الى الناس الكويسة
السلام عليكم و رحمة الله و بركاته :
ازيكم جميعا
....انا بقالى كتير مكتبتش بس انتوا عارفين الدنيا مشاغل....
انا بس كنت عايزة اخد رٍأيكم فى حاجة....هو الللى احنا فيه ده صح؟؟ يعنى ...مظاهرات و احتجاجات و عيش سورى (قصدى مفيش عيش) و محاكمات....و اخوان مسلمين و دكاترة و قضايا
بس يا ترى فعلا المسئولين معتقدين ان الشعب مرتاح..هل هم للدرجة دى مش حاسين بينا خالص؟؟؟؟ ماعتقدش .... بس هو اكيد اللى ايده فى المية مش زى اللى ايده فى النار... بس تعرفوا الغلاء ده وسيلة فعالة جدا للقضاء على الشعب بسرعة...انتوا تعرفوا طبعا ان الزيت غلى و مافيش حد حيقدر يستغنى عن الزيت و لكن اللى حيحصل ان بدل ماكل شوية تغير الزيت ..لا ..تستهلكه 3..4..5 مرات و بعدين ترميه ..تعرفوا بقى ان الزيت لو اتقلى بيه مرتين تلاتة بيجيب سرطان ...و اهو كدة الحكومة ملهاش دعوة...انا سمعت عن سائل بيحلل جسم الانسان و مايتفضلش فيه ولا حاجة ....ممكن يبقوا يجربوا الاختراع ده فى شعبهم ..... و دى بقى تبقى الجريمة الكالمة....
بس اكيد الحكومة مش محتاجة لافكارى ...الوسائل عندهم كتيرة.... ربنا يزيد و يبارك.....
انا مش عارفة حاسة انى بهيس ..معلشى اصلى لسة شايفة مظاهرة من كام يوم(اول مظاهرة اشوفها فى حياتى)
اما دلوقتى ايه الحل ........مفيش ...لكن زى ماكتبت قبل كدة "لا تأتى خيوط ضوء الفجر الاولى الا بعد احلك ساعات الليل ظلاما" يعنى خلاص اكيد الفرج قرب..قولوا يا مسهل...بس تعرفوا برضه العيب فينا علشان احنا بعدنا عن ربنا و عن الايمان...و دول مجرد عقاب لينا ....شوفتوا بقى الحكومة طيبة و احنا بس اللى ظالمينها ازاى ..ربنا يقويها كمان و كمان و ينصرها على مين يعاديها
سلامى للاعضاء القدام و الاعضاء الجداد و كل الناس الكويسة
اختكم انجى
التعليقات
حمد لله على
حمد لله على السلامة يا انجي
أنا شايفة يا انجي انه لو قدرنا مش ولا بد، يعني مش عاوزة اكون محبطة رغم الظروف مفيش حل سوى الدعاء أيوة هو ده الحل الوحيد لا يمنع القدر الا الدعاء ادعوا يجيبكوكم الله
ساندي 1010
بصي يا إنجي ..
بصي يا إنجي .. رغم كل اللي إحنا فيه... ولكن السبب الرئيسي في اللي إحنا فيه هو البعد عن ربنا وعن الدين وعن سنة النبي - صلى الله عليه وسلم - ولو كنا اتمسكنا بيه كنا أكيد هنلاقي مخرج من الكوابيس اللي إحنا عايشين فيها.. وبصي الله عز وجل بيقول : بسم الله الرحمن الرحيم " ومن يتق الله يجعل له مخرجا" صدق الله العظيم .. ولو لاحظتي هتلاقي أن من يتقي الله ويتقرب منه ويعبده حق عبادته سيعطيه مخرج من كل بؤس يحيطه ومن كل هم ومن كل ضيق.. فالحل رغم المشاكل التي تهد الجبال دي .. إن إحنا نرجع لربنا تاني.. وأعتقد إن إحنا جربنا البعد عن ربنا واديكوا شايفين من بؤس إلى بؤس ومن سواد إلى سواد
اسف على الإطالة .. وتحياتي ليكي
أنا المصري... بفنه ولونه وسكوته.... وأنا اللي اديت للحجر صوته.... وناولت للامل صيته ...وفاكر في الضحى صلاة عصري.... أنا المصري
والله انجى انا
والله انجى انا قلبى وجعنى خلاص مفيش حاجه نافعه حتى مفيش احترام بين الناس وبعضها
تحياتى ليكى سومه_87
معلش يا انجى
معلش يا انجى لما نبقى فى حته مدونه لا تمثل زيروا على ملايين من المجتمع المصرى... شريحه تكاد لا تذكر ونفشل فى التواصل بشكل جيد ومحترم معا....يبقى لا امل فى الاتحاد ابدا....وبغض النظ عن كدا انا طول عمرى بث=قول نطنش الناس دى ولما يعرفوا انهم ملهومش لازمه حيتكتموا ....بس انا دلوقت بقول لازم يكون فى حل رادع....ايا كان
تحياتى ليكى سومه_87
سلامة قلبك يا
سلامة قلبك يا سومه ...انتى بالذات عمرى ماتوقعت منك اليأس ولا الاحباط