قائمة منقولات الزوجة .. استفتاء .. ما لها و ما عليها

 مساء الخير يا جماعة .. ازيكو يا أمامير ..

جايب لكو النهارده صيغة قائمة عفش انما كده .. و يا ريت كل واحد ولد او بنت متجوز او متجوزة .. يشارك برأيه و بالتفصيل عن القايمة مزاياها و عيوبها و هل هى بدعة و لا شرعية .. و ايه سبب ظهورها

 

تحياتى

 

 

قائمة منقولات زوجية

أنه في يوم --------------

أقر أنا ------------ المقيم بـ ---------------------- والكامل الأهلية للاتفاق والتصرف :-

أقر بأننى تسلمت من زوجتي السيدة / -------------- منقولات زوجية وذلك لتقوم بتأثيث شقة الزوجية الخاصة بنا والكائنة بـ -----------------  ـ حيث أنها أحضرت تلك المنقولات من مالها الخاص بها وليس لي أي تصرف فيها ، وأي تصرف أو تبديد من جانبي في هـذه المنقولات يكون تبديدا من جانبي لأشـياء في حراستي في منزلي وهـذه المنقولات عبارة عن الآتي :-

م

البـيــــــــــان

الثمـــــــن

1

حجرة نوم فاخرة وكاملة التشطيب موديل إيطالي مصنوعة من خشب الزان والقشرة – كاملة التشطيب

6000جنية ( ستة آلاف جنية )

2

حجرة نوم أطافي مكونه من سرير كبير + دولاب – كاملة التشطيب

1500 جنية ( ألف وخمسمائة جنية )

3

طقم انتريه مكون من عدد 2 كنبه + 2 كرسي + طربيزة بالرخام + نيش إيطالي أربعة طلفه دور واحد كاملة التشطيب

5000 جنية ( خمسة آلاف جنية )

4

مطبخ خشب 2 قطعة بالرخام – كامل التشطيب

800 جنية ( ثمانمائة جنية )

5

تنجيد - أربعة مرتبة + أربعة مخدات + أربع تربيعات + لحاف فبر

1500 جنية ( ألف وخمسمائة جنيه )

6

ستائر خمس قطع

1000 جنية ( ألف جنية )

7

سجاد أربع قطع

1000 جنيه ( ألف جنية )

8

نجفه

150 جنيه ( مائة وخمسون جنيهاً

9

أدوات كهربائية وتشمل : ثلاجة 14 قدم كريازي ينوفرست ، بوتاجاز يونيفرسال دياموند 60×90، غسالة ايديال اتوماتيك اكواتك زانوسي الجامبس ، مروحة فريش ، مكهربائية تلال 1600وات تليفزيون شارب 21 برصة ، مكواة كهربائية ناشونال + ترابيزة ، خلاط فرنساوي بالكبة ، مضرب ، غلاي كهربائي ، كشاف كهربائي ياباني ، حلة ظغط كهربائية ، 3 ابوجورة ،3 ساعة حائط ،2 فرع نور زينة ، ماكينة شعرية فرنساوي ، مفرمة ايطالي ،2 انبوبة غاز ، ماكينة بيتفور ، فرن بغاز لونه احمر نظام مكتب ، سخان كهربائي طقم مرواح سقف 

إجمالي الأدوات الكهربائية 17855 جنية ( سبعة عشر ألف وثمانمائة وخمسة وخمسون جنيهاً .

10

أدوات مطبخ وتشمل : شنطة معالق 73 قطعة ، طقم معالق فرط مكون من 12 معلقة كبيرة ، 12 شوكة كبيرة ، 12 معلقة صغيرة ، 12 شوكة صغيرة ، 6 سكاكين ياباني كبار تقطيع ، 6 سكاكين صغيرة ، بلطة كبيرة سلستين ياباني ، مخرطة ملوخية ، قطاعة مخلل سلستين ، قطاعة تفاح سلستين ، 2 مفاح سلستين ، 2 مفتاح كوكاكولا ، سكينة جاتوه ، قصارة بندق ، مقشرة خضار سلستين ، 3 مقص ، عجلة خبين ، سنانة سكاكين ، 3 خلاية كوسة ، مفك ، مفتاح انبوبة ، ماكينة ملوخية ، 6 سيخ حديد كفته ، 3 قمع 1كبير ، 2 صغيرين ، 12 طبق  بلاستيك  ، طقم توزيع مطبخ مكون من 7 قطع سلستين ، طقم تيفال زهران  ، 1 صنية تيفال ، 3 حلة مقاس 22 ومقاس 28 +مقاس 20 ، صنية مقاس 24 + كرله مقاس 14 + كرله مقاس 16 ،ن قلابة كبيرة الحجم ، 8 قطع تيفال زهران بالتفصيل ، طقم حلل مكون من 8 قطع ، طقم حلل سلستين بالوقت مكون من 4 حلل سلستين احجام مختلفة + قلابة ، كرله ، مصفاة بالتيمر ، طقم الومنيوم قطاعي مكون من حلة عيش كبيرة ، كروانة الومنيوم كبيرة ، 2 ماجور ، صنية فرن كبيرة ، طبق سلستين كبير ، صنية قطار الومنيوم ، طقم مكون من 5 صواني فطيره دائري ، طقم صواني مستطيل مكون من 4 قطع ، مصفاة مكرونة كبيرة ، عجانة سلستين كبيرة ، صنية دائرية ملامين كبيرة ، صنية ملامين مستطيلة ، 10 صواني شاي ، 4 صواني تيتش سلستين ، صنية مدهبة زهران مدهبة ، صواني تيش مدهبة ، مفرمة خضار سلستين ، طقم مطبخ مكون من 100 قطعة عبارة عن اطباق ، صواني ن صلاطين ، طواجن ، قوارب سلستين ، مبشرة ، مصفاة ، طقم ملامين مستور مكون من 58 قطعة بورد لونه اصفر ، 3 كنكة احجام مختلفة سلستينايطالي ، 3 براريد سلستين احجام مختلفة، براد حراري ، غلاي سلستين حجم كبير ، سكرية سلستين مدهبة ، لبانة سلستين بغطاء ، 3 شفشق سلستين  احجام مختلفة ،6 كوب سلستين احجام مختلفة ، مانع للفوران ، شياطةارز سلستين ، 1 طقم توابل مكون من 3 قطع صيني ، 1 طقم توابل مكون من 12 قطعة صيني ، طقم سلو حافظ للطعام مكون من 6 قطع + معلقة بداخله ، طبق فواكه صناعي للمطبخ مكون من30 قطعة مختلفين

إجمالي أدوات المطبخ 13057 جنيه ( ثلاثة عشر ألف وسبعة وخمسون جنيهاً )

11

أدوات ومعدات بلاستيك وتشمل: طقم كروانه مكون من 10 كروانات بلاستيك ، طقم ثلاجة مكون من دورق مربع  1 كبير +2 صغيرين + 4 دورق مربع + 2 شماعة حمام ، 4 مطبقية 2 سلستين ،2 بلاستيك ، 2 شنطة خضار + 2 صلاية + هون افر نحاس ، كرسي بلاستيك فيبر ، بستلة مياه كبير ة ، 2 سلة مهملات الهلال والنجمة ، 2 سبت غسيل الهلال والنجمة كولمن مياه الومبك 10 لتر ، طقم ثلاجة مكون من 4 صلاطين ، 3 شفشق بلاستيك بغطاء ، 10 دست مشابك احجام مختلفة ، 3 شنط مشابك غسيل ، 6 مصفاة خضار الوان مختلفة ، 6 مصفاة خلاط ، 2 مجراف 1 صاح ، 1 بلاستيك ، 2 منفضة ، قطاعة خضار ، 2 صلاطين ملامين ، 2 صنية صغيرة ، بتربر مكون من 4 ادوار الهلال والنجمة ، 3 ليف حمام ، 2 مساحة ، زعافة ، 3 مكنسات  جردل مسيح بالزعافة ، 2 زعافة للحائط والارض ، طقم بلاستيك مكون من 6 كوب ، شفشق ، عصارة برتقال ، 2 صبانة ، 3 شماعة حمام 2 سلستين ، 1 بلاستيك ، مراة حمام بلاستيك ، 3 قطع مانع للشخونية ، طقم فواكه بمغناطيس للثلاجة مكون من 15 قطعة ، طقم تزين للثلاجة ، 3 قطع رشاقة للمطبيقية مستطيلين ، مساكة مطبخ سلستين + مصفاة ترمس شاي ، نظافة نجف + 2 نظافة حمام ، طرابيزة الومنتال 4 كراسي طم مطبخ 3 مسكتان + المريلة + غطاء انبوبة ، 3 دست شماعات بلاستسك ، طقم ثلاجة حراري مكون من 5 قطع ، عمود الومنيوم للطعام ، فوالة الومنيوم كبيرة ، طقم زينة صيني للمطبخ مكون من 6 قطع ، ماكينة شبسي مقشرة فاكهة، مقشرة بصل ، 2 طبلية 1 الومنتال + 1 خشب + لوح + 3 مطارح + 5 نشبات ، 2 منضل صغير + 2 غربال كبير + كرسي بلاستيك

إجمالـي أدوات ومعدات بلاستيك 5100 جنيه ( خمسة آلاف ومائة جنيه ) .

12

الصيني ويشمل : طقم اكروبال مكون من 58 قطعة بوردة زرقاء ، طقم اكروبال مكون من 68 قطعة ، طقم صيني مكون من 118 قطعة ، طقم لبن مكون من 25 قطعة صيني ، طقم شربات عنقود العنب فرنساوي مستورد ، طقم شربات عفير سادة ، 2 طقم شربات ابيض + 2 طقم احمر  ، 200 كوب انواع مختلفة واشكال مختلفة ، 2 شمعدان ابنور – انحاس ، 1 طبق فاكهة بنور بكرسي ، 1 كرسي عباس ، 2 صلطنية شربة ، طقم خشاف ايطالي بخط دهبي ، طقم تشيكي حراري ابيض  ، 6 فازات للزينة صيني ، 2 دستة كلسات ، 2 قصرية للورد ، 2 مبضرة ، طقم فخار خزف مكون من 50 قطعة ، نجفة صيني بغطاء ، 6 دبديب بالبطارية ، 2نجفة صغيرة ، 15 صحبة ورد صناعي ، مفرش صعيرة ، لفة مفارش للتيش ، مفرشين للانتريه ، طقم هدايا صيني مكون من 6 قطع ، فازة كبيره لمونها بمية .

إجمالي أدوات الصيني 9425 جنيه ( تسعة آلاف وأربعمائة وخمسة وعشرون جنيهاً )

13

المفارش وتشمل : 17 طقم سرير بالوان مختلفة واشكال  مختلفة ، 3 كفرته ، مفرش سرسر قطيفة مشجر ، ملابس واحدية وشنط ، مفرش ستان ، بطانية الدب 8.5 كيلو طبقتين ، بطانية طبقة واحدة / لحاف فيبر امريكاني مكون من 9 قطع 35 فوطة ، 3 مرشات ، 4 دواسات قطيفة .

إجمالي المفارش 11400 جنيه ( إحدى عشر ألف وأربعمائة جنيهاً .

14

الذهب ويشمل : مائة جرام ذهب عيار 21 قيراط ، وهو عبارة عن سلسلة جنزير كبيرة + ثلاث غوايش + حلق كبير + دبله + محبس

إجمالي الذهب 12000 جنيه ( أثنى عشر ألف جنيهاً )

وأقر أنني تسلمت هذه المنقولات بعد معاينتها على الطبيعة ومعرفتى الكاملة لها وأتعهد بالحفاظ عليها من التلف كما يحافظ الشخص على أمواله الخاصة ولا يجوز لى التصرف بأي منها أوتبديده الا بعد إذن مــن مالكتها زوجتي السيدة / ------------- .

وهذا إقرار منى بذلك   .                                                 المقر بما فيه

         الشهود :-

                  1-

                  2-

التعليقات

والله يا سيف دى

والله يا سيف دى قايمه كويسه اوى بالنسبه لى ...انا رحت مره اتقدم لبنت كانت زميلتى وكان بيننا تفاهم ..ولما بعت لاهلها وافقوا ورحبوا وقالوا احنا بنشترى راجل لبنتنا ولما رحت البيت نتفق  طلبوا حاجااااااااااااات مش هقولك عليها هنا فى المدونه ...مش عارف لو كانوا مش شاريين راجل كانوا قالوا ايه تانى ...المهم انى طبعا مكملتش الموضوع مش علشان الامكانيات وبس لكن علشان الطمع الرهيب ال حسيته منها ومن اهلها ولك تحياتى

ههههههه ...والله

ههههههه ...والله سواء بدعه او شىء شرعى فهى ادب للرجاله ...لا مؤاخذه طبعا بس دا نتيجه عدم الامان ...ولاننا مش بنلتزم بالدين فى كل شىء...بنسيب الاساس ونمسك فى الاطراف ...فمناخدش الدين كله وجزء منه نسيبه...وعامه فى ايه فى القران بتقول فى صوره النساء على ما اعتقد.. وَآتَيْتُمْ إِحْدَاهُنَّ قِنطَارًا فَلا تَأْخُذُوا مِنْهُ شَيْئًا

تحياتى لحضرتك سومه_87

 

أولا تحياتى

أولا تحياتى ليكى يا سومة

 

ثانيا صورة ايه بس يا حاجة سومة ههههههههه اسمها سورة .. هتضحكى علينا الناس .. اسمها سورة عشان محاطة بسور مش صورة

 

ثالثا بالنسبة للآية الكريمة فأنا بحثت فى تفسيرها و لاقيت ان المقصود بها الصداق

شوفى ف الشرع لا حقوق مادية للمرأة فى الزواج الا المهر و مقدم الصداق و مؤخر الصداق و طبعا لو مطلقة النفقة و الحضانة و هكذا

 

إنما مسألة القائمة أولا فى الاصول هى عيب .. ف المثل احنا بنشترى راجل ثانيا الاب بيقول: انا امنتك على لحمى مش هامنك على شوية عفش ..على اى حال فانا مؤمن بان حقوق المرأة هى المهر و الصداق و النفقة اما وصلات الامانة و الكلام ده مش شرعى و لا حصل الا فى ايامنا دى .. طبعا فيه رجالة مالهاش امان و معلش برضه فى ستات مالهاش امان مش بس ف الشرف ..المشكلة مش الامان دلوقتى.. المشكلة ان علاقة ايه دى اللى مبنية على المحاكم و الوصلات .. مفهاش رومانسية خالص و بصراحة كده تغور علاقة بالشكل ده

 

احنا لو سيبنا الناحية الدينية واتكلمنا ف الناحية العاطفية فالمفروض تكون علاقة الجواز مبنية على الحب و المودة و المشاعر النبيلة مش خونى و اخونك .. و ما دام دخلت فيها الفلوس و الوصلات و انا ماضمنكشى .. فانا بأسأل بيتجوزوا ليه ما دام مش مآمنين بعض؟؟

 

و بالنسبة لحكاية ادب للرجالة فدى نظرة عنصرية يا سومة .. طب افترضنا ان ده ادب للرجالة و هوه مش ادب و لا حاجة لانه لو بيكرهها و عاز يسيبها هيفضل الافلاس او السجن على العيشة معاها.. لو افترضنا كده ففين الادب للستات برضه؟؟.. و لا الرجالة دايما غلطانين .. فيه الكويس و الوحش .. و الراجل الحقيقى بيكون عارف واجباته و كلمته ثقة زى ما قالت منسية

 

على اى حال يا سومة .. يا ريت الباقى ولاد و بنات ينضموا و احب اسمع رأيهم .. و زيانور كمان بحكم انها متجوزة

 

تحياتى ليكى _ سيف

معلش يا حج سيف

معلش يا حج سيف جل من لا يسهو وبعدين انا من كتر كتابتى لكلمه صوره طغيت على كل السور ....بص انا من رايى تعددت التفاسير ولانى خبره فى المواضيع دى سياتك متعرفش عنها كتير زيى لاسباب كتيره فاحنا سالين فى الازهر وفى دار الافتى والموضوع دا قتل بحثا ...عامه كتير قالو اراء مختلفه ومتضاربه ومتقوليش المفتى عبيط والازهر سكه وشوفى شيوخ تانيه انا احب احترم الناس دى حتى لو فى فتاوى اجتهدوا فيها بس وصلوا لسكه غلط ولكل انسان حجته يوم القيامه ولا ايه..!!؟؟

وعامه هو الراجل لو باع الست او الست باعت الراجل كل الكلام دا مبيفرقش ..لا يقدم ولا ياخر بس هو عباره عن استفزاز وحرقه دم ...ههههه

وفى حاجات غريبه مكتوبه زى مشابك الغسيل ..اه بالمناسبه ليا حد قريبى فركش الجوازه عشان اهل العروسه كتبوا دبابيس الطرح  والشرابات فى القايمه ...تخيل التفاهه...

هى ممكن تكون صح بس بتتنفذ بطريقه غلط ومبالغ فيها

وعامه انا اسمع ان فى حديث فيما معناه (ان افضل النساء وابركهن  اقلهن مهورا)صراحه مش فاكره نصه بالظبط ايه

و(يسروا ولا تعثروا)

اكيد كل اللى بيحصل مبالاغات ملهاش لازمه...اما لو لاهميه القايمه فدى اعرف انها بتتعمل عشان الزوجه بتجيب اشياء قبل الزواج فمن حقها تستردها فى حاله الطلاق ...ونظرا لان فى رجاله ممكن تطرد الزوجه وتحرمها اى شىء من حقوقها فبتتكتب القايمه لمثل هذه الحاله لا قدر الله

تحياتى ليك سومه_87

 

قانونا يجب من

سلام الله عليكم ورحمته وبركاته
اولا اشكرك على الموضوع وهو موضوع مهم
واسمحلى اضيف رأيى

قانونا يجب من وجودوثيقة ممضية للاخذ بها عند اللزوم
الزوجة او المطلقة فى عصرنا هذا
لن تستطيع ان تأخذ حقها اذا لم يكن معها اثبات
فالقضاء يعمل على وجود دلائل معينة ..فاذا كانت معها وثيقة ممضية من الزوج وفى حالة غدر الزوج بها وسلب حقها وربما تركها "تطليقها" فى هذه الحالة تستطيع ان تأخذ حقها بلجوءها للقضاء والقضاء يتولى الامر
اما اذا لم تكن معها اى اثبات على كلامها لن يكون القضاء فى صفها وستخسر كل شى فى الدنيا ولكن الله سيرد لها حقها فى الاخرة
الان يتم الاخذ بهذه الوثيقة قانونا اى للأمن والاحتياط والحذر واجب الا اذا كانت الزوجة كانت متوزجة من شخص متدين فعلا وقولا ويظهر لك ذلك من سلوكه ولا يكون مثل اكثر المتزوجين الآن يأخذ ما يعجبه فى الدين ويترك ما يجب عليه ان يأخذه ..يأخذ حقوقه ويترك واجباته
لان معظم الرجال فى زمننا هذا ليس لهم امان ليس مثل الرجال زمن رسول الله عليه الصلاة والسلام والصحابة
امر الوثيقة فى المنقولات مهم كالوثيقة فى امر الزواج العرفى ...مأذون وشهود ..لكن من غير اشهار و دة غلط
وفى حالة عدم وجود وثيقة تثبت زواج الزوجة من الزوج وغدر بها زوجها وانكرها ولم يعترف بها
فى هذه الحالة ستضيع الزوجة ويكن القضاء ضدها لانها ليس معها اثبات اما اذا كانت معها وثيقة ممضية فستأخذ حقها والقضاء يكون فى صفها
.. لا اعترف بهذا الزواج لان الزواج اساسه الاشهار
وبهذا يكون من رأيى انه امر قانونى وليس دينى ..يمكن يكون دينى بس قانونا اشد
فمن رأيى يجب وجود مثل هذه الوثيقة فى زمننا هذا

ارجو انى مكنش بدايق حد بكلامى وان فعلت فوالله لم اقصد

تحياتى اليكم : منسية

تحياتى يا منسية

تحياتى يا منسية و مشكورة على ردك .. بس انتى فهمتى الموضوع غلط شوية .. انا لا اقصد اهمية التوثيق .. انا طبعا مع توثيق عقد الزواج و اعلان الطلاق و كل الاوراق الرسمية و ضد انها تكون بدون توثيق .. بل اشمئز من الرجل الذى يخدع فتاة ثم يخلى بيها .. انا فى رأيى ده مش راجل اصلا لان الراجل الحقيقى دوغرى و شريف بس لازم البنت كمان تكون دوغرى و شريفة.. المهم نرجع لموضوعنا .. انا لا اقصد توثيق القايمة انا اقصد ايه فايدة القايمة اصلا اقصد ايه فايدة فكرتها اصلا .. و زى مانا قلت لسومة انا مؤمن بس بالحقوق الشرعية للمرأة من مهر و صداق و نفقة و كسوة .. و ان المهر هبة لا ترد و ان الصداق فريضة و لزاما على الرجل دفعه و كذلك النفقة .. لكن لا احبذ فكرة القائمة لانها شئ مبتدع .. افضل ان يكون الاثاث مناصفة بين اهل الزوجين ..و لهم ان يزيدوا المؤخر ان ارادوا حفظ حق الزوجة .. او يزيدوا المهر و ان كان النبى قد نهى عن المغالاة فى المهور .. فى الحديث رحم الله رجلا سمحا اذا باع و اذا اشترى و اذا اقتضى فالاولى بالسماحة ايضا فى تزويج ابنته .. الزواج ليس امرا ماديا بحتا انما هو سكن و عاطفة من حب و ابوة و امومة و تضحية من الطرفين .. و عليه فانى لا احبذ فكرة امساك الزوج بالقائمة سواء موثقة او غير موثقة لان الرابطة الحقيقية التى تمسكه هى الصدق و الاخلاق و الرجولة الحقة والايمان بالله و اليوم الاخر

طبعا كلامك جميل و منطقى و اللى يزعل منه  مالوش حق يزعل لانك بتقولى الحق و بتضايقيش حد ابدا ..

تحياتى لك يا منسية هههههه و لسومة طبعا

موضوع مفيد جدا

موضوع مفيد جدا للمقبلين على الجواز

شكرا لك