أما كفاك ما فعلته هذه الأفكار العدوانية من استفزاز الغرب عليكم و اجتياحه لدول عربية و إسلامية

يعنى ايه بأه عليكم دى ال انت كاتبها يا استاذ فلتاقوس هو انت مش مننا ولا تبعنا ولا ايه..ليه مقولتش علينا وجمعت نفسك معانا ..كمان موضوع ان هانت علينا لغتنا والكلام الفاضى ده طبعا لا ..لغتنا اجمل واحلى لغه بالعالم ..لكن لما يكون فيه عندنا ناس بتموت على طوابير العيش ال كان الفقير لما يجوع يسد جوعه بالعيش يبقا لازم نكتب عن طوابير العيش ..ولما يكون فيه بطاله وعنوسه وفساد ورشاوى وسرقه  لحقوق  المصريين يبقا لازم نكتب وده اضعف الايمان..ولما يكون فيه مخطط دفين وصريح كمان للسيطره على عقول شبابنا وهدم مبادئهم وزعزعه عقيدتهم باشخاص نكره لا يستحقون حتى مجرد الذكر يبقا لازم نكتب.....ونسيب شويه النون والفتحه والهمزه والنصب والقواعد النحويه ونحاول نعبر حتى عن مشاكلنا مش  هنقول هنحلها ..ومعلش  ليا طلب غريب شويه تبقا تتكلم عن نفسك بصيغه الجمع معانا احسن كده هنفتكرك مع الغرب ال بنستفزهم  بجهلنا فى الاملاء  والنحو والاسلام...وكمان طلب اخر اذا كنت بتعتز اوى باللغه العربيه وجمال معانيها وقواعدها النحويه اختار اسم احلى من كده لأن اسمك  اعتقد لا يمت للعربيه بصله