Mashy.com Blog Beta

.
قافلة الخير بكفر دار الكتب بمحافظة القليوبية
جمعية رسالة الخيرية فرع شبرا
مش عارف ابدأ منين ,لكن الحماسة واخدني بجد لان ما تم انجازه
مرضي على الاقل بالنسبة ليا رغم من يقوم بعمل تطوعي
لن يشعر باكتماله وهو ما اشعر به وهو كماء البحر لا يروي عطشا وهو ما يجعل الانسان دائم محب للعمل الخير ومائل له حتى ولو كان كائن مؤذي بطبعه
في اعماق اكثرنا نقطة بيضاء مشعة دائمة الوميض كالليزر
يخرج من نقطة لليصل الي مالانهاية
مش هتفلسف وهخش في الموضوع
من يومين بالظبط تم الاتصال بيا من اعضاء رسالة للمشاركة بقافلة لاحدى القري وعلى الفور ودون تفكير في ظروفي المعقد هذة الايام والله اعلم بمدى صعوبتها وافقت لعدة اسباب
حبي للعمل الخير وتعودي على طلوع قوافل من ايام مساعدة
واحساس الفرد باهميته للمجتمعه لان مش كل من تبرع بملايين هو المهم
المهم هو كيفية تقديم الخدمة /بجد بيكون شعور مهم باهميتك كفرد وخدمتك للمحيطك
وابتغاء رضاء الله وكم الدعوات والخير وتوسيع الرزق
لكن احساسي بتوسيع معرفتي بناس بجد قلوبهم خضراء بجد
وفعلا لم اكن اتخيل ان ده بينقي النفس كمن نزل لليغوص في اعماق المحيط لليخرج كالماسة
والله العظيم ان القافلة ديه بتوقيتها ده غير من نفسيتي وقد اخبرت احد المتطوعين بذلك (ابراهيم)ورغم الصعوبات من تلاقينا
وبيرقورطية من احد مديري المديرية
الا ان الله زلال ذلك بعد صلاتنا الجمعة وذلك لرفضهم فتح عيادة الاسنان والعهدة والحوارت ديه
ويمكن ده كان متوقع لقلة خبرة منظمي القافلة وسوف يتم تدارك ذلك المرات القادمة باذن الله
بجد شعورك بعمل لوجه الله له متعة لا تقدر بمال وابتسامة المرضى ورغم بساطتهم تخليك عايز تكسر الصخر ومحسستنش بالتعب والجوع والزهق والضيق من المعاملة اللي قابلنا بيها هذا الرجل الروتيني الذي لا ينفذ روح اللوائح
وقد تم الحل بفكرة مني باستبقاء ممرضة من المركز الطبي للتكون بديلة للصاحبة العهدة
وبعد تزاحم الناس ودخول عدد كبير من المرضى وثقتهم فيا
الحمد لله
هم من فتحو لنا كل سبل الراحة واخص بالذكر ممرضة (عبير)ساعدتني كتير لان حصلت مشكلة تانية السرنجة بتاعت البنج اللي احضرنها بها مشكلة وبتاعتهم بايظة
فطبعا بقينا نعمل لودنج بسرنجات بلاستيك
وتم التعامل مع ذلك والحمد لله
ولان الناس غلابة ومش هيقدرو يجيبو تمن السرنجة تم شراء عدد وفير وتم السيطرة على المشكلة
واجهتنا مشكلة توزيع الدواء وتم التعامل معها فحددت الاصناف المحتاجة والتي قد حددتها قبل القافلة
من كلندام300_150 مجم وايضا مضمات سترولين وانتي سيبتول _سترولين اف ومراهم دنتو كالم وميكوناز وكاتا فاست اكياس وباراموا وسيتال اقراص وفايل سيفوتاكس وامبولات فيتامين كاف وكيتوفان
وبقيت اعالج واصرف الدواء في ان واحد بجد لتقليل اللود والجهد على الصيدلانية الوحيدة
والله كان فيه بركة غريبة لان البنج الميباكيين الاحمر والاخضر قاربو على الانتهاء وكانو شديدي المفعول للدرجة التنميل كان لحظي بعد الحقن .......حاجة غريبة والله بركة لم اعتادها
وتم عمل خلع وعلاج لثة وكشف وصرف ادوية لعدد يعلمه الله على اقل تقدير اكثر من المائة وخمسون والله اعلم بعددتهم
الغريبة لا حالة فليرت ولا صعوبات في الجراحة رغم ان الاجهزة ناقصة لكن ربنا كان بيسهل للناس دول بشكل غريب
المهم من اللافتات الجميلة
الممرضة عبير كانت حاسة بتعبي جابت لي مولتو وشاي وكانت لطيفة جدا
لانها حاسة بتعبي مع اهل بلدها وكل شوية تعتذر عن ما حدث من معاملة المدير
للدرجة اني مديرة المركز والله كانت بتجبيلي مروحة من مكان تاني
وبعض الناس من المرضى عزمو عليا بالغذاء
عندهم ناس بسيطة لكنهم كرماء بالفعل
ما اثر فيا ان كل مريض بيكشف بيدعوك للغداء في بيته والدعاء
بجد اأثرت اكتر بست كبيرة جدا ماسكة ايدي وعايزني اتغدي عندها بيض وجبنة والله بعتذرلها وهي رافضة تسيب ايدي
من الحاجات اللي تخلي الواحد مبسوط كيفية استقبال الناس وتوديعهم مع طلبهم بتكرار الزيارة
طريقةالاطفال بمشاورتهم طول الطريق وابتسامة الناس حسستني بالقيمة اللي فعلنها في ناس
اهلنا كنا نسينا اوجعهم وبنفكر في نفسنا وبس
لهم حقوق علينا واعد بعدم رفض أي دعورة للقوافل مجانية خيرية حتى ولو ذهبت متطوع للحمل اشياء وتوزيعها وهذا اقل ما افعل
بس الغرض تقديم خدمة متميزة كطبيب لان المتطوعيين كتير ومش كلهم اطباء
المهم مكنش في فرصة للتعارف على باقي الاطباء للتزاحم وتدافع الناس لكنهم قامو بعمل ممتاز ومحترف واخص بالذكر دكتورة اول لما شافتني
انت كمان هنا كل حتة اللاقيك
كنا طلعنا قافلة مع مساعدة ومش عارف سر توقفهم
الدنيا فعلا ضيقة بعد المدة ديه اقابلها في قافلة تبع جمعية تانية
مش هنسى المتطوعين اللي شاركو ومهتم في توزيع شنط الطعام وتجهيزات العرائس
وقد قامو باستكشاف المنطقة من قبل ودراسة حالتهم الاجتماعية وده قامو به باحتراف لانهم باقلهم فترة بيطلعو قوافل من النوع ده
واخص بالذكر دايمان منسقة طبية للقافلة واعذر لها انها اول مرة عشان كده الصعوبات متوقعة للانها ديه اول مرة تنسقها
بنت مصرية وشها بشوش جدا طالبة في طب عين شمس
وكمان نحلة القافلة نهلة بنت مصرية سمراء وشها زي بنت عمك
او قريبتك تشعر انك تعرفها وكانت زي الدينامو وتجمع البيانات
والمايسترو استاذ محمد المنسق العام وهو شاب صغير لكنه واسع الخبرة هادئ الملامح
وابراهيم وطارق واسلام وغيرهم شباب مصري زي الورد يفرح
كلهم نامو من شدة التعب وانا نمت رغم المطبات الكثيرة
بداية تعارفي على الجمعية لما جيه اسلام ياخد هدوم للجمعية وعرضت عليه خدماتي كمتطوع في قافلة طبية
وبعد 3 ايام كانو منظمين القافلة ديه
مش هنسى تقديرهم لينا بشهادات تقدير متميزة تقديرا للمجهوداتنا وللحق كان كل واحد يستهال الالاف شهادات التقدير
من الجوع اكلنا المولت والتوينكز والعصير وكانه وجبة كباب
وكلنا نمنا من التعب الا النحلة ظلت مستيقظة بجد معجب جدا بنشطها وتوزيعها البسمات على الجميع وكانها مصدر للتجديد النشاط
من احلى القوافل رغم تعبي حتى الان منها حتى اثناء كتابة هذة السطور
ياريت كلنا نشارك بعمل تطوعي ان شالله مرة في الشهر ولو كلنا عملنا كده مش هيكون في حد محروم او فقير
فكرة التكافل فكرة اسلامية يجب ان تزرع في اطفالنا
من التبرع من المصروف او اهداء هدومه الضيقة للطفل محتاج
او حتى زيارة اطفال مريضة او ايتام
البلد محتاجة مجهود كل واحد ولو حاجة صغيرة ممكن تسعد ناس كتير
وانصح كل حد بيفهم في حاجة يروح ويعرض مساعدته
كمبيوتر تعليم تطوع ادارة المجالات كتير وميتكسفش من طلوع الجمعيات ديه
لانهم كعائلة وتشعر وسطهم انهم كلهم اخوة وبيدخلوك وسطهم بسرعة كانك كنت صاحبهم وبعيد و جيتلهم ورجعت للحضنهم
يا جماعة بدعوكم للزيارة جمعية رسالة شبرا امام محطة كلية الزراعة بمترو الانفاق وشوفو شباب مصري متميز جدا
د حاتم البيطار

لنك الموضوع هنا
http://www4.mashy.com/cfriends/index.php?mode=listing&act=show&lst_id=2409

صورة شهادة التقدير
http://www4.mashy.com/cfriends/photos/b527691906624ed29df167eb99640812.jpeg

باركولي نجحت في دبلومة علوم الليزر الطبية
congratulate me
i passed laser medical diploma
الان يمكنك الزغردة يا مانويلا
د حاتم البيطار

KINGDOM OF HEAVEN
موسيقى تصويرية فلكلورية فيها شء من الغموض وهو ما يغلف الفيلم من بدايته لاورلندونو بلوم
فعلا انتاجه ضخم لريدلي سكوت العالمي وعلى فكرة بيشارك فيه خالد النبوي في دور اخ صلاح الدين اللي بيقوم بيه ممثل سوري قدير جاد
اجتمع جميع خيوط وادوات السينما على انجاحه
الجميل ان الفيلم ده بصراحة استطاغ تقديم وجهة نظر الاجانب والاوربيين محاولة لتضميد جراحهم و تحسين صورتهم
وده ظهر لما احد الامراء رينو بكسر معاهدة السلام لتقوم الحرب ثانية بين صلاح الدين والصليبيين
مش عارف اذا كان بعض المعلومات التاريخية صح ولا لأ
منها ان ملك الصليبين كان مصاب بالجزام
وهو ما تم الافصاح عنه ورغم ضعفه الا انه كان بيحترم معاهدة الصلح مع المسلمين للدرجة انه عاقب
الامراء بتوع فرسان المعبد
جمال امراة احد الامراء اللي بتقع في حب اورلندو ايه في الجمال جمال عربي واضح
سحرت العيون بمجرد ظهورها
ومعاناتها من ضعف زوجها الجنسي ومحاولتها عمل علاقة مع اورلندو بالرغم من معرفتها بقوة
وبطش زوجها ولكنه الحب
في مشاهد كتير بتبين وحشية الصليبين من نحر وقتل وذبح الرسلاء من صلاح الدين
هجوهمهم على الحجاج
المهم ان الفيلم صورة جميلة هادئة لا تشعر بالتنشن بتاع الاكشن ولا خمول الافلام التاريخية
وقصة حب تتخلال الفيلم بنعومة بين الاميرة الفرنسية التي تكره زوجها العاجز واورلندو اللي اثبت
قوته وتخطيطه
CROSSIDS AND KEY
مشهد يستغرق اغلب نهاية الفيلم باقتحام المسلمين اورشاليم
ومدي مقاومة اورلندو بلوم خلف الاسوار
طبعا لازم يتشاف وبخاصة لو شوفت الفيلم ده عرض سينمائي قمة في الابهار
هتكلم عن حوار دار اثناء الاقتحام يلخص معاناة فلسطين واسرائيل حتى الان
اورلندو على لساته بعد هزيمته
اذا كانت هذة المدينة مقدسة وكم الدماء والغزوات من اول ظهور البنب ادميين وحتى اليوم
فلو فعلا هي عاصمة الله على الارض فليحمها بطريقته ولنحقن الدماء
وهو ما حدث فقد كانت مدينة تجمع المسلمين واليهود والمسيحيين في تألف رهيب
ما يصبو اليه المخرج هو التحابي بينهم والحث على حوار الاديان
فكرة برضك
المهم مشهد بيظهر صلاح الدين بعد هزيمتهم بيسمع قائدهم وبنود الانسحاب
قال صلاح الدين ائمنكم على اروحكم واموالكم ونساءكم حتى تعاودو بلادكم
ويرفض أي بنود على الرغم من انه الفائز بالحرب
النقد الموجه لعدم اظهار العرب والمسلمين بشكل اكبر واضح بس ده يغفر لانه بيوضخ وجهة نظرهم من هذة الحمالات الصليبية ومحاولة تهدئة الوضع الحالي

الكرواسون ولا رغيف عيش
مشاكل وهم وطوابير وخنقة وبنزين وبلاوي وناس مخنوقة
مالحكومة حلتها اللي مش لاقي سولار يمون بنزين 92
وللمش لاقي رغيق عيش يغمز بالكروسوان
وهي ايضا حلول فرنسا قبل الثورة الفرنسية
لو بصيت في وجوه الناس المصرية نادرا ما تجد حد مبسوط وده لم اكن الحظه
كنت دايما بسمع الناس بتنكت وتهزر وتلم على بعض ايه اللي حصل
اصبحنا نصدر الكائبة لبعض
كل واحد عايز يدوس على رقبة التاني عشان اكبل العيش
وكل واحد تسمعه لما تجيلي فيملعبي هوريك
بمعنب النجار مستني الجزار لما يحتاجه وهكذا
كل واحد بيزود على مزاجه
الناس اتغيرت ماعدش فيه حد بيسلم على حد ولا يقف يعرف اخباره ايه
لهاث وكله بيجري
كنت مرة كتبت مقال عن اختلاف الناس بتوع الصبح عن الليل
والفرق بينهم
ولا اخفي عليكم اني عندي هواية بس غريبة جدا
غير تجميع الطوابع والعملات والميدلايت والكتب والمجلات القديمة
هوايتي هي دراسة وجوه الناس وسلوكهم ولله مش مراقبة انا بستمتع جدا لما اقف في مترو ولا محطة
الناس بتكون بتافف من الملل وانا واقف براقب سلوكهم ووجوهم
كان في مرة مريضة عندي بتيجي بمعدل كل 6شهور ومتوقعة افتكر هي جت عملت ايه
اقعد اضحك اقولها انا فاكر وشك بس
فتبصلي اوي اشمعنى
ذاكرتي فولاذية في تذكر الوجوه ولكنها قمة الزهيمر في الارقام
والحمد لله على ذلك رغم ان ده مؤذي في حسابات المرضى
عشان كده الانكس دايما قريب مني
ادون الافكار والشعر والمقالات احيانا وافكار الشغل والاحداث
وتخطيط المستقبل وهكذا وده لان مخي دايما مشغوا بافكار مقالات او شعر
وللحق دايما يجلي الكتابة اثناء الزنقات الامتحانات تسليم شغل
زحمة شغل او نكسة حب او ثقة في حد كنت بامانله
المهم نتكلم عن ازمة الزواج والشباب الضايع اللي تحولت حياته على راي الفيلم لفيديو وشريط
والمشكلة طلعت في الاخر في النظام يا بهايم على لسان المعلم برايز
مش فاهم المرتبات تزيد يزيد معها ليه الاسعار
المفروض انها تغطي تكاليف الاسعار
ولما حصل المشكلة العالمية الان الاسعار منزلتش
طبعا جشع التجار وعدم فهمهم باحوال الناس
المهم الاخرة جاية وكل واحد هيمسك في رقبة الظالمين
وما اكثرهم الان
الحلو كل واحد يطلع شيطان ظالم يجي في حلقة
يطلع نفسه ملاك بجناحين
فاكرين خبر ان الناس بدات تاكل لحوم الحمير والكلاب
والله انا بتنبا اهو ان هيجي الوقت اللي مش هيلقوهم
هي القطط اختفت من شوية حد بيشوفهم زي زمان الحدق يفهم
يارب ما اشوف الناس بتاكل في بعضيها
هتكلم عن زيادة مصروفات الدراسات العليا وده للاخوة المقبلين على الخظوة الشائكة ديه
وهي لماذا تزيد بمعدل 400% هو ده منطقي الناس مش قادرة خلاص
ارحمونا بقى
لو حد شاف حاجة بترخص غير الانسان يبلغني
على فكرة عمر ما كان نظرتي سودوية لاي حاجة
ولما حسيت بالزهق خبطت على سفارات امريكا بس بن لادن الله يسامحهبقى سبقني وفجر برجين التجارة
واستراليا قفلت بدري
ملقيتش غير كندا وهي بالفعل منتظرة وليا ميعاد مع القنصلية
وفكرت كتير ومازلت افكر
لست من الجبناء الذين يتركون الاخرين يحاربون باسمي
لكن الكرامة والرزق لايشترط اوطان
وازعم اني كتبت قصة قصيرة عن ذلك باسم البلياتشو ارجوكم اقروها
احذر من هروب العقول من اطباء ومهندسين ومؤهلات عليا خارج مصر
هيبان ده كمان 20 سنة وذلك لان الاطفال اصبحو محجمين عن المذاكرة وتكميل تعليمهم
ما هو الكرة والغنا والرقص بيكسب اكتر والله
من افواه الاطفال اصبحو بيفكرو كده في الكسب السريع

عارفين المشكلة فين
في النظام يا بهايم وحلها عند برايز
نصلح السيستم بتاع حياتنا اولا وكل واحد يصلح في مكانه
ونبطل سلبية ونغير ونطور
ارجو مكنش طولت
اصل ديه اجازة عيد وعندي وقت اكتب
وبتهزها فرصة انزل اعمال اثناء الاجازات
اخوكم د حاتم البيطار
__________________________________
التائه قصة قصيرة
يقوم من نومه على صوت تقلب امراة بجانبه يراها لاول مرة
يسال نفسه من هذة المراة لم ارها
يدقق النظر لوجهها
كيف تنام كالملاك
نعومة وصفاء لم يراها الا في الاطفال
يحاول التدقيق اكثر كمن يحاول رسم لوحة كبيكاسو
يااه هو فيه جمال ملائكي
خطوط الانف مع الفم مع العيون ايه في الجمال
حتى الحسنات وموضعها لا يجعلها منفرة
يحدث نفسه
من هي
انظر انها تبتسم وهي نائمة
عمرها لا يزيد عن الثلاثين بيضاء كالحليب
شعرها ناعم كالحرير طويل يصل لخصرها
تتنفس برفق مع الشعور كانها تنام على سحابة في السماء
يسلط على ذقنها بعض اشعة الشمس لتزيدها بريقا وجمالا
ازيح هذة الاشعة من على وجهها محاولا عدم ايقاظها
كمن ينظر على بيبي نائم لايريد ازعاجه خوفا من استيقاظه
حتى الان لا يعلم من هي
يحاول تذكر لماذا لايعرف من هو او من ترقد بجانبه
وما هذة الغرفة المنمقة
فهو كائنه غريب
حتى انه يتحدث لغة ويفكر باخرى
يحاول النطق لكن يخرج حروف غريبة
هل ما يحدث هو خيال او حلم بدليل هذة السيدة النائمة
يحاول التذكر
يفتح الدرج الجانبي للكومينو لليجد علبة سجائر مكتوب عليها بالعبري
فهو يعلم حروفها منذ كان في فترة من تكليفه هناك فهو يعلم بعض من كلماتها
يخرج سيجارة ويولعها ويسحب اول نفس نفس طعم السجائر التي تعود عليها
يتقلب في مكانه ليجدها تعدل من خصلات شعرها
وتساله بنفس اللغة
فيما فهم لما هو مستيقظ باكرا وهي ليست عادته
يحاول تذكر ما ذا حدث له وكيف هو لا يتذكر
ينفث دخان سجائره في الفضاء
ليتذكر اخر لقاء مع سفيان تلك الفتاة التي كان يقابلها في طابا ثناء قضاءه
التكليف
فهي قد اغرته بالاقامة بايلات واذا لم يعجبه الحال يرجع لطابا مرة اخري
يتذكر امضته وهو مخمور معها متوعكا من قضاء ليلة كاملة بغرفتها
فهي قد حاولت معه عدة مرات لكن كل مرة يمنعه اخلاقه الا ان هذا اليوم
كان فيحال لايرثى لها فقد انفصل عن حبيبته بالقاهرة
وقد حكى لها ما حدث وقد وعدته بالتفكير في حل حتى يجمع المال الوفير للاسترجعها مرة اخرى
تدير راسها للتحدث صديق عبري يجلس بجانبها
مزهر هل مازلت الوظيفة التي حدثتك عنها متاحة
يرد لا اعلم لكن يمكنك اخذ رد نهائي غدا
لقد اعتاد ان يقابل سفيان عدة مرات في الاسبوع حالما يتاح له الوقت
بالرغم من تحذير الاخرين انها يهودية وهو مسلم
الا انها تتحدث الانجليزية فكيف تكذب بشان جنسيتها لو كانت اسرائيلية لما قد تخفي ذلك
فهي تشعر معه بالامان
وحاولت مرارا ان تعرفه انها امريكانية تعيش بطابا وبعض الاحيان تقضي ايام باسرائيل
وهي سائحة ليس الا
كل يوم يزيد علاقتهما الي ان تعلم ظروف انفصاله عن حبيبته بسبب الفلوس
انتهزت سفيان حالته النفسية السيئة بعد مكالمة طالت ووجدت وجه متغير بعده
تضع مخدر في مشروب وتناوله اليه
يرشف الكاس من يدها ويتحدث معها عن ما حدث
تستغل الفرصة لتاخذه الي غرفتها
وفي غفلة يقع في ما كان يخاف منه ومن الله
يشعر بانها مسيطرة عليه
ما الذي حدث يا سفيان
تنظر له انت الان حبيبي و سوف تصبح مواطن بمجرد زواجنا
وقبولك الوظيفة التي قد وفرتهالك الان حاول انهاء جميع اعمالك بالاجازة القادمة ودعنا
نستمتع بوقتنا الا تجدني جميلة بنظرك
هل كانت حبيبتك تسلم نفسها لك كما فعلت
لا تكون بائس معي ستكسب كثيرا
يخرج وهو لا يصدق ما حدث
يحاول البعد عنها حتى انه يرفض أي دعوات للهذة القرية
لعلمه انها تنزل فيها
حتى تاتي اليه في مكان عمله
لتعلمه انها حامل منه وتريد الارتباط الرسمي معها
وانها سوف تعلم اهله فهي استطاعت معرفة مكان اهله
وعنوانه وسوف تفضحه
يعلم انها قد خططت لشئ منذ البداية وانتهزت لحظة ضعف تنتابه
يعلم الان ان نواياها ليست سليمة
ويتذكر انه قد مضى على ورق وهو مخدر ومخمور
يفكر كيف التخلص من هذا المأزق وما كتب في الورقة
كانها تقرا افكاره
ترد على جميع استفسارته
نعم انت الان عميل للموساد وقد وقعت ذلك بخط يدك
وسوف تكون غدا بايلات لاستخراج اورقك كظابط مخابرات تحت التمرين
لقد كانت سفيان الطعم الذي يصطاد شاب اقل ما يقال
قمة في الذكاء
وهو ما يعلمه جميع من حاوله
لم يجد مفر من النقاش والرفض
يتذكر انه لو اخبر احد سيكون مدان
يذهب معها ويدخل ايلات واسرائيل لاول مرة
انها تشبه الاسكندرية ليست غريبة
يتحدث الجميع العربية بلكنة لكنها مفهومة
لقد اخبرتنا سفيان بقبولك التعاون معانا ما رايك
نعم لقد قبلت بس
ارجو معرفة ما قد كتب في الورقة التي وقعتها
يا سيدي انت الان بشخصية جديدة وحياة جديدة
واخترنا لك زوجه من عرب 48 زوجة لك
وقد يصادف وجودك بمصر ولكن بشخصية جديدة ووجه جديد
فتوقيعك يعطينا الحق في تغيير ملامحك الشرقية
يحاول الهرب الا انه يجد نفسه مخدر ويقل نظره بالتدريج
يشعر بانه مستلقى على تربيزة عمليات نعم يتذكر الان هذا الضوء الساطع
يتذكر الان انها ماجي التي ترقد بجانبي لقد ارتبط بها بعد اول عملية نفذت باحدى الدول
الاوربية وكانت هي الهدية زواجه منها
ينظر للمريا مرة اخري
ليجد اختلاف وجهة بنسبة كبيرة
ويعرف من ماجي التي احبته انه داوم على اخذ دواء اجباري
اعتادت احدى الفتيات التي كانت تعيش
معه على دسه في ماكله ومشربه
وقد عرفت ذلك الا انها رفضت ذلك
وقد صارحتك الان واسمك هو حازم وليس جاك
وانت مسلم مصري عربي
هل ما تقولين صحيح وكيف الان يرجع ليا
بعض الاطياف من حياة اخري وافكر بلغة غريبة
انها الحقيقة
انها الحقيقة
انت لم يعد لديك أي سجل رسمي بمصر
وقد ابلغو اهلك بوفاتك منذ 6 سنوات
هل يمر عليا طوال هذة الفترة ولا اتذكر ما كان يحدث
حبيبي لا تفكر الان وسوف اساعدك لاني احببتك
واعلمك ان من احببتها تزوجت ووالدك توفى
لقد كنت معتادة السؤال عنهم لاني اعرف قصتك
منذ البداية من تجنيدك من سفيان
وانك لازلت متعلق بكل هذا
اما الان قد علمت الحقيقة كاملة ماسوف تعمل
ارجوك لا تخبر احد بما قلته
يسالها اين نحن الان
تل ابيب
كيف استطيع مغادرتها
تعرفه كيف الخروج بعد عملية امستردام بجنسية لبناني
وباسم فادي الرنتيسي ومهنتك مراسل صحفي ومهمتك
تفجير سفارة امريكا هناك والصاقها باحدي الدول العربية

ينفث دخان سيجارته

لما تساعديني الان
لسبب بسيط
انك بعد احدى العمليات كنت مصاحبة لك وكنت على شفى الموت ورايت فيك
شهامة لما اعهدها فيمن تعاونت معهم ولو وضعو في نفس الموقف كانو تخلصو مني
فليس من المعقول ان يحمل رجل سيدة اثناء انجارات وهو لا يعرفها
ويضحي بنفسه
وقد قطعت وعد بعد شفائي في احدى المستشفيات اني سارد
لك هذا الجميل
وقد جاء بعد تحديد هذة العملية والتي اشعر انهم يحاولون تصفيتنا
للاستحالة تنفيذها وبخاصة لوجود وزير الدفاع بالسفارة وزيادة الامن عليها
يطبع قبلة على جبينها
ويتاكد من صدق كلامها بعد ان استعاد جزء من ذاكرته
ويعاود النوم العميق وكانه يؤنب نفسه
للسؤال على ما حدث
من مهنة سامية تهدف لانقاذ البشر للقاتل محترف وعميل سري

يارب تكون عجبتكم

على فكرة بعض الاحداث واقعية والباقى من خيالي الخصب
6-12-2008 نصف الليل
د حاتم البيطار

0105684344
العام

مش عارف انعي محبي  جو ازاي
بجد مش مصدق موته
استغفر الله
لن يغلى على الله احد
معلش كنت بحبه جدا كما قلت في مقال عاشق يوسف  شاهين

عندي صفحة باسم احد افلامه من عشقى للاسكندرية مثله
اسمها اسكندرية ليه

مش عارف الكلام محشور في حلقى
والله انتظرت حتى تهدأ نفسي
حتى استطيع ان اتكلم
عنه انه صديقى وحبيبي جو
كاني اعرفه وكانه حد قريب مني
بيفهم مايدور داخل عقلي ويضعه في افلام اتابعها
لما كنت طفل وشوفت اكندرية كمان وكمان والله
واقسم بالله
كله قفل التلفزيون وقام
وقالو انه مجنون
جالي هاجس داخلى اقوم وافتح التلفزيون واعرف مجنون ليه
وقد كان وقعت في حبه
انا استاذي والذي جعلني افكر بالاخراج
واقف امام اهلى رغم مجموع الثانوية اللي ممكن يدخل اتنين معايا كليات محترمة
كنت مصمم على الاخراج ووقفو في طريقة زي جو ابوه يقوله لازم تدرس حاجة جد
هندسة محامة
وكان الفن هبل
والرجل ده لو حد متابعه كان بيكرم في شتى بقاع الارض ومشهور عالميا
كام دكتور ومهندس او سياسي
بيستقبل بحفاوة
مفيش
لكن جو المخرج اللي درس حاجة مش جد
وصل العالمية بافلامه التي لم تكم مفهومة للمعظم عائلتي وبيقفلو اسكندرية لليه
واليوم السادس
تخيلو
الفيلمين اللي ممكن يتعطفو ويشوفوه
الارض والناصر صلاح الدين وممكن صراع في الوادي
حتى باب الحديد لا
ظلم الرجل من العامة
لكنه مقدر بوحشية للمثقفين وعاشقى السينما من امثالي
ازاي حد يحب السيما
وميحبش حدوتة مصرية
عمري ما فكرت ان جو مسيحي وانا مسلم
انا بحب كأنسان وبس
وبعدين عادل امام مسلم ودايما مطلع الاسلام ارهاب
رغم حبي له وهو مسلم
وجو لم يفعل
استحضرو صلاح الدين
ومشهد المحاكمة بين خيانة لويز وحاكم عكا
هتعرفو جو
الاذان الفجر وجرس الكنائس
هتعرفو عبقرية الرجل ده
يااااااااااااااااه
والله
وبعد وفاته الدموع تقطر من عيوني رغم تماسكي
للحظة معرفة موته
يمكن حالة الاكتئاب اللي كانت عندى منذ وفاته
عارف ان في ناس بتقول ده مبالغ
او مزودها حبتين
بس والله عشقي للجو هو عشقى للسينما بكل اشكالها والوانها
وهو اللي حببني في الاخراج
وازاي ابص على الكادرات
فهمت يعنيايه اضاءة راكور موسيقى تصويرية
اغنية زي على صوتك لم تقحم على الفيلم حركة الشاريوه
حركة الكاميرا مان
المونتاج وازاي يمزج المشاهد الوثائقية بالفيلم
تعرفو اني مسجل اسكندرية ليه صوت بس
اسمعه كل حين
الرجل ده كان عبقري
شوفو النجوم ازاي اختلفت
حتى حمدي احمد او احمد زكي
او فريد شوقي
او نور الشريف
فيه مشاهد في الهاجر كارثة
اضاءة المعابد
التصوير الخارجي في الفجر
او مع الغروب
يااااااااااه
والله مش قادر
وسامحوني لاني منفعل بحب الاستاذ
وكنت دايما اقول الاستاذ مش يوسف كده
وللحق تشابه فترات من حياته للحياتي
وده وارد كلنا بشر و بتتكرر احداثنا
بس
تكون بالحذافير
وعشق الكسندرية
والاحاسيس الواحدة تجسيد
مشاعر واحاسيس كانت جوايا تخيلو لما اشوفها مشاهد
يبقى الرجل ده  بالنسبة ليا ايه
وازاي انه حبس بنات افكاري في حوار
وهم اللي جنوني ايام وساعات للمحاولة الاطباق عليهم
يمكن اكون شاعري شوية ويمكن اكون منفعل
بحب الاستاذ
ومكنش ينفع اكتب كلمتين عزاء في واحد بعتبره
god father
وعرابي كما يقول نيشان
لان كلمات العزاء لن تكفيني وعمل كوبي
بست للمقالات نعيه لم تجد طريق معي
اللي مات قيمة وليس انسان
اللي مات عبقري وليس مخرج
اللي مات اب للحالم بالاخراج مسلم وموحد بالله ولكن
تمنيته استاذ وعراب لي ومقابلته الشخصية
ولم يتحقق
وطالما تناجت روحينا وكاني افهم
مايتلعثم لسانه عن الكلام
هو عملها وسافر امريكا وتعلم الاخراج كان جرئ
ولم افعلها وبقيت رقم من ارقام نقابة مهنية
لطب الاسنان
وكان في ايدي ان اكون عبقري مثله
لكنهو بقى الاستاذ
وانا اهو بعافر وملتحق بمدرسة السينما
محاولا التشبث باخر امل لي
في العيش داخل حلمي
حلم السينما وعشقها
البقاء لله يا استاذ
ولن يشغل مكانك احد
لان مفيش حد مثل حد
وصبرنا الله
والسلوى الوحيدة حبك داخل محبي وفاهمي السينما الحقيقيين
وافلامك اللي ياما عقدت ناس
وخلتهم يقولو ده مجنون
ايو مجنون ومعجون بحب السينما وربما يقدر اكثر بعد 100 عام
وقولو دكتور حاتم قال كده
من ابنك الفني
دحاتم البيطار
ارجو النشر للاعلان حبي للاستاذ وعدم حجب رسالتس رغم طولها
لكن والله مشاعر متدفقة واعذرو غلاطتي
لاني لم اقرلأأ ما كتبت كنت منفعل بموت الاستاذ
وشكرا.........وداعا

السلام عليكم ورحمة الله وبركاته
اعتقد مفيش مجال للشك حاليا
ان الاطباء البشريين باعونا للوزارة الصحة
واصغر عيل ممكن يلاحظ ده
ادحلبو لغاية ماخدو حقوق الاسعاف والطوارئ
وخدوحقوق النواب والاطباء المقيمين
ومرتابتهم وان كانت مش عاجبكم فهي 3 اضعاف طبيب الاسنان
الغريبة والمضحك في الموضوع
واللي يهلك من الضحك اننا بنرفع قضية للمساواتنا بالبشريين
امال احنا ايه اطباء بيطريين
ولا احنا اولاد البطة السودا
وليه الصيادلة معملوش كده
وقالو نتساوا بالبشريين
تفتكرو ممكن طبيب انف واذن  يفهم
في القلب والصدر
كل واحد له تخصصه
والله انا لعنت ام السنة اللي بينا وبينكم
طما الصيدلة خمسة سنوات وهم ايضا اطباء بس صيادلة
انا مفهمش في العقاقير والسموم وكذلك انتم
والله نعرة بشري واسنان وصيدلة ماشفته غير في بلدنا
على فكرة مش عايز اغضب عشان هشوط كلام  مش ولابد على راي
المعلم الكبير
والله  والله لو كنت في مسرحية ما كنت ضحكت من البكاء كالان
نحن في زمن طبيب الاسنان بيثبت انه طبيب مثل الدكتور ابو سماعة
طب بتاع التخدير ده دكتور
ودكتور الاشعة دكتور والتحاليل اخبارهم ايه
والكلينكال باثولوجي
ياريت نعقل
والله دكتور الاسنان اللي ربنا بيفتحها عليه بيكسب اكتر من وكيل وزارة
واحسن من اللي بيبع الهوا
لكن المجمل
متوسط دخله 900-1500
من البرايفت والحكومة
يعني كلنا في الهوا سوا
يبقى ليه نجرح في بعض
ولما فئة تاخد حقها وفئة لا يبقى فيه غلط وغلط كبير
من زمان وانا  صوتي طالع ليه الاطباء مقولتش اي تخصص
او المهندسيين مقولتش مدني ولا كهربائي ولا ميكانيكي وده في الاخر
لانه ياااي بينزل تحت عربيات ويصلح مكينات
وغيره بيصمم عمارات ويوقف من بعيد يباشر الشغل
الاتنين مهندسين
في الاخر
ليه نفرق بين لعيب كورة بياخد في السنة مليون واحنا اللي يحصل دخل سنوي 20 الف ينبسط
بالزمة مش ده حرام
ولا راقصة تاخد في ربع ساعة عرق
طبيب محترم بينزل نظيف ويخفف
الالم الناس ويركب مواصلات وفاتح بيت
هل يعقل هذا راتب طبيب سنوي مقابل هزة وسط راقصة في ربع ساعة
الدنيا متشقلبة
وكمان نيجي على اطباء الاسنان
يبقى ايه شعوري وانا باخد ربع طبيب لسه متخرج
انا مش عايز اتساوي بحد
عشان محدش يعرف يعمل مهنتي مثلي
ولا انا هيسخن في دماغي
اني افتح صيدلية بكرة ولا اعمل مناظير
هموت واعيش باكل من عرق جبيني اللي هو
طب الاسنان متعلمتش غيره
وكان ادامي صيدلة وبشري
وحظي العثر اني طلعت في الاخر مش طبيب زي البشري
ياااااااااااااااااه
منتهى الظلم
وكان ليا زمان مقال ادعوكم لقراءته بتأني
اسمه لسنا انصاف اطباء
ليه يا اولاد المهنة الواحدة نقطع في بعض
ونقلل من شأن بعض
والله عمري ما قللم من شأن حد حتو ولو  عامل نظافة
او عامل احذية وهكذا
كلا له دوره
وطالما مستحقرين مهنة طبيب الاسنان هنعتزل المهنة وشوفو كم الناس اللي
هتموت من الالم ما هو احنا كمان عندنا طوارئ
في حوادث لو واحد فكه انكسر هتعملو ايه
هاتو بتوع العظام والتجميل ولو اجتمعو لن يقومو
بفهم كسور الفك لانه قسم اساسى في جراحتنا
وكان في دكتور وهو طبيب اسنان
يقول الجراحيين بتوع التجميل ممكن يعكو في كل جراحتنا الا
التكيسات لانهم مش فهمنها
ولا كسور الفك
لو حد شاف فانيلا سكاي بتاع توم كروز هيفهم لم عمل كسر الفك كان شكله كده ليه
دكتور تجميل بقى
تعرفو احنا بنعرف مين اللي عالج كسر من شغله
لانهم بيعرفو يركبو شرايح بس
مش فاهمين
ooclusion
عارف طولت عليكم بس  كنت مخنوق
واثرت عدة نقط عشان اثبت وجهة نظري
يارب تكون وصلتكم
ومش محتاج دفاع من حد
لان ربنا هيفتح علينا في شغل البرايفت
وربنا بيعوض
ولما هرفض طب بشري  لو رجع بيا الزمن هفكر
وهرفضه تاني
هههههههههههههه
اه والله
لان خريجه مش فاهم حاجة ومش متخصص حاجة شفت هنا وشفت هناك
وعشان يبتدي يفهم لازمه كمان 7 سنوات عشان يخلص نيابة وغيره
لكن احنا بنتخرج فاهميين
ولو مش عاجبكم طبيب الاسنان الغوه واعملوه
sub
قسم في اي تخصص
ولا كمان هتيستعرو منه كمان
لانه هيفكركم بحكيم الاسنان
ولو حد كاره تخصصنا  ومعاه فلوس يزور المانيا او انجلترا او امريكا
او استراليا
ويجي يقول مين اعلى مهنة هناك
ومش نعرة والله
والله حبيت افهمكم بس
قيمتنا ومفيش قضايا الدنيا هتعوض الجرح اللي لحق بينا
انا مكلوم ومخنوق
ولن يرد اعتبارنا اي شئ
وشكرنا لانكم لعبتوها صح
اخدتم حقوقكم وخرطونا للبط

وسلام يا دكاترة
من خريج مش عارف مسموحلي اقول طب
اقولكم خريج اسنان من غير طب
اصلنا بثبت للحد دلوقتي اننا اطباء

ماحوظة على كده خريج علاج طبيعي يبقى ايه عربجي
اصله 4 سنين
وخريج صيدلة يبقى ايه
ادعوكم
للتفكير

 استاذ حاتم البيطار
على باب الله لحد ما تفرج ونكسب القضية
تخيلو لازم نغير ونلبس بالطو اسود زي المحاميين ما بقنا استاذة
ومطلعنش اطباء
شكرا
مرفق صور للمهزلة بالصور مش من بيت ابويا كله بالجرايد
واللي عايز يضحك على حال غيره ادعوه
للفرجة وانتظار تحميل الصور

http://www.s4it.net/AllAboutNews/072008/26072008/p25-003-26072008.jpg
http://www.s4it.net/AllAboutNews/072008/29072008/p38-007-29072008.jpg
http://www.s4it.net/AllAboutNews/082008/02082008/p08-013-02082008.jpg
http://www.s4it.net/AllAboutNews/082008/03082008/p25-009-03082008.jpg
http://www.s4it.net/AllAboutNews/082008/03082008/p30-003-03082008.jpg
http://www.s4it.net/AllAboutNews/072008/24072008/p38-007-24072008.jpg
http://www.s4it.net/AllAboutNews/072008/26072008/p26-018-26072008.jpg
http://www.s4it.net/AllAboutNews/082008/03082008/p37-016-03082008.jpg
http://www.s4it.net/AllAboutNews/072008/24072008/p38-015-24072008.jpg
http://www.s4it.net/AllAboutNews/072008/27072008/p34-018-27072008.jpg
http://www.s4it.net/AllAboutNews/072008/25072008/p38-003-25072008.jpg
http://www.s4it.net/AllAboutNews/072008/25072008/p14-022-25072008.jpg
http://www.s4it.net/AllAboutNews/072008/26072008/p20-014-26072008.jpg
http://www.s4it.net/AllAboutNews/082008/02082008/p20-012-01-02082008.jpg
http://www.s4it.net/AllAboutNews/072008/29072008/p37-008-29072008.jpg
http://www.s4it.net/AllAboutNews/072008/28072008/p26-014-28072008.jpg
http://www.s4it.net/AllAboutNews/082008/03082008/p25-002-03082008.jpg
http://www.s4it.net/AllAboutNews/082008/03082008/p26-008-03082008.jpg
http://www.s4it.net/AllAboutNews/072008/29072008/p25-018-29072008.jpg
http://www.s4it.net/AllAboutNews/072008/29072008/p36-012-29072008.jpg
http://www.s4it.net/AllAboutNews/072008/26072008/p30-013-26072008.jpg