بمناسبة حدوته الحب فى مصر( التى ارجو قراتها قبل الرد على هذا الموضوع) كنت عاوز اعمل استفتاء صغير كده او استبيان لوجهات النظر زى ما بيقولوا بتوع الانتخابات يعنى وهو عن موضوع شائك جدا ومعظم الشباب مش عارفين رأسهم من رجليهم فيه وارجو ان تعم الفائده عن طريق اكتساب خبرات من الاخرين والناتجه عن تجاربهم فى الحياه وفهمهم المختلف للواقع عن فهم الفرد بمفرده وارجو ايضا (وسامحونى على طمعى) ان تودعوا رايكم بخلاصة القول ,بس ياريت اللى يدلى برأيه يكون رايه ناتج عن تجربه شخصيه او على الاقل من تجارب احد اصدقائه مثلا...
التعليقات
تحياتى للجميع
تحياتى للجميع وخاصة اللى شاركونى الراى ..
واحب ان اوضح شيا تعليقا على مدونة (الحب فى مصر) و(وجهة نظر) وسؤال((نارمر)
طبعا كلامك صحيح بلا شك اننا فى مجتمع شرقى او بمعنى ادق ذكورى اى يهيمن عليه الرجال فى الغالب ولكن وكلنا عارفين الحقيقه ده( قصر ديل) ففى عصرنا هذا اصبحت البنت مكافئه للولد بل وتتفوق عليه فى كثير من الاحيان وذلك طبعا فى المجالات التى تقبل المنافسه بينهم اما عن مجالات بعينها يستحيل على البنت العربيه تحديدا القيام بها وذلك لتقاليد المجتمع الشرقى وافكاره(اللى ربنا مايحرمو منها)و مع هذا الاقتحام النسائى الضخم لشتى مجالات العلم والعمل لم يعد امام الرجل وسيله لفرض سلتطه على زوجنه مثلا الا بالفروق الطبيعيه بينهم مثل فارق السن واللى اكبر منك بيوم.....والقوه البدنيه.ولانه مصدر المال .....الخ.ولذلك اصبح الكيان الجديد للمراه تهديدا سافرا على رجولة البعض ممن يشاهدون الطبيبات والمهندسات والمفكرات و....ات...الخ فلا يجد البعض وسيله لاعاده الحق الذكورى المهدور الا بان يتزوج بمن هى اصغر منه عمرا واقل خبره ليظل محتفظا بالصداره الذكوريه رغم انفها وهذا طبعا راى الملايين من الرجال وانا منهم بلا شك رغما عنى لشى فى تكوين الرجل الفطرى....وعن عدة تجارب عاصرتها بنفسى سواء لى او لاصدقائى ومعارفى... رايت انه من الافضل وجود فارق فى السن بين الرجل والمراه(اقصد الرجل اكبر) وهذا ليس من مصلحة الرجل وحده وانما ايضا يضفى هذا الفارق على المراه احساسا اكثر بالامان مع رجل تراه هى اكثر نضوجا واكتر خبره من اللذين فى مثل عمرها مما يزيد من تمسكها بشريك حياتها ....(وأأسف ان كنت قد عبرت عن راى الطرف الاخر بدون مناقشه لكن هذا ما حدث امامى وانا انقله لكم)
اما عن فكرة الارتباط بانسانه اكبر منى او على الاقل فى مثل سنى فانا اتوافق تماما مع راى (الشاعره الصاعده سحر) وارفض هذه الفكره تماما ولا اؤئيدها اطلاقا خاصة فى هذه الايام وذلك لما ذكرته انفا اما ان كان هذا هو القدر فافضل ان يكون هناك فرق فى المستوى الفكرى بيننا وذلك لنفس الاسباب ولاسباب اخرى ....ده ان ارتبطنا اساسا فى الايام الحلوه ده
وتحياتى لكى ؛ عايش على ماتفرج؛
السلام عليكم
السلام عليكم ورحمه الله..اولا دى اول مدونه ارد عليها من زمان وبحييك استاذ احمد على الفكره وطريقه العرض واسلوبك الجميل...ده رأيى المتواضع وارجو انى اكون أفدت:
الحب عمله نادره ...لازم تكون محظوظ اوى عشان تقابله ..بخصوص الفتره اللى احنا عايشينها دى وف ظل المتغيرات الاقتصاديه وجنون ارتفاع اسعار الذهب بقى اللى عاوز يتجوز يروح يولع ف نفسه احسنله واوفرله..مش بعقد حد...لكن كل حاجه عماله بتغلا ومفيش قابل لا فى مرتبات زياده ولا دخل ثابت ولا اى حاجه الناس هتجيب منين ..!!
الفرق بين الزوجين طبيا المفروض من 2 الى 10 سنين كحد أقصى لكن فى زيجات حصلت وبتحصل الرجل بيكبر المرأه بضعف عمرها والعكس ..لكن ده ميبقاش زواج ده حد بيعوض حد عن شئ افتقده او اعتقد ان بزواجه ممن تصغره سنا ..رجعله شبابه ولا حاجه بيبقى دور من ادوار المراهقه المتأخره ...لكن بردوو لكل قاعده شواذها...
فى رأيى لازم بل لابد ان الرجل يكبر المرأه مينفعش واحده تتجوز واحد اصغر منها بسنه ولا اتنين ..دى مسؤليه لازم الرجل يبقى فيها اكبر والا المدام هتمشى كلمتها !!! بهرج لكن دى حقيقه ..
بالنسبه بقى لان فى ناس بتهرب من المسؤليه ففى رأيى ان معظم الناس عاوزه تتجوز بس مفيش فلوس هيعملوا ايه ...لكن اللى معاهم فلوس وبيهربوا دول ملهمش عذر وحسابهم كبير وبيلجأو لطرق غير مشروعه فى علاقاتهم ودى قضيه تانيه ..ناس كتيره بتلجأ للحرام ..للمتعه الوقتيه اللى بفلوس لكنها ارخص من جواز ومسؤليه وواحده تقول هات وعيال تقول واء..لكن م الاخر عشان تكون فى علاقه ناجحه قويه بين طرفين لازم تكون مبنيه على الاحترام والحب والتفاهم..عشان كده لازم يكون السن متقارب ..غير كده العلاقات دلوقتى خرجت عن صفه الرسميه اللى اتكلمتى عنها يا سومه ..وبقى كله بيحب بيخرج طاقه جواه وخلاص ده ابن 15 بيحب ونفسه يتجوز..فما بالك بابن 30 ..مش حرام والله..ربنا يعفوا عنا..
عن تجربتى الشخصيه انا بحمد ربنا انى قابلت انسان وراجل بمعنى الكلمه(محمود خطيبى) بشكره بجد على كل حاجه عملها معايا ولسه بيعملها ..لانه متفاهم طيب وحنين لابعد حد..متتخيلوش قد ايه صبر عليا وانا الانسانه اللى كل شويه تزعل تعند تتعصب وهو صابر..عرفنى معانى الحب ليا ف كل لحظه خوفه عليا علمنى ازاى اتعامل معاه واحس بيه واحبه..ايوه انا بجد بحبه ومش عيب طالما اتواعدنا نحافظ عالحب ده...وان شاء الله هعزمكوا عالفرح..ده كان رأيى المختصرررررررر اوى معلش اسهبت ف الكلام موضوع رائع وبجد جميل...
صح النوم يا
صح النوم يا اميره يا بنتى ....ايه الغيبه دى ..انا عارفه السبب بس متطوليش علينا وانا بقول للناس والله يا جماعه ربنا يصبر محمود بجد الولد
حيخلل خفى عليه شويه ...ومتنسيش اتفاقى انا وانتى 
وفرح ايه يا بنتى مش دا اللى ناويه تعمليه بعد عشره خمستاشر سنه كدا.
..وجع فى سنانك بس لما اشوفك..لالا بعد الشر عشان مشيلش همك...متقطعيش الرنات
تحياتى ليكى سومه_87
توضيح
شكرا لتعليقك يا (انسه) سوما لكن انا حاسس ان كلامى مكنش واضح بالقدر الكافى مما يتيح للبعض الرد عليه بشكل واضح..واود ان اوضح الموضوع بشكل اخر نظرا لاهمية الموضوع بالنسبه لكل الشباب..
عايش على ما تفرج
على ما أظن يا
على ما أظن يا سيد عايش ان العلاقة بين الجنسين فى عصرنا الحالى هى فى اسوء انوعها لاسباب كتير منها ان الطرفين بقوا ماديين منها ان اخلافيات الناس اتغيرت حتى الحب بقى سلعة استهلاكية مفيش حد بيحب من اجل الحب كله بيحب عشان عايز حاجة اما عن العادات والمهور فاعتقد ان الناس بدات تدرك مدى صعوبة تنفيذ العادات دى حاليا وان الاهل بقى همهم الاول تزويج بناتهم فاصبحوا بيرعوا ظروف الشاب المتقدم يعنى دلوقتى الناس بترضى بالى جايب شقه قانون جديد وبالى مش حيعمل فرح كبير فى المكان الفلانى(طبعا دى الناس العادية او ممكن نقول الطبقة المتوسطة)
اما عن السن فانا شايفه(ده لو كنت بشوف يعنى) انه مسالة نسبية مينفعش نقول ان الفرق لازم يكون كذا لان التوافق بالعقل مش بالسن...فياما شوفنا ناس سنها كبير ومخها صغير والعكس صحيح بس اعتقد مازلنا فى مصر والشرق عامتا متمسكين بفكرة ان الرجل لازم يكون اكبر من المرأة .وده شىء انا بطرحه مع موضوعك بعد أذنك هلى لازم الراجل يكون اكبر من المرأة؟ هل تقبل انك تتجوز واحده اكبر منك فى السن ؟بسنة او اتنين؟.......اخيرا ميرسى ليك على موضوعك اتمنى انى اكون مصدعتكش..
السلام عليكم
السلام عليكم ورحمه الله وبركاته
اولا يا استاذ احمد...لابد انها تكون علاقه رسميه ...يعنى اللى بنشوفه فى الشوارع دا شىء مش صح ...وما يجعل البنت تخاف دخول اى علاقه من هذه العلاقات هى الشعور بعدم الامان وعدم الثقه لان الشباب دلوقت بيعرفوا الف واحده من الاخر بيتسلى...اما عن الملل العاطفى ...المعظم فينا عنده ويعانى من الفراغ العاطفى لكن الملل دا بصراحه معرفوش...انا اعرف انه بيحصل فى الزواج وتلاقى الكلام يقل بينهم ويحدث انفصال منغير طلاق لكن انفصال محدش بيكلم حد وبيقل التعامل والكلام وتصبح المساله روتينيه ...حقوق وواجبات ...لا موده ولا رحمه...سن الزواج حاليا مبقاش محدد الشباب مفيش فلوس ولو فى فلوس بيكون على تلاتين اربعين سنه...لكن لو عاوز تعرف علميا افضل سن للزواج عند المراه من العشرين الى التلاتين دا اللى اعرفه والرجل حتى الثالثه والثلاثين...دى كنت سمعتها من طبيب علم نفس...والله اعلم...
سر عزوف معظم الشباب عن الزواج والتجائهم لطرق اخرى للعلاقه مع المراه على الرغم من تحسن حالتهم
الخوف من المسؤليه فالزواج مسؤليه والتزام واحنا اصبحنا اجيال انهزاميه لا يريد احد الارتباط باى مسؤليه فهو فاشل فى القدره على الالتزام بمسؤليه نفسه فما بالك من مسؤليه بيت وزوجه وابناء...كل شىء بيجيله ببلاش حيلتزم بمسؤليات ليه...اضافه الى نقص التدين لدينا فلم يعد ما يخشاه تحولنا الى حد كبير الى مجتمعات اوروبيه ...يعرفوا بعض سنين وبعدها ممكن يرتبطوا او يكملوا على كدا...طبعا احنا موصلناش للحاله دى بس احنا فى الطريق وربنا يستر
تحياتى لحضرك سومه_87
mysho(: العلاقة
mysho(:
العلاقة بين الرجل والمرأة فعلا اصبحت صعبةفالمطلوب من كل شاب بعد التخرج ان يشترى شقة ويدفع مهر ويجيب شبكة وكل ده فى ظل ظروف قلة العمل اما بالنسبة لسن الزواج المناسب للمرأة فان كلما كان السن مبكر كلما كان افضل اما بالنسبة للرجل فاى سن مناسب ومن وجهة نظرى الفرق فى السن غير ضرورى المهم طريقة التفكير ممكن يكون الشاب اصغر من البنت لكن يفوقها عقليا
اما بالنسبة لعزوف الشباب عن الزوج بالرغم من تحسن حالتهم الاجتماعية فاذلك سببه تساهل بعض البنات فى العلاقة بينها وبين الشاب وتخليهاالحياء مما يجعل الشاب لا يثق فى البنات كما انه يجد ما يريد بدون ان يتبع الطريقة الرسمية