Mashy.com Blog Beta

 نقول السلام عليكم ورحمة الله وبركاته اول مره ادون مش عارف نفسى من زمان اعمل زى ما الناس دجى بتعمل وادخل اتفرج و اقول كلام جميل ساعات اضحك وساعات اتغاظ من اللى بقراه بس شوفت حاجه ومعجبتنيش و هكتبلكو حكايتى خلال 500 متر هعدى عليهم تقريبا كل يوم ويوم  ندخل فى الجد بقى

أولا الراوى : أنا شاب من محافظه دمياط  ايوه احنا اللى صدينا الصليبيين احنا يابان مصر  احنا المحافظه اللى مفيهاش ولا أمٌى واحد (@) - حسب احصائيات الحكومه - الروايه على مسيره 500 متر بعربيه  ميكروباص  بتاخد تقريبا نص ساعه ايوه متستعجبوش نص ساعه ودا طبعا مش موجود غير فى منفذ  بورسعيد الجمركى اتحكم عليا انى اروح كل يوم ويوم بورسعيد اخد كورس هناك بقالى يومين بس شوفت حاجات عجيبه هقولكو اللى حصل النهارده

نزلت من التاكسى عديت الشارع وروحت الموقف علشان اركب عربيه بورسعيد ومعايا واحد كان معايا فى الكورس اكتشفت انه من دمياط برده  وصلنا ركبت فى الكرسى وهوه جمبى حمدت ربنا انه مقعدش جمبى واحد مهرب زى المره اللى فاتت واشوفه وهوه بيترعش و بيأبج العسكرى والموظف  قولت تمام لسه فى راكب يا رب استر جه شاب شكله محترم عرفت انه اسمه عماد عرفت منين عادى بشله كان بيقوله ام هبه مستنينا على الجمب التانى يا عمده خالى بالك انا هنزل ولما تعدى من عند اينو هاخد اللفه الكبيره وخالى الاتنين معاك التانين ...بشله بقى شاب برده بس  أول ما شوفته مش عارف افتكرت سوكيننه وهيا بتقول لعبد العال الناس كلها بتاكل علشان تتخن وانت بتاكل علشان تطول المهم عماد ركب جمبى و حسيت  انى موعود بالمهربين .. ولسه فاضل 3 جه واحد الحمد لله  ...سمعت صوت بيقول انززززززززززززل يا اخويا ... اخويا يادى النيله عليا  انا جسمى بيقشعر من الكلمه دى وخصوصا لما تكون باللهجه البورسعيدى - مع الاعتذار للمعلم ابو العربى - لقيت عماد بيقوله انزل يا اخويا مينفعش احنا معانا 3 لفات وانت معروف و التانى يقوله انا مش معروف و الله المهم ابو صبيح- السواق طبعا -  ادخل وانهى الموقف ونزل الراجل علشان  هوه مؤمن بالمثل اللى بيقول لا تضع البيض كله فى سله واحده  لقيت  الراجل اللى راكب جمب السواق بيلف وبيكلم البنت اللى راكبه ورا السواق علطول ويقولها ايه يا امانى ما تجيبى لفه من دول  تحت الكرسى عندى قالتله لا خليك فى حالك الراجل طبعا قطم ولوى وشه وبص قدامه ... العربيه كملت واتحركنا يدوب لسه مكملناش 100 متر لقيت ابو صبيح السكره  بيقول لمو الاجره يا جماعه ..كلنا طلعنا الاجره ما اكيد لازم يحفظ حقه  افرض حد اتعكش فى الجمرك  هيخسر هوه زبون..وصلنا عند المنفذ الجمركى  قبل ما ندخل نزل بشله وقاله انا هستناك بعد اول واحد يا  عمده وقفل الباب ... وصلنا  وجه العساكر افتحو  الباب  انزلو كلكو كدا نزلنا  وامانى طبعا منزلتش لو نزلت هتضطر انه الجيبه الاسبانيش  تكشف المستور تحتها لفتين فيها حاجات نادت وقالت يا امين ...رد العسكرى وقالها استنى جايلك من الشباك واديته اللى فيه النصيب زميله ازاى تدي لامين ومتديلوش قالها انزلي قالتله انا اديت لامين 10 جنيه  قالها لا و الله  انا هاخد مليش دعوه بامين  مدت ايدها وفيها فلوس واديتها فى ايده فردها وقال خمسه و ادها اسلوب اعتراض باللهجه العاميه  ليه هوه امين احسن منى و الله لانتى نازله ونزلها واخد اللفه وفتحها و بهدل الهدوم على الارض ..وراحت امانى ...وركبنا العربيه بعد حوالى ربع ساعه من التفتيش على مفيش لانهم اخدو اللى فيه النصيب من امانى وبهدلولها الحاجه ومن عمده كمان ... وركبنا واتجهنا بكل ثبات للحاجز التانى ...وجالنا راجل كدا وقال افتحو العربيه وانزلو مش علشان افتشكو ولا حاجه دا عشان العربيه بس  انا شاكك فيها ونزلنا للمره التانيه  وجه بشله و الراجطل مصر ياخد اللى مع عماد عماد قاله دى حاجه ام هبه وهيا واخده اذن من استاذ اينو  اجرى ياض يا بشله نادى للاستاذ اينو وعدى بشله ونده يا استاذ اينو حاجه  ام هبه و الاستاذ سيد عاوز ينزلها قاله  تبعى يا سيد تبعى قاله كيب ونزل الايس كاب عماد حط ايده فى الايس كاب قولت و الله للازم ابص اشوف ابجه قد ايه لقيته ابجه حنطور ..المهم عدينا الجمرك وعماد نزل ولف من الممشى ورجع تانى علشان يعدى بحموله تانيه

يعنى بحسبه بسيطه الموظف بياخد  من 100-200 جنيه سوبيج انانس فى اليوم يعنى تقريبا من من 3000-6000 جنيه و عاشت  مصر حره مستقله كوووووووووووول