انا اتفق مع كل حرف قلته ولكن انا قصدت من لا تطيق وانا اعرف سيدات تحملن سنوات العمر كلها وعشن في الم ومهانة وتسلط وعدم مراعاة لدين او عرف ولكنهن اخترن الاستمرار والتحمل من اجل الاسرة والاطفال وصنعن اسرة سليمة قبل ان يحافظن على مظهر اجتماعي واحيانا التفرقة اسلم لكل الاطراف وخصوصا الاطفال ومثل هؤلاء السيدات الصابرات المحتسبات صبرهن عند الله كثير جدا جدا  وعندما كتبت ما كتبت كنت افكر في الاطفال لا اعتقد ان اسرة فيها الام مهانة على طول الخط يمكن ان تعطينا افرادا اصحاء ولديهم روح ايجابية والمرأة تتحمل كل اخطاء المجتمع وتدفع الثمن مضاعفا ومعها الاطفال ايضا وفقك الله  بس انت ما جاوبتش سؤالي هتصبر ولا لأ؟

(على فكرة انا سألت زوجي العزيز نفس السؤال وكان رده بلا اي تردد "لأ طبعا وانا ليه اتحمل وضع بالشكل ده دا انا لو هاموت لا استمر مع امراة تأخذني وتهبط بي اسفل سافلين ومين قال ان العيال هتكون سعيدة خسارة قريبة احسن من خسارة مستديمة!!!" فقلت له شكرااااااااااااااااااااااااا )  

Zianour

للاسف يا زيانور الكلام اسهل من الفعل ...لدي حالتين فى المجتمع واحده طلقت ولم تتحمل وياااه على الكلام والمواقف اللىبتاخدها من الناس من اهانات وبهدله ..ليها ولابنتها..وكمان مش هى اللى طلبته دا كان غصب عنها ولو خيرتيها كانت تقولك اعيش لحد ما يطلعونى فى كفنى ...الحاله التانيه صابره برضوا بس صبر غير الاولى ويمكن تقولى عشان هى شخصيتها قويه شويه عن الاولى ومش بيهمها حاجات كتير فهى مع زوجها حتى الان وعينها طالعه بس امام الناس دى صابره وكويسه ومتحمله وولادها طيبين...لو جيتى لنفسيه الاطفال فى الحالتين بتبوظ لكن نفسيه الطفل اللى ابويه مطلقين بتبقى فيها قصور حتى لو بيبان عكس هذا مش قصور يعنى تخلف ولا قله ادب ولا كدا بس بيكون في زى عقده عنده من ظلم المجتمع وكلامهم الدائم وكان المطلقه دى والعياذ بالله غانيه او انسانه تريد ان تخطف الازواج ومتدخلوهاش البيت دى مش كويسه (عشان مطلقه)وبالتالى الاصحاب بيبتعدوا عن هذا الطفل وهو صغير لا يعرف لماذا ينفر البشر منه...وترغمه ظروفه لتحمل المسؤليه من الصغر...وتجعله اكثر مشقه فى الحياه وتشتت ما بين ابويه دا اذا كانوا متفاهمين والمصيبه والمنتشر انهم مش بيبقوا متفاهمين ويبدا كل طرف فى حقن الطفل من الطرف الاخر...والشىء الذى يزعج اكثر اذا كان هذا الطفل فتاه يبداوا يقولوا لو عايشه مع مامتها دى تربيه واحده ست ولو مع والدها دى عيارها مفلوت ملهاش ام ومعقده...وفى النهايه يا ابنى اقلب القدره على فمها تطلع البصله لبن ختها

لو عاوزه الحل الافضل للمراه والاطفال ما دامت تقدر تعيش فتحاول تكمل لابعد حد..تقدر تعيش بمعنى ان جوزها ميطلقاش غصب عنها..مش انها تتحمل حتى الحياه...الست مادام حالها اتوكس مره مبيتعدلش تانى...ولو اتعدل بتكون زوجه تانيه وبتدخلى فى طائله المجتمع ازاى يكون فى زوجه تانيه ودى مش كويسه ....وهلم جره

ومنقدرش نقول ملناش دعوه بالمجتمع ااحنا جزء منه...وللاسف هو لاينتمى للاسلام بشىء بس برضوا احنا جزء منه

غلطه اباء يدفعها الابناء

وعلى راى المثل يا حماتى..اصبر على جارك السو يا يرحل يا تجيله مصيبه تاخده

ياللى صابره ع المر بكره تنولى الدر(اعتذر للاطاله)

تحياتى ليكى سومه_87