Mashy.com Blog Beta

هعرض عليكم مقال لواحد صاحبي والله العظيم
مالغرض التجريح فيه لانه مازالنا اصدقاء
بس حبيت اوضح ان الصحافة فيها تلفيق واهو كله
بيكتب حتى اللي مالوش تجربة بيفبرك
واللي ميعرفش الناس عايشة ازاي
فاكرين لما في فيلم ابن العمدة هيتجوز بنت اثرياء
فبلغت صاحبته في المكتب الحق ابنك هيغمز الايس كريم
 بالعيش في فيلم محامي خلع والا واحد بياكل طبق فول
بالزيت الحار والبصل وبياكله بالشوكة والسكينة او
 حد بيعطف على واحد غلبان وخايف يلمسه ليتوسخ
اسيبكم
مع الموضوع وهتفهمو منه مغزى العنوان
 
مافيش حاجة اسمها واقع!
 
كتابة ورسوم: د.شريف
 
وصلنا خطاب بريدي من القارئ "أحمد هلال جاد الحق"
 من أسيوط.. الخطاب مليء بالشجون ,والاكتئاب
 ويستحق فعلا أن نعلق عليه في "برمج عقلك"..
 
يقول "أحمد" في إحدى الفقرات:
"... مش عارف مين الصح ومين الغلط.... الدنيا كل
 يوم بتزيد ضلمة في عيني يا ترى بكره مخبي إيه؟
أكيد مشاكل في مشاكل في مشاكل.. هل هييجي يوم
وأتعين وأتجوز وأشرف فيه بلدي وأهلي؟ أشك وألف أشك!"
ده جزء بسيط جدا من الخطاب اللي بعته يب
ث فيه آلامه وشجونه وعدم تقبله للواقع..
عايز أقول حاجة بسيطة كتعليق على آرائك..
تعرف يا "أحمد" إن مافيش حاجة أصلا اسمها
 واقع؟ فيه حاجه اسمها إدراك للواقع!
يعني إيه؟
يعني مافيش حاجة اسمها واقع سعيد وواقع أليم..
 فيه حاجه اسمها إدراك سعيد للواقع، وإدراك أليم للواقع..
هاحكي لك قصة..
 
سألوا اتنين عمال نظافة: ما رأيك في عملك؟
الأول قال: دي شغلانة زفت وفلوسها قليلة..
وكلها ذل وتعب.. أنا أتعس واحد في الدنيا!
الثاني قال: ده شغل بيحسسني بالسعادة لأني
باحافظ على مظهر بلدي.. أنا فخور بالمجهود ده!
فهمت أقصد إيه؟ الاتنين بيشتغلوا نفس الشغل
وحواليهم نفس الظروف.. الفرق هو نظرتهم للي هم
 عايشين فيه.. إللي بيحدد سعادتك وتعاستك مش الظروف.
. لكن طريقة تفكيرك ونظرتك للظروف دي..
نيجي على المشاكل اللي إنت قلتها في جوابك..
فيه طريقتين ممكن نفكر بيهم في المشكلة دي..
الأسلوب الأول للتفكير: مافيش فايدة!
"الوضع في البلد مش عاجبني، مش هالاقي وظيفة
ولا هاعرف أتجوز.. المستقبل مظلم والعيشة هباب
وكل حاجة صعبة في الحياة.. مافيش فايدة!"
الأسلوب ده في التفكير سهل ومعظم الناس بتفكر بيه.. لكن
هيعرضك للإصابة بالاكتئاب وضغط الدم والسكر..
 وكمان هيخليك ماتاخدش أي خطوة في حياتك لأن
الخوف من الفشل هيشلك، وهتفضل زي ما إنت!
 
فيه طريقة تانية للتفكير ممكن تبرمج نفسك
عليها.. ببساطة خليك إيجابي:
الأسلوب التاني للتفكير: الأمل موجود!
"أنا ظروفي مش بسيطة لكن مين قال إن النجاح سهل؟..
 كل ما أتغلب على مشاكل أكتر كل ما كان ده دليل أكبر على
 قوتي وإني أستحق المكانة العظيمة إللي هاوصل لها!"
الطريقة دي في التفكير هتخليك تشعر بالثقة وهتديك قوة
 تقدر تواجه بيها أي عقبات في طريقك..
واقعك اللي بيحدده هو نظرتك إنت ليه.. ممكن تنظر للعقبات
 على إنها مصايب وبلاوي مالهاش حل وتكئب نفسك وتجب
ر نفسك على الفشل.. وممكن كمان تنظر لها على إنها
 مجرد مطبات لازم تعديها عشان توصل لهدفك اللي
 إنت مؤمن تماما إنك قادر توصل له...
طريقة التفكير في المشاكل بتتدرس دلوقتي في
التنمية البشرية، عشان هي أهم أسلوب
 علمي للتغلب على المشاكل.. واحنا ناس متعلمين ي
ا "أحمد" وفاهمين.. ماعادش كفاية إننا نفكر،
آن الأوان إننا نفكر في طريقة تفكيرنا نفسها ونخلي
 مخنا يفكر بالطريقة اللي احنا نحددها له... جرب
 يا "أحمد" وفكر بأسلوب (الأمل موجود) ده..
 وابعت لي الفرق اللي هيعمله في حياتك...
وطبعا تشرفني صداقتك يا "أحمد".. وأنا متأكد إن
 إنت هتكون حاجه كبيرة في المستقبل..
أنا واثق فيك وفي قدراتك...لكن المهم إن إنت اللي تثق فيهم.
وخليك فاكر..
احنا بنعيش في الدنيا دي حياة واحدة بس..
خليها تبقى أروع حياة ممكنة..
 
 
 منقول

طبعا المقال لمس قلوبكم
والحقيقة الاليمة اللي ماحدش يعرفها واللي اصريت
 اني اعرفهلكم وسيبت اسم صاحب المقال
وهو على فكرة زميل وخريج نفس دفعتي 
والاخ العزيز
للامانة عمره ماشوفته بيتشعبط  وهو من لفظ شعبط
في الاتوبيس
وزي ما شوفتوه
جايب قصة لطيفة لكانسين
وحياة كل واحد واكيد هو بيتخيل الكلام ده لانه
 قاعد في المعادي والتكييف اووف مفتوح وبرضه زهقان من الحر

زميلي العزيز اللي شايف ان الحياة باه لونها بمبي
عمره ما صور كتاب  من كتب الاغنياء ولا
اتبهدل في المترو ساعة خروج الموظفين ولا ميكروباصات

من الاخر اللي بيتكلم عن الفقراء واحد مش منهم
وديه مشكلة الجيل ده
الواد لسه متخرج وعايز يقعد في مكتب ويركب
عربية لا وايه ويتجوز بت فشر الاخت الفضلاء هيفاء
وطبعا كشات وديسكوهات
انا شايف ان زميلي ده مينفعش يتكلم عن الغلابه
 لانه  مش منهم ومشاكله غيرهم
 يقولي ازيك يا دكتور اخبار الطب ايه
اقولة لسه اخباري
يقولي خلينا على اتصالات
وموبيلات وكده رغم ان الزمن الهباب خلانا في
 بعض الاحيان نتنفس نفس الهوا ونذاكر نفس الكتب
شوفو المفارقة انا بيطلع عين ابويا كل يوم في
 اتوبيسات وميكروباصات وده ينزل يفتح العربية  ومكسل يفتحها بالمفتاح لابالريموت
والله ما لا حسد
بس كمان ميجيش يعمل قديس ومن الطبقة الكادحة
يا جماعة انا بلافخر
ايام الدراسة معدتي موعت من اكل السندوتشات
من الطعمية والبابا غنوج وشرب الشيشة والشاي
في كافيتريا السرايا والباب العالي والسندوتشات
 معروف طلبي لمحمد الكاشير كل ما اروح مجهز طلبي
بابا غنوج وبطاطس من غير سلطة عيش شامي ومعاهم طرشي
واتغدى في السرايا هي قهوة بس سبور لانها تحوي
طلبة طب وكمان سياحة وفنادق
ودايما الدور التاني
ونفس الطلب بعد الاكل كوبية مية مشبرة وواحد
شاي ميزة وفتلة العروسة ووراهم الشيشة
وبعد ما اخلص اطلع السكشن عايز وابور ميه عشان اطفي الحريقة اللي في صدري
في حين الشباب الكلاس بياكل عند بيتزا ان اللي في
 الكلية واحد طلب بيتزا ومعه دايت بيبسي
قال مينفعش الا دايت
وطبعا مش اقل من 10 جنيه
غير التبس كمان 5 جنيه
ده كده المنينمم
وانا اتغدي بكام ميكملش تمن التبس وطبعا والله كنت
 سعيد لاني بتغدى وبخلص دراستي لاني مينفعش اروح
وساعات والله عشان متفتكروش ان في
 حقد طبقي لما الغزالة كده تكون رايقة
وممعيش بنات من الشلة
 وماشي لوحدي سلنسيه واعدي على تسيباس القصر
العيني واضرب ملفيه تمام
واخدها من الكليه لتحرير مشي وده كان احسن فسحة
ليا غير مهرجان القاهرة اللي دايما ييجي في عز الامتحانات وازوغ
بعد الامتحانات واشوف السينما العالمية
والله ما تفهمونيش غلط مش من بتوع قصة ولا مناظر
بس وسط البلد بيكون  حلو فترة المهرجانات
واخر ساعة في شارع الالفي وسينما كوزمس
المهم احلى فسحة في الايام العادية بعد يوم مشحون
محاضرات الصبح وسكاشن بعد الظهر امشي في الغروب لوحدي كده على الكورنيش
طبعا كنت ساعتها مش شايل للدنيا هم غير النجاح
بس كنت بتعمد اكبر دماغي خالص
لاني كنت بجد بستمتع طول ما انا جنب النيل ودايما
 فكرة واحدة كانت في دماغي لو كنت زي الناس الاغنياء اوي
دول كنت عملت ايه بالفلوس
كنت هشتري اكيد شقة على النيل
يا جماعة انا من الشباب اللي صاحبنا بيقول عليهم
مكتئبين
ولو كان واحد من الناس زي
كان عرف ان شباب الجيل ده كله اتولد مهموم
مش ذنبه انه اتولد غني
ذنبه انه بيتكلم على ناس ميعرفش  كانو ازاي عيشيين جنبهم
وبيصرفو ازاي
بيعملو ايه عشان ينجحوا
والله كنا بنستلف  المعدات من بعض
وياما كنا بنصور كتب الاقسام عشان غاليه اوي
 طول عمري كنت بشوف زمايل مرفهين
ولما يشوفوك كانهم  مستكتريين كمان
ازاي تكون زميلهم وهتتساوا بيهم
ونفس النظرة ديه شوفتها لما روحت اعمل الدبلومة
يقولك انت هتقدر تعملها شوفلك مستوصف احسن تزود بيه دخلك
ولما يعرفوا اني لسه متمسك بمستشفى الحكومة يضحكو
طبعا انا مش ببين ده في وشهم والله مش  عشان حاجة
ميهمنيش لو يعرفو
اني متكفل بتعليم نفسي من سنة رابعة كانو ضحكو على نفسهم
تعرفو كنت زمان لما حد منهم يشوفني  مستني
اتوبيس او ميكروباص كنت ببقى مكسوف
تعرفو دلوقتي انا بفتخر بنفسي وابويا انه راجل
بسيط وقدر يعلمني ويساوي راسي براسهم بل اعلى كمان لانه
راجل بسيط  بس عرف
 يصنع راجل هو ده الدكتور اللي بتكلموه دلوقتي
والله وانا مرتبي كله ميكملش تمن اكله في مطعم كبير

بس حاسس انهم الالاف الجنيهات
لاني اعتمدت على نفسي واستحملت القرف لما جالي
مكان على حدود مصر اقرب منه  لاسرائيل منه لمصر
طابا ارض المصريين ايوه خدمت هناك وبقى وسام
والله العظيم على صدري هفضل افتخر بيه
طول عمري وهحكي لاولدي اللي هخليهم بقى احسن
 من ابوهم لاني احسن حالا من ابويا اللي لو طلت اعمله تمثال
في ميدان التحرير لفعلت
هم دول الناس اللي ان منهم وعمري
ما هزعل اني من اسرة متوسطة الحال
هنفضل نحن ومدعى العصامية ومليونيرات هذا العصر
متوازين وعمرنا ما هنتقاطع ابدا
وللاسف لما حبيت بنت منهم اتعذبت بس
 ومطلتش منها غير النظرات وتلويع قلبي
ايوه بعترف اني حبيت بنت من الاغنياء بس اتعذبت
من حبها جدا وفقت بس متاخر اوي
ولو في يوم من الايام قراتي مقالي يا مناقصده  هكون قدامك
اكيد حاجة كبيرة عارفة ليه لاني حبيت من قلبي
وكان حبك ده دافع اني ابقى احسن منك ولو على
الاقل علميا وده حصل وترتيبي اعلى منها كل سنة
وهى كانت عقدتي فضلنا في مرحلة اعجاب
 سنة كاملة لغاية ما اتكلمنا وبقينا اصحاب وكنت والله عشان عارف
اني عمري ما هرتبط بيها كنت في عز حبي ليها
وفي اقوي  لحظات حبي افرمل نفسي من اني اعترف لها
دلوقتي هي مدام واكيد بقى عندها اطفال
واكبد اتجوزت واحد غني وراكب  عربية
انقح من اللي كانت بتيجي بيها الكلية
ولما كنت افكر في حبي ليها اقول يا واد ده تمن فردة كوتش
يعيشني سنة اصرف مواصلات بس وكمان معايا اشتراك المترو
يا جماعة مش هسمح لحد يتكلم عن البسطاء من برجه العالي

والله انا ما اشتراكي ولا شيوعي ولا يساري
ولا بطيخي حتى كل اللي بأمن بيه انا اولاد الناس البسطاء
هم اللي بيخدمو البلد ديه وهم اساتذة الجامعة وهم حراس  حدودها وامنها
وهم اللي بيودعو فلوس البنوك اللي بيسرقها ابهات الاغنياء
مش كل الاغنياء حرامية
مش ده قصدي ولا بعمم ولا كل الاغنياء رخميين بس
يسيبوالبسطاء  في حالهم و
ميكسروش مجاديف البسطاء
مرة واحد من زمايلي الهاي اوووووي بيقولي
جاي تعمل ايه في الكلية يا بني ؟قولتلوه بعمل دبلومة
قالي دبلومة ايه ده انا بعمل ماستر وده برضه مش كفاية
انت تروح تلف شهادتها وترميها في اقرب صفيحة
ولا مصاريفها غالية عليك ولو في ايده يعمل دكتوراة
هم عندهم عقدة برضه
 انهم الطبقة العليا في كل شئ
يوم ما يتجوز
ياخد ست الجمال ويوم لما لو مؤاخذة عايز. ... يبقى سوبر مان
هو حتى كمان الحاجات ديه فيها تمييز
يا جماعة انا من الناس اللي مسكو سلاحهم وقالو
لا مش هنبيع القضية مش عشان خربانة لا سمح الله
لانها فعلا كده
لكن عشان من غيرنا احنا البسطاء اللي هيصلح

كتير اتريق عليا بتمسكي بالتكليف واني روحت طابا وعشان ايه

صحيح تمن فول تنك لعربيته اودخول احدهن في بيوتي سنتر
لكن احنا واقفنا وقولنا اه
هنتكلف وهنبعد وهنبقى رجالة
ومش هنسمح بحد يجي في الاخر يقولنا وينصحنا
لا لا لالا لا لا..........لا لا لالا لا لا والف لا
مش هخلي حد بعد ما ارسم لوحة حلوة
يجي يرمي عليها لون اسود لون سمه
مش هسمح لحد ياخد سلاحي مهما كان
انا المرة ديه  واقف مع الناس ومنهم وحاسس بيهم
وبقولدنيا كلها اني كنت صح
واني هكون انسان  طموح ومفيد ....لما كنت
 بتعلم كنت بذاكر عشان انفع الناس البسيطة واقف على مجهودي
وزي كلام الغلابة برضه ده بنى نفسه بدراعة لكن
لكن كتير عايزيين شهادة تتعلق في الصالون
مش بتجنى على حد  والله مش ده اسلوبي لكن حد
يجي يسرق مجهودنا ويقول الشباب الغلبان المكتئب  هقول في وشه لا
احنا اتولدنا في عصرصعب بتربط على درجة ثالثة تمن كيلو لحمة
وده مرتب واحد من زمن  الاربعينات فين العقل والواحد صابر ومش بيشتكي
وبيتحايل على الزمن عشان يعيش
ياااااااااااااه يا زميلي العزيز انت بجد
وكل  اللي زيك عملتو فيا حاجة حلوة اوي
وهي نفس فكرة البنسلين
لما باشفكم  بتغاظ وباصر اكون احسن منكم بس
 مش بفلوس بابي لا بدراعي وطموحي انا
وزي ماقالو من الداء بناخد الدواء وانتو بجد الانتجين اللي في حياتي
وهكون  انا الانتي بادي اللي هيفضل ملازمكم
وقال ايه بيدي نصايح للشباب المتعسر
روح شوف بابي جابلك عربية من امتى عشان ايه

انا معبي من زمان وانفجرت ميرسي
للدكتور زميلي اللي محروق اوي على الغلابة وبيديهم نصايح

 

هذي أحلي صور ومشاركات عندي اتمنى من الله
تعجبكم ان شاء الله
للمزيد من التفاصيل والصور والاشتراكات التي اتمنها منكم و الصداقة التي انتظرها
للأسف الموقع له عدد من الزيارات يوميا ولذلك اذا وجدت الموقع غير متاح انتظر للزيارة مرة اخرى
وارجو تسجيل نفسك في صفحة سجل الزوار
sign me page


-----------------------------
ارجو ان تقول رأيك في المواقع ومشاركاتي في المنتدى
-------------------------
www.timo1.jeeran.com/timo/
or
www.hatom1.jeeran.com/bitar/
or
http://future2007.jeeran.com/profile/
or
blog/timo_dentist
or
http://www.flickr.com/photos/timo/
or
http://www.flickr.com/photos/bitar/
or
www.hatom.blogspot.com
or
dr hatem yahoo group

*************************************
وللمزيد من التواصل ارجو الاتصال بالبريد الالكتروني

------------------------


sambo200437@yahoo.com
or
timo_dentist1@yahoo.com

Click to join timobitar

mobile:(002) 0105684344

من خارج مصر:ادخل مفتاح الدولي(002) ثم رقم الجوال

about me:
***************

name:	حاتم البيطار
age:	25years
jop	dentist
faculty&unveisty	dentistry,cairo universty
nationality	egyptian,from turkish roots

مستعد للجميع الطلبات في البريد الالكتروني من مشاركات وتحميل لنك موقعك وصورك ومقالاتك
ارجو اضفتي في الياهو مسنجر للصداقة وايضا بالمنتدى باسم المنتدى
^^^^^^^^^^^^^^^^^^^^^^^^^^^^^^^^^^