Mashy.com Blog Beta

سؤال ممكن يكون بيدور ف عقولنا كلها وفى لحظات ضعف ممكن شيطانا يسرق منا خيالنا ويخلينا نقرب من ثوابت حتى مجرد ذكرها  ممكن يوجعنا

بس هجاوب عن سؤالك واقولك ان الحبيب هو اهم واحد ف حياتنا واهم كمان من امى وابويا واهلى ومن كل حاجه ف الدنيا

عليك افضل الصلاة والسلام ياحبيبى يامحمد يارسول الله

أسمعى ياسوما .. ح أقولك على حاجة يمكن تستغربيها لكنها حقيقة .. وهى اننا كلنا بنحب الرسول عليه الصلاة والسلام ,, أكثر من أهلنا وأكثر من نفسنا !! طب أزاى ؟؟

- هل عندما يذكر اسمك احد ,, تدعى لنفسك ؟ ؟                                  لكننا نفعلها عند ذكر المصطفى وندعو له .. ايضا عند ذكر الوالد أو الوالدة ,, لا ندعو لهما !!

- حد يسألنى ,, طب مادمنا كده .. ايه اللى تاعب حياتنا .. مع اننا كلنا بنحب المصطفى ؟؟

أحنا بنحبه ,, نعم .. لكننا توقفنا عند الحب كمشاعر فقط .. ولم نعمل بهذا الحب.

- ولو تفكرتى فى الأستشهاديين اللى بيفجروا نفسهم فى العدو المغتصب الأرض فى فلسطين .. ولعلمك احنا بنحسدهم ونتمنى نكون مكانهم ,, طيب الشهداء دول بيحبوا نفسهم أكثر ولا المصطفى .. اللى هو سبب نجاتنا من النار ان شاء الله؟؟

- طيب إذا كان حبيبك المصطفى هو اللى وصاك على والدتك !! طب بالله عليكى مش يبقى حب فى حب ؟؟ .. لما تحبى أمك وتحبى أمر المصطفى فى حب أمك يبقى أنت حبيتى أمك مرة .. وحبيتى المصطفى مرة وأمره فى حبها مرة كمان ,, يبقى أنت حبتيه مرتين ولا لأ ؟؟

- سيدنا عمر ,, لم يسأل فى هذه الواقعة عن حب الأم أو الأب أو الأولاد ,, لكنه سأل عن حب نفسه ,, عشان بس المسائل تبقى واضحة .

- طيب النفس أمارة بالسوء .. وربنا ألهمها الفجور والتقوى ,, والرسول حببنا فى التقوى وكرهنا فى الفجور .. يعنى الفاجر اللى بيحب نفسه هو فى الحقيقة مش عارف انه بيودى نفسه فى داهيه .. و رسولنا الحبيب عاوز ينقذنا من أنفسنا .. فلذلك أحنا بنحبه أكثر من أنفسنا .. لأنه مش بيودينا فى داهيه زى أنفسنا الفاجرة .

أرجو انى اكون قد شرحت المسأله بدون صعوبة ,, لأنى أحيانا لأقتناعى بفكرة .. يدخل فى أعتقادى ان كل الناس مقتنعه بيها من غير شرح

وفى أعتقادى أن الأم عيدها 366 يوم فى السنة ,, ومولد النبى ح ييجى لما نطبق حب الرسول تطبيق عملى ,, بأتباع القرآن والسنة ,, وليس بأتباع الهوى أو الفساد أو الظلم أو الغش أوأمريكا أو الحزب الوطنى .

بصي يا سومة ... انتي اكيد في مشكلة .. لانك لو مش عارفة تحسي إحساس إنك بتحبي النبي أكتر من أي حد في الدنيا يبقى انتي أكيد في مشكلة.. هو أكيد سؤال مستفز للكل وليا أنا شخصيا.. ولكن هقولك أن انتي هتحبي النبي لو قريتي سيرته الشريفة .. ولو تعمقتي في هذه السيرة والقصص والأحاديث سيمتلأ قلبك بحب النبي للدرجة التي لن تجعل أحد يضاهيه مهما كان..فهو خير الانام وأفضل أهل الأرض وهو الرحمة للعالمين .. وتذكري إنه السبب الاول بإنك الأن مسلمة وموحدة وهذه أعظم نعمة للإنسان.. وتذكري قصة سيدنا  عمر الشهيرة وكيف أن إكتمال إيمانك ودينك أن تحبي الرسول ليس فقط أكثر من أمك أو أبيك ولكن من نفسك.. وتذكري غزوة أحد عندما دافع الصحابة عن الرسول بأجسادهم وحياتهم فقتل من قتل وجرح من جرح وكانوا مقبلين على ذلك الهلاك الأكيد دون ذرة شك أو تردد وما يفعل ذلك إلا أناس يحبو ويقدروا الرسول.. وتذكري هذه السيدة التي قتل أبوها وأخوها وزوجها وإبنها في المعركة وعندما بلغوها بالأخبار كانت تسأل بكل شوق وحرقة "هل اصاب الرسول مكروه فقالوا لها "لا" فقالت يهون أي شئ بعد ذلك.... والكثيرمن القصص التي تجعل الإنسان يشتاق أن يقابل الرسول ببالغ الصبر وان يراه وان يفتديه بروحه لو أتيحت له فرصة.. وتذكري ان النبي يحبك ووصفنا  بإحباءه الذين يؤمنوا به ولم يروه وأعتقد إنك قرأتي هذا الحديث

لا أقول كلام إنشاء ولكني أوصف لك إحساس أحسه وأتمنى أن يحسه باقي المسلمين.. وأتمنى ان يأتي اليوم أن نقول " فداك أبي وأمي وروحي  يا رسول الله" بقلوب صادقة وحناجر واثقة.. وسياتي هذا اليوم قريبا بإذن الله

أتمنى إني مكونش ضايقتك يا سومة وأتمنى انك تكوني فهمتيني وانا بحترمك جدا

تحياتي ليكي

أنا المصري... بفنه ولونه وسكوته.... وأنا اللي اديت للحجر صوته.... وناولت للامل صيته ...وفاكر في الضحى صلاة عصري.... أنا المصري

بسم الله الرحمن الرحيم

وَمَا أَرْسَلْنَاكَ إِلَّا رَحْمَةً لِّلْعَالَمِينَ

صدق الله العظيم      

    [الأنبياء : 107]

تحياتى لك سوما على موضوعك وسؤالك الجيد وأرجو ان تكونى أدركتى الاجابة

انا مش عارف اقولك ايه  بصراحه يا سوما  بس انا  معجب بكتابتك وربنا يوفقك  يا رب