بصوا يا جماعة قبل كدة اتفقنا ان احنا نبطل كلمة منقووووووووووووووووووول و نكتب آرائنا اللى بتعبر عنا فى كل حاجة(و انا شخصيا و بعترف منفذتش الوعد ده) بس دلوقتى جت الفرصة انا كنت بقلب فى مواضيع و بعدين لقيت ناس باعتة (مش فى ماشى على فكرة) و بيتكلموا على ضرورة المقاطعة و فى نفس الوقت كان قبل كدة مكتوب عندنا فى كتاب العربى اللى هو منهجنا الاساسى ان المقاطعة دى طريقة سلبية مش ايجابية للمساعدة و ايجاد الحلول للدول المحتلة و بصراحة مبقتش عارفة ساعات اعزم على صحابى بحاجة يقولولى لا احنا مقاطعين و ساعات اسمع ان المقاطعة دى مش صح لغيط ما اتلغبطت و الحمد لله
و بجد
انا عايزة اعرف رأيكم بس بشرط ان اللى يرد عليا يقولى ليه هو قال كدة و هل فى دليل او حاجة تثبت صحة اللى هو بيقوله ...........يا ريت ما تسيبونيش كدة بدل ما تجيلى هوسة فى دماغى
التعليقات
بصى انجى اذا ما
بصى انجى اذا ما كان الموضوع اللى حتنقليه حاجه فازه او حتضفى بهجه او مهم اننا نقراه يبقى انتى كدا بتضيفى لينا مش بتثقلى علينا
اما المقاطعه فانا راييى المتواضع اللى تقدرى تستغنى عنه وملوش لازمه وتلاقى بديل ليه قاطعيه واللى متلاقيش ليه بديل ويكونله اهميه هاتيه
تحياتى ليكى سومه