لكل اصدقائي اعضاء
ماشي الجمال
اهديكم اخر اعمالى الادبية من مقالات وقصة قصيرة وشعر
واسف للتاخير عليكم
لاني كنت مزنوق ولما هتقرو هتعرفو مودي
وليه مكنتش موجود
مستني رسايلكم الخاصة بايملاتي
او على موبيلي او ردكم بالمدونة او بالجروب بتاعي
اوسجل زواري
او نوادي ماشي بتاعتي
بجد انا محتاج دعمكم ليا
الدعم النفسي مهم جدا
ومحتاجكم جنبي عشان اعدي المرحلة العصيبة ديه من حياتي
لاني في حالة نفسية صعبة
وببدأ من جديد وده تعبني جدا
والله والله انا مستني اي رد منكم يخفف المي ولو شوية
صغيرة
الدنيا غريبة
الدنيا غريبة مريبة
تاخدك لنقاط قريبة وبعيدة
والحذر لايمنع قدر
تروح يمين زتروح شمال
حظك قاعد منشال
تسافر كتير طريق طويل
وبرضك واقف مكانك
زمانك هو اللي فانك
ومحدش واقف وياك
هندسة ديه ولا فقاقة
واد مخربش واقف يغلوش وينبش
عن رزق لسه في الغيب
سارح في دنيا ياريتها جاية اولسه في علم الغيب
مستنياك....ااك
ادون اخر كتاباتي
اه يا زماني انا واقف اهو في مكاني
من غير ما اغير عنواني
هل في يوم هتنتهي احزاني
وتبدا من بكرة الاغاني
راحت مني كل المعاني
وانا لسه واقف مكاني
هل ستنتهي معاناتي
واسجل اول سطور انتصاراتي
وادون اخر كتاباتي
وتتغير كل حياتي
عاملى غارة
عاملى غارة
صاحب عمارة
دكان نجارة
وكله في الاخر كلام
راكب فيتارا
ودبلوم تجارة
عاملي مخرج كمان
بيخرج وكله افي الاخر افلام
دنيا غريبة غدارة
تاخدك لنقاط بعيدة
يعني ايه كلمة فشل
فاء فتحة على جهنم
ش شين شيطان داخل روحك ينغص عليك
لام لا للحظات القوة والاصرار والتحدي
لم اجرب هذا الاحساس منذ تخرجي حتى الان وحتى في دراساتي العليا السابقة
وقد حدث ذلك بالصدفة حينما نزلت مادة لم افهمها وذللك للطريقة العقيمة التى تدرس بها
واستاذ مادتها نجح الكل الا انا بيتحداني
هل هناك تفسير تاني
هو نفسه بينسى معادلات اثناء الشرح
كل لما افتكر اني هعيدها مع نفس الاستاذ يجلي خنقة
واحس اني عايز احرق سيجارة
حسبي الله ونعم الوكيل
مقولة تحمل معاني كثيرة
خبط جميع الابواب
قد يكون وراء احدهم الحل
دائما ما يستسلم الانسان حينما يواجه الفشل
ولكن لكل عثرة فائدة
ولكل جواد كبوة
ولن تدوم كثيرا هذة الكبوة
وسوف احول الهزيمة للنصر مبين ان شاء الله
اعلم ان الايمان بالله ليس له حدود
قد يكون الموضوع مبهم وحينما اجد فرصة سوف احدثكم عنه باستفاضة
الفرصة التانية
عشمان في القدرة الالهية
وعشمان في الدنيا الجاية
وشبعت خلاص منادية
انا عايز خلاص الفرصة التانية
هل تتحق المعجزات
فوز مصر بالكاس كان مستحيل
ولكن كل شئ في الحياة مهما كان درجة صعوبته
قابل لتحقيق
بجد فرحة الكاس خلتني افرح ولو لثواني
الله اعلم مدى حزني
للنزولي مادة وكمان حريق بمكان عملي
وانتهاء علاقتي باعز واصدق حب لمسته
وفرمتة الجهاز والشغل ومجهود اكثر من 5 سنوات
وقرب نقلي من المستشفى الي مكان انتدابي والذي لم اقضى فيه يوما واحد
ونسياني كل اصدقائي ومعارفي بالمستشفى
ياااااه انا مخنوق جدا
ومش عارف اخرج من المود ده خالص
المهم الف مبروك للكاس يمكن منزلتش الموضوع ده تحديد
لاني كنت مخنوق بجد
مش عايز افتح موضوع عصام الحضري عشان منقلبش الفرحة للنكد
بس محتاج اعرف رايكم
هو رايكم ايه في هروبه من الاهلي؟
طبيب قلوب وكله في الاخر نصيب
لكل مجتهد نصيب
والحظ واقف كئيب
والعمر بيجري عجيب
والصاحب اصبح غريب
هل هناك من مجيب
او حتى تتعين نقيب
بص اهو كله في الاخر زبيب
ان زهقت من عذابي
وخلاص انبرا الصليب
هل تشعر باي لهيب
انه قلب
انه عقل
انه جسم
انه الطبيب
طبيب القلوب
قصة قصيرة القطار
انها المرة المليون التي
ينتظر المترو وهو يغادر المحطة وهو يلهث حتى يستقل القطار
ولكن كلما اسرع الخطي كلما كان توقيت مغادرة المترو اسرع واكثر
مأساوية فها هو ينزل كاعظم لاعبي القوى
يعدو كالفهد ولكن يغلق
ابواب المترو وهو يتزحلق على البلاط الاملس للارضية المحطة
يحاول الاخرين مساعدته للدخول
وينظر اليه كبارالسن معاتبين
هل هانت عليه
حياته لما يخاطر
وقف يلتقط انفاسه
ويفكر
هل دائما سياتي متاخر
هل دائما سيلهث ويرى القطار وهو يغادر المحطة
يربت على كتفه
اعلم يا ولدي بحجم عدد شعيرات راسي البيضاء
سوف تنتظر قطارات تغادرك ولا تستطيع
ان تركبها
اتعلم انها فكرة الحياة نفسها
كثيرين يلهثون واخرين
سعداء
ولا يعلم اللاهثون انهم في يوم سوف يكونو هم السعداء
ولكن يجب الانتظار والتفكر وظبط النفس
فكر الشاب هل كلامه صحيح
فعلا القطار يمثل الحياة ولكني لن انتظره
طويلا
اتعلم لماذا لان
الانسان خلق بتذكرة واحدة وللاسف بلارجعة
فهو يمتلك فرصة واحدة للحياة
فاذا لم يستغلها وذهبت
سيظل بقية عمره يندم
على عدم امتطاء القطارات واستغلال الفرص
قصة قصيرة القطار __د حاتم البيطار
التعليقات
عزيزي
عزيزي د.حاتم
سبق وأرسلت اليك بشأن التوقيع الطويل والصور الكثيرة جدا الغير مرغوب فيها والتي تنشرها دوما في تدويناتك.
هذه المرة قمت بحذفها بنفسي.. ارجو ان تلتفت إلى هذه المسألة في المرات القادمة.