رجعت ريما لعادتها القديمة ليه؟؟؟؟
و حتى لما حد بيدخل و يكتب مدونة جديدة محدش بيعبره...يا عمر لما نضرب زى مانت و سومه عايزين يبقى كدة بنعمل اللى هما عايزينه...يبقى استفدنا ايه؟؟ و برضه مفيش حد حيعبرنا...ولا هو حيبقى اضراب برة و اضراب جوة؟؟هى فرة ماشية فى البلد اليومين دول ولا ايه؟؟؟
ممكن نرجع نكمل تانى بعد حذف الشتايم .. و حذف عضوية الناس اللى ملهاش لازمة...و نكمل و ننسى بقى ....و محدش يرد على اللى بيشتموا لانهم ناس فاضية ميستهلوش اصلا رد
للاسف يا انجى
للاسف يا انجى اللى دخل وشتم امبارح مش عمو صالح اللى شتم واحد باسم saleh2222
ويا ريت ملاحظاتنا تبقى دقيقه وعموما يا عمر الموضوع خلص خلاص حنبدا ندون من جديد ونحاول نعدل المواضيع من تانى
وربنا ييسر الاحوال فى الاخذ بالاعتبار اننا حنطنش الناس دى خالص حتى بعد حذف مدونه او تعليق لن اذكر لهم اى مبرر
سومه_87
انا اسفة على
انا اسفة على سوء ظنى..بس فعلا انا مكنتش مصدقة
الناس دى اصلا قصدها توقع بيننا مش حاجة تانية....
بصي يا إنجي ..
بصي يا إنجي .. إحنا كنا متفقين إن إحنا مش هنرد على الناس اللي ماتستهيلش .. بس برضه كنا متفقين إن إللي يشتم او يسئ إنه يتحذف من المدونه.. لكن إحنا دلوقتي بقى في عبارات في غايه القذاره ومع ذلك المشرفين على المنتدى مبيعملوش أي حاجه وسايبين العبارات والشتائم القذره وسايبين الأشخاص اللي بيقولوها بدون ميحذفوهم أو حتى يحذروهم ولو تحذير وسايبين المسيئين للدين الإسلامي والرسول من غير ما يحذروهم أو يقولوا حاجه خالص مع إن المفروض يتحذفوا أصلا.. وتحسي أن المشرفين عايزين الوضع ده وحابينه.. فده مش جو صحي إن الواحد يكتب في ظال الشتائم واللامبالاه من المشرفين.. وأرجو أنك تكوني فهمتي وجهة نظري يا إنجي ..وصدقيني أن أنا مهربتش أو ضعفت
تحياتي وإحترامي ليكي ي ا إنجي وأرجو معرفة ردك على ما قولته
أنا المصري... بفنه ولونه وسكوته.... وأنا اللي اديت للحجر صوته.... وناولت للامل صيته ...وفاكر في الضحى صلاة عصري.... أنا المصري
انا ماقلتش خالص
انا ماقلتش خالص انك بتهرب يا عمر انا كل اللى قلته ان هما عايزين يخلونا نسيب المدونة..ولو ماسيبنهاش و رجعت سومه للتدوين و الاشراف كدة حنقدر نغيظهم اكتر...ولا ايه؟
اما بالنسبة للشتايم فمعاك حق فى اللى انت بتقوله...و بالنسبة للاساءة للرسول فانت شفت بنفسك ان لما واحد دخل و قال على مدونة عمو صالح انها تحريض..انا دخلت و رديت عليه فى تعليق(على فكرة انا مسلمة) انا و ننو و ساعتها انت بنفسك قلت يا جماعة ده محدش يعبره....بس صدقنى مفيش حد حيهتم بالاضراب....و ممكن قوى يقولوا زى ماجه ناس حييجى غيرهم...الحل دلوقتى قدامنا هو الحذف و عدم الرد (التطنيش) و الانشغال بالمدونات ولا انت رأيك ايه؟؟؟
عندك حق يا
عندك حق يا إنجي.. وأنا خلاص هرجع أكتب عادي مادام حصل إهتمام أخيرا من الإداره.. وهنطنش الناس دي وما دام سومه هتحذف مواضيعهم وتعليقاتهم تبقى خلصت المشكله وشكرا لإهتمامك وتحياتي ليكي
أنا المصري... بفنه ولونه وسكوته.... وأنا اللي اديت للحجر صوته.... وناولت للامل صيته ...وفاكر في الضحى صلاة عصري.... أنا المصري
انا مش معاك فى
انا مش معاك فى الراى دا مار انت تدخل تقول مدونتك وتقول رايك ومن حقك تنقد اى حد بس بلاش اسلوب الهروب علشان تضغط على المشرفينيعملو حاجه لانه لو كل واحد يهرب ويعمل اسلوبك واو اضراب عن الكتابه متهيالى دا اسلوب مش قوى فيها ايه كل يوم تدخل وتقول رايك بكل حريه وتصلح المدونه بوجهه ظرك احسن من انك تنسحب ارجو ماتزعلش من وجهه نظرى
لأ أنا مش
لأ أنا مش زعلان يا رندا ولكن عايزك أقولك إن أنا مهربتش ولا حاجه ولكن أنا حذرت قبل كده أكتر من مره على الناس اللي عماله تشتم ومبيتاخدش معاهم إي إجراء.. وأعتقد إن إنك بقالك فتره مش موجوده في المدونه أو إنك لسه جديده فممكن تكوني مش حاسه الوضع في المدونه واللامبالاه من المشرفين على المدونه.. مع العلم إن أنا وبعض الأعضاء كنا بنحذر من الناس دي كتير أوي وبنستحمل قله أدبهم معانا ولكنها كانت بتبقى تلميحات مش زي دلوقتي شتائم قذره جدا.. وخلي بالك يا راندا إن إحنا كنا بنكتب مقالتنا عادي وغير كده كنا بنحاول بقدر الإمكان إن إحنا ندافع عن المدونه ..رغم إن واحد زيي معندوش اي صلاحيات خالص فأنا عضو عادي.. وزي سومه برضه ولكنها معاها صلاحيات محدوده جدا فهتعمل ايه يعني..! ورغم كده فكانت بتدافع عن المدونه وتحاول أن تصلحها بكل قوه ولكن كانت بتصدم في المشرفين اللي مش عاملين أي شئ يذكر..ف الموضوع دلوقتي اتصعب علينا أوي ومبقيناش قادرين عليه لوحدنا وكان لازم يكون في وقفه.ز وأرجو أن تكوني فهمتي وجهة نظري
تحياتي ليكي
أنا المصري... بفنه ولونه وسكوته.... وأنا اللي اديت للحجر صوته.... وناولت للامل صيته ...وفاكر في الضحى صلاة عصري.... أنا المصري