وانا كمان والله يا سومه زهقت من كلامهم ال فيه تضليل وليس هدى لانه بعيد عن شهاده الحق وبعيد عن ظروف شبابنا الحقيقيه وليس فيه اى ايجابيه بالمره بل فيه كبت وضغط لاى افكار ثائره كانها مسكن او مخدر ..تخيلى الاستاذ عمرو خالد كانت احد افكاره الخاصه باصلاح انفسنا  وهى ان كل شاب عنده موبايل ثمين يبيعه ويشترى نوع  ارخص وبفرق السعر يعمل شىء مفيد للمحيطين بيه ينفعهم ...؟؟ بأه يا راجل كلمه الحق عندك ان شاب تحت اى ظروف عنده عده موبايل غاليه شويه سواء عمل جمعيه اشتراها بيها ولا حوش سنتين مرتب وجابها هى دى ال زنقاك ...علشان يبيعها ويفك مشاكل المجتمع بفرق سعرها ...ومش شايف الحراميه الكبار ال بنوك الدول بره وجوه مليانه بملياراتهم ولا ملايينهم ...متكلمتش عن دول محاوله منك  لارجاعهم عن فسادهم او نصحهم حتى .ويعنى صعبان عليك عده موبايل غاليه فى ايد الشباب ومش صعبان عليك مصاريف لأبنك ال بتتعدى ال 30 الف بالسنه وهو عمره 6 سنوات ..طيب ما تدخله انت مدرسه مصريه وبفرق الانجليزيه عن المصريه تحل مشاكل ناس ...والله فعلا شوفت العجب يسيبوا الحق ويمسكوا فى قضايا لا ليها لازمه ولا فايده ..ده الرسول عليه الصلاه والسلام قال من رأى منكم منكرا فليغيره بيده فان لم يستطع بلسانه فان لم يستطع بقلبه وهذا اضعف الايمان ...صدق رسول الله ..واضح طبعا ان دعاتنا دعاه الفضائيات  علشان السبوبه والملايين  ال فى بنوكهم بيتبعوا اخر اسلوب  لتغيير المنكر الوارد فى حديث رسول الله صلى الله عليه وسلم وهو اضعف الايمان ...كل داعى دينى بعد ما ياخد الملايين فى الحلقات ويبنج الناس ويقول ال على هوا البعدااا ..بيدعى بقلبه لاصحاب المنكر والفساد فى سره يعنى  ...,وبيتبع اضعف الايمان يعنى دون التفوه بأى كلمه حق ...وسلم لى على بنوك سويسرا والاردن وفيلل مصر الجديده والمهندسين  والمدارس الانجليزيه والزواج من القبطيات يا دعااااااااه  ..والله يرحمك يا شيخ كشك