كل سنة وانتم طيبين ومتسقين مع انفسكم ويكون بكره احلى يا رب
وانا عندي فكرة لكل المدونين هو ان كل مدون يكتب مدونة عن 2007 من الناحية الشخصية يعني افراحه والامه وما تحقق وما فشل او على طريقة الاستفتاءات نجم حياتي هو... الم حياتي كان.... افضل موقف ، افضل حدث ، اسوأ موقف اسوأ حدث ، من فقدناهم من كسبناهم الخ
فكرتي هي ان يحاول كل واحد الرجوع على مدار السنة ويحكي شىء شخصي بعيد شوية عن الحكومة والشأن العام ومساوىء الشعب المصري والبنجلاديشي ....الخ واعتقد انكم ستفاجئون من النتيجة
طريقة اخرى ورقة وقلم ونقسمها الى عنوانين ايجابيات وسلبيات السنة ونشوف ما توصلنا اليه... لحظة خاصة صادقة مع النفس ويا ريت نتقاسمها ونتبادل الاراء ممكن جدا نستفيد من بعض ونزيح هم مالوش لازمة او نعطي معلومة تفيد او نرشد احد على الطريق ...الخ لاننا اسباب لبعضنا.. وانا بجد قلبي مفتوح للقراءة وانتظر ....
انا شخصيا من افضل ما حدث لي هذا العام انني انطلقت في التدوين على ماشي وقد اضافت الكتابة لي الكثير على المستوى الشخصى .. لسه هافكر اكثر واكتب بتأني
مع تحياتي لكم جميعا اخوتي واخواتي الصغار سناً( - ما عدا طبعا عم صالح كبير القعدة واتصور ايضا الاستاذ استبينا) ولكن والله الكبار مقاما في حماسكم ورغبتكم الصادقة في مصر اجمل واحلى ويا رب تنالوا افضل مما تتمنوا ويا رب ينور لكم طريقكم
التعليقات
وانتى طيبه ياام
وانتى طيبه ياام نور وبصحه وسلام دايما
شكرا ليكى بجد على امنياتك وفكرتك ووجودك فى المدونه .. بجد كفايه صوره نور اللى منوره البلوج بدحكته السكر ـ بسم الله ماشاء الله ـ مرسي ليكي على كل حاجه
وفعلا فكرتك حلوه جدا جداا . وانا كنت بفكر برضو انى اقعد مع نفسى واكتب السنه اللى فاتت بالزكريات الحلوه والوحشه وافكر فى اللى غيرته فى حياتى .. اوعدك انى هنفز الفكره .. وبكرر شكرى لوجودك ووجود نورفى البلوج . اتمنى بجد متحرميناش منه
السلام عليكم
السلام عليكم ورحمه الله وبركاته
ازيك يا زى النور يارب تكونى بخير
على فكرة موضوعك جميل والفكرة شدتنى بس مش عايزة انكد على نفسى بس يلا هعملها
كله بيقول يارب ما ترجعها السنة دى ما عدا انا بقول يا رب ترجع علشان اصحح غلطى
ومشكورة
وكل سنة وحضرتك طيبة
تذكرونى بأنى الكلمة التى لا تموت والفرح الذى لا يزول......ومهما حصل فى الدنيا هعيش وأقول مقبول
والله يا ام نور
والله يا ام نور انا علقت امبارح بس معرفش ايه اللى حصل والتعليق منزلش عامه احيانا بتحصل...انا عن نفسى سنه 2007 كانت سنه غريبه بالنسبالى اتعلمت كتير واتالمت كتير اخطائى فيها مش دنيويه على قد ما كنت بخطا شويه فى الدين ودى بعترف بيها بس على قد الخطا عملت اشياء كويسه برضوا ..ودى من رحمه ربنا ...عرفت ان اسوا ابتلاء هو ابتلاء الدين ولا تقولى صحه ولا ابناء الاتنين نهايتهم فى الدنيا ولو صبرتى ليكى الجنه لكن الابتلاء الصعب هو ان يبتلى المرا فى دينه ويختبر فيه ...لانه ممكن تفشلى ويبقى دنيا واخره....تقديرى كان احسن من العام اللى قبله والحمد لله طبعا ما شاء الله ...كمان اخدت ثقه فى نفسى على قد ما اتعلمت عدم الثقه بسرعه فى الاخرين بس لسه برضوا متهوره شويه ....نفسى اخلص القران فى 2008 حفظ او قراءه اكتر من مره مش عاوزه اموت قبل ما اكون الى حد ما راضيه عن نفسى نفسى اكون من الاوائل عشان افرح اهلى...ونفسى ربنا يهدينى ويهدى كل الناس ويشفى جدى المريض يا ريت ربنا ميحرمناش منه... ونفسى يحضر فرحى...دا اذا ما اتجوزت اصلا..
تحياتى ليكى سومه_87
شكرا يا سمسمة
يا عينى يا نور
يا عينى يا نور يعنى من حيرته وهمه يجوز واحده قد امه حرام عليكى يا ام نور نور صغنن وبعدين نور دا محجوز لبنتى خلاص منغير فصال اما اذا اصر عليا فمش حقول لا خلاص ويبقى امره الى الله اما زياد فهو اللى على قدى يا دوب اخده واتبناه..حاكم اختى محجوزه لعريس عمو صالح وبقوله الشقه موجوده
ربنا يحفظهملك يا رب
تحياتى ليكى سومه_87