مش مندهش لأن كل اللي حصل في وسط البلد أول وتاني يوم العيد اللي فات ده شئ مش غريب، وبيحصل يوميا وفي كل مكان..
جرب تركب أتوبيس نقل عام زحمة شوية..
او أخطف رجلك لمارينا مثلا..
هتلاقي التحرش ده بيحصل.. صحيح مش بالشكل المريع ده لكن بيحصل فعلا..
الناس بتسأل عن أسباب الحالة المتردية اللي وصل ليها الشباب، آل يعني مش عارفين..
بطالة وكبت وانعدام الوازع الاخلاقي والديني.. ومش عايزين ده يحصل
كليبات غرف النوم شغالة ليل ونهار ومش عايزين الشباب يحصله كده
العملية زي ما نكون جايبين واحد ميت م الجوع ومش لاقي ياكل وعمالين نديله ف فواتح شهية!!!
اكيد اول ما هيشم ريحة العيش هيعمل زي ما عمل الشباب دول
انا مكنتش هناك، لكن متأكد ان الحكاية دي بدأت بأن واحدة من الممثلات اياهم كانت داخلة السينما بلبس مش ولابد.. وسلملي على الرسالة الفنية... آل فنانين آل..
هما فعلا فنانين بس بمعنى الفنان الموجود في المعجم!!!
احنا عاملين نبوّظ ف الشباب وبعدين بنسأل باستغراب ايه اللي بيحصل ليه الشباب بيشرب مخدرات ويرتكب معاصي وحتى النافعين منهم بيهربوا م البلد؟
انا مخضوض لأني مكنتش متخيل ان الحالة ادحدرت للدرجة دي
مكنتش فاكر ان نسبة الشباب البايظ وصلت للدرجة دي
ربنا يستر ع البلد دي