إتفقت كافه القوي الوطنية في مصر علي أن يكون
يوم 6 إبريل
يوم إضراب عام في مصر
يوم 6 إبريل
خليك قاعد في البيت أو شاركنا فى الميادين العامة
أوعي تنـــــــــزل لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا
قول لأصاحبك مايروحوش الشغل همه كمان وخليهم يدخلوا الإضراب
(حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أستاذه الجامعات)
6 أبريل
إضراب عام في مصر سلمي
أبعت رسايل لخمسة من أصحابك
ولو كل واحد بعت لخمسة
في ظرف يومين البلد كلها حتعرف
بالموبايل
بالأرضي
بالأيميلات
أو حتي رسايل عالشات في قنوات التليفزيون
أنسخوا رسالتنا وأبعتوها تعليق على كل المقالات ألي بتقروها
بيكوا وبينا البلد دي حتتغير إن شاء الله
المسيحين مع المسلمين لصالح مصر
منقول
يلا يا جماعه نعمل حاجه صح مره في حياتنا .. جت الفرصه اللي نبقى فيها إيجابيين ومش بنتكلم وخلاص .. على الأقل حس أن إنتا اللي كتبته بضميرك بقى ليه نتائج .. ممكن يكون انتا مساهمتش لإن صوتك موصلش أو محدش قراه كتير ... بس حسس نفسك إن دي نتايج عملك ودافع عنها وشارك.. ولو مش هتشارك ..على الأقل أقعد في البيت وأدي فرصه للناس اللي هتشارك تعمل حاجه.. يا جماعه جت فرصه ..إنتهزوها
تحياتي ليكم
التعليقات
فعلا يا جماعه
فعلا يا جماعه زي ما قالت ساد مون.. إحنا جتلنا فرصه أن نعمل شئ يذكر في التاريخ.. يوم يتكتب في تاريخنا إن إحنا عملنا حاجه.. إن إحنا مسكتناش وحاولنا نغير.. ومتيئسيش يا سومه .. حتى لو المره دي منجحتش .. على الاقل هتبقى خطوه تفتح للناس طريق صح وتغير مفاهيم عندنا .. يا جماعه خطوة 6 إبريل بتقول إن إحنا بدأنا نفكر.. حتى لو متأخر
تحياتي ليكو جميعا
أنا المصري... بفنه ولونه وسكوته.... وأنا اللي اديت للحجر صوته.... وناولت للامل صيته ...وفاكر في الضحى صلاة عصري.... أنا المصري
هى مقوله قالها
هى مقوله قالها تشرشل:
كل شعب يستحق حكومته....
وطول ما احنا سلبيين وجبنا اكيد نستحق الوضع ال احنا فيه واكتر منه ..يا ريت يقدر المصريين يعملوا شىء يوم الاحد وميجيش اليوم ده وكل واحد يقولك وانا مالى انا هصلح الكون لوحدى ..يا رب نحاول نغير نفسنا ونفك قيود الاستعباد والذل ال احنا فيه ده
والله او فعلا
والله او فعلا كلنا خلينا ايدينا ف ايد بعض صوتنا هيوصل للكل وهتكون البلد دى زى ما احنا عاوزين وفى احسن احوالها
بتمنى من كل قلبى ان يوم الاحد يكون فعلا يوم ف تاريخنا ونقدر نعمل فيه حاجه
وياريت صوتنا يوصل للساده اللى قاعدين ع الكراسى ف الغرف المكيفه
ياعالم
يمكن نحس
مع اخلص تحياتى
والله ننو فعلا
والله ننو فعلا معاها حق....وقالت كلمه حكمه....بس توقعاتى ان يوم6 ابريل حيطلع كذبه ابريل.؟...وحسحس حيطلع يقول بخخخخخخخخخ دحكنا عليكوا
سومه_87