Mashy.com Blog Beta

على فكرة انا فكرت في الموضوع دة كتير ..أنا معاك إن إحنا ممكن نكون بنكتب ومقصرين في الفعل شوية.. وساعات كتير بنبقى مش بنعمل شئ  أساسا .. ودة وارد برضه.. بس لما فكرت فيها شوية قولت إن إحنا كناس بتكتب في مدونة بدأنا بفعل شئ إيجابي وهي الكتابة .. واللي ممكن تستنتجه من كدا أن أحنا مش بايعين القضية وحاسين بالأوضاع الغلط ومش نايمين في الدرة ومهربناش من الواقع وروحنا شربنا حشيش عشان ننسا.. ومن وجهة نظري أن إحنا على الأقل حطينا خطوة في مشوار الألف ميل.. ممكن تكون خطوة بسيطة ومش محسوسة أوي بس على الأقل عرفنا نحط رجلنا على الطريق أصلا..دي وجهة نظري وقد تحتمل الصواب أو الخطأ.. وبالمناسبة انا جايلي نفس إحساسك بتاع عدم الكتابة دة برضه..مش عارف ليه.. بس بحاول أتغلب على الإحساس دة بأني لازم أكتب عشان أقدر أنشر في المدونة عشان أستفيد بالأراء والردود المختلفة وأناقشها مع أصحابها..لإني مؤمن بإن مفيش حد على وجه الأرض عنده الحقيقة الكاملة أو وجهة النظر الكاملة ...ويمكن برضه أكتب حاجة يستفيد منها حد حتى لو بواحد على المليون وساعتها برضه هكون عملت حاجة.. فحاول تجرب إنك تتغلب على حكاية الاحساس بعدم الكتابة دي وجرب الافكار المتواضعة اللي قولتهالك.. وهنتظر مواضيعك إن شاء الله

تحياتي ليك

أنا المصري... بفنه ولونه وسكوته.... وأنا اللي اديت للحجر صوته.... وناولت للامل صيته ...وفاكر في الضحى صلاة عصري.... أنا المصري