يبقى انت اكيد في ***
لما تلاقي البنت بتلفح رغيفين عيش بالفول وزيهم باللنشون
وبتدور على السكر الدايت والبيبسي الدايت
مقصدش واحدة زميلتي طبعا
لما تلاقي العيال بتوع المدارس ماشيين في الشارع وبيعاكسو من غير رادع وما حدش بيتدخل
ومحدش بيروح جامع او مقراءة
لما تلاقي في قاعدة نم ويجيبو في سيرة الناس بالحلو والرضي ولما يزهقو
يقولو بلاش نجيب في سيرة حد
لما تلاقي باشا في الشارع ولابس افخم انواع اللبس وعمال ياكل من على عربية فول في الشارع
وقبلها عمال ينخع على اصحابه وامواله اللي في سويسرا
لما تلاقي افعال فاضحة في عربية ومقفلة بالفاميه ومحدش بيقول ده غلط
ولما يكلمه عسكري غلبان يقوله انت عارف انا ابن مين
لما العيال تتخرج من المدرسة ومتعرفش تكتب اسمها اه والله حقيقة
لما تشوف تضاريس دينا وميكانيكا حسام ابو الفتوح على اسطوانات على الرصيف
لما تسمع عن مدرس بيتحرش بتلمذته صبيان وبنات مبيرحمش
طب الناس تأمن ازاي على اولادها
ولما تسمع عن دكتوراسنان احم مش احنا طبعاوبنستعر منه والله
اشهر من البورنو ستارز مش مشهور بسمعه طيبة ولا علمية
ولما ينسى دكتور جراح مش الاسنان بس البشريين كمان بيغلطو
بينسى فوطة في بطن مريض
ولما يتحول صيدلي لشيطان ويبيع المخدرات اللي هي لسته ممنوعات ولازم تذكرة موثقة
ولما تسمع عن حتة جاهل تاني يوم بقى ملياردير وواخد قروض من البنك وهربان برا
لماتلاقي بنت محجبة مزنوقه ف لبسها وبادي واستريتش وسرتها باينة او ضهرها كله باين قال حجاب قال
ولما حد يقولها ده غلط تقوله انت مالك
او واحدة متلفحة وخيمة مش باين وش من ظهر حاجة تفزع واسال ده ايه يقولو اسدال
والخمار مذكور في القرأن انه الوجه والكفين مش خيمة ويرتكب باسم ده بلاوى من تهريب
وارتكاب اخطاء
لما تلاقي حد بيخرب في اتوبيس او كابينة تليفونات
او يسجل انجازاته الشخصية على جدران الشوارع او المترو
او تلاقي عيل ضارب جيل في شعره ومصاحب بنات وشكله مقشف وريحته زفت وفاكر انه فالنتينو
لما تلاقي الناس بتفتح المترو بالعافية وعربية السيدات فاضية ومزنوقه مع الرجال
مش ليكم عربية بتتزنقو وسط الرجالة ليه
ولما تسمع عن اننا في بلد المليون عاطل وعانس
وان اغنى رجال اعمال موجودين في مصر
ولما تسمع ان الاهلي جاب برشلونة بحوالي 30 مليون مصري
وناس مش لاقية تاكل انا اهلوي بس كرهت ده جدا واتغلبنا كمان
ولما لعيب بيفك الخط وبيطلب مساواة مع اصحابه من الفريق وعايز 2 مليون في الموسم
لما تلاقي عيلة فيها 5 موبيلات وكل فرد حتى الطفل عنده خطين موبينيل وفودافون
وبيشحنوا بالالاف الجنيهات ومش لاقين ياكلو
لما تسمع عن بنت فرطت في شرفها عشان ايه بترضي حبيبها
وبترفع قضايا نسب وطالعة في التليفوزينات بتجاهر بالغلط وقد سترها الله
ولما تسمع ان الهاي لايف عندهم شاليهات في مرينا وشرم وراس سدر
ومش بيروحوها الا 6 ساعات في السنة او يوم شم النسيم
د حاتم البيطار
التعليقات
الحمد لله احنا
الحمد لله احنا ف مصر !!!!!!ولا حول ولا قوه الا بالله..
لا اله الا الله
لا اله الا الله
لا تعليق اصلى مفيش كلام تانى يتقال خلاص
معلش بقى يا
معلش بقى يا دكتور حاتم انا حختلف معاك فى حكايه المترو دى لان فعلا انا لما كنت بركب مترو السيدات كان فى جميع الاوقات زاحمه جداا بمعنى انى والله ما كنت بعرف اتنفس واصاب بحول فى العينين واختناق من الروائح العطره وشلل فى القدم لانى كنت مش ببقى واقفه كنت ببقى متشاله وتقطيع الملابس ودا بجد اللى يدخل المترو بايشارب يطلع من غيره وعلشان كدا الواحد كان بيلبس واحد احتياطى دا طبعا غير حوادث النشل والشحاتين اللى بقوا اغنى مننا من الاخر المترو بقى زباله فى جميع الحالات والاوقات انا اقترح عليهم يعملوه دورين او ناس تركب وناس تجرى وراه ومهما بيغلو التذكره الناس بتركبه برضو واصبح دلوقتى المترو مكان للدعايا والاعلان عن تنك ودولسى والاغانى الهلس اللى بتتشغل فى التليفزيونات بتاعة المترو اما بقى عن الاهلى فقال على راى المثل اللى معاه قرش محيره يجيب برشلونه يغلبه ويطيره يالله معدتش تفرق وهو دا الشعب المصرى لما يتغنى ويعلى بيتهبل من وسع والحمد لله
تحياتى سومه
اهلا بيك دكتور
اهلا بيك دكتور حاتم بعد الغيبه الطويله وعلى العموم دلوقتى الشباب الحمد لله بقى قليل الادب وبيستهبل ومعندوش دم ولا احساس بالمسؤليه انا مبعممش لكن فعلا بقينا دماغنا تافهه ومبنفكرشى وربنا معاك