كل عام ومدونه  ماشي  والمشرفين والمشاركين والأعضاء والقائمين عليها بألف خير وأن يعود عليهم بالخيرة البركه والعام القادم أن نجتمع على عرفات سؤيا أللهم أمين

والسلام عليكم ورحمةالله تعالى وبركاته

المدون تيفا

 مره واحد دخل قهوة لقه صور جمال عبد الناصر فسأل صاحب القهوة مين ده قلو ده الريس جمال البنى السد العالي وأمن القناء وبعدي شاف صورة السادات فقلو مين ده    قال ده الريس السادات بتاع حرب أكتوبر وفزانا في عهدو فشاف صور  مبارك فقال مبن ده فقال صاحب القهوة إذاي مش عارف أبو علاء شركي في القهوة

 أخبارك اصدقاء ماشي الكرام أتمنى من الله ان تكون  بألف خير إن شاء الله .

عندي إستنكار او إستغاراب من شي ممكن يكون طلاب الجامعات والذي يعملون بها هم من ينتبهو إليه هو ظاهرة إن كل ولد لازم يكون ليه بنت  ممكن يكون موضوع هايف بس النهارده في الجامعه حصل خناقه بين ولدين علشان الموضوع ده قله (مفيش بنت راديه تمشي معاك)  يعني لازم كل واحد يدخل الجامعه ياخد بنت هديه ولا إيه النظام وكمان في طلبه بتقول إن في بنات للدراسه وبنات للتظبيط وبنات للمشواير وهناك تقسيمات  أخرى  مش فاكرها بس ساعات توصل لدرجه مش متوقعه من الشباب أنا واحد من طلبه الجامعه اعرف زميلي عندهم البنات ذي منا قلت من شويه وسعات والله ودون إنحياز بتكون البنات هي بتفكر كده انا شفت و إتعملت مع بنات صراح تفكرهم غلط بس دول قلة بالنسبه للشباب بس الحمد لله عرفت اتعامل معاهم صح وفي موضوع حصل من سنه للتنين صحابي أتخانقو علشان وحده وعلشان ميعملوش شوشره لنفسهم والبنت سمعته متبقاش وحشه راحو التلاته للعميد وسعادة العميد الموقر يقول إيه (يابنت إختاري واحد وخلصينا علشان منعملش مشاكل أكتر من كدة) .

والسلام عليكم ورحمة الله تعالى وبركاته

أخبارك أصدقاء مدونه ماشي الكرام انا مش عارف أكتب إيه ولا إيه مش عارف ليه مش حاسس بالمدونه ليه بس الحمد لله حاسس بالناس إلا في المدونه بس الكلام عندي خلص وبقاش عندي نفس للكتابه أو حتى للنقل حاجه له مش عارف ولو سمحتو ممكن تساعدوني في المشكله دي

وسلام لكل شخص في هذه المدونه

يا عرب .. يا عرب .. يا عرب في أي مصر

يا عرب .. يا عرب .. اسمعوا صوت شعب مصر

أحفظوا لمصر المكان .. و احنا عالعهد اللي كان

مصر أوفى من الزمان ..
و انتو عارفين شعب مصر

يا عرب يا عرب يا أهل مصر

----------------------------

اللي خانوا العهد بينا .. و استباحوا كل حاجة

و استهانوا بالعروبة .. و استكانوا للخواجة

مستحيل حيكونوا منا .. نحنا حاجة و هما حاجة

هما باعوا الجلابية .. و الوطن و البندقية

و ا حنا أصحاب القضية ..

احنا ما بنبيعش مصر

يا عرب يا عرب يا أهل مصر
----------------------------

يطلع الدجال بزيفو .. يملا وادي النيل ضباب

ينزل الجلاد بسيفو ... يزرع الموت و الخراب

يطول الليل زي كيفو .... الصباح له ألف باب

و احنا بوصلتنا بإيدينا .. ما تخافوش من الليل علينا

مهما غبتو عن عينينا ..

انتو جوا بقلب مصر

يا عرب يا عرب يا أهل مصر

-------------------------

سينا و لا .. يافا و لا .. حيفا ولا ... دير ياسين

اسألوا الشمس اللي هالة .. عللي صحيوا مبدرين

يزرعوها نور و غلة .. دول جدودنا و لا مين ؟

حقنا و حتما ً يُعاد .. بس لو بانت سعاد

و البيان ده لوه معاد ...

و المعاد حيكون في مصر

يا عرب يا عرب يا أهل مصر

قصيدة للشاعر الكبير أحمد فؤاد نجم

 تخيل أن لديك كأس شاي مروأضفت إليه سكرا ... ولكن لا تحرك السكر فهل ستجد طعم حلاوة السكر؟ ‏بالتأكيد لا .
‏أمعن النظر في الكأس لمدة دقيقة ... ‏وتذوق الشاي
‏هل تغير شي !هل تذوقت الحلاوة؟ أعتقد لا ... ألا تلاحظ أن الشاي ‏بدأ يبرد ويبرد وأنت لم تذق حلاوته بعد؟ ‏إذن محاولة أخيرة ضع يديك على رأسك ودر‏ حول كاس الشاي وتمنى أن يصبح ‏الشاي ‏حلواً إذن . .. كل ذلك من الجنون ...وقد ‏يكون سخفاً . ..‏فلن يصبح الشاي حلواً . بل سيكون قد برد ولن تشربه أبداً . ...وكذلك هي الحياة ... فهي كوب شاي مر والقدرات التي وهبك الله إياها والخير الكامن ‏داخل نفسك هو السكر ... الذي إن لم تحركه بنفسك فلنتتذوق طعم حلاوته وإن دعوت الله مكتوف الأيدي أن يجعل حياتك أفضل فلن تكن أفضل إلا إن عملت جاهداً  ...‏وحركت إبداعاتك بنفسك ...‏لذلك اعمل ...‏لتصـل لتنجح لتصبح حياتك أفضــل . .‏وتتذوق حلاوة إنتاجك وعملك وإبداعك ‏فتصبح حياتك أفضل ‏شاي يعدل المزاج ...

مع تحياتي تيفا

السلام عليكم أصدقاء ها نحن نلتقي في فقاعه أخره ذي موعتكم في المدونه  الأخيره وفي القفاعه دي حتكلم إنشاء الله عن الحريه وإيه معنا الحريه.

ممكن حد يقولي يعني إيه حريه وديمقراطيه وهي مجوده ولا لا.

ممكن واحد  يقولك إن الحريه هي إني أخد حريتي في أي حاجه من غير محد يقولي رايح فين ويتعمل إيه

واحد تاني يقولك هي أني اعمل أي حاجه في الدنيا صح أو غلط من غير مأذي أي شخص تاني.

وسعات تلاقي الحريه علشانها ممكن يطلعو مظاهرات ويعملو محاضرات وكتب وأصحاب الكلام ده كله أصحاب شخصيات دكتاتوريه

يقولك دول ديمقراطيه وهي أصلا أصلا مش عارفه يعني إيه حريه

بس انا من وجهة نظري أن الحريه هي ان الشخص لازم يلغي الصور الذي يحيط به من جميع الجهات من قهر وأبتذاذ وعدم أحترام الأرء ويجب أن تفكرفي الناس الأخرى دون التفكير في نفسك وتجعل الناس أولا ثم أنت تانيا وفي معظم الأحيان حاول أن تجع نفسك أولا ولكن ليس في جميع الظروف وان تكتب دون ان يحدد لك نوع الكتابه وان تقرأ دون ان يحدد لك نوع القراء وان تجعل القلم سلاحك والعلم درعك 

وأتمتى أن نأخذ حريتنا في كل شي دون شروط  ولكن في حدود الدين الحنيف وان تحترم تقليده وإتباع جمبع كلامه وأوامره ونواهيه تلك هي الحريه التى يجب ان اكون وتكون عليها وأكن هذا من وجهة نظريه وأتمنى ان أقراء وجهات نظركم

سلام

أي شخص يدخل على المدونه أول مره يفتكر أنه حيغير الكون بالمدونه دي وبأيد كل واحد فيها أنا شخصيا كنت فاكر أني أكيد حعمل حاجه للبلد دي وكتير ناس عرفتهم لكن هيهات هيهات مستحيل نغير أي حاجه عن طريق الورق والكلام والهتافات الصامته .

ممكن أعرف كام واحد بقول الكلام بتاع المدونه بره المدونه أنا شخصيا أتوقع أن 25 في الميه بس بره ذي جوه وده في حد ذاته عيب انا مش عاوز أحطم أمال الناس الجديد إلى لسه داخله في حوار المدونات  بس انا بحب انورهم ان مش أي أبتسامه تعني ضحكه ولا أي دموع يعني بكاء وحزن وذي مقال الشاعر:

     إذا رأيت أنياب الليث بارذتاً                  فلاتحسباً أن الليث يبتسمُ 

وكتير هي الناس إلى بتحاول تعمل شعارات و أضواء بس هي من جواها ضلمه كوحل بس  أنا عارف ان في ناس كتير أوي جوه المدونه عاوز تعمل حاجه والدليل أنه المدونات المصريه بدأت تتشهر في السنتين الفاتوه وعلى نتاق واسع أوي دي حتى وصلت دول الخليج والمغرب العربي ليه على شان هي أقوى المدونات العروفه .

انا عارف اني كلامي في نسبه تناقد يعني إذاي مستحيل تغير حاجه وهي أقوى المدونات وأشهرها  تعرفو ليه التناقد ده والسبب ممكن يزعلكم منى والسبب هو إن أحنى شعب بتاع كلام وبس ومستحيل تلاقي فعل لا من حكومه ولا من شعب وذي مقال أحد المسأولين الأمريكان ان الشعوب العربيه عباره عن فقاعات هواء تطير تطير ثم تتفرقع في الهواء كأنها لم تكن .

 شكلي طولت عليكم أوي  سلام وأستنوني في فقاعه أخرى

ســـــــــــــــــــــــلام تيفا

للتواصل

tefa_mtm88@yahoo.com