صفحة من حياتى
بدأت الامتحانات الاسبوع دة ولله الحمد ربنا وفقنى وعقبال الامتحانات اللى
جاية ..المهم سيبيك يا منسية من الامتحانات والقرف دة
ان اللى فى بالى اهم ...اسئلة بتدور فى بالى كتير كل يوم وكل ساعه
يا ترى انا ايه هدفى فى الحياة ؟>>>انتى اصلا حتى هدف
انا عايشة ليه؟ هل انا راضية بنفسى وحالى؟ نسبة رضايا عن نفسى كام فى المية ؟
ايه الجمله اللى برددها دايما ؟ وغيرها وغيرها
يمكن هدف كل طالب انه يخلص السبق اللى هو تايه فيه دة"الدراسة"
ويشتغل شغلة معينة واغلبية الاطفال يتمنون انهم يصيروا دكاترة او مهندسين او
ضباط ...لكن مش دة هدفى.يا ترى هدفى ايه مش عارفة
يمكن هدفى انى انطق الشهادتين قبل ما اموت وخلاص علشان ادخل الجنه ، بس
دة غلط الواحد مش ضامن حيموت ازاى وامتى وفين
وبعدين اضمن منين ان ربنا يتقبل منى ..
الصراحة انا فكرت وعرفت ميولى واتجاهاتى ايه
انا شاطرة فى اللغات جدا ولله الحمد وبحفظ قرآن واحاديث كتير وان شاء الله
اختمه ..يبقى ينفع اجمع الاتنين فى عمل اتمنى انى احققه ..وهو انى اصير داعية
للدين الاسلامى باللغات
يعنى ادعو الاجانب لديننا ..يمكن اقدر اساهم فى هدايتهم والله يهدى من
يشاء..ربنا يهديهم
يا رب يسهل
المهم طيب انا ليه عايشة؟ اكيد علشان اعبد ربنا واعمر الارض دا اللى كل واحد
انخلق علشانه طيب يا هل ترى انا بعبد ربنا كويس؟
يا هل ترى انا برضيه مية مية وهو مبسوط منى ..؟ يا رب ..لا لأن مفيش مخلوق غير نبينا محمد عليه الصلاة والسلام معصوم من الخطأ
يبقى لازم احاسب نفسى اول بأول واعرف اللى بعمله دة صح ولا غلط
هل انا بعمر الارض دلوقتى..لا ..بس يمكن اعمر ولو شبر منها بعدين
ايه التفاؤل دة؟هههههه بس صدقونى لو كل واحد فينا غير من الكون اللى حوليه وغير من نفسه ولو جزء صغير اكيد الكون فى يوم من الايام بيتغير..ان شاء الله
انا الحمد لله راضية بحالى بس ساعات لا ..بس برجع واذكر نفسى ان فيه ناس تتمنى انها تكون مكانى واحمد ربنا بعدها وبعد ما اندم ...
نسبة رضايا عن نفسى هى 80 %
لانى مقدرش اقول 100% لأن مفيش انسان مميز بلا عيوب وان شاء الله بصلح من نفسى اكتر واكتر واخلى رسول الله قدوتى فى دنيتى وآخرتى ..
الجملة اللى برددها دايما " وقرن فى بيوتكن " ههههه مش عارفة ليه ..
المهم انى صدقت معكم
وموضوعى دة يمكن يكون تعريف بنفسى لكم ..او اعتبروه زى ما تعتروه المهم تقرأوه وتقولولى رأيكم بصراحة لأن دة اول مدونة اكتبها
ومنتظرة انتقاداتكم وتعليق عمو صالح ومش انا اجى حضرتك تمشى كدا الناس حتقول اذا حضرت الشياطين ذهبت الملائكه
...سلامى وتقديرى لكم: منسية
التعليقات
أهلا وسهلا
أولا\أهلاسهلا بيكي وشكلك كده من أول مدونه تكتبيه إنك متحمسه أوي للكتابه وعندك حس عالي في الكتابه واتمني ان تواصلي بنفس هذا الحماس برغم العوائق التى ممكن تواجه في هذه المدونه أو خارجها بس المهم ان تكون ثقتك بالله وبنفسك وبالناس الإ حوليكي في المدونه أو في الحياه عاليه بس مش عمياء.
ثانيا\ أنا حاسس إنك عامله ذي كتير بقعد أفكر أنا قد إيه راضي عن نفسي بس أرجع وقول مش مهم ان أكون راضي على نفسي المهم ان تكون الناس راصيه عن ك وأولا ربنا طبعا أن يكون راضي عليا وضبعا رضنا الناس و ربنا عليا ده بخليني راضي عن نفس أكيد.
على العموم أهلا بكي ونورتي مدونه ماشي وذي مبقول زيادة الخير خيرين
سلامي تـــــــــــــــيــــــــــــــــــــــفـــــــــــــــــــــــــــــــا
والله يا منسيه
والله يا منسيه واضح انه قدر ليكى تفضلى منسيه عمو صالح معرفش هو فين وحيرجع تانى ولالا احنا عندنا امل واعتمادنا على الله وكويس انك مشفتيش اللى اتقال...
وثانيا انا فرحانه انك بداتى تصارحى نفسك بس انا بقى عارفه انك بتحفظى قران لكن حقولك كلمه ماما ومنغير زعل انتى عارفاها الاهم من حفظه هو العمل بيه ...انتى بتعملى بيه...عشان تكونى داعيه لازم تكونى قدوه ..حاولى تكونى قدوه بجد...ونسبه رضاكى عن نفسك غير نسبه رضاكى عن وضعك اللى اتوجدتى فيه لان الانسان عليه تقبل وضعه بنسبه 100%لكن عليه ان ينقد نفسه ويحاسبها فشوفى انتى كام فى الميه اخلاق وعمل وعباده؟؟ انا عاوزاكى تكونى صريحه اكتر مع نفسك ..ومدام قررتى تكتبى عن نفسك لازم تصارحى نفسك بجد...اما مقولتك دى فانا صماها وانتى كل يوم تسمعيها لينا فى البيت وعشان كدا على طول نايمه...طالعه لاختك
يالله فى رعايه الله
بحبك يا اجمل اخت ...سومه_87
مرحبا بى يا
مرحبا بى يا منسيه وبحييكى وبستغرب كلامك مع حداثة سنك
وواضح انك سابقة سنك زى ما بيقولوا ولا انا مش واخد بالى بقى من تفكير الجيل الجديد
بس اقول ايه ما شابه اختاه فما ظلم