Mashy.com Blog Beta

- يعنى خلاص منك .. لها .. له ,, عينتوا نفسكم فى الرئاسة والوزارات وشغلتوا كل المناصب ؟؟ وما سيبتوليش حاجه !!

ح أفضل برضه أنا الشعب ,, وح تطلعوا عقدكم على دماغى

أنا الشعب المقهور فى الواقع ,, والمقهور حتى فى الخيال

يادكتاتوريين  ياوحشين .. مش لاعب !!

 

انت تذكرني بواحد قريبي من انصار السنة وقد بلغ من العمر عتيا وسألته يوم كده لما كنت مشاغبة لو بقيت رئيس جمهورية اول قرار هبيقى ايه قال بعد برهة قصيرة من الوقت " مرسوم عام نتغطية وجوه النساء ومكوثهن في البيت"  (!!!!) وحمدت الله في سري على ما نحن فيه، فقد اصبحت المرأة هاجس وسبب كل بلاوي المجتمع !!

نرجع بقى لموضوعك انا ممكن يعني ادوس في الحلم يعني اختار الوزارة اللي علي مزاجي بالميزانية اللي على مزاجي؟؟ هاعتبر صمتك ده علامة الرضا

اولا مش هينفع دلوقتي لما زيزو يكمل 4 سنوات بعدين انا عايزة امسك وزارة الثقافة (ايه هتضحك من اولها مش معقول الوزير الحالي هيكون في التشكيل الوزاري الافتراضي ده كمان!!!) ولازمن اثقف الشعب واعلمه واسمح للجميع ان يقول رأيه مهما صدمنا الرأي ، لان ده كان متاح في كل عصور ازدهار الاسلام وكل الحضارات، وظهور تيارات من جميع الاتجاهات صحي جدا وينمي الحس النقدي الذي يطرد فيما بعد كل ما هو غير ثمين . هل تعلمون ان الاذاعة في بدايتها كانت زي قنوات الاغاني الان بل كانت تستخدم في تسهيل تسليم المخدرات باذاعة اغنيات معينةولكن مع الوقت ومع النضج توحدت الاذاعات في اذاعة واحدة التي هي القاهرة (على فكرة انا استمع لها كثيرا خصوصا بالليل وبها كنوز من الاعمال الدرامية والفنية والبرامج والحوارات مع الشخصيات المهمة شىء يجعني فخورة فعلا بالريادة بتاعة زمان!!!) وكمان سأشرف على وزارة التعليم  خاصة رياض الاطفال لان اهم سنوات في عمر الطفل هم اول 5 سنوات لازم يكون اللي في حضانة وابتائي خبراء في التربية خبراء بجد مش بتوع لجان ، لان الاستثمار في التعليم اهم انواع الاستثمار (بس مش الاستثمار اللي فاكرينه مكسب قريب وخراب بعيد) يعني لما اعلم ابني في مدرسة جيدة وادفع فلوس ،الفلوس دي ستعود في شكل مستقبل افضل له وشخصية بناءة ايجابية مفيدة لها ولمجتمعها 

انا الظاهر تجاوزت شوية في موضوع الوزارة دي يا بني انت قلبت علي المواجع ليه بس اقول لك انا اصلا سايبة البلد دي ومهاجرة !!! 

Zianour