اهداء الى رئيسه حزب الاحلام النايمين..!!؟؟
ثلاثاء, 2008-03-18 01:03 — somaa_87
لما كانت الناس كلهم نيام كان لابد من بحث تلك الظاهره الخطيره...لهذا وبناء عليه قررت اتنازل شويه واقوم من النوم وا تولى مساله البحث عن فوائد النوم والكسل ...
واهديها لصاحبه الحزب النائم..... فى احدى المدونات...الشقيقه....واهديها للمدونين هنا....
زماااااااااان وانا اتناشر سنه كدا ايام ما كنت بصحى وبقرا الجرنان قريت زجل لواحد مش فاكراه معلش اعزرونى ماهو الزهايمر مش بالسن
وولاد الحلال مخلوش لولاد الحرام حاجه
......
ايه دا هو ايه علاقه المثل دا اصلا بالموضوع شكلى بدات اهيس مش مشكله المهم بقى الزجل كان بيقول.....
لسه حقوم من تحت لحافى.... وامشى لحد الشبشب حافى..... وكمان حاخد حمام دافى والبس واختار الالوان......الخ
تحليلى ونظرتى للموضوع ......بالنظره النائمه المتفحصه
اول هااااااام .... وجدت ان فعلا الانسان لما بيكون تحت اللحاف وخصوصا فى البرد بيكون متدفى فصعب يقوم.....
تانى هااااااام......والاهم ان الشبشب بيكون بعيد عن السرير والمشكله بقى مش فى اننا نمشى لحد الشبشب لا المشكله اننا نمد رجلينا ونلبسه...
تالت هاااااام......ان اخر معلومه دى غلط شويه ازاااااااى اقولكم .....
.طبعا فى الشتا بنلبس هدوم كتيره .....فلسه حنقلع ونلبس وندخل نستحمى وننضف....!!؟؟
وبعدين نغسل الهدوم اللى مش نضيفه وننشرها ونستهلك سافو وكهربا.....ونعطل نفسنا عن النوووووم....!!؟؟
وبعدين نغسل الهدوم اللى مش نضيفه وننشرها ونستهلك سافو وكهربا.....ونعطل نفسنا عن النوووووم....!!؟؟
شىء مؤرف ومتعب بصراحه.......
ولهذا بدعوا حزب النيام انهم يستحموا مرتين بس فى السنه .....عشان ينعموا بنوما هانئا....واقتداء بفاننا الكبير عيسوى العسيوى....
اما عن فوائد النوم فتعددت ......
يعنى فى اطباء يقولوا النوم الكتير بيجيب قرح الفراش ارد عليهم اقولهم لالالا...غلطانين النوم بيريح اجهزه الجسم .....ويقلل من استخدامها فمتستهلكش كتيييييييير.....
بالنسبه للناس المنوفيين اللى زيى النوم بيوفر جامد.....
.ننام فمنبزلش طاقه فمنجوعش وبالتالى مناكلش.....ونوفر
والمبدا دا محتاجينه حاليا بفكر اعرض الفكره على الرئيس ننيم الشعب اد سنتين تلاته توفيرا للدخول والكهرباء والمياه وبهذا نحل الازمات والمشكلات.....جميعها.....
حتى نعمل بالمثل اللى بيقول على اد لحافك مد رجليك.......
هناك فوائد اخرى للنوم بيقولوا النوم بيجيب اكتئاب لالالا غلطانين ......دا النوم بيريح الاعصاب ويرخيها وميخليناش نشوف الدنيا واللى عايشنها دلوقت ويريحنا من طوابير العيش حتى فى مثل بيقول تبات نار تصبح رماد .......
كمان النوم بيتخن.....ويرد للانسان نشاطه عشان يعرف ينام تانى لما يصحى.......
وتلبيه لندام احدى المغنيات اللى مش فاكره اسمها برضوا .....
بتقول يا نوم يانوم يانوم يانوم......
ومعاداه للست نجاه الصغيره...
لما بتقول وانا رمشى ما داق النوم وهو عيونه تشبع نوم
وتحليلى لموقفها انها حاقده على النائمين......المرتاحين.......
بقولها نضفى قلبك شويه.....وبلاش حقد...
ومن خلال ملاحظتى العابره وجدت انه يوجد اناس عرفوا فوايد النوم زى
اعضاء مجلس الشعب المصرى.......السوسه...
واقتداء باعضاء مجلس الشعب اللى عرفوا فوائد النوم وناموا
انا حشجع من اليوم على النوم الكتير........
العجيبه فى الموضوع انى بكتب الموضوع وانا تقريبا نايمه.......
هو احنا فين بالظبط........
ااااااااااااااه تصبحوا على خير..!!؟؟
تحياتى للجميع سومه_87
- Add this user to my friends
- somaa_87's blog
- Login or register to post comments
Comments
قالوا زمان نوم
قالوا زمان نوم الظالم عبادة
لكن دول بيناموا بس عن حقوق الناس ومصالحهم
اما باقى يوم النائب فبيجرى فيه ورا فلوسه والبزنس بتاعه ومش مشكلة الناس وفداهية الناس اللى رشحته وأديته أمانة تمثيلهم فى مجلس الشعب
ربنا ينيمهم
ربنا ينيمهم نومه ابديه ويريحنا منهم
تحياتى ليك سومه_87
lموضوع جميل
lموضوع جميل ياريت يبقى عندي عمر علشان اشوف مواضيع تانيه ليكي ...
تحياتي ليكي.......
اللهم ما بلغني يوم 20/4/2008
يارب اجعل اليوم ده اسعد ايام من ولدوا فيه وحقق اللهم لهم ما يتمنوه ويحلمو به
وارضى عنهم واغفر لنا ولهم ولكافه المسلمين
semsem
ههههههههه ايه
ههههههههه ايه يا سمسم دا والدعاء الحلو دا اللهم امين ان شاء الله حتعيش ونشوف احنا مواضيعك
تحياتى ليك سومه_87