انتبهوا أيها السادة : إنهم يسرقون زبالة مصر وتدفعون فوقها إتاوة
هل مصر بحاجة إلى شركات الزبالة الأجنبية ؟
يعود المجتمع المصرى إلى ما يزيد على عشرة آلاف السنين. بالضرورة قد عرف الزبالة.. فأينما وجد مجتمع إنسانى توجد الزبالة.. فالبشرفى أى مكان منتجون للزبالة دائماً أبدا.. وقد عرف المصريون " تدويرً الزبالة " منذ آلاف السنين وحتى ما يفيض بعد التدوير تأكله الخنازير التى تربى لآكلى الخنازير والباقى سماد.. فنحن من علمنا العالم كيف يعيش البشر على الأرض بأسلوب حضارى.. ولدينا جامعاتنا منذ القدم مثل معبد عين شمس الذى زاره كثير من مشاهير الفلاسفة و العلماء و المؤرخين والأطباء من اليونان لينهلوا من ينبوع المعرفة الدافق والحمد لله على مر العصور وحتى فى عصرنا هذا الأغبر.
صدق المثل " مصر طول عمرها خيرها لغيرها "!!!!
وعد ومكتوب.. وعن حبك يا مصر أبداً ما أتوب.. لست والله يعلم أنتمى لأى تيار سياسى ولم أنضم لحزب أو جماعة منذ شرخ شبابى.. للحكومة الموقرة أعانها الله أقول :
" أفهم أن تشجع الحكومة الإستثمارالأجنبى ومعها الشعب.. ولكن فى المجالات التى تكسب أبناء مصر خبرات و تصقل ما لديهم.. وتفتح أبواب العلم والتكنولوجيا على مصراعيها أمامهم.. فلابد من الإستفادة من صفوة عقول شبابنا للنهوض بحالنا الذى لايسر عدو و لاحبيب ولابأس بالإستثمار حتى فى البسكويت مادامت تلك الإستثمارات ستزودنا بالجديد فى طرق التصنيع و التسويق.. ولكن هل لم تعد هناك جدوى استثثمارية إلا فى الزبالة والمصريون خبراء فى إنتاجها و التخلص منها من قديم الزمان "
" كان من الممكن السماح لشركات مصرية يكونها الشباب بمعاونة الحزب الوطنى وتوجيهات أساتذة الإقتصادوالتجارة وغيرهم من أعضاء الحزب الوطنى..ومساندة هذه الشركات معنوياً من الحكومة الموقرة "
إتاوة الزبالة تحمل عل استهلاك الكهرباء وأياكم أن تنطقوا
سمعنا أنه صدر حكم من المحكمة الدستورية بعدم دستورية الإتاوة.. ثم وجدنا الإتاوة أمرأ واقعاً لامهرب منه وإلا قطعوا التيار وخلوها ظلمة.. دفعنا صاغرين مع ضريبة المبيعات والدمغات وخلافه.. يقول الناس من جماهير الشعب " رفقاً بنا.. فما دخل الرفق فى شيئ إلا زانه كما قال الحبيب محمد ص "
الغنى أخذ حلقة الفقير ليضع فيها مفاتيحه
جاء من يسرقون زبالة مصر من الشرق العربى والغرب الأوربى ومع ذلك لازالت الزبالة فى كل مكان وعمال شركات الزبالة الإستثمارية يمدون أيديهم يستجدون الناس!!!!!!!!!!!!! لقد قال لى رجل بسيط فقير ولكنه يفكر : "لقدأصبحنا نشعر بالغربة فى مصر.. وما أقسى الغربة وسط الزحام وما أمرها إن سببتها الحكومة وهم الأخوال والأعمام "
اللهم أنى بلغت فاشهد وما أردت إلا الإصلاح وهو مطلب جماهيرى من ثوابت و مبادئ الحزب الوطنى.
أين أحزاب المعارضة ؟
أين أنتم يا قوم ؟؟ هبوا من النوم.. وكفوا عن المهاترات الكلامية المحسوبة.. قدموا فرص عمل للشباب.. تعاونوا مع الحزب الوطنى لخير مصر والمصريين.. و لاتكفوا عن المعارضة الحقة وليست التلفزيونية.
التعليقات
شكرا جداا لطرح
شكرا جداا لطرح الموضوع ...دة..انا موش من هواة اتكلم فى منديات والكلام دة بس ..انا لما لاقيت الكلام المكتوب قلت اشارك ..بتعليق بسيط..انا عايش معظم حياتى برة البلد (دى) رجعت من فترة عشان بسسسسسسسسسس اشوف اهلى موش حبا فى البلد (دى
) وموش عايز اقولك ان انا هنا حوالى اسبوع فى منطقة العجمى بالاسكندرية واقسملك بالله انا فى مشاكل معا الناس الزبالة بسبب الزبالة .اولا الصندوق امامهم وبيرموا فى الشارع ..ياراجل بيرمو الزبالة من البالكونات على اساس تدخل فى الصندق(باينشنواا) دى الناس اما الشركة العجيبة اللى هنا فى اسكندرية ..سييبك من لبس العمال اللى شغالين فيها وخلينا فيهم هما ..انتا متخيل يامحترم انهم فى المنطقة اللى انا ساكن فيها بيرموااا الزبالة فى الارض..حاقولك ازاى وهما بيرفعو الصندوق!!!!!بيرفعواا باهمال لدرجة ان نص الصندوق او معظمه يقع فى الارض !!!ويروح يصفر للى السواق اللى هواا قاعد جوة واضع رجله على التابلوة ويقولو يلا ويارييت بيرجع الصندوق مكانه لالالالالا..ازاى الباشا الزبال يعمل كدة ..وساعات كمان يكون امامهم الصندووق والباشا السوااق يعدى والناس اللى متشعبطيين ورا موش فى دماغهم ..انا اسف ان كنت طولت بس انا زعلان وحزيين ان انا معايا الجنسية المصرى واول فرصة اخد جنسية تانية اقطع الباسبور المصرى واخد اهلى من الزبالة دى واعيشهم حياة نضيفة معا شعب نضييييف ..انا بعض الكلام دة عندى شعار للبلد (دى) !!!!!! !!!بلد التهريج المنظم !!!!! وشكرا
الزميل العزيز
احييك على موضوعك، ولا أعرف ماذا أقول، غير أن المتاح لي وللجميع على ما أعتقد هو الدعاء ربنا يرحمنا برحمته، لأن الصورة أصبحت شديدة السواد، والجميع في انتظار شعاع النور وخاصة الفقراء ومن هم تحت خط الفقر...
ساندي 1010
الطبيعى يكسب
اكتر حاجة تضايق الواحد موضوع الزباله مش عشان الشركات الأجنبية ولا حتى الرسوم والفلوس اللى بيخدوها عنوة المشكلة إن الزباله زى ماهى مليه الشوارع وتحت البيوت وفى الجامعات وملهاش حل لا محلى ولا أجنبي المهم الناس تنضف نفسها لوحدها
مشكلة الشعب هى الحكومة ومشكلة الحكومة هى الشعب المفروض إن الحكومة تكون فى خدمة الشعب إنما اللي بيحصل إن الشعب بيخدم رجال الحكومة ودا الطبيعى ،،،،، مابقناش عارفين حل المعارضة بتهبهب وخلاص والحزب الوطنى مش كل رجالته تمام وأهى مصر ماشية بستر ربنا
estabena شكراً لك
يا استاذ
يا استاذ استبينا يا ريتهم بيشيلوا الزباله وياخدوا فلوس دا احنا مبنشوفش وشهم الله يرحم عمو الزبال كان منضفنا ..........
مش الخيبه اللى احنا فيها دلوقتى
قال وكمان كنا بنتريق عليه وبنعترض على الثلاثه جنيهات اللى كان بياخدهم جاتنا خيبه فى حظنا الهباب
لا مؤاخذه يعنى ..!!؟؟
اما احزاب المعارضه فالله يرحمهم واحد الله اعلم بيه فى السجن عايش ولا ميت والتانىطردوه من الحزب والتالت عاوز يلبس الناس طرابيش..!!؟؟حتى اللى كان عليهم القصد والنيه لموهم فى السجون ...وابقوا قابلونى لو دخلوا الدورات التانيه دى كانت مره تفاريح كده على ما قسم ...
تحياتى لجضرتك سومه_87