مرة واحد صحبتى سألتنى تحبى تتجوزى جواز صالونات ولا عن قصة حب
بصراحة سعتها معرفتش ارد بس طبعا قولت كل اللى يجيبة ربنا كويس واللى فية النصيب يكون بس بصراحة لما قعدت افكر لقيت ان مفيش حاجة اسمها جواز صالونات وجواز انتريهات اسمة الصح هو الجواز التقليدى يعنى جوازاتنين اول مرة يشوفة بعض
انا لقيت ان الطريقة دى من الجواز مش عيب ولا هى شتيمة ولا حاجة متخلفة بالعكس انا حاسة ان الطريقة دى حلوة اوى لان لما يتقدملى عريس انا معرفوش هبقى بحكم عقلى الاول وبعدين قلبى يعنى هبقى بدرس الشخص اللى قدامى بعقلى مش بقلبى بس لان كثيرا ما يكذب القلب عادى هو دة شغلتة
اما بقى الجواز عن قصة حب بيبقى فى بعض الاحيان مش فى الكل غير ناجح او غير موفق دة لان الطرفين اختاروا بعض بالقلب والمشلعر بس مش بالقلب والعقل يعنى بيبقى اللى بيحكم علقتهم المشاعر اللى ممكن فى بعض الاحيان تقل مش تنتهى ودة اللى يخليهم غير متفاهمين
انا طبعا مش ضد ان الانسان ممكن يتجوز عن قصة حب وتكون علاقة ناجحة
بس بردة الجواز التقليدى فى نظرى ممكن يكون اكثر نجاحا من غيرة
بالرغم من ان بابا وماما متجوزين عن قصة حب وهى والحمد لله جوازة ناجحة كفاية بس انها جابتنى
التعليقات
مش بالكلام
انا كنت بفكر زيك كده وقلت مفيش احسن من التقليدي بس وقت الجد واليوم اللي جاي فيه العريس اللي انا اصلا ما اعرفوش عملت مناحه وقعدت اعيط كاني عندي ميت لاني كنت بحب واحد تاني وكنت اتمني انه هو اللي يجي المهم طفشته واللي بحبه ما جاش ياالله ربنا يسامحه ويكرمه باللي احسن مني والموضوع في الاخر راجع للنصيب وبعدين استني هنا احنا مستعجلين علي ايه ده مفيش احسن من الحريه واليوم اللي هفكر فيه اني اتجوز هيبقي عن حب حب حب ولو مفيش يبقي بلاش
اسمعى يا لارا
اسمعى يا لارا يا اختى كل شىء قسمه ونصيب....واللى مكتوب على الجبين لازم تشوفه العين ... جواز الصالونات مش وحش والحب برضوا ما دام فى حدود الادب ومكلل بعلاقه رسميه مش وحش....... الوحش العيب والحرام ...يعنى تخرجى معاه ورا اهلك نشوف بقى مناظر الكورنيش والشوارع والمولات اهو دا اللى عيب وغلط والبنت ترخص نفسها ... ولا هو بيحترمها ولا الناس بتحترمها ....وزمان بابا وماما مختلف عن زمانا ...زمان كان فى احترام من كل الاطراف زى ما بيقولوا الراجل يتربط من لسانه ...دلوقت والله لو ايه ما يتربط ...
ويا اختى الجواز شاحح اليومين دول فمن الافضل تدريب النفس على العنوسه حصل جواز كان بهاا محصلش يبقى خير وخديها منى كلمه قعاده الخزانه ولا جوازه الندامه...بلا وجع راس
تحياتى ليكى سومه_87