هى مصر مبقتش امى؟؟؟؟
سؤال جه فى بالى امبارح....هو احنا اعتراضنا على مصر ولا المصريين ولا القائمين على الحكم فى مصر؟؟
امبارح كنت قاعدة و بكلم شخص معين و بقوله بكل صراحة انه بيكره مصر لقيته بكل سرعة بيقولى ..لا انا بعترض على القائمين على حكم مصر....تصدقوا عنده حق....اصل مصر ملهاش دعوة ..التراب و الهوا و المياه و حتى السحابة السوداء مش بايدهم اللى بيحصل ...بس انا بقى اعتراضى على المصريين "قال يعنى انا مش منهم" كتير بيقولوا ان الشعب المصرى طيب بس انا مش شايفة كدة انا شايفة انه سلبى مع انه مغلوب على امره حيعمل ايه؟؟؟
طب سؤال تانى..انا بدرس حاليا قصة وااسلاماه و بكتشف ان مفيش حاكم ظالم حكم مصر الا و اتشال ..كان دايما الشعب بيعمل ثورة و يشيله..ده حتى شجرة الدر كانت بتقول ان مينفعش حد ييجى على مصلحة الشعب..تخيلوا الملكة بتخاف من الشعب...طب ليه دلوقتى كلنا ساكتين ..اخرنا الكتابة ..مبنعملش حاجة ....انا مش عايزة نبقى زى كل مرة و نفضل ساكتين ..فيها ايه لو كل واحد كتب فكرة ممكن نعملها او حتى عبر برأيه ليه الشعب ساكت؟؟علشان لقمة العيش طب مهو لو اتكلم لقمة العيش حيلاقيها ....و عايزة رد الناس اللى بتكتب فى المواضيع الخاصة بالسياسة اعتراضكوا على مصر
ولا الحكومة 
ولا المصريين
التعليقات
بصي يا أنجي..
بصي يا أنجي.. بالطبع أنا إعتراضي على الحكومة والنظام ولكني ألوم على الشعب سكوته
الحكومة هي اللي بتدير البلد وهي المسئولة عنها ...والشعب بيسمع كلام الحكومة لإنها المفروض انها بتعمل حاجات عشان تخليه عايش كويس وعشان كدة بيسمع كلامها ..لحد دلوقتي الكلام جميل ..يعني الشعب مقصرش وسمع الكلام وقال حاضر ونعم.. يعني مش غلطان...لكن انا لومي على الشعب المصري انه لما يلاقي حكومة فاسدة لهذا الحد ويسكت من غير ما يعمل حاجة خالص .. يبقى هي دي السلبية بعينها واللي أنتي أتكلمتي عليها.. صحيح ان في حركة في مصر عن الأول يعني بقى في إعتصامات من بعض الهيئات وأحتجاجات .. بس برضه مش كفاية والكلام دة ما يكلش مع الحكومة اللي معندهاش دم دي..لازم يكون هناك رد فعل أقوى من كدة.. زي مثلا ثورة أو حتى عصيان مدني عام .. ودي وجهة نظري
تحياتي ليكي
أنا المصري... بفنه ولونه وسكوته.... وأنا اللي اديت للحجر صوته.... وناولت للامل صيته ...وفاكر في الضحى صلاة عصري.... أنا المصري
انا برضه شايفة
انا برضه شايفة ان عندك حق يا عمر بس ازاى تقدر تقنع الناس بده ...و كل واحد خايف على نفسه ..و كل اب خايف على ابنه و بيشربه الخوف ده من وهو صغير ولما يكبر بتحص نفس الحكاية ...يعنى خوف متوارث.......السياسة عندنا كلمة عيب نقولها ...ربنا يطرح البركة فى الجيل الجديد...قبل مايستولى عليه اليأس هو كمان
مع خالص تحياتى انجى
معاكي حق في ان
معاكي حق في ان إحنا عندنا في مصر خوف من كلمة السياسة.. ولكن الأمل فينا..في الشباب اللي المفروض انه عنده ثقافة ووعي عن الاجيال السابقة.. انا ضد اللي بيقول دة جيل خايب وجيل بايظ.. لإننا بصراحة جيل مظلوم لإننا متخبطين والسبب في التخبط دة البلد سواء في التعليم العقيم أو الديمقراطية المزعومة والقهر الشديد والحياة الصعبة وعدم مساعدة الشباب معنويا أو ماديا وعدم توفير سبل الزواج لهم ومشكلة الإسكان وكل المشاكل دي.. ولكن لو أتحلت المساكل دي هتلاقي شباب زي الفل هينقذ البلد دي والأمل فينا .. صدقيني
أنا المصري... بفنه ولونه وسكوته.... وأنا اللي اديت للحجر صوته.... وناولت للامل صيته ...وفاكر في الضحى صلاة عصري.... أنا المصري
ThE wHiSeRs In ThE MoRnInG
ThE wHiSeRs In ThE MoRnInG oF LoVeRs SlEePiNg TiGhT ArE RollInG !^! LoVeLy-MaN !^!
السلام عليكم
كلام جميل موضوع مهم بس المهم احنا مش حد تانى الشعب بيشتكى المفروض هوا الى يعمل حاجة طلما مفيش حد خايف على البلد يبقى لازم هوا يخاف على حياتة دا استعمار داخلى بس ربنا موجود وياريت نعمل حاجة ونبطل الى احنا فى دا
انا شاكرة جدا
انا شاكرة جدا تعليقك على الموضوع يا بى ام ..بس انا نفسى الناس ترد على السؤالين...احنا بنعترض على مين بالضبط؟؟....و ليه الشعب مش هو الشعب بتاع زمان؟؟؟
مع خالص تحياتى انجى