إذا كان أصحاب الملايين من لاعبي الكرة يهربون للخارج، ويتهمون في قضايا تزوير، لأنهم يرغبون في تأمين حياتهم وحياة أولادهم.. يبقي علينا احنا أصحاب الملاليم أن ندفن أولادنا في التراب..!
المشكلة يا سادة ليست في لاعب كرة هرب أو آخر اتهم بالتزوير ولكن المشكلة في أننا قدرناهم ماديا أكثر مما يستحقون وأطلقنا علي فوزهم بالكأس انجازاً وإعجازاً وانتصاراً ما بعده انتصار وذهب البعض إلي القول بأن انتصارنا في غانا أعظم انتصار تاريخي ويفوق انتصارنا في ٧٣..! وأقسم لكم أننا لم نحتفل بانتصار ٧٣ الذي رواه أبناء مصر بدمائهم مثلما احتفلنا بانتصار غانا.. يا للمهزلة الكروية علي رأي الراحل يوسف وهبي.
يا سادة يا كرام في حكومة المحروسة أهنئكم بانتصاركم العظيم ليس علي الكأس ولكن علي استغلالكم المناسبة بكل ذكاء في تخدير شعب المحروسة، فأطلقتم العنان للفضائيات والجرائد، ووظفتم اتحادكم علي أكمل وجه ليطبل ويزمر لانتصارنا العظيم، الذي جعل من حارس المرمي الحارس الأمين علي مستقبل المحروسة..
ثم سقط في أول اختبار لسيادته وترك حراسة المحروسة، وهرول وراء الكام دولار ليكمل تستيف الملايين في حساب سيادته، لأنه أراد أن يؤمن مستقبله ومستقبل أولاده. وهذا حقه لأنه رأي حكومة وشعب المحروسة يفكرون بقدمهم وليس بعقلهم..! واللّه أنا مش مستكتر علي أهل المحروسة الفرحة ولكني حزين علي ملايين تنفق علي اللهو والأفراح في دولة غالبيتها عايشة علي اللقمة الحاف.. هو خلاص مبقاش في البلد ده حد عاقل يقول إن اللي بيحصل ده حرام؟!
مش عارف امتي البلد ده ح يفوق من اللي هوه فيه وامتي هنكرم اللي بيفكروا بعقلهم مش برجلهم؟! وياحكومة لعبتيها صح ومبروك عليكي كأس أفريقيا ومبروك علينا كأس المر اللي بنشرب منه كل يوم في طوابير العيش..
بس برضه سيظل نصر أكتوبر هو الأعظم حتي لو أخذتم كأس العالم.. لأنه انتصار دفع فيه ثمن غال ودون مقابل مادي.. اللاعبون فيه كانوا بيضحوا بصحيح عشان بيحبوا مصر ومفكروش أبدًا في مكافآت الانتصار، ولا حتي حيسيبوا ايه لأولادهم غير الكرامة.
تحية لكم يا لاعبي انتصار أكتوبر المجيد وتبقون أنتم المخلدون ولو كره المغفلون.
الموضوع منقول مع تحياتي للجميع.......
semsem
التعليقات
انتظر منى اللى
انتظر منى اللى يحرق الدم بجد يا عم سمسم...وياما قلنا الناس تفوق من الغيبوبه بس يظهر اننا بنموت فى اللى يعيشنا فى الوهم
تحياتى ليك سومه_87
المغفلين كتير
والله عنده حق بس العيب في المغفلين اللي بيشجعوا علي كده ويتضايقوا اوي لووزير نهب المبلغ الفلاني او رجل اعمال سرق المبلغ العلاني وهرب اما عند الكوره فيا سلام ما بيخدوش بالهم من اي حاجه وكان لعيبه الكوره دول هيقدموا خدمات للناس او حتي يتبرعوا بنصف اللي خدوه واللي مش هيفرق معاهم حاجه لمساعده الناس المطحونه من الغلي والكوي بس هنقول ايه المغفلين كتير