Mashy.com Blog Beta

[IMG]http://www4.mashy.com/cfriends/photos/7225f9332072e16a3ea5bbf5ec766256.jpeg[/IMG]
[SIZE=4][COLOR=blue] [/COLOR][/SIZE]

[IMG]http://farm3.static.flickr.com/2727/4444702872_835854e4a1.jpg[/IMG]
[SIZE=4][COLOR=blue] [/COLOR][/SIZE]

مش عارف الخبر ده يضايق ولا يفرح
معلش بقى يا د ملاك

[IMG]http://farm3.static.flickr.com/2760/4444702884_e0518a9170.jpg[/IMG]
[SIZE=4][COLOR=blue] [/COLOR][/SIZE]

بس حتى الشء السئ فيه حاجات كويسة

[IMG]http://farm5.static.flickr.com/4045/4444702880_ceb503409a.jpg[/IMG]
[SIZE=4][COLOR=blue] [/COLOR][/SIZE]

لم يستطع مسؤولو جريدة "الشروق اليومي" الجزائرية استرجاع الموقع الإلكتروني التابع لها بعد مرور أكثر من 24 ساعة على عملية الاختراق التي قام ليلة الأحد الاثنين 15-3-2010، على ما يبدو قرصان (هاكرزق) مصري منزعج من كتابات هذه الصحيفة، خصوصاً في ما تعلق بالأزمة الكروية الجزائرية المصرية الأخيرة.

وتبادل قراصنة الإنترنت في البلدين هجمات على مواقع هيئات رسمية وغير رسمية، في سياق الأزمة، وتعرض موقع جريدة الشروق لهجمات عديدة، لكن هذه هي المرة الأولى التي يصعب فيها تصليح الخلل التقني.

[IMG]http://farm5.static.flickr.com/4018/4444702886_ff25551975.jpg[/IMG]
[SIZE=4][COLOR=blue] [/COLOR][/SIZE]

إثارة بغرض التجارة

وترك القرصان على صدر الصفحة الأولى للموقع الإلكتروني للصحيفة اليومية رسالة إلى مسؤولي الجريدة يحملهم فيها مسؤولية تدهور العلاقات بين الشعبين المصري والجزائري، كما وضع صورة طفلين، يرتديان العلمين المصري والجزائري ويتفرجان على منظر حريق كبير، وبجنبها كرة قدم.

وقال الهاكرز المصري في رسالته إن "الصحيفة الجزائرية دأبت على نشر أخبار مغلوطة لإثارة الشعب الجزائري ضد كل ما هو مصري، دون أي سند أو صحة لتلك الأخبار، ودون التفريق بين الرأي والخبر"، مشيراً إلى أن هدفها مما سماه "الفتنة" هو الربح المادي عن "طريق توزيع نسخ تزيد على المليون ونصف المليون يومياً".

[IMG]http://www4.mashy.com/cfriends/photos/dd54ee0ea4e53ca385e99f2c348aa592.jpeg[/IMG]
[SIZE=4][COLOR=blue] [/COLOR][/SIZE]

اتهام "جهات"

ورداً على هذه الاتهامات التي طالت موقع الصحيفة، الذي يعد في الوقت الحالي أكبر موقع إخباري جزائري من حيث عدد الزوار يومياً، اعتبر مدير "الشروق" علي فضيل، في تصريح لـ"العربية نت" أن "الشروق كانت السباقة للصلح مع الإعلاميين المصريين من خلال استضافة وفد إعلامي مصري يضم 22 صحافياً يمثلون مختلف وسائل الإعلام المصرية، كما استضافت برنامج الإعلامي الشهير شوبير، وتقدمت بمبادرة مع صحيفة (الشروق) المصرية لتبادل مقالات التهدئة".

لكن يضيف فضيل "كل هذه المحاولات من جهتنا قابلها تجاهل من قبل دكاكين الفتنة، وهم بعض القنوات المصرية غير المهنية التي راحت تسب الشهداء وتهين الجزائريين".

وتقنياً، يقول مدير الشروق إن "فريقاً كبيراً من المهندسين يعملون حالياً لإيجاد موقع رديف يمكن قراء الجريدة من الاطلاع عليها عبر الانترنت، كما يعمل فريق آخر على تحديد الجهة التي سرقت اسم نطاق الموقع الرسمي للجريدة"، قبل أن يوضح أن "هناك معطيات تتحدث عن جهات وليس أشخاصاً هي من قامت بقرصنة الموقع وسرقته لأن الأمر يتطلب أموالاً كبيرة لتحويل ملكية اسم النطاق".

وكشف مدير الشروق لـ"العربية نت" عن "عزمه على المتابعة القضائية لاسترجاع ملكية النطاق الذي يوجد الآن بحوزة جهة مصرية".

IMG]http://www4.mashy.com/cfriends/photos/6d10e0eae6288840db5a06bad6dbf25f.jpeg[/IMG]

لما نزل اعلان الزمالة اصابني مس من الجنون
لازم اقدم وكمان في زمالة الادارة لان ده ما ينقصني كحب في الدراسة
اللي حبيت ادرسه بدرسه مش مهم هيوديني فين
المهم ان اقوم بعمل ما احب
وبخاصة اني طبيب اسنان وموضوع الادارة ده حكر على البشريين منذ زمن
يمكن عشان هم زايدين عنا دراع
المصيبة اني كنت بشري وحولت ومكنش عندي
الدراع الزيادة ده
لما دخلت طب اسنان مكنتش اعرف فرق المعاملة ديه
مجرد اني طبيب متخصص من الاول وده فكري
وفكر الاخريين
لكن وزارة الصحة بتتعامل معانا على اننا عبء يجب ان يسحق
ولو يطولو ان يلغو تخصصنا ده كانو فعلو
لكن
وبعد لكن يقف الجميع صفا على جنب
وجودنا حقيقة ومن مصادر مؤكدة ان التوصيف الوظيفي للادارة سيعدل في مجلس الشوري
وضم اطباء الاسنان وهو للحق تأخر كثيرا
لان والله وليس تحيزا للمهنتي
نحن الافضل يكفي اننا متخصصين منذ البداية
ومن سافر امريكا يعرف ان اطباء الاسنان المصريين هناك زي الطلقة
وان اعلى اطباء هم الجراحيين واطباء الاسنان
لانهم الاغلي والاكثر تقنية
عموما مش هنفخ في مهنتي
لاني مهما قلت هي من جعلت مني انسان مثقف محترم له كينونته مهما
من كان حولي يكرهوني فيها او يتريقو عليها
واللي يألس يالس براحته
المهم الانسان يعطي مهنته احترامها وهذا ما يحدث معي
تخيلو لما بروح الشغل
لو شتاءبنزل فورمال وبدل سينيه وفي الصيف قميص وبنطلون وكرافات سنيه
وده لاني حاسس اني رجل مهم وعلى الاخريين ان يحترموني
مش بقول الاحترام بيجي من اللبس لكن لما بعمل كده
بكسب احترام وحبهم واهمية لوظيفتي حتى ولو مش بتدر عليا المرتب المطلوب
اتعودت اني اعطي كل شئ حقه وان لا اسفه من شئ ابدا
المهم استخرت الله لتقديم للزمالة
وحدث ما حدث
نلتقى والحلقة القادمة
انا والزمالة والانترتت

2
IMG]http://www4.mashy.com/cfriends/photos/2dfb10bc5b2198c11a4730c285e4b756.jpeg[/IMG]

انا والزمالة والانترتت

اول شئ نزلت الاوراق من على النت .....سامع واحد بيقول وماله
ديه مصيبة يا ابني لان اول مرة رحت للموظفة الغبية قالت الورق ده جاي منين ده مش من عندي
وللحق كرهتها كره العمى لانها لا تعرف يعني ايه نت وموقع الزمالة على النت
يمكن حست اني قللت من شأئنها لاني مخدتش الورق من عنده وسيب ت البطاقة زي اللي مأجر عجلة
او قعدت كل يوم اقرفها بسؤالي هو في زمالة ادارة السنة ديه طب طالبين اطباء اسنان طب هتنزل امتى
وحوارات بيقولو عنها فاشلة والدكاترة مقرفين لما كل شوية يسألو عنها
المهم دكتور معدي من المنطقة قالها عادي يا مدام الانترتت ده اختراع كده وفيه معلومات
وبيجيبو منه حاجات كتير مش عايزين نتكلم في السياسة ويلمونا
المهم زي العبيط رحت المديرية اسئل في التدريب
وديه كانت اول خطوة مع المعركة اللي لفيت فيها
واللي بيتخنق انصحه ميكملش واللي عايز يضحك يكمل للاخر
المهم لقيتها بتقولي يا ابني انتي مديرية ايه وخش لمدام انتصار
فدخلت اوضة كلها مدامات فعليت صوتي شوية وقولت هي مدام لسه مكملتش
واحدة رديت
ايه فيه ايه يا استاذ انت داخل طابونة فقولتلها كلكم مدامات ومش عارف فين مدام انتصار
لاجد سيدة اربعينية بتتناول افطارها ومستنية الشاى وبترد بكسل نعم يا سيدي
فقولتلها على طلبي قالت خش لدكتورة التدريب المهم
دخلتلها لقيتها واقفة وكانها اسد في عرينه بتتكلم في الموبيل ورايحة جاية
ومتعصبةقولت البداية مبشرة
انا لو سئلتها ممكن تطلع مسدس وتضربنب بيه او ترميني من الشباك المفتوح وراها
فقولتلها صباح الخير
فبصتلي من فوق لتحت ده وقت صباح الساعة 12 ونص يبقى مساء الخير
فوريتها الورق
فضحكت اوي واخوكم فرح اوي
فال كويس

نلتقي والحلقة القادمة
المنطقة والتقرير وهواك

3
IMG]http://www4.mashy.com/cfriends/photos/1fa1b8897a0342cff09d29d49b460dc5.jpeg[/IMG]

انا والتقرير وهواك

المهم بعد ما خلصت ضحك
انت جاي هنا دلوقت ليه انت مش شايف ان الورق لسه مفيهوش ولا ختم
فقولتلها لما رحت الزمالوة قالو كله بيخلص من المديرية
المهم الضحكة اللي كانت على وشها تحولت بقدرة قادر الي تكشيرة
انت نايم يا دكتور اصحي كده واتشطف وبعدين تعالالي
فقولتلها ليه قالت هم يقولو اللي يريحهم
انت تختم الورق ده من مكان عملك الاصلي وبعدين تخلص ورقك من المنطقة وبعدين تخلصه من شئون العاملين هنا
وبعدين الموظفة اللي جبتك هنا وبعدين تجيلي
وهاتلي الموظفة اللي جبتك عشان مش هيطلعلها ليل النهاردة
وشخطت انتي يااااااااااااااااااااااااااا انتصاااااااااااااااااااااااااااار
انتي يا استااااااااااااااااذة انتي مش فاهمة شغلك كل شوية جارة
واللفظ فعلا معبر جدا على اساس اننا ماشية او معيز
جارة كل شوية دكتور وجايبهولي المكتب متشوفو شغلكم بقى مش عارفة اتكلم في الموبيل

المهم اخوكم خدى الكلمتين في جنابه وانا خارج الطرقة وسامع توبيخها(بلاش توبيخها ديه
عملت مشكلة دبلومسية في مكتب مدير شئون العاملين)
طبعا روحتالشغل لان الساعة كانت قربت الثانية ومفيش داعي اتاخر عن النوبتجية
يبقى موت وخراب ديار

ابتديت من تاني يوم اخطط هعمل ايه فبصيت لقيت تاني صفحة فيها حاجة غريبة
مطلوب تقرير الكفاية او السري لعامي 2007 و2008 وامضائهم من موظفي الارشيف
قولت ده اكيد عندهم ساذج بقى
المهم قولت امضاء مدير المركز اللي هو جهة عملي الاصلية اولا وده امكيد سهل
فدخلت عند المديرة لتسالني هو ده ايه وعشان ايه
وبعد عصري من الاسئلة وافقت على مضض ومضت وختمت المستند
الاول ده كان اول ختم حكومي يتنقش في الاستمارة
وخليكم متخيلين امير الانتقام لاني اتبعت خطته وهتلاقو جعفر و معوض ويمكن جدو كله موجود
المهم ذهبت تاني يوم للمنطقة للموظفة بتاعة السجلات قالتلي ايه ده وكاني ماسك وحيد القرن في ايدي
مدام الهام فوق في شئون العاملين طلعتلها قعدت تبص وتدور وتروح لزمايلها
وكل واحدة تبص في الورق وتبصلي لبرهة من الوقت وتمصمص شفايفها وتلف راسها يمين وشمال
وكاني هوبليس كي
تكرر الموضوع ومع الثالثة قولتلها يعني ادامر كام شهر واموت يعني عشان اكتب وصيتي
قالتلي وكمان ليك نفس تهزر
قولتلها فيه ايه يا مدام قلقتين ي بجد هو ايه المشكله

بعد شوية عرفت ان مكنش بيتعملي التقارير ديه من ساعة مجيت الحكومة وطبعا تقييمى منذ 6 سنوات حاجة مستحيلة
المهم اتعصبت وقعدت اقول هو ده مشكلتي الحكاية ديه بتتعمل دون معرفة الموظف كده ولا انا غلطان
وهجت ومجيت وكل موظف يطبطب عليا شوية وكاني خلاص هوبليس كيس
المهم اخوكم فار الدم في دماغه وقمت مقطع الورق وراميه في وش الموظفة
ولولا وجود صديقي وانتيمي الصيدلي محمد صلاح لكنت الان في مكان افضل باكل عيش وحلاوة
لانه حاشني وهداني وهو كان بالصدفة هناك بيجدد اجازته لانه هيفتح صيدلية عقبالكم
المهم مشيت وقعدت اتمشى من خنقتي يعني انا نفسي ادرس حاجة
وبارع وموهوب فيها بشهادة كبار القادة في الوزارة ايام ما كنت في برنامج تطوير المستشفيات
يجي شوية موظفين يسكرو حلمي
المهم ذهبت لمكان عملي وقلت الي حصل لمديرتي فقالت معلش انت مش معاك صورة كنت عايز تدهاني
هاتها وانا اختمهالك تاني
وموضوع التقارير انت كنت منتدب يعني مش غلطتي
المهم رحت اماكن انتدابي
لاجدهم بيتحججو بمكان عملي الاصلي وكل واحد بيرمي على الاخرين غلطه
وانا في النص لايص
وكل همي انجز قبل التقديم لان ادامه اسبوع واحد
المهم رحت تاني يوم للمستشفى ومن عبطي وقعت بلساني وذكرت جنوب سيناء لاجد الموظفة تجد شماعة بعيدة ترمي عليها غلطها لما يبعتو نبقى نعملك التقرير
يا مدام يعني هما مبعتوش من 4 سنين هيبعتو الاسبوع ده بالذات ليه بيضربو الودع هناك ولو كان فيه أي ورق هناك كنت جبته ده سفر اخر الدنيا

المهم رجعت لمديرتي محاولا انها تكتب انشءالله مقبول في تقريري واسدد خانته عشان انجز
المهم كل واحد مقفل دماغه وحسيت ان الورق زي التهمة في الدرج ومش عايوز يتحرك

نلتقي والحلقة القادمة
وسر اختفاء التقارير ومعجزة السماء

4

IMG]http://www4.mashy.com/cfriends/photos/be6af7a6421a5ea1b0f4a15e8749b132.jpeg[/IMG]

سر اختفاء التقارير ومعجزة السماء

المهم وانا قاعد في خنقة دخلت ادور على اوراقي القديمة في الكراتين اللي تحت السرير
يعني الحل كان تحت السرير اللي بنام عليه كل يوم وانا مش واخد بالي
وانا بدور لاجد ان في شهادة خبرة من هناك وبتأكد اني سبت جنوب سيناء في يوليو 2006
يعني قبل 2007 بخمس شهور
طبعا وقفت اتنطط كمن ربح قضية عمره وفعلا انا كنت زي المحامي بفكر بطرقة تحليلية
المهم رحت هناك للمديرتي لاجد لسانا تلجم اه معلش يا حاتم انا معرفش انت استلمت هنا امتى ولا ليك فايل
هنا لان المركز كان متكسر ويوم ما استلمت انت اخليت ورحت شبرا العام خد ورقة ومعلش صورها وش وظهر 3 مرات لان كل تقرير صورتين وابقى هاته بقى عشان نضمه لورقك
قولتلها لو كان فيا دماغ كنت اشتكيت الموظفة المسئولة واقسم بالله اني هشتكي أي حد مهما كان لو مقدمتش وورقي اتقبل هناك في الزمالة
وخرجت بالصدفة اجد امام سكني موظفة لمحتها في المستشفى وتعرف الموظفة اللي هتخلص الورق ورتها شهادة الخبرة قالت كده انت سليم ومحدش يقدر يتكلم نص كلمة
رحت تاني يوم لرئيس القسم لاجده خايف يقيمني وبيقول معلش انا مستني جنوب سيناء قولتله معرفتش اصلي انا كنت معاكو من 2006 وكل 2007 و2008 قيم يا دوك واتصل بالموظفة وهتعرف
فقالتله اوكيه ومضيت ها وخلصتها وطلعتها لمدير المستشفى واتختمت
واكان ده التاني خلصت التقارير

رجعت المديرية كالمظفر قطز ولم اكن اعرف اني ولا هولاكو المهزوم لان التقارير لازم تروح المديرية لتجاز قال ايه من لجنة تقيمية ليعرفو ادائي وهم اللي قالو لو فاكرين انهم ميعرفوش عني حاجة
المهم رحت المديرية لاجد مديرة شئون العالملين س.ف وانا اعرفها معرفة شخصية من كتر ما انتدبت واستلام واخلاء من عندهم
المهم ديه شافت التقرير في ايدي وكانها ظبطتني بكيس بانجو او بجريمة مخلة بالشرف
\ازاي تمسكه كده بايدك
فضحكت معها لاتخلص من تركيز عينها على الورق امال همسكه برجلي يا مدام
فقالت وليك نفس تهزر
ايه ده هم كلهم كده متربيين مع بعض المنطقة والمديرية
المهم قولتلها فيه ايه تاني ما انا ختمه من كل حتة اهو قالت فين الموظفة روح هاتهالي
فقولتلها حضرتك بتتكلمي جد قالت اه ومش همشي الورق الا لما تجبلي الموظفة المسئولة لازم تاخد جزء وهي واقفة ادامي فقولتلها انتي عايزها عشان توبخيها وديه مسكت في الكلمة يعني ايه اللفظ ده افهمها وهي مخها جزمة
اتاريها كلمة مش كويسة وانا مش عارف (بتكلم لغة عربية فصحى وانا بتبهدل تخيلو)
اتحايل عليها مفيش طب هاتي موبيلك وهفتح الاسبيكر واشتمي فيها واوعدك يكون ادام الناس في مجمع التحرير
لا مينفعش لازم تروح تجيبها الساعة لسة 1 ادامك ساعة هاتهالي
المهم رجعت المنطقة وقعدت اقنع في الموظفة تيجي معايا واني موقف تاكس وهي زي والدتي وديه رافضة
اطلب التانية وديه ترفض ترد عليها
المهم دخلت لمديرتهم في المنطقة وتديني تاشيرة ان ورقي يتكمل ووالتقارير تتكمل من هنا
المهم جاتلي مصيبة جديدة ان المدير العام لسه متعين السنة ديه ومن اربع سنين كان فيه مدير تاني ازاي تمضي
وكان تقريري ده طالع الامم المتحدة
فالبصدفة الاقي دكتور طلع معاش وعاملنله حفلة يجي وكان موجود ايم 2007 ومضى تخيلو ؟؟؟؟؟؟؟؟؟
انا نفسي استغربت وقولت ربنا واقف معايا بجد

المهم الورق خلص من المنطقة وهيطلع المديرية
لاجد موظفة التدريب فاكرينها بتقولي الورق ده مينفعش لانه اساه غلط ومش من عندي ومن الانترتت وده ميجوزش يروح المديرية عايزني اعيد الكرة ديه على ورقها هي
طبعا تخبيلو الدم جري في عروقي وكنت هبهدها قملين وارتاح اكتر من تقدمي للزمالة نفسها
المهم حاولت اسكتها مفيش فطلعت اشرب سيجارة لقيتها بتاخد\ اذن واستنيت لحد ما غارت في داهية ونزلت خدت امضت المدير العام لاتوجه للمديرية
لاجد الموظفة اللي اتروقت بسبب مش فاكرني اسبوعين لف بقى اكيد هتنسى العنتيل وبعدين كل الدكاترة بيقدمو ونفس الشكل دقن نابتة ووش عرقان وشنطة او فيل تعب من كتر اللف
المهم خدت الورق وقالت هيتعرض على رئيس القطاع د .ن وربنا اعلم ان ديه اصعب امضاء وختم
وخدت موبيلها وتخيلو ادتهوني بعد اللي حصل نسيتني خالص تخيلو

وقدكان تاني يوم اكلمها لاجد خلص واتقدم للزمالة
استنوني الحلقة القادمة في الزمالة حكاوي وحكاوي

5
IMG]http://www4.mashy.com/cfriends/photos/a39feaaa9726e87ef797984fb0684168.jpeg[/IMG]

في الزمالة حكاوي وحكاوي

بعد ما خلصت الورق توجهت نفس اليوم للزمالة عشان اكسب وقت طبعا متأخر لاجد الشروط مختلفة
وناقصني ورق
كملت ورقي وتوجهت اليوم التالي لاجد زحمة اطول من مترين دكاترة واقفين وادامهم ولا اليوم التالي
المهم ضربت صحوبية مع الولد المنظم ودخلت للموظف اللي بيستلم
وده اكسل بني ادم شوفته في حياتي لانه كل خمس دقايق بيخش الحمام اصله ديابتيك
وشويه يفطر وشوية شاي حاجة تخنق
للدرجة وانا واقف ادام حسيت اني هرزعه بالكرسي على دماغه من الحبركة اللي فيها
المهم خد الورق وقلب فيه 15 مرة وكل مرة يسالني نفس الاسئلة
وبعدين قال ورقك مرفوض
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
فقولتله نعم
يعني ايه
قال اصلك مش مدير مستشفى ولا نائب مدير مستشفى
فقولت بصوت يعلوه الحدة هو لو فيه مدير هيجي يعمل زمالة ليه
والشروط لحد 35 يعني انتو بتعترفو بالشباب يمسك حتى ايد خطيبته عشان يمسك مستشفى في السن ده
يا حضرة الاستاذ هو بيطلب في الاوراق ما يثبت عملي بالادارة صح
قال اه
قولتله مفيش ولا مرة حضرتك شوفت شهادات الخبرة اللي ادامك وحضرتك بتفره 15 مرة
عندك
شهادة خبرة اني مدير مركز المعلومات والموقع الرسمي
www.shobraa.jeeran.com
على الانترنت
فقالي ايه الانترتتت ده ماهو راجل قارب على المعاش اجدد اختراع بالنسبة له كان الخلاط
وعندك شادة خبرة بعام من مكتب الوزير في تطوير المستشفيات
وشهادة 90 ساعة معتمدة في ادارة المستشفيات والمنشئات الصحية ضمن برنامج
تطوير المستشفيات
وعندك صورة الكارنيهات
الراجل ده كان غريب جدا متثاقل في حركته رغم الزحمة اللي برا
واكثر ما خنقني وهيضحكم انه فيه طلب من المطلوبات اسمه
مقال من 250 كلمة
فكتبت مقالين واحد عربي والتاني انجليزي
على ملئ صفحة فقالي دول مش 250 كلمة
فقولتله يالا نعدهم يا حاج ولا تزعل نفسك
راجل يب****ن
المهم بتثاقل راح عرض الورق على موظف اعلى ليهز دماغه بقبول ورقي
وكان حجر انزاح من على قلبي
يا جماعة المشكلة فينا احنا
كلنا لما بيقابلنا مشكلة بنهرب او بيقف طموحنا
لكن الفرق بيني وبين أي حد اني فضلت احارب طواحين الهوا زي دونكي شوت
وبالرغم من مأستئ الا اني بشوف فيها كويديا سوداء
مش بيقول شر البالية ما يضحك اديني ضحكتكو ودمعتكو
ولم احبط ولمن يقع سيفي يوما وسأظل محارب ولن استسلماو انحني يوما او اخر على ركبتي
الا بعد ان اقتل غدرا او اموت بامر الله
انتظرو يوميات دكتور في الزمالة لو اراد الله ان يقبلوني
اخوكم
د حاتم البيطار

[http://www6.mashy.com/forum/social/------80#HdSBZOpNYTJQr5lXpk9Ymw

http://www4.mashy.com/cfriends/index.php?mode=listing&act=show&lst_id=2477

http://www4.mashy.com/cfriends/photos/363e9b93a6229b024f7233b3d540cbac.jpeg

لا تذكريني

لا تذكريني......اثناء خطوبتك وزواجك
لا تذكريني......اثناء فرحك وعذابك
لا تذكريني......اثناء حزنك واهاتك
لا تذكريني......اثناء توضيبك اغراضك
لا تذكريني......اثناء تحضيرك لرحلاتك
لا تذكريني......اثناء تدليلك اولادك
لا تذكريني......اثناء اخذك صفاعاتك
لا تذكريني......اثناء تذكرك اتعس لحظاتك
اتعلمي لما اطلب انك لا تذكريني......
لانك لم تحبيني يوما حب اسال عبراتك

http://www4.mashy.com/cfriends/photos/abfac482610697c847f2f1ae0804c5bb.jpeg

سامع من بعيد همهمهات
مش عارف ديه حقيقة ولا همسات
محصلة بعضها ماهو اللي فات فات
وكله بعد كام سنة هيكون ذكريات
ارجوكي بلاش نتكلم تاني في هذة المهاترات
لانك اخترتي خلاص طريق من الطرقات
وانا هنا وحدي اتحمل هذة السكرات

http://www4.mashy.com/cfriends/photos/29346d982c4735bdbb68bdd9b9118759.jpeg
اصحابي شافوني وقالو مالك تعبان
قولتلهم اصلي من الهوا والعشق سرحان
بحب ولكن حبي مكتوب عليه النسيان
اللي حبيتها جرحتني وبتسالني ليه مش فرحان
وكل لما اشوفها تضحك في وشي وتقولي اوعى تكون زعلان
وانا كل لما اشوفها احس بنخزة وخفقان
اتركيني انتحب اموت واملئصدري قطران
نعم احبك ولكن كرامتي ورجولتي عندي كنزان
لن يقدرهم الا من تستاهل قلبي الغلبان
ولن تفهم مشاعري الا من تريح عقلي الحيران
http://www4.mashy.com/cfriends/photos/b8c763888da362f5508ca947ef2e51cc.jpeg

اتدركين معرفتك لغة العيون
ولم تسمعي نبضات قلبي المسكون
نعم سكنتي قلبي وعقلي المجنون
ولكنك لم تقدري حبي الحنون
لم استطع كتابة الشعر وانا ملك الفنون
حبي لم يعرفه احد ولا في احد القرون
وانتهى دون ان يمر عليه السنون
وهجرك ليا هو العادة وهو القانون
http://www4.mashy.com/cfriends/photos/03bd682d652dc93125c2a4c490048a1e.jpeg
والله سهرت في حبك ايام
واتمنيت نعيش سويا احلام
لن تقدرها وتحكيها جميع الاقلام
عارفة لما....لانه كان من الاعلام
ولن تحصي قبلاتي واحضاني الارقام
ولن يكتب يوما لسيناريو لاحد الافلام
لان قصتنا كما ابتدت انتهت دون سلام

http://www4.mashy.com/cfriends/photos/bceb8eb7d255f7c2ff308624b14c50ed.jpeg

حاجات تحرق الدم

اشوف واحدة طول النهار بتتعاكس ولابسة حجاب
او محجبة ولابسة ضيق وباديهات كابسة على مراوحها
اشوف واد مسقط البنطلون ومبين البوكسر وضارب جيل
اشوف زميلة ليا بتلفح 3 ارغفة اشي بالنشون وواحد فول وغيره مربي وتدور على كوكا زيرو دايت
وبتشرب شاي بسكر دايت
واحدة زميلة مستنية الحوافز عشان تشتري صندل
واحدة مشيها بطال وطول النهار توعظ في الناس
مسيحية لابسة قذر جدا وعمالة تشتكي من المعاكسات ولما تيجي ترد تقولك مالبنات المسلمة بيلبسو كده هم كمان
مسيحي بيقنعك بدينه وبادلة غير قابلة للتصديق ومسلم بيحاوره مش بيصلي اساسا
واحد زميل كل لما يشوفني يسال ليه متجوزتش وهو بقاله اكتر من سنة لم يتزوج وشحات
واحد بيفاصل في جنيه وسواق ومش لاقي ياكل وقال ايه عايز يشاركني في مشروع
نفتحه مع بعض
ناس كانت في الكلية بتعدي بالعافيو وربنا بدرجات الرأفة ولما تجيب مقبول تفرح مسجلة ماجيستير
طبعا سياسة القطيع
واحد هيموت على الجواز ولما تتكلم عن الجواز يقولك مشروع فاشل لانه مش طايل
لما اكون شايل نوبتجيات طول الشهر ويتطلب مني الخبط يومي عشان عايزني اعيرها مع نوبتجيتها
والسبب تفطر معهم في رمضان ماكان من الاول ولا نتخانق على الايام وبعدين نرجع نعيط
لما اخدم ناس واللي تخدمه يحسسك انه متضايق ومش مقدر جميلك
او ان ده واجبك
لما تدي حد اكتر من حجمه وتلاقيه بيتنطط عليك
لما تحس ان حد اقل منك علم وبياخد اكتر منك
لما تلاقي واحد مالوش لازمة يجيلك يفتش عليك ويشوفك في نوبتجيتك ولا لأ وهو مزوغ
لما اقوم اخد شاور واحلق دقني عشان ميعاد مهم والاقي المية قاطعة
لما الاقي شعرة في اكل او طبق قربت اخلصه وكنت مستمتع بيه او كان نفسي مفتوحة وجعان
لما عصافير الشارع تسيب الدنيا كلهات وتعمل بيبي على قميصي الابيض وانا رايح انترفيو واستحالة ارجع البيت اغيره
لما حد عمال ينخع ويكدب عليك وانت فاهم انه كداب ومضطر تسكت
لما حد كل عيوب وشغعال نقد فيك وعشان انت انسان محترم ترفض تعمل المثل لمجرد الانتقام
لما تحس ان حد متعمد اهنتك وزعلك بحس بسعادة لانه حاسس انك احسن منه وانه عنده نقص بيعوضه في جرحك
لما بنت بتمثل الشرف وكل الناس عارفة حقيقتها وهي الوحيدة اللي مش حاسة ده
لما تلاقي ملكة جمال متجوزة او مخطوبة لواحد اقل ما يقال انه مقشف وريحته واصلك
بلد شهادات وحظوظ

http://www4.mashy.com/cfriends/photos/1b25b88fe6729817f94e61bea92f8372.jpeg

قالتلي نسيت حبك الاولاني
قولتلها لا اولاني ولا اخراني
انتي مليتي عليا حياتي ونستيني احزاني
يعني افهم انك نسيتها ومش هترجع لها تاني
يا بنتي انتي مليتي عليا حياتي وكل كياني
ليه دايما بتفكريني بيها
والله انا مش عايز افتكرها ولو حتى لحظات
انتي انتي ومفيش غيرك اللي هتكوني مراتي
كل مرة اصالحك بشعر وترديد الاعانى
انتي عارفة اني بحبك وفي حبك اناني

http://www4.mashy.com/cfriends/photos/153ac21b50275c23076dfb7e7212790a.jpeg

مقولات جديدة
اذا لم اذكر قائلها فهي من مقولاتي الشخصية
واذا كانت مقولة شخص هذكره

لماذا يتحول الحب الي كره ويتحول الكره الي حب كالمثل القائل
لا محبة الا بعد عداوة

هل هذة تخيلات ام حقائق بتنبئ بيها
احداث بحس اني شوفتها من قبل هل انا الوحيد كذلك

ايه ده ملوخية ديه ولا مية غسيل
(من صديق)
اللعنة على الابراج ..... فيلم صلاح الدين

اخراج ايه يا ابني روح ذكرلك كلمتين وانسى موضوع معهد سينما ده خالص .....عائلتي الكريمة

معلش يا حاتم مش هينفع خالص خلينا اصحاب
لان الصداقة اللي بتدوم(كل واحدة فشلت علاقتنا وللامانة لم تدوم علاقتنا ثانية)

معلش يا حبيبتي مش هينفع مش هنفع اكون يور هيرو

لو كان لسه فيه صندرة او صندلة كنت حطيت فيها مشاكلي واستريحت
مش هروب ولكن محاولة للتفكير

عارف فكرة المانكي او القرد اللي بيمثل مشاكلك وحطه على اكتافك
متبقاش جبلاية قرود وتشيل قرود غيرك كفاية قردك وبس (دكتور في احد الكورسات بادارة المستشفيات )

مرة شخص سالني سؤال عادي لجم الكلام في فمي
انت سعيد؟فكرت ولم اجد جوابا شافيا لها ولي ايضا
كان نفسي اعرف اجاوبها وارتاح

زمان حد سالني انت مواصفاتك ايه في زوجتك
فكرت ومالقتش رد مقنع
فقولت لو حددت صورة ومتحققتش هعيش تعيس ولو محددتش خالص هكون هوائي
لكن في حاجات اساسية
بنت ناس محترمة تقدس الحياة الزوجية تحب بيتها تحبن زوجها
متدينة متبسمة متفانية ولكن هل هذة الاعجوبة موجودة اعتقد لا (مني)
سمعت عن طابع يحمل صورة هيفاء
قاله اه طب ده لما تستخدمه تلزقه ازاي (من .... صديق)

وحدتي دلوقت هى شمعتي ودمعتي هى فرحتي
مش لازم كل حاجة بتحصل من ورا ظهري اعرفها
مش كفاية انها بتحصل كمان اتخيلها واشوفها وهي بتحصل
انا مخنوق حاسس اني محققتش حاجة تذكر في حياتي
نفسي اشعر بالرضا واحقق حاجة للعالم قبل ما اموت
يا تيمو في بنات للجواز(ميه حلوة توري عطشك) وبنات لكلام(مية مالحة لو شربت طول عمرك هتفضل عطشان) وبس ركز ان عايز مين (من صديق)
عارف اننا خلقنا للهدف وبرتاح لما بحس اننا موجودين للرسالة بس مش كله شغل وجد لازم ساعتين هيافة كده

ساعات بحب حاجات ميحبهاش غيري محمد منير

كتير الواحد بيتوهم الحب عشان يعيش قصة حب

هو فيه ايه فيه كده تمثيل وكانه واقع ولا نجوم هوليود

بتحب ياروح امك وعايز تتجوز طب لما يبقى معاك مصروف ايدك
ويكون عندك طقمين ملابس داخلية من غير خروم (من صديق)

بص يا حاتم انا عارف اني خنيق وباراشوت فعلا زي كلامك بس اعمل ايه
بحاول اكون لطيف مش عارف((من صديق) م. ك

6

التاريخ بيعيد نفسه كل يوم
نفس الاحداث ونفس الاخطاء ومحدش بيتعلم يمكن عشان النسيان صفة بشرية
نفس الحوادث ونفس الروتين ونفس التاريخ ولكن متي يتعلم الانسان من اخطائه
اعلم ان الانسان غير منزه من الخطأ ووبدأ الخطيئة من ادم عليه السلام وقصته
مع التفاحة المحرمة ولغاية دلوقت
بعض اكوارث تحدث للانسان دون تدخله من كوارث وقضاء وقدر
ولكن الاحداث التي يتسبب فيها الانسان لنفسه هي ماتحتاج الي وقفةوتدبر
هل الانسان بطبعه خاطئ ام ماذا؟
متى ينتهي الخطا ومتى يتعلم الانسان

http://www4.mashy.com/cfriends/photos/ea85960dcfe6ce431dfa5026512d394c.jpeg

كم اشتقت الي لمسة من يديكي
كم اشتقت الي بسمة شفتايكي
اشعر بضيقك عندما يعتصر قلبي
اشعر انك مازالتي تتذكري حبي
اعلم مدي حزنك لفرقنا
تعلمتي كيف يكون قلبك كالحجر
وتعلمت منك كيف يكون الهجر والسهر

12

اتعلمين...
اتعلمين كم احببتك
اتعلمين كم اشعر بنبضك
اتعلمين كم اشتقت اليكي
ماذا تفعلين الان
هل انجبتي النون والبنات
هل تشعرب مدى لوعتي وعشقي
لم انساكي ولو دقيقة واحدة
ولن احب بعدك احد
كل نساء العالم لو اجتمعن لن يغيرو عشقي
لقد سمحت لنفسي بان احبك
دون علمك ومعرفتك
ولكن ماذا كسبت
جرح ورا جرح وجراحي عميقة
لم اخونك يوما
حتى وبعد زواجك فقلبي ملكك
اتعلمي ماذا سميت اول مولودة لي
باسمك
لاتذكرك كلما انادي عليها
اتذكر حبنا خفية
هل نلتقي يوما وهل تصبح الذكريات كلمات
هل هل تعود ثانية
اسئلك وكأنك امامي
هناك الكثير لنتشاركه سويا
فقد تحولت من ضعيف الي قويا
بفضل حبك
اسمحيلي ان اربت عليكي في خيالي
اسمحيلي انا اداعب خصلاتك ان اهمس لكي وان اشم عبيرك
احضنك بقوة وعنف
اتذكري اول لمسة لنا ورجفة عندما لمست يدك
اتذكر بسمتك وضحكتك
عل كلامي وانا اصالحك
دموعك في عينك وبسمه على شفاكي
اعلمي ان قلبي يتمزق ويتحطم دونك
سامحيني ليس هناك امل
لم يتبقى لي الا الذكريات
لم يتبقى لي الا السكات
هل تعوديلي
باي صورة مطلقة ارملة يائسة
لا لن تعودي ساتي اليك
مكانك دون كلل
اتمنى موتي لنجتمع

http://www4.mashy.com/cfriends/photos/0d3706d0151db2d0bbe0362a28a70e61.jpeg

ليه
ليه لما بنضحك نقول اللهم ما اجعله خير
ليه بنخاف لما حاجات حلوة بتحصل ونستني المجهول
ليه لما اتنين في حالة حب وفي قمته يحدث ما يعكره
وكانهم اعداء كل منهم يحمل سكينا للاخر خلف ظهره
ليه بننسى الذكريات الحلوة وبنفتكر الجروح
ليه بنفتكر ربنا دايما اثناء الشدائد واثناء الرخاء لا نتذكر قدرته
ليه بنفكر في بكرة وليه رب ونضيع لحظتنا الحالية القادم قادم لا محالة يبقى ليه نحسبنله
ليه لم بنفكر في المستقبل بنخاف الم يسترها الله في الحالي
اليس قادر ان يسترها في المستقبل اتركها لخالقها
ليه لما حد بيعترف بغلطه الكل يجلده مش اول حل المشاكل الاعتراف بالخطئ
ليه لم بيمر يوم افكر اني لو كنت عملت كذا كان كذا مشي مظبوط
ماهو اللي حصل حصل يبقى ليه اتعب نفسي في تصليحه
ليهبحب اعيش وحيد رغم اني اجتماعي وليا كاريزما وكل اللي يشوفني يتعلق بيا جدا هو الانسان الاجتماعي كده من كتر نقله احساسيه
بينضب مشاعره لنفسه
ليه لما بتكون الموجة عالية مش بعرف اوطي واسكت
رغم اني لو عملت زي التانيين هرتاح كتير
ليه مش بحب سياسة القطيع رغم انها السائدة الان

ليه لما بنعلق امال على اشياء صعب حدوثها وتفشل بنزعل
ليه دايما ما تاتي الرياح بما لا يشتهي السفن
ليه في كل خرابة عفريت ومش بني ادم اليس ههو اقوي من أي عفريت
ليه لما حد بيحاول يعوم ضد التيار بيلاقي الف من بيغرقه ويكسر مجاديفه
الا يكفي مقاومة الماء نفسه
ليه بيأتي الغدر من اقرب الناس
ليه مش بنحاول نسمع بعض رغم ان التفاهم والسماع بيحل اغلب المشاكل
لان اغلب المشاكل سؤء تفاهم وعدم تواصل
ليه مش بعرف اعمل زي النعامة واحط راسي في الرمل وابطل تفكير
ليه دايما بحط خطط بديلة لاي حاجة يعني مفيش حاجة بتمشي من الاول عدل لازم اتوقع الاسؤء
ليه لما بفشل في تغيير الواقع بتتقوقع وبهرب وبرجع لعالمي اللي خلقته لنفسي وبيريحني ان اتذكر اطيافه اللي دايما حولي صوت وصورة وريحة
ليه الهام الكتابة مش بيجني الا وانا مجروح او حزين مش بيجي في حالتي العادية وده اللي مخليني لغاية دلوقت هاوي مش محترف كتابة ومش واخدها كعمل ولقمة عيش
ليه مش عارف اجمع كتابي الاول وديواني الاول رغم سعي الاف المرات لطبعه ونشررغم غزارة اعمالي وجودتها وبكتفي بالنت ورغم نشر بعضها في الصحف الكبيرة
ليه ماليش عمود ثابت في جريدة محترمة رغم ان اغلب من نشرولي قالو اني موهوب وبكتب بالفطرة وديه ميزة في الصحافة أي لم اتلطخ بحرفنة الكتابة
ليه حظي قليل ماديا وفي الحب رغم ان كثيرين موفقين آلا يكفي آن أسعى
أن أزيد حظوظي
ليه الدنيا مبتديش محتاج

مقولات بتلح عليا

ليه دايما الحق بطئ والظلم في لحظة
ليه دايما بنحس بقيمة حبنا بعد بعدنا عنه
ليه مش بنقدر قيمة ما بايدينا الا بعد ان نفقده
ليه دايما تأتي الرياح بما لا تشتهي السفن
ليه دايما بنشعر بضيق وكأبة حتى بعد تحقيق الاهداف
ليه دايما المقولة هل من مزيد الا يكفي ما نمتلكه الان
هل حقا القناعة كنز لايفني
متي ينتهي الطموح
ومتي يختفى الكره
ومتى ينتهي وئد المواهب في مصر
بيتفننو ازاي في قتل اي موهبة او عبقرية
وخنق اي طموح لدى اي شاب
ميت امضاء عشان تدرس حاجة عايزها ليه
متى ينتهي البيرقراطية والروتين
متى ياخد كل زي حق حقه
الطبيب ياخد حقه والحرامي ياخد حقه
وكل واحد يتحط في كادره ماديا ومعنويا
متى ينتهي الفساد
متى تنتهي المحسوبية والوسطة
هل نشعر فعلا بقيمة اهتمام الاخرين ام عندما نفقد اهتمامهم
اكثر ساعات الفجر عتامة ما قبل الشروق
كل نار تصبح رماد
ليه دايما جروحنا من الناس المقربة
يمكن عشان بنحبهم ونعزهم!!مش عارف
ليه دايما بنحس بشوق للايام الخوالي القديمة اقصد
ماكل زمن وله طعمه

_______________
على المستوى الشخصي

ليه دايما لما المصايب والمشاكل بتيجي بتجيلي مجمعة
ليه لما الدنيا بتفرحني يوم بحزن زمن بعدها
ليه لما بعوز حاجة بقوة بيجلي العقابات بقوة ايضا
هل المشاكل تتبع قانون نيوتن
لكل فعل رد فعل
ليه كل لما احاول انتقم اعفو هو انا ليه طيب كده
ومش بستغبى زي الاخرين
ليه الناس كلها شايفني حاجة كبيرة
شخصية حبوبة وليها كاريزما الا انا شايف
اني عادي ويمكن زي معظم الناس
dont have much needs,this will lead to more troubles
and more people to deal with
فعلا البعد عن الناس غنيمة
وطول ما انا مش عايز حاجة من حد ولا مصلحة من حد مبسوط وملك نفسي
نحن من خلقنا المتطلبات ونحن من نخلق المشاكل
التغاضي عن بعض المتطلبات يخلق منا اشخاص اسعد بالطبع
ما هي السعادة وما هو الرضا
سؤالين اصعب من بعض
البعض يري السعادة في تحقيق الذات والبعض يرى انه المال
او الحب او التدين
السعادة ممكن تيجي من بسمة طفل
من ضحكة مع الاصحاب
من رنة موبيل للصديق بعيد
من كلمة حلوة من حد بتحبه
من حاجات بسيطة جدا
بس احنا اللي دايما بندور ازاي نكون متضايقيين
انا بحاول اكون سعيد بالمتاح دايما
وبكمح جماح طموحي وطمعي
لان الدنيا مش كلها فلوس

طيب ما هو الرضا

انك تكون مقتنع بما قسمه الله لك
من رزق من زواج من حب من بنون من سعادة من راحة بال
التعايش مع الواقع وعدم توقع موت خال في البرازيل
صاحب ثروة
يخلق منك راضي
ايضا عدم تقمص دور عبده مشتاق الذي ينتظر المناصب
بجانب التليفون
اسعى واعمل ما عليك

عارف اني بتلسف في المقال ده
بس اهو من نفسي ماهو كله بيفتي
جات عليا انا
ياريت اعرف رايكم لان الكلام ده
عصارة تجارب ومشاهدات
د حاتم البيطار
http://www4.mashy.com/cfriends/index.php?mode=listing&act=show&lst_id=2458
http://www4.mashy.com/cfriends/photos/f4844215423e771499016c4c1cbdefdc.jpeg

http://www.futurepharmacist.net/forum/showthread.php?p=177166&posted=1#post177166

http://www.futurepharmacist.net/forum/showthread.php?t=3697&page=12

مبروك الفوز بالكاس الثالث على التوالي لمصر
ومش مهم مين اللي خده لانه بلد عربي
ودعونا ننبذ ما حدث بين شعبين عربيين
مصر والجزائر الاخوة
واشقاء
ولن يغيرهم الكرة او الرياضة اللي المفروض تجمعنا
وتكون تنافس شريف

الفائز نقوله مبروك والخسران نقوله هارد لك

http://www.futurepharmacist.net/forum/showthread.php?t=3697&page=7
http://www4.mashy.com/cfriends/photos/9b81b58b0e7674cd75e16ad0df31deda.jpeg
http://www4.mashy.com/cfriends/photos/6a2011d0e583b65326b278f2ac8732a9.jpeg
http://www4.mashy.com/cfriends/photos/be76ea161115a93001baaf0e38b5a92d.jpeg
http://myarabdoc.com//magazine/ho.html
http://www.timo1.jeeran.com/timo/timo_alex.html
http://hatom1.jeeran.com/bitar/photo_albumdental.html
http://www4.mashy.com/cfriends/photos/56a60fd87f21d52f29b3331a04831198.jpeg
http://www.futurepharmacist.net/forum/showthread.php?t=3697
http://4upz.almsloob.com/uploads/images/www.almsloob.com-bd6072eb74.jpg
http://4upz.almsloob.com/uploads/images/www.almsloob.com-2a18b80289.jpg
http://4upz.almsloob.com/uploads/images/www.almsloob.com-148bf01e5a.jpg
http://www4.mashy.com/cfriends/photos/221980afa8eb2daeef0b420fb6d28545.jpeg
http://www4.mashy.com/cfriends/photos/07c5b3cf4114ee4ad765202532205cbe.jpeg
http://www4.mashy.com/cfriends/photos/d08f522db422489ab4a7237c1fdf3fa6.jpeg
http://www4.mashy.com/cfriends/photos/054b33e2efdf9d41d122f85c498918de.jpeg
http://www4.mashy.com/cfriends/photos/43cafe6f376cc32f278e559f0ab7d951.jpeg
http://www4.mashy.com/cfriends/photos/8358294980c3262f6bdfb19341e8e791.jpeg
http://www4.mashy.com/cfriends/photos/c6ed86878f6f567f8826b16bb7ed8015.jpeg
http://www4.mashy.com/cfriends/photos/4a86a3732d49ac3ead90fa039c9eef76.jpeg
http://www4.mashy.com/cfriends/photos/38c7a13b159e86de52bc5750db4372df.jpeg
http://www4.mashy.com/cfriends/photos/5bf3f1926997e0efbc9c56882974f9fc.jpeg
http://www4.mashy.com/cfriends/photos/e7d3b179371ee95342f1264d453fab80.jpeg
http://www.syrortho.org/index.php?module=Member&page=members_en&page_num=20
http://www.slangonline.com/invi/index.php?showtopic=8717
http://news.mazikaty.com/indexmazikaty.pl/discussions?func=view&wid=494&forumId=8113&forumOp=viewThread&forumPostId=23685
i am dentist 29
when u come to egypt call me
0020105684344

i am from turkish roots
see me here