Mashy.com Blog Beta

طبعا اولا ارحب بك يا منسية واسمحي لي المشاركة انا طبعا اكبر منكم ولازم علشان نحكم على جيل بحاله وهي مسألة خطيرة جدا ان نتحلى بالموضوعية ونتسلح بالدراسات الاجتماعية والانسانية مش ملاحظات شخصية وانا عادة لي منهج في التقيم ان اعدد الايجابيات والسلبيات وكل جيل في الدنيا قالوا عليه نفس الكلام جيل فاشل بايظ ...الخ الخ ذلك ان الجيل السابق استقر وكون عاداته في الحياة وترك بصمته التاريخية يقوم الجيل الجديد عايز هو كمان يبدأ ياخذ مكانه الطبيعي فيحدث الصدام بين الاجيال والجيل الحالي مظلوم لاسباب اقتصادية وتخطيطية يكفي ان اقول لك ان المراة كان نصيبها من الانجاب 6 وكسور الان 2 وكسور (احصائيات) يعني التهاردة فيه نصف الشعب من 15 سنة وانتي طالعة بعد 30 سنة هيبقوا عواجيز محتاجين رعاية الخ وسيكون نصف الشعب برضه لان الانجاب انخفض وستكون مشكلة كبيرة ولم يعد لها احد شيئا.  لا تسلخوا انفسكم وبعدين كل جيل منذ الخليقة وحتى الان له تقاليعه وهو شىء مهم لانها افرغ لطاقة وفواران الشباب والشباب مظلو م لانعدام القدوة والمشروع القومي الذي يمتص تلك الطاقات الكبيرة المهدرة فتجدي كل واحد في موال لوحده تبحثون عن الحلول الفردية ليس ذنبكم لانكم صغار لسه والتطرف في العواطف والاحكام والافكار من سمات الشباب برضه ، اقول لك كمان ان التربية في الاسرة تطبطب على الاطفال ولا تمنحهم اي نظرة واقعية عن الحياة لكل ذلك واكثر اقول ان الجيل مظلوم ولن احكم عليه  بالبوظان والفشل لانني ذاكرتي قوية وفاكرة ما كان يقال عني وعن جيل ابواي الخ الخ

والجيل سيجد مخرج فردي او جماعي مش عارفه طبعا بس هيجد مخرج لان الزمن لا ينتظر احد، بس والله فيه نماذج تفرح القلب بتعافر ولما اشوف شباب يحاول ان يقدم ادب او فن او رؤية مختلفة عن الكبار اشعر ان البلد دي بخير وده مش كلام مرسل دي حقيقة البلد بخير علشان فيه لسه ناس طيبيبن ببركتهم ربنا يحفظ البلد وهما ساكتين لكنهم موجودين وبخير برضه لان فيه لسه شباب والامل في الشباب كبير لانهم هم التغير وبكرة هيكون معاهم انا بس لي نصيحة لا تقسوا على انفسكم وحاولوا التحلى بالواقعية والموضوعية والهدوء في الكلام وده طبعا مستحيل لان الشباب يعني الصخب وعلى فكرة الناس العواجيز بيحبوا صخب الشباب لانه يشعرهم ان لسه فيه حياة ولسه الحياة بتدور!! اسفة للاطالة وبالتوفيق

Zianour

مانتم جيل فاشل فعلا .. و شهد شاهد من أهلها ..لأسباب كتيرة أوى .. منها ان القليل منكم المهتم بالعلم الدسم المفيد.. و اكتركم منكب على شوية الافلام الشبابية اللى بتطلع بمعدل عشرميت فيلم كل شهر .. و كلها هيافة وتفاهة .. و بتعجبوا بممثلين و ممثلات سيئى الاداء بالاضافة لسوء سمعتهم و الشائعات المحيطة بهم و المبادئ الهدامة اللى بيقدموها.. البلد ككل عايزة تتفور و انتو قبلها .. الشعب قبل الدولة .. لان الشعب نفسه فاسد جدا من ابسط دقائق الامور لاكبرها