انجى حبيبتى كل اللى بتنادى عليهم فى عداد الاموات المدونات كمان متوقفه بقالها فتره معرفش الناس راحت فين ...عمك صالح انسحب والبركه قلت ...واميره مشغوله ...محدش غيرى اهو...معرفه ناس جداد شىء جميل لكن خطر جداا لازم تاخذى حذرك منه انا جربت زمان كدا وانا فى سنك اعرف ناس من برا خدى بالك لان فى ناس مش كويسه اخلاقيا ... وبالذات الاجانب ...منصحكيش بدخول ياهو شاتينج مش كويسه خالص ...ماشى كان كويس زمان بس مبقاش كويس...الشات حاليا الناس بتستخدمه فى اغراض مش صح ومش كويسه ممكن كان زمان اساس لكن بناء على خبرتى القليله فيه بنصحك مش اى حد تعرفيه انا بعد فتره كبيره جداا استخلصت اصدقاء ليا بس بعد عناء شديد مش عارفه بصراحه افيدك ازاى بس عاوزاكى تركزى انتى ثانويه عامه وبعدين ابقى تعالى البلوج فضفضى هنا بدل الحال الواقف دا هههههه اعتقد انك لو تعرفى حد برا بالفعل ويقدر هو يعرفك على الناس صحابه دا ممكن يكون افضل...وقبل ما تاخدى خطوه شوفى انتى بتاخديها ليه

تحياتى ليكى سومه_87