Mashy.com Blog Beta

الاخوة الاعداء...اسقطو اقنعتكم

يعلم الله كم اخذني الوقت حتى اخط هذة الكلمات وكم يعتصرني الالم من هول ما حدث
هل سقطت الاقنعة مرة واحدة
وظهر وجه الاشقاء القبيح الدميم
نعم انا من الذين يحتاطون ويعرفون هذا الوجه ولم افاجأ به
ولكنى كالمصريين عامة لنا قلب طيب يرحب بضيوفه
لكن ما حدث اقسم بالله سبب داخلي الم شديد واعتصر قلبي من
المرارة.دائما ما قرأت عن الوحدة العربية والقومية العربية وفترة
عبد الناصر والامة المتحدة ومعى بعض النقود من تلك الحقبة وكنت افخر بعروبتي
ولكن الان انا اشعر باشمئزاز مما سمعت رأيت
واقسم بالله لو اعلم ان ما حدث من هروب المصريين بالسودان داخل البيوت من الجزائريين
لقمنا بالانسحاب من هذا الماتش اللعين ولا تابعت كرة قدم مدى الحياة
بصفتي من المثقفين المصريين
ادعوكم برهة للتفكير فيما حدث
هل اصبحنا نهرب من اشقاء لنا في بيوت السودانيين
هل هذا ما يحدث في مبارة كرة قدم ام هذا من اخراج احدى الافلام الامريكية
كخطف رهائن وترويع الابرياء
والله بشاعة الافلام الهوليودية وخيالهم لم ولن يصل لما حدث
والله يوم المباراة لم استطع النوم
ولم اشعر يوما بجرح للمشاعري بعد اعتداءت البوسنة والهرسك
الا من هذا الحدث
هل شعرت يوما انك مطارد ومن اخوك لانه يريد قتلك
هل شعرت يوما باهانة للمجرد انك ابيض او اسود او مسلم
اكبر شعور بمهانة حين يدهس علمك
حين يروعك شخص ومعك زوجتك وبنتك او ابنك
ولا تستطع حمايتهم
اقسم بالله اني الان ادمع دموع جرح كبرياء الابطال
ولو بيدي لاخذت حق كل من شعر ولو حتى بنخزة الم
واترك لسيادتكم
فض شحنات غضبكم في هذا المكان
وقبل ان تكتبو ولو حرف واحد ادعوكم للتفكير فيما قدمت مصر
بلد المليون عاهرة مقايل المليون ونصف شهيد
الا تعلم ايها الجزائري اننا بلد المليون مائذنة
وبلد العلوم ونوبل والمثقفين والمبدعين
ونحن الذين انتصرنا على اليهود
ونحن من عبمنا اولادكم حين لم يكتشف البترول
في جميع الدول العربية
كم منكم تم علاجه وكم تعلم على يد مصري
وكم شاهد الفن المصري وعشق صوت ام كلثوم
اتذكر ان المغرب العربي كان يحتفي بمصر ويستقبلها
كاالنجوم في السما
لن اتحدث عن الريادة لاننا رغم انوفكم سنظل الرواد
في جميع المجالات اتعلمو لماذا
لاننا شعب مؤمن رغم كل ما يقال
لن تجد اي رجل بسيط لا يتكل على الله
ولن نتغير ولو اكتشفو مناجم ذهب وابار بترول
وحسبي الله ونعم الوكيل

د حاتم البيطار

20 november 2009
http://www4.mashy.com/cfriends/photos/2fb877aa909617402b2a69febeab139b.jpeg

اولا بعتذر عن غيابي الفترة اللي فاتت بجد والله
بعتذر من قلبي
ده للناس اللي افتقدتني بجد
واللي مش فارقة معاه مش مشكلة اهو رسالة ابقى امسحها
وحصل خير
المرة ديه نازل بمجموعة اعمال
مستني رايكم فيها
وياريت اللي يوصله احساسي
يقول لان ده بيشجعني
خصوصا اني خلاص قربت انزل او اعمالي للسينما ادعولي
تعدي من رقابة المصنفات الادبية

المهم
عايز اعرف اخباركم
لاني كنت منقطع بسبب الكمبيوتر بتاعي زهقني والمرة
ديه عملتلو عمرة ممتازة
وربنا ينفخ في سيرته لغاية لما اللاب توب يشرف

بجد انتم كلكم وحشتوني مووووووووت
وبحبكم بجد
ويارب تكنو متوفقين في حياتكم
زاللي بيمتحن يقول اخبار نتيجته ايه
واللي اتجوز هو وحظه بقى
ههههههههه

دايما سارح بلا حدود

وكاني خارج من كهف في اخدود
كل ما امشي القاي سدود
دايما طريق طويل ممدود
وممكن اوصل ويطلع مسدود
انا حاسس اني في عالم محدود

انا وشاهين

لا تقولي سعفة كان ولا اسد برلين
ده احسن مخرج في مصر هو شاهين
طول عمري بشوف افلامه من سنين
افلامه ليها قيمة ولا تتمن بالملايين
وكأنها ورود مزروعة في البساتين
صراعات بالنيل والوادي ولا موقعة حطين
كنت هسيب الطب زي المتخدرين بالمورفين
من كتر حب السيما بقيت ولا المجانين
عرفتو ايه السر اكيد يوسف شاهين

سامع همسك في وداني

شرقت شروق الشمس بالليل
تناجي طيور الهواء العليل
معقولة الكلام ده ولا ديه الاقاويل
سامع همسك في وداني ولا التراتيل
فكرت فجأة في الماضى المهين الذليل
وفكرت دلوقتي في الحاضر المحتاج الي تدليل

حبيبتي شروق

كنت قاعد زهقان ومقهور
طلعت عليا شروق الشمس الجهور
تنور حياتي وتبعد عني كل الشرور
مكالمتك ورسالتك كانها بلسم وسرور
انتي شروقي وغروبي وحبي الطهور
لمستي فيا مشاعر كنت نسيتها من شهور
وخلتيني افرح من قلبي وكأني نجم مشهور
تفتكري ده الحب ولا لسه مش مسطور
__________

مش عارف ابتدي منين الحكاية
لان حبنا لا له بداية ولا نهاية
شفتك مرة ..اتمنيتك تكوني معايا
ايوه بموت فيكي والله وديه مش كناية
حاولت انسى الماضي ومعاه كل الخطايا
وبرضك مش مصدق ان انتي منايا
لو اطول ادخلك قلبي وتشوفي اللي جوايا
تعرفي انا بتألم اد ايه زي الرحيا
لو فتشتي بين طيات قلبي هتلاقيكي بين الثنايا
خلاص عرفتي وفهمتي كل الخبايا
والله اخترتك انتي بالذات دون الصبايا
اياكي تزعلي مني تاني وتقولي للحبي كفاية

حبتني ليه

حبتني ليه ايه السبب؟
عايزة تعرفي ايه السبب
لانك خلتيني ماسك السحب
وونسيت معاكي كل التعب
ولو امتد حبنا طول الحقب
ولو نادتيني تحت الطلب
عرفتي دلوقتي ايه السبب
زي ما بيقولو
اذا عرف السبب بطل العجب

_____________

الاسكندرانية

حذروني كتير من بنات اسكندرية
دول حبهم ممكن يغرقكو في المية
وفي شوقهم نار ملهلبة عنترية
لا تقدر تهرب منه ولاتروح في حتة تانية
لا تقول بنات القاهرة ولا السمسمية
دول غطو على الكل وكل انحاء الجمهورية
متقدرش تنزل عن عيونهم المستحية
لابسين ملايات لف ارجوانية
يمشو يتمايلو على الكورنيش ويكسرو قلوب القاهرية
خلاص سلمت قلبي يا بنت يا اسكندرانية
عملتي فيا ايه وخرجتي لي ازاي من الميه
يمكن انتي مش انسية
والله انا شاكك انك جنية
خطفتي قلبي الوحيد اللي محتاج مدادية
ادوب انا في شفايفك وضحكتك المداوية
عملتيلي عمل احبك ولا انتي اكيد مخاوية
نوات ودقات قلبك بتدمل جروح العزوبية

د حاتم البيطار
للتعاقد معي على مقالات او شعر او نشر كلمني
0105684344

انتي فين وحشانا والله كلميني من فضلك
د حاتم البيطار
د حاتم البيطار

انتي فين وحشانا والله كلميني من فضلك
استشاري اسنان وجراح الوجه والفكين
موبيل
0105684344

حرر رد

http://www.futurepharmacist.net/forum/showthread.php?t=8947قافلة الخير بكفر دار الكتب بمحافظة القليوبية
جمعية رسالة الخيرية فرع شبرا
مش عارف ابدأ منين ,لكن الحماسة واخدني بجد لان ما تم انجازه
مرضي على الاقل بالنسبة ليا رغم من يقوم بعمل تطوعي
لن يشعر باكتماله وهو ما اشعر به وهو كماء البحر لا يروي عطشا وهو ما يجعل الانسان دائم محب للعمل الخير ومائل له حتى ولو كان كائن مؤذي بطبعه
في اعماق اكثرنا نقطة بيضاء مشعة دائمة الوميض كالليزر
يخرج من نقطة لليصل الي مالانهاية
مش هتفلسف وهخش في الموضوع
من يومين بالظبط تم الاتصال بيا من اعضاء رسالة للمشاركة بقافلة لاحدى القري وعلى الفور ودون تفكير في ظروفي المعقد هذة الايام والله اعلم بمدى صعوبتها وافقت لعدة اسباب
حبي للعمل الخير وتعودي على طلوع قوافل من ايام مساعدة
واحساس الفرد باهميته للمجتمعه لان مش كل من تبرع بملايين هو المهم
المهم هو كيفية تقديم الخدمة /بجد بيكون شعور مهم باهميتك كفرد وخدمتك للمحيطك
وابتغاء رضاء الله وكم الدعوات والخير وتوسيع الرزق
لكن احساسي بتوسيع معرفتي بناس بجد قلوبهم خضراء بجد
وفعلا لم اكن اتخيل ان ده بينقي النفس كمن نزل لليغوص في اعماق المحيط لليخرج كالماسة
والله العظيم ان القافلة ديه بتوقيتها ده غير من نفسيتي وقد اخبرت احد المتطوعين بذلك (ابراهيم)ورغم الصعوبات من تلاقينا
وبيرقورطية من احد مديري المديرية
الا ان الله زلال ذلك بعد صلاتنا الجمعة وذلك لرفضهم فتح عيادة الاسنان والعهدة والحوارت ديه
ويمكن ده كان متوقع لقلة خبرة منظمي القافلة وسوف يتم تدارك ذلك المرات القادمة باذن الله
بجد شعورك بعمل لوجه الله له متعة لا تقدر بمال وابتسامة المرضى ورغم بساطتهم تخليك عايز تكسر الصخر ومحسستنش بالتعب والجوع والزهق والضيق من المعاملة اللي قابلنا بيها هذا الرجل الروتيني الذي لا ينفذ روح اللوائح
وقد تم الحل بفكرة مني باستبقاء ممرضة من المركز الطبي للتكون بديلة للصاحبة العهدة
وبعد تزاحم الناس ودخول عدد كبير من المرضى وثقتهم فيا
الحمد لله
هم من فتحو لنا كل سبل الراحة واخص بالذكر ممرضة (عبير)ساعدتني كتير لان حصلت مشكلة تانية السرنجة بتاعت البنج اللي احضرنها بها مشكلة وبتاعتهم بايظة
فطبعا بقينا نعمل لودنج بسرنجات بلاستيك
وتم التعامل مع ذلك والحمد لله
ولان الناس غلابة ومش هيقدرو يجيبو تمن السرنجة تم شراء عدد وفير وتم السيطرة على المشكلة
واجهتنا مشكلة توزيع الدواء وتم التعامل معها فحددت الاصناف المحتاجة والتي قد حددتها قبل القافلة
من كلندام300_150 مجم وايضا مضمات سترولين وانتي سيبتول _سترولين اف ومراهم دنتو كالم وميكوناز وكاتا فاست اكياس وباراموا وسيتال اقراص وفايل سيفوتاكس وامبولات فيتامين كاف وكيتوفان
وبقيت اعالج واصرف الدواء في ان واحد بجد لتقليل اللود والجهد على الصيدلانية الوحيدة
والله كان فيه بركة غريبة لان البنج الميباكيين الاحمر والاخضر قاربو على الانتهاء وكانو شديدي المفعول للدرجة التنميل كان لحظي بعد الحقن .......حاجة غريبة والله بركة لم اعتادها
وتم عمل خلع وعلاج لثة وكشف وصرف ادوية لعدد يعلمه الله على اقل تقدير اكثر من المائة وخمسون والله اعلم بعددتهم
الغريبة لا حالة فليرت ولا صعوبات في الجراحة رغم ان الاجهزة ناقصة لكن ربنا كان بيسهل للناس دول بشكل غريب
المهم من اللافتات الجميلة
الممرضة عبير كانت حاسة بتعبي جابت لي مولتو وشاي وكانت لطيفة جدا
لانها حاسة بتعبي مع اهل بلدها وكل شوية تعتذر عن ما حدث من معاملة المدير
للدرجة اني مديرة المركز والله كانت بتجبيلي مروحة من مكان تاني
وبعض الناس من المرضى عزمو عليا بالغذاء
عندهم ناس بسيطة لكنهم كرماء بالفعل
ما اثر فيا ان كل مريض بيكشف بيدعوك للغداء في بيته والدعاء
بجد اأثرت اكتر بست كبيرة جدا ماسكة ايدي وعايزني اتغدي عندها بيض وجبنة والله بعتذرلها وهي رافضة تسيب ايدي
من الحاجات اللي تخلي الواحد مبسوط كيفية استقبال الناس وتوديعهم مع طلبهم بتكرار الزيارة
طريقةالاطفال بمشاورتهم طول الطريق وابتسامة الناس حسستني بالقيمة اللي فعلنها في ناس
اهلنا كنا نسينا اوجعهم وبنفكر في نفسنا وبس
لهم حقوق علينا واعد بعدم رفض أي دعورة للقوافل مجانية خيرية حتى ولو ذهبت متطوع للحمل اشياء وتوزيعها وهذا اقل ما افعل
بس الغرض تقديم خدمة متميزة كطبيب لان المتطوعيين كتير ومش كلهم اطباء
المهم مكنش في فرصة للتعارف على باقي الاطباء للتزاحم وتدافع الناس لكنهم قامو بعمل ممتاز ومحترف واخص بالذكر دكتورة اول لما شافتني
انت كمان هنا كل حتة اللاقيك
كنا طلعنا قافلة مع مساعدة ومش عارف سر توقفهم
الدنيا فعلا ضيقة بعد المدة ديه اقابلها في قافلة تبع جمعية تانية
مش هنسى المتطوعين اللي شاركو ومهتم في توزيع شنط الطعام وتجهيزات العرائس
وقد قامو باستكشاف المنطقة من قبل ودراسة حالتهم الاجتماعية وده قامو به باحتراف لانهم باقلهم فترة بيطلعو قوافل من النوع ده
واخص بالذكر دايمان منسقة طبية للقافلة واعذر لها انها اول مرة عشان كده الصعوبات متوقعة للانها ديه اول مرة تنسقها
بنت مصرية وشها بشوش جدا طالبة في طب عين شمس
وكمان نحلة القافلة نهلة بنت مصرية سمراء وشها زي بنت عمك
او قريبتك تشعر انك تعرفها وكانت زي الدينامو وتجمع البيانات
والمايسترو استاذ محمد المنسق العام وهو شاب صغير لكنه واسع الخبرة هادئ الملامح
وابراهيم وطارق واسلام وغيرهم شباب مصري زي الورد يفرح
كلهم نامو من شدة التعب وانا نمت رغم المطبات الكثيرة
بداية تعارفي على الجمعية لما جيه اسلام ياخد هدوم للجمعية وعرضت عليه خدماتي كمتطوع في قافلة طبية
وبعد 3 ايام كانو منظمين القافلة ديه
مش هنسى تقديرهم لينا بشهادات تقدير متميزة تقديرا للمجهوداتنا وللحق كان كل واحد يستهال الالاف شهادات التقدير
من الجوع اكلنا المولت والتوينكز والعصير وكانه وجبة كباب
وكلنا نمنا من التعب الا النحلة ظلت مستيقظة بجد معجب جدا بنشطها وتوزيعها البسمات على الجميع وكانها مصدر للتجديد النشاط
من احلى القوافل رغم تعبي حتى الان منها حتى اثناء كتابة هذة السطور
ياريت كلنا نشارك بعمل تطوعي ان شالله مرة في الشهر ولو كلنا عملنا كده مش هيكون في حد محروم او فقير
فكرة التكافل فكرة اسلامية يجب ان تزرع في اطفالنا
من التبرع من المصروف او اهداء هدومه الضيقة للطفل محتاج
او حتى زيارة اطفال مريضة او ايتام
البلد محتاجة مجهود كل واحد ولو حاجة صغيرة ممكن تسعد ناس كتير
وانصح كل حد بيفهم في حاجة يروح ويعرض مساعدته
كمبيوتر تعليم تطوع ادارة المجالات كتير وميتكسفش من طلوع الجمعيات ديه
لانهم كعائلة وتشعر وسطهم انهم كلهم اخوة وبيدخلوك وسطهم بسرعة كانك كنت صاحبهم وبعيد و جيتلهم ورجعت للحضنهم
يا جماعة بدعوكم للزيارة جمعية رسالة شبرا امام محطة كلية الزراعة بمترو الانفاق وشوفو شباب مصري متميز جدا
د حاتم البيطار

عارف اني خريج اسنان
وكمان عجوز انا خريج 2003
وممكن افيدكم اوي
مش مهم الحضور ولا اي حاجة المهم التركيز
يعني متخشش تذاكر ونفسك تاكل او تشرب او تدخن اوتلعب
ماكس بين
او تكلم صاحبك او تفكر في حبيبتك
او تسمع اغنية معلقوة معاك
المهم يكون ذهنك صافي
تقعد في مكان مريح
من نص الليل والناس نايمة ومحدش بيقرفك بكورة او تلفزيون
وتبدا اولا باحضار السورس
وده اهم شئ
بمعني تحط خطة محكمة كام شبتر ومعاك وقت اد ايه
لو وقت كتير كنت بلخص باسلوبي
لو رسومات ارسمها بايدي
وممكن اطلع معلومة من كذا سورس واكتبها باسلوبي
ومن اول السنة كنت بشوف الاسئلة المكررة كل عام
واعملها هاي لايت داخل الموضوع ككل
ولما اذاكر اخد الموضوع ككل
واركز على اماكن الاسئلة المكررة
ودايما احط لنفسي سكيمة جوابا
لو جيه مثلا عوامل كذا واذكرهم بالتفصيا مع الرسومات موضحة بالاباينات
وكنت بتدرب على كده
وسبحان الله كنت بتوقع اسئلة
يمكن عشان كنت بجتهد
وطريقة مذكرتي
ورقة وقلم اذاكر وافهم واحاول الم الموضوع بالكتابة
ولو في حاجة مثلا ادفتج وديسادفنتج
احاول اجيبهم كل مرة فيقع كذل واحدة
بعد كل مراجعة هتلاقي حاجات بتجيبها كانت بتقع منك
المهم طكريقة حلوة
تاخد الشبتر ككل بكل جوانبه
وبعدين تفصصه
بس المهم يكون جميع نقاطه ادامي وفي الامتحان بقدر اكتب روح الجواب اللي فاهمه بسهولة

طريقة الكل الجزء التصنيف افضلهم
يعني الموضوع كامل وبعدين تجزئه وبعدين تحط سكيمة في دماغك تخليك ملم بيه
المهم التركيز
تشيل كل حاجة ملحة
من دخول حمام فرجة ترتيب هدوم الامتحان حلاقة ذقنك
عشان تحصر تركيزك في الصفحة اللي ادامك
ولو تعرف تعمل تايم تايبول
يكون افضل
ويكون مرحرحر
يمعني بلان 1
وبلان 2
يمعني لو وقع جزء من اليوم الاول تحط توقع لو وقع منك كام صفحة لليوم التاني
شبتر طويل يليه شبتر قصير
عشان لو الطويل خد وقت ومكملش تكمله مع الصغير
وبكده تكون خدت كل يوم شبتر
لو مزنوق حاجة تانية
ومكنتش بحب اركم بمعني
بحب اخلص اول باول
اول الدراسة اخد كام شبتر سهلين بفتح نفسي وهكذا
بس مجهودي الاكبر تجميع السورس من عدة اماكن وورق الدروس
وعمل فايل لكل مادة وكام شبتر وكام ورثقة وتقسيمها
وبخاصة لو مزنوق قبل الامتحان
ايام ما كنت صغير كنت بياخدني دايما العملي
لان احنا في كليتنا بجانب العلم بنتعلم تكنيك شغل
وده اهم
مش معقولة ابقى عارف بريكوشنز بتاعة جراحة التانج تاي ومش بعرف اعمله
الاتنين متوازين
بس حرفية الشغل كانت شغلي الشاغل
وعشان كده كنت بنجح بتقديرات وكنت مصاحب
الناس كلها لاني ايدي على حد قولهم
الجولدن فنجرز
كنت عارف الكلية كلها لاني كنت بلخص وبكتب المشاريع
ودايما احط عليها اسم زي
قنديل او عوكل كتعليم ليها
وكنت بضحك لما يجيلي حد يقولي خد ورق عوكل صوره
هههههههههههههه
كنت مجتهد
والمفروض والله العظيم اتعين ستاف جامعة بس في البكلوريوس اتقصيت
حسبي الله ونعم الوكيل
المهم اني دكتور شاطر وده مش شكر في نفسي
عشان انا بكره الفشل
ولما ما اتعينتش
قويت نفسي
في اللغة والكمبيوتر
واشتغلت من رابعة وثالثة مع دكتور كمساعد
وكنت احسن الناس في الشغل وهنزلكم مرة شيتات شغلي وهتشوفو
المهم
في الفترة ديه فصل القوات بمعني
اعملك شلل في الكلية واتنين انتيم وبلاش
الانتمة
انتو فاهمين
بتاخدك من حياة اكلية
لما تكون منتشر واتحاد طلبة ورحللات هتعيش ايام حلوة
بجد مقدرتش احقق حاجات كتير
اني مثلا اعمل جمعية بس كنت بشارك اذا اتيح الوقت
بعد معارك الحصول على يونت
وحجز مريض للشغل
وانتو عارفين مرضى القصر عايزين اللي يصرف عليهم
ولو تحبو انزل يومياتي كطالب
هتضحكو مووت لو عرفتو
معضلة اليونت والبشنت
والعملي
والماتريل والادوات اللي اتسكينا ياما فيها
بجد ايامك الكلية ايام حلوة متضيعوهاش
واستمتعو وذاكرو واعملو اصحاب
وعيشو حياتكم لان كل يوم محسوب من عمرك
ارجو اكون افدتكم
قلبتو عليا المواجع
انا زعلان قفلو موضوع كفاحي على الحدود
ارجو تتصفحوه

وهيعجبكم باللنك ده
http://www.futurepharmacist.net/forum/showthread.php?t=3697
DENTIST AT THE EGYPTIAN ISRAELEN BORDER(WRITTEN BY DR HATEM EL BITAR)

د حاتم البيطار
0105684344
على فكرة مش هرد تاني عليكي يا خوخة
انسي في المشمش بق لو كلمتك تاني

الكشر

هم قبيلة يهودية تأكل في الاواني مرة واحدة فقط
في مرة جالي احد الطابخين الشيف بالانجليزي مش عارف ايه جمعها بالعربي وبعد ما كشفت عليه سألته اثناء تأثير البنج ايه انواع المأكولات اللي بيعملها والجنسيات المختلفة بتاكل ايه واغرب انواع الاكل اللي بيطلبه السياح وطبعا قال على اكلات غريبة وطبعا سألت عن الاخوة البعده بياكلوا ايه قالي بياكلو زي العرب ومنهم خنازير بياكلوا اللي بيتحط ادامهم المهم
وكمان قالي فيهم المتدينين من قبيلة تسمى الكشر وهم لا ياكلون من طبق واحد مرتين بمعنى ان الاكل بينجس من الطبق لو قدم فيه مرتين وديه كانت اغرب شئ سمعته عنهم
and the chef told me that it is not problem to kosher if they eat their food in plates only once
as they serve their food in plastic plates and cups then destroy it after eating
ده غير شذوذهم في الجنس وتواجدهم في بعض الامكان ليمارسو الجنس وفي الويك اند بل وانهم يحضرون معهم الواقي الذكري للزياده الاطمئنان
safe sex
ما علمته من عادات البدو واليهود من اغرب الاشياء وساعات بحس انهم قرييبن لبعض ومفيش عيل صغير هناك مبيتكلمش عبري زي الاسرائليين لكن الكشر اغربهم وبرضه الروايه ديه من الشيف
المريض اللي جالي العيادة ومعنديش معلومات اكتر من كده
يذكر ان الشيف طلع جدع جدا واديته في اليوم ده اكل اسبوع كامل عشان يطبخوه عنده في الفندق ويجيبه ديلفري وفعلا طلع شاطر خلال 3 ساعات الاكل جاء مع السلطات واللحمة والفراخ المشوية والرز المبهر حاجة تفتح النفس بصراحة شيف ممتاز

طابا نويبع نفر واحد
السفر ده تساهيل ساعات اركب الميكروباص يبقى سريع جدا ومستناش حد وبمجرد ما اركب انام والقى نفسي بفكر من شويه كان التباع بينادي طابا نويبع نفر واحد
وكان ده من خمس دقايق بس احنا فين يا جماعة احنا عند النفق كله يطلع بطايقه وطبعا لازم حد يزغدك من احلى نومة ويقولك يا استاذ البطاقة ويقعد الظابط يبص في البطاقة ويبتسم ابتسامة عريضة ويقولي الف سلامة يا دكتور انت بتشتغل فين بالظبط طبعا برد اقوله في مستشفى نويبع المركزي فيرد يقول الف سلامة واكراما لوجودي مبيبهدلش حد في العربية ويقول للعسكري ابو قمع مش العربية ديه يا ابني دول تمام وطبعا انا اقول في سري كله تمام والامن مستتب وافكر امتى هرجع انام تاني بس طبعا بس بعد ما اشم احلى هو في نفق الشهيد احمد حمدي وده بالنسبة لي هو عنق الزجاجة في سيناء لانه هو مدخل سيناء وبكده نبتدي نقول الله المستعان كده بقى بداية الطريق وده بيكون بعد اكتر من 120 كيلو متر من المرج للنفق واحلى حاجة بتعجبني في النفق دايما نظيف وهواه رطب ومنعش وبكون نايم قبله فبفوق فيه والانوار بتحسسني اني على الرد كاربت في اي مهرجان سينمائي وساعات بتخيل الكشافات انها جمهور بيصقفلي وبعد كده بيبدأ الطريق يبقى سواد قاتم ولا كشاف نور واحد اكتر من 450 كيلو للوصول وطبعا بفكر في المحطة الاولي وهي بتكون بعد 200 كيلو وتسمى نخيل ويسبقها نقطة صغيرة وهي الحسنة وهي تبع شمال سيناء وساعات يغلسو ويقولك البطايق وفي الشتا مرة نزلنا اكتر من ربع ساعة تفتيش وماله بس الاسلوب بيفرق ما علينا في الوقت ده تقريبا ممكن اطمن وابد اكل اي حاجة للحد ما نوصل للنيخل وبحس كده نصف الطريق خلص وبكده بنكون في عمق سيناء وهي قبل ما ندخلها نقطة واحدة منورة عكس النفق بيكون زي فرع نور من بعيد وطبعا عكس القاهرة من بعيد بتكون زي عروسة مستنية عريسها في ليلة مقمرة وفرح كبير والعريس بيكون انا لاني بيبقى نفسي احضن الناس والقاهرة كلها في حضني وبحس ان شئ كبير رجعلى فعلا القاهرة حاجة تانية واميرة بالتاج مزين راسها
نرجع للنيخل وهي على تبة عالية ودايما برد جدا صيف شتاء برد وفي الشتاء بتبقى مغطى بالصقيع
دلوقتي جاء وقت سيجارة دخانها بيخش على نفوخي يفوقه من غرقه في قلة النيكوتين وساعات بشربها على 3 انفاس من الصداع ورجرجة العربية
وطبعا بعد مانريح في اي كافتريا يقوم السواق باختراق المجهول مرة تانية لقطع الظلام الدامس في الصحراء القاحلة وللصراحة ساعات بجدها مسليه لما اقعد اعد النجوم وتحركاتها وعدد الجبال الحمراء من الرمادي وغالبا في العادي بحاول انام لما العربية تتسلطن على الطريق اثناء السير اكون بفكر في ساعة الوصول وبفكر كمان امتى اوصل عشان افرد طولي على سرير ولو حتى على الارض
بعد ما بنوصل مطار النقب اوطابا بحس خلاص قربنا نوصل ويبتدي موبيلي يطرقع رنات الشبكات اللي كنت مستخدمها ايام التجوال والعمرة في السعودية اقول كده وصلنا قرب السعودية وطبعا رسالة من الشبكة الاسرائيلية تقولي شالوم ان اورانج اي ال
orange il and also elgawal,cellcom,umniah.......evry network send me welcome sms to its net work
اعرف اني بقيت على الحدود الدوليه مع اسرائيل والاردن وكمان السعودية وكمان ويلكوم بجنوب سيناء والشقاء
طبعا بنخلص النقب ونستلم بداية خليج العقبة وبنكون كده تقريبا وصلنا بعد طابا 60 كيلو واوصل المستشفى بتاعتي سهل الطريق.......صح؟
ساعات بعد ما اصحى اسمع صوت حد يقول طابا نويبع نفر واحد

امين كامب قصة اله اليهود

حد سمع عن امين كامب الصغار يمتنعون

كتير مش عارفين قصة الاخ امين كامب ........صراحة ان لسه عارفها من فترة قصيرة لما كنت واقف في بازر بالترابيين في منطقة سياحية بنويبع بخليج العقبة واستغربت من وجود تمثال شكله غريب جدا وهو لتمثال عاري تماما واعضاءه الذكورية منتصبة وذراعه الايمن ورجله الشمال مقطوعيين وتعجبت ده ايه بالظبط وطبعا ضحكت كتير جدا وبخاصة بعد ما حكيت لاصحابي ومصدقوش وراحو يتأكدو من كلامي والغريبة انه اله يهودي لاشك من ذلك فهم اهل البدع ومنطقة خليج العقبة مليئة بهولاء الانجاس بشكل رهيب للدرجة انك ممكن تلقيهم في ضهرك في البحر وده حصل مرة يوم عيد الكيبور بتاعهم وخبط فيا ولقيته بيعتذر بلغة غريبة ففهمت انه اسرائيلي لما قولتله
are u isralian ? he said"yes i am" then he told me shalom with hebrew language
and i told him shalom,
في اليوم ده بقيت مخنوق جدا
دول كمان في البحر معانا في شط المصريين وبيفرضو الهة اليهود ومعتقاداتهم العقيمة بتاعتهم على البازرات فاضل ايه ....؟
واللي ينقط انهم مسموح ليهم التجول داخل سيناء بتصريح وباسبور مش فيزا
نكمل موضوع الاخ امين كامب وده حكايته حكاية
"حصل حرب في احدى القبائل اليهودية مع اعداء لهم ولما خرج كل الرجال قرروا يتركوا احدهم من القبيلة للدفاع عن النساء وذلك لتاكدهم من غيابهم بعض الوقت فتركوا الاخ امين كامب بعد قطع طرفيه العلوي الايمن والسفلي الايس حتى لايستطيع الحركة والسرقة بس لم يقطعوا عضو مهم في جسمه فقام هو باخذ حقه من نسائهم لانهم بعد عودتهم وجدو كل نسائهم حبالى
وطبعا مفيش رجال الا هو وكان هو الفاعل طبعا ويقال انهم قاموا بعمل تمثال للخصوبة له في اعالي القبيلة واصبح اله الخصوبة عندهم"هي ديه قصة الاخ امين كامب وهذا ما قيل لي ولو حد عنده تصحيح لروايتي الماخوذة عن صاحب البازر يقولي
اللذيذ في الاخوة اليهود والاجانب عموما طبعا النساء والله اعلم الرجال الشواذ بيختارو امين كامب ازاي
اقولكم من مسك عضوه المنتصب ويسألو
how much of that?
وده شئ عادي لانه ضيف اساسي في افلامهم الاباحية وهذة ايضا معلومة من بياع بالبازر برضه ومش هتكلم اكتر من كده حسبنا الله ونعم الوكيل

الاخ زيفاجو فجر موضوع السفر في عقلي بعد ما قريت مدونته والتشابه بينا كبير جدا وتعرفو فرحت بيه جدا لما لقيت واحد حاله مثل حالى
هكلمكم عن يوم السفر وشنطة السفر اللي مبتلحقش تتفرغ وبتتملي من كتر السفر
تبدأ المعاناة
والدتي بتنده من جوا انت لسه موضبتش شنطتك متنساش عدة الحلاقة والمناديل كل مرة بتنساهم وانا برد عليها حاضر يا ماما مش هنسى باذن الله
وارجع تاني للكمبيوتر على رايها الكمبيوتر بتاعي هو درتها وساعات بتبقى عايزة تكسره عشان مبعقدش معاها
المهم كنت اول الحال في السفر متوتر وعندي مغص ده غير الكركبة والخوف وبدور على الانتوسيد والفلاجيل واعمل طقوسي من صلاة قضاء الحاجة وركعتين تسليم من الطريق ومخاطره وطبعا اتعودت تعويدة زفت وهي اني مبنامش ليلة السفر عشان اعرف انام في المواصلات وده بيقلل طريق السفر
المهم ارتب هدومي غيارات وبناطيا وتي شيرتات وكمان شورتات والنظارة الشمس اوف نسيت معجون الحلاقة طب ده خلص هشتري من تحت يا ماما وفرشاة الاسنان هناك وطبعا الحاجة بتديني زوادة وتقولي يابني الطريق طويل دول 10 ساعات هتجوع في السكة وانا طبعا بسهيها عشان الشنطة مش بتشيل الاكل ده ولما اقولها خلاص تمام لازم عنيها تدمع وتخليني ادمع معها ديه تعتبر اول مرة اغيب عنها مدة طويلة لاني مرات قعدت شهر وكان الموبيل هو الحل المهم ابوس ايديها واقولها ادخلي من السلم هو انا رايح استشهد متزعلنيش والدموع بتكون في عيني بس بحبسها واداريها عنها
والدي خلاص اتعود على سفري ولما اقوله انا مسافر النهاردة يا حاج يقولي ربنا يسهلك وطبعا انا عارف انه بيكون متضايق بس هو عارف ان ده واجبي ولازم اسافر بمجرد ما انزل السلم وامر امام البلكونة وماما تبص عليا وتعمل باي باي
ودايما اقرا قرأن ودعاء السفر واتوكل على الله وبعدين اركب للمترو وبعدين اتوجه للمرج واركب
عربية طابا نويبع وطبعا ديه لوحدهاحظوظ ممكن اروح القى العربية مكتملة وساعات مفيش غيري ما علينا بعد ما اركب افكر انا نسيت ايه وطبعا ساعات بكون نسيت الكاب او السي ديهات او شواحن الموبيل او دفتر التوفير اوكارت البنك الفيرزا ماستر كارد او صوري الشخصية او........بس ربنا بيسهلها وساعات محتجش الحاجات ديه وبتعدي
لما بنزل شنطة السفر بحس بقشعريرة جامدة دليل على بعدي عن اصحابي واهلي وكمبيوتري وحياتي المعتادة وده بيخنقني

فكرة فيلم تيتو وفتح صفحة جديدة سرد قصة الفيلم

لما دخلت الفيلم افتكرت انه فيلم اكشن لاحمد السقا وللعلم هو لم يكن نجمي ولكن بعد مافيا اعدت التفكير لانه زمان كان خفيف ومش مقنع
اتفرجت على الفيلم وبصراحة كان حفلة بعد نصف الليل وطبعا كنت نايم موت وبشخر كمان والناس اتخنقت مني وكان ده في سينما الجمهورية براس البر وكان قبله فيلم خالتي فرنسا و رداحة درجة اولي ودماغي وجعني من الصداع وده مش رائي الخاص بل كل الناس وان منى زكي فشلت فيه المهم نمت لحد ماظهر احمد السقا وشدني ايقاع الفيلم وصحيت تاني في المطاردة الاخيرة وبعدين عرفت من الجمهور انه فيلم رائع وبعدين قررت انام كويس واخش تاني يوم فيلم تيتو وبس واتفسح فترة فيلم الردح وقد كان
وشوفت التترات من اولها لان مشهد النجم احمد السقا وهو ماشي علىكوبري ابو العلا كان فظيع ومش محطوط زنق
وهو بيمثل انتقاله من فترة التشرد والسجن الي الحياة الخارجية وهو بيمشي بثقة ولكن تثقال وديه حالة بتحصلي انا شخصيا ولما بتفرج على الفيلم من الكمبيوتر برجعها كتير
المهم اللي شدني في الفيلم قصته مش اكشنه مع الاعتذار للقدرات احمد السقا في الاكشن انا عجبني الخط الرومانسي بين السقا وحنان ترك وكمان العلاقة اللي بين احمد السقا والولد الصغير رضا واللي حسيت طول الفيلم انه تحدي تيتو عشان يوصله بر الامان لانه داق طعم البهدلة وده ملموس في حياة كل شخص
اللي بيعيشه في الدنيا غلط بيحاول يقومه لو انسان متزن نفسيا وده اللي حصل مع تيتو واللي بيأكده الفيلم
انك متعاطف مع واحد محترف اجرام واللي بيخليك تتعاطف مع علاقته بطفل الشوارع رضا اللي عايز يعمل منه رجل محترم ومد يد العون اللي محدش عمله معاه وهو طفل مش قادر اوصف مدى انفعالي كل ما اسمع المزيكا التصويرية بتاعة الفيلم واني حطيتها تراك على اسطوانة مشغالها على طول في السيي دي بتاعي ويمكن اللي عجبني انها موسيقى ناعمة جدا
الاستاذ محمد حفظي نسج سيناريو ممتاز لطفل من اطفال الشوارع كل يوم بنشفهم ولسه شايف واحد منهم في محل الكشري بيتسول اكل صراحة صعب عليا وجبتله كشري مش عشان هو غلبان بس عشان افتكرت حياة تيتو وانه ممكن يكون انفرض عليه الظروف ديه وقبل كده كتبت موضوع عنهم وكنت مصورهم كمان ...المخرج طارق العريان غني عن التعريف وهو من المخرجين المفضلين لدي ومش هتكلم عن كدراته الجهنمية
بس احب اشيد بجمال الصورة ودقة اختيار الممثل الفذ خالد صالح والكمياء بينه وبين احمد السقا والجدير بالذكر انهم عملو فيلم حرب اطاليا مع بعض وخالد صالح من الممثلين اللي حبيتهم من قبل مايشتهرو لان كان ليه اعمال على قناة الدراما وللعلم هي اعمال تجريبية مش للجمهور العادي اللي واخد على الاعمال الكلسيكية وشد انتباهي تلقائيته الغير متعمدة وهو في الفيلم مع احمد السقا عاملين هارموني فظيع
عجبني شخصية الرائد المحترم اللي كان بيدور عن اخطاء المقدم خالد صالح
مش هنسى برضه الاخ صبحي صاحب تيتو في السجن وهو ممثل محترف وبحس انه بيتقمص الشخصية احسن من نجوم كتير
وطبعا عمرو واكد وحنان ترك متألقين كالعادة
احب اكد على دقة المخرج في اختيار الموسيقى وهي ل هشام نزيه
الطابع الحزين في الفيلم والاضاءة الخافتة والمريحة للعين كل ده كان من اسباب نجاح الفيلم يليها الانتاج اللي مبخلش على الفيلم من تدمير عربيات وصورة احلى من انتاج ماسة للانتاج السينمائي
هرجع تاني للخط الاساسي وتحدي تيتو للبيئة القذرة اللي كان بيحاول يغيرها وازاي اختار بيت ممتاز واصحاب اولاد ناس زي ما بيقولو وكمان زوجة محترمة بس الفساد فضل وراه وتاريخه اثر عليه وكان مش مكتوب عليه يتوب ويبقى انسان محترم وعشان كده هو تبنى الولد رضا ليكون نموذج مقدرش ينفذه في نفسه
مش هتكلم عن اغاني الفيلم لانها فوق ممتازين للمطربين ممتازيين (خالد سليم وكمان فريق واما
طبعا عجبني اصرار البطل للتحقيق حلمه باقل الامكانيات وده يمكن قريب من واقعي مع الفارق اني بحارب كذا جبهة وايدي مكبلة وماشي على حبل مشدود مقدرش اقع من عليه هو مكنش فارق معاه لانه اصلا مفقود ومستقبله كان ضايع ان اختلف لاني بنيت في مستقبلي كتير ولازم اخطط صح والمشكلة الاعاقات حولي من بيروقراطية وروتين متعفن وظروف اجتماعية ومادية ممكن تغير مساري بمعني لو اتجوزت ينتهي طموحي ولو جالي سفر في الخارج هسافر ومش هحقق املي في الدراسات العليا والاعاقات موجودة دايما بس اللي يصبر ويأمن ان ربنا معاه هو اللي هيحقق مراده ولو بعد حين في الفيلم ده مش متحقق لان بيئة تيتو مش متزنة وكلها اجرام
اعتقد لو كانت ظروفه كويسة كان زمانه ناجح لانه طموح وعايو يبقى حاجة في مجتمعه وديه شخصية القاده
فكرة فتح صفحة جديدة مع النفس شئ جديد وجميل وعجبني لانه كمان من افكار الدين الاسلامي من التوبة وعمل الحج والعمرة ليتنقى الانسان من اخطاءه ولو كلنا فتحنا صفحة جديدة يمكن يكون في امل في الحياة

الساحر

الفيلم ده بيفكرني بحاجات كتير وبخاصة لو كنت بسمع الموسيقى التصويرية بتاعة الفيلم بتأثر فيا قوي ويمكن لما بكون مخنوق ومش سعيد في شغلى واقول هو انا هيجي يوم عليا وهبقى زي الساحر ده وابطل شغلتي اكيد ده هيحصل
بس امتى مش عارف الساحر ده هو ملخص لحياتنا
الخوف من حاجات كتير ممكن من غير مبرر وان ممكن كل واحد يحقق اللي هو عايزه بس الاصرار والعزيمة اهم شئ
وربنا بيقف مع اللي عنده الطموح والباور وجاد في تنفيذ طموحته
مش عارف ليه بحس اني رجل عجوز عمل كل اللي هو عايزه وكمان زهقت من الدنيا رغم اني لسه في فترة الشباب ويمكن لو ربنا اداني العمر وفضلنا عايشين والبلوج ده فضل موجود وانا عندي 50 -60 سنة ويمكن لو حد تاني في مثل سني الان بيقراه يكون حاسس بنفس شعوري ده
انابشوف كتير من الشباب شكله صغير لكن قلبه شايب من الزمن والظلم والعراقيل اللي بتقابله في دنيته وديه للحق خبرات رهيبة
ودنيا بنتعلمها ملهاش مدارس وعلم
بس ليها فصل واحد كلنا طلبة فيه واللي بينجح هو اللي بيكمل طريقه من غير مينطرد منه ويموت جسديا او نفسيا وانا قررت اني مش هموت نفسيا ومش هخلي حد مهما كانت قوته يموتني نفسيا
يمكن غدر من حد عدوي يؤدي للموت جسديا بس نفسيا مستحيل انا عندي ايمان بان اللي مقدر لينا هنشوفه بس لازم نسعى وبعدين العمر مش بالبطاقة العمر بالتجارب عشان كده ساعات بحس اني زي الساحر في فيلم محمود عبد العزيز الرجل اللي في الخمسينات ومش عايز يشتغل مهنته تاني وزهق منها انا عارف اني لسه مزهقتش من الدنيا بس كتير بحس بالشعورد ده وعشان كده لازم اكون ساحر بس بسحر الناس بتحملي الصعاب

جيل الزمان الغتيت

ابويا من زمن تاني كل ما اجي اكلمه يقولي انت مش عارف حاجة مش تستشيريني
الاول
وكانه علامة القرن وده بيخنقني
انا مش متجني عليه والله وهحكيلكم هو ليه خنقني
لما كنت طفل كان بيتعامل معايا من منطلق كل شئ عيب وحرام ولما ابتديت
اكبر اختار اللعبة اللي هلعبها انا كنت عايز العب سباحة وكاراتيه وهو
مقدم لي في التنس يا عم هو انت اللي هتلعب اللعبة ولا انا
اقوله يا عم سبني اروح النادي لوحدي يشكك في اني مش هعرف
وفي مرة روحت لوحدي عملي قلبان في دماغي ده لحد الاعدادية
طبعا مجبور اخش المدارس اللي بيشوفها كويسة رغم اني زعلت منه لما فرقني
عن اصحابي في المدرسة الثانوية كل اصحابي راحو التوفيقية وانا روحت
محمد فريد وهي اقل مستوى بس مش مشكلة لاني رتبت وطلعت التاني في الثانوية
العامة وده كله لانها كانت مدرسته وعمامي اتخرجو منها على الرغم اني كنت
مرتب على ادارتي في الاعدادية وممكن اروح اي مدرسة خارج مربعي السكني
لما حبيت اخش الكليه نطلي وقالي متروحش صيدلة اسماعلية وطبعا اسكندرية
مرفوضة والسبب مش هتعرف تنجح وانت لوحدك هتبوظ هناك وامي تقولي عينك
هتزوغ على بنات المصايف اقولهم هنجح واحول على القاهرة بعد سنة بس طب
اسنان القاهرة احسن لي مش ده كلامهم
وعمي اللي عمل كوبري هناك في المانيا ومعجب بشغل الدكاترة ويقول ده
طبيب الاسنان هناك بعد الجواهرجي وهو اللي شار عليهم يظغطوا عليا عشان
اجي طب اسنان القاهرة
المأساه بتكرر لما قررت الالتحاق بمعهد السينما قسم اخراج وقولتلهم ده
مستقبلي وهم يقولو ده لعب عيال وكنت رايح اقدم من وراهم بس وقفو في
طريقي تاني
لوقالوا لما تخلص كليتك
واديني معكوك في التكليف ومش عارف اخلص من جنوب جهنم احمممممم.....
قصدي سيناء
لما جيت عشان اخطب امي تقولي عروستك عندي وابويا يقولي هتخطب بايه يا
بني لما عقدوني من الجواز
التدخل في موضوع التكليف كان الطامة الكبرى لما جيت اتظلم عشان اخرج من
بني سويف للجنوب جهنم .....معلش غلطت تاني سيناء قالولي ليه يا ابني
وانا كنت سالت والدي اعمل ايه قالي يا بني اتصرف براحتك ومتاخدش رأي
تاني واتورطت وسمعت كلام ناس معقدة نفسيا وكارهة نفسها وقالو جنوب جهنم
احممم المرة ديه انا قاصد احسن مكان للتكليف انتخة وفلوس وحريم احممم
مزز اجانب سياحة بقى ولم يصدقو الا في المزز لانهم قالعين من الحر والبرد
مش عارف ليه
والله انا مش ناكر الجميل لان ابويا صاحب وجودي بعد ربنا طبعا وهو صرف
عليا لما بقيت شحط ودكتور اد الدنيا وبقبض 296.60 جنيه مرتب وحوافز
هو ساعدني بفلوس مصاريفي لكن دايما بعيد عن قرارتي المصيرية ولما يهرب
مني يقولي كلم عمك الكبير هو واخد دكتوراة من المانيا ومخه يوزن دول
العالم والمجرة كلها ماشي ياعم الجوهرة بس انا ليا رائ في حاجات انا
اللي بتحمل عواقبها بعد كده مش هوا
المهم لازم تكونوا ارائكم من نفسكم ومرة تصيب وعشرة يخيبوا ومش هنتعلم
الصح الا من الغلط
تدخلات والدي وصلت لقصة الشعر متطولش شعرك وتعمل قصات انجليزي متطولش
سوالفك متطولش ذقنك متلبس جينز متكلش برا متشربش شيشة ولا سجاير بلاش
بنات تكلمك في البيت حتى زمايلي اه حتى زمايلك البنات في الكلية متتكلمش
عنهم وكانهم جربة
في مرة بقول ليا واحدة زملتي النهاردة كانت جاية الامتحان ب بادي استومك
يروح يقولي متكلمهاش تاني وانت مالك يا عم كل زمن ليه احكامه
مش هتكلم على موضوع النت لانه قطع كمية اسلاك تليفون تمنها يعدي ال300
جنيه وبوظ كل فيش التليفون
الحلو انه كمان بيحب ينزل معايا وانا بشتري اي حاجة تخصني وبخاصة اللبس
البس ده ومتلبس ده انت كبرت ولازم تلبس لبس محترم لانك دكتور وكبرت هو
الموضوع يخنق بجد بس اعمل ايه
ابويا هخرطه للبط
ومازال التدخل موجود و ينده والدتي وهي نايمة بصي شايفة ابنك جاي متاخر
من برا الساعة كام وكانت الساعة معدتش 2 وفي الصيف
ولما عرف اني بشرب سجاير علق المقصلة ازاي تشرب سجاير وانت مبتصرفش على
نفسك ولما تصرف على نفسك ابقى اشرب زفت مش هقولك تعمل ايه انت مش هتقدر
تشيل مسئوليه بيت ابدا وهو كان بيشرب السجاير من ساعة ما وعي على
الدنيا وكله كوم والكمبيوتر كوم تاني ده كمان درته كل مايشوف خلقتي يا
ابني سيبك من الكمبيوتر ده ده مضيعة للوقت وكنت ساعتها في الامتياز
ومعنديش حاجة اعملها ولما روحت دورات قعد يتريق عليا
مش هتكلم على الماتشات وخنقته من صوت الكرة ولعنه للاهلي قبل الزمالك
على المنتخب هو بيكره الكورة والموسيقى الغربي جدا وبخاصة البوب والروك
والهارد ميتال منين يسمع الكاسيت ويقعد يتخانق معاي بيكره الموسيقى
الغربي جدا ولما يسمع ام كلثوم يعني معاها ليه التنقاض ده زمان كانوا
بيسمعو عبد الحليم ودلوقتي بنسمع عمرو دياب يعني شعورنا المفروض واضح
وكانوا بيكرهو التدخل في حياتهم وانا بحب يكونلي شخصية مستقلة وخاصة
جدا ومبحبش حد يجرح خصوصيتي حتى ولو ابويا
ده كان بيتريق عليا لما اتحديته في التقدم للكليات العسكرية وكانها غصب
عشان هو كان في الجيش اقوله جسمي مينفعش انا مش رياضي ونظري ضعيف
ومبعرفش اعيش في الحياة العسكرية يزعل مني ويقولي ديه الاكاديمية وعمك
العقيد سابقا ليه وسايط هناك روح ادم ورقك وملاكش دعوة يعني من الاخر لو
ممشيتش على في دماغه ابقى من الخارجين ولا جماعات بو مصعب الزرقاوي
المصيبة لما عرف انني هقدم في السفر للخارج اشتغل طبيب مقيم في جيزان
وفرح لما رفضت العقد وعرفت انه مش كويس وجيزان ديه قرب اليمن واخر نقطة
في السعودية
واتخنق لما روحت اسال على التقدم للمعهد السينما من وراه عشان ابقى
مخرج وده كان امل عمري مش اكون دكتور ببالطو ابيض اقطع في الناس واسيح
دمهم مش بالذمة المخرجين بيكسبوا اكتر
الصراحة دماغنا مختلفة خالص بس هو ابويا ولازم امشي اموري واكبر دماغي
والله انا مش مستني حد يوقف في صفي ولا يدافع عن اي مننا ولا حدي يوعظني
بحسن معاملة الاباء لاني عارف هو اد ايه تعب عشان اكبر وابقى راجل يفتخر
بيه بس بنتقد تصرفاته معايا وهو المفروض يعرف ان كل زمن وليه طريقته
وكل مرحلة بيمر بيها الواحد بيتغير مشاعره وده طبيعي ولو كانوا الاهالي
درست سيكولوجي تربية الابناء كان زمانا في مكانة اخرى ..... قولولي بقى
بتعملوا ايه مع ابهاتكم

قصة جورنال الجمعة

ادمان جورنال الجمعة وايامنا الحلوة ملحق اختفى دلوقتي
مش عارف قصة جورنال الجمعة ديه ادمان ولا عادة من عادات البشر عموما على فعل اشياء دون النظر لمدى جدوها وفعلا بقالي اكتر من 10 سنوات بشتري جورنال الجمعة وبخاصة الاهرام ومش عارف ليه يمكن اتعودت انده على احمد بياع الجرايد في المنطقة وهو دايما يقف تحت البلكونة وينده عليا ويقول اهرام طبعا ومرات يهزر معايا ويقولي مفيش الاهرام اجبلك اخبار ينفع
طبعا ردي القاطع لا اهرام يا احمد وهو عارف كده عشان ميزعلنيش كان بيخلي نسخة في الخباثة على جنب عشان ديه محجوزة ليا
مرات ابص من البلكونة واكون مخنوق ومستني خبر مهم او اعلان وظيفة مهم او خبر لماتش معين او اعلان لافلام السينمات ومعرفة ايه الافلام الي بحبها نازلة فين ودايما كنت افكر اشمعنى جورنال الجمعة وليه دايما حريص اشتريه مش عارف ليه مش اي يوم تاني يمكن عشان الجمعة اجازة ويمكن عشان الملاحق اللي بتنزل معاه وكنت بحب كمان ملحق ايامنا الحلوة وهو كان منفصل عن الجريدة الاساسية وبعدين بعديها بسنتين انضم داخل الجريدة وبقى عالم السيارات هو اللي منفصل بس
حاولت اجمع كل اعداد ايامنا الحلوة حتى الان
وحتى ولو كنت خارج منطقتي
وطبعا احمد بتاع الجرايد لما برجع بيسالني عن الغيبة واكيد بقوله السبب عن غيابي ديه عشرة عمر معاه ومع جورنال الجمعة الساحر

old man

رجل وشه فيه كل الزمن اللي فات صورة التجاعيد بتورينا حجم المحن والزمن على وشه
الزمن بيروح ويعدي وعمره ما فكر ايه اللي بيحصل حواليه وانا بتصفح النت وجدت هذا الوجه اللي شوفت فيه حاجات محدش شافها غيري
كل ما افتح الصورة اتعجب وش الرجل ده فيه حاجة للدرجة اني فكرت ممكن تكون التجاعيد ديه اودية منحوتة في جبل من الهموم والمنحدرات والتضاريس ديه مليانة هموم الدنيا الموضوع ده دايما بيفكرني بكل شخص كبير في السن والملاحظ ان كل كبار السن متشابهين في الحكمة والحكاوي القديمة اللي عمرنا ما هنعاصارها وفي مرة قعدت احكي مع جدي وقعد يحكيلي عن رطل اللحمة وانا الاسعار كانت ببلاش وتدعيما من جدتي اللي شايفة انا عصرنا مالوش طعم زي الكباب والكفتة اللي طعمهم ماسخ وكمان ذي الكاوتش وكانت بتحكيلي عن عفاريت زمان وكيف كانت بتخوفها
والعفريت اللي كل يوم يجي يسأل عن الساعة ولما ترد عليه يجري مسرعا والعفريت اللي كان بيضايق جدي في الحمام ايام اللمبة الجاز ويوطي الفتيل ويقلل الضوء ولما يجي يظبطه يرجع تاني وهكذا دواليك ......عفاريت اشقياء بس مش مؤذيين وهفضل افتكر لما جدي طلب من جدتي الفوطة ولقي الفوطة والغيار ولما خرج يسأل جدتي عن تلكأها في احضارهم قالت انها ماجبتش حاجة خالص واكيد العفريت اللي جابهم ومرة تانية لما ماما عزلت في شارع خماروية بحي شبرا وكانت 5 غرف ما حدش لقيهم ولا حتى نصهم وكانت اجرهم 3 جنيهات وهو مبلغ عظيم في وقتهم وكيف العفريت ضرب خالي وهو نايم وقايم من النوم مضروب على قطن التنجيد

وكتير من البط اللي بيظهر ويختفي والنار اللي كل ما تولع تنطفي من غير اسباب وطبعا مش برسخ فكرة العفاريت والاشباح بس في حقايق من غير تفسير
المهم الله يرحم اجدادي وحكاويهم واللي كانت بتنمي قدراتي وخيالي وخصوصا حكايات جدتي عن اصولنا التركية وكيف كانت امها وجدتها التركية كانت بتاكل وتتكلم وكيف جدة جدتي عملت ثروة حيث انها كانت من اسطنبول وجات مصر مع الاتراك ضمن حاشية الخديويه وكانت من الوصيفات وكانت جدتي تقولي احنا لينا ثروات واوقاف تقدر بالملايين ومازلت قضايا مرفوعة حتى يومنا هذا بدون ما نحصل على مليم واحد وجدتي دايما تقولي هتعيشو مليونيرات من بيع قهوة الفيشاوي بس
وللامانة جات فترة عيشت دور المليونير وعشت احلام التركي حاتم باشا في قصر تركي وباخد حمام تركي والسيجار في بقى وبدخن الشيشة بليل والحريم في حضني يمين وشمال ولا اخونا شهريار
وهرجع ايام زمان وليالي زمان وكل يوم اقضي الليلة مع واحدة شكل وبعدين اصحى على خبر وفاة جدتي
ويقل موضوع سؤالي عن القضية المرفوعة حتى وقتنا هذا ولربما هيتقاضى الملايين اولاد اولادنا
الزمن ليه احترامه وكمان سحره ممكن تشم عطره من وش واحد كبير في السن او حكاية قديمة ومش هنسى المريض اللي قابلته في القصر العيني اللي كنت بتمرن فيه لعمل الطقم الكامل وكان الرجل ده بيكلمني عن ايام موكب الملك فاروق وبناء استاد القاهرة وكنت لما احكي لاصحابي كانو بيقعوا على ضهرم من الضحك وكانوا دايما يسألوني عن عم خشبة (مريضي)واخبار بني خزاعة
وكده مش بتريق على زمنهم لانه فيه بريق
بتجنن لما بشوف الافلام الابيض واسود وازاي الناس بتعمل كل حاجة برواقة
واقلها كان زماني عامل الخمسة عين واللي ميعرفش ايه هما اقوله عشان اتحسر معه
(عيادة عربية عروسة عزبة عمارة ومعتقدش في حاجة منهم هتتحقق في الواقع
وممكن كنت اتعين في مستشفي منطقتي العام وعامل 4 عيادات ومتجوز احلى بنت ومش بعيد بنت وزير ومن جمالها اخاف المسها و ادب ايه مش هتلاقيه دلوقتي
زمن الناس دول مش هيتكرر ابدا وهنيهئا لنا عصر الدش والموبيل والسجاير المالبورو والهامبورجور ووجبة الريزو والكمبيوتر والنت

اخيرا طلعت شهادة الخيرة بتاعتي
من مكتب الوزير
وكمان بقيت عضو في مجتمع طب الاسنان المصري
مرفق الصور

http://www4.mashy.com/cfriends/photos/cdb99bd638bc7c04dcbc37c52edc788d.jpeg