الصفحة الرئيسية

archives

سامحينا يااختى الدكتورة

أربعاء, 2009-07-22 22:29 — dodo1_2008
 ): رسالة إلى شهيدة الحجاب سامحينا يا أختي الدكتورة .. أصلك مش منتخب الكورة .. ولاعمورة ولاتمورة .... ولا بتغني للشحرورة .. ولا ليكي كليب ومشهورة .. ولا شعرك باين ف الصورة .. يكفيكي الدعوة المستورة .. من ناس محروقة ومقهورة .. أما عن الدولة المعمورة .. لو نشرت نعي دي مشكورة .. لو سكتت طبعا معذورة .. بسلامها ضعيفة ومكسورة .. ويامصري كرامتك مهدورة.. وحقوقك دايما منكورة .. معلش يا أختي الدكتورة .. يكفيكي الدعوة المستورة .. بدموع حزنانة ومقهورة

لغوة مراتي

أربعاء, 2009-07-22 17:49 — ramyoussef

 أكم ...
 لغوة يا بني بحبها
لغوة مراتي أو حماتي
فلاحي ماشي
أو تقول بنت البلد
كله ماشي
بس يا بني باحبها
لغوة مراتي ....

انكري ولا تنذل

أربعاء, 2009-07-22 17:36 — ramyoussef

 حد قاللي كلمة جامدة دوختني
فكرتني كلام زمان اللي لازم نحفظه
اللي لازم نذاكره  او حتى نردده
لكن يا ولدي يابن النهاردة معذرة
خنقة أبوك في الإشارة
 وجريه دايما لاجل يلحق الحمارة
قصدي الركوبة لاجل يوصل شغلته
وزنقتة على باب وزارة
 لاجل توقيع المدام
عايز يدخل نجلته قال إيه حضانة
لازم تجيب شهادة من واحد مماتش
والتاني راتبه لا يزيد عن ألف عيش 
إنك فقير أو ابن كلب أو  بس عايش جو بيت
أو حتى غيط
فضلت أدور عل المدام
 لاجل تمضي لي الطلب
كلهم حواليك مدام
حاجة تخوف البشر
حاجة تطمن قلب أب
أن بنته في الحضانة مش هاتتعب في النهاية
ليها مكانها هنا ...جنب المدام
لكن سؤال مين الهمام
  اللي هاتلفت نظرته
ولا... تأجل خطوته لما تفضى بالمعاش
كان نفسها يقولوا لها امضي يا مدام
لكن هاتفضل آنسة  عانسة
يا بني فين الرجال؟!!!
فرة  خادتهم... ولا غرقوا في حفر القنال
يا بني روح المصلحة  دور يمينك أو شمال
يمكن تلاقي شارب أو صلعة ماشي
نحيف بكرش طويل قصير
 يا ابني هاتلي أي حاجة
بس أوعى تنسى يا بني أهم حاجة
هات شهادة من ثلاثة 
أنه لسه يا قلبي عايش
نسيت أقولك يا بني إيه الكلام
اللي عجبني من حد قاله بتاع زمان
بيع واشتري ولا تنكري
ويا  بني ممكن تنكري ولا  تنذل
 
 
 

لبانة أحلى

أربعاء, 2009-07-22 11:39 — ramyoussef
  لو مكاني حد منكم  كان يتمنى اي حاجة
 إلا   إنه  يكون سيجارة 
جوة علبة نايمة حبة أو كتير
فجأة يتفجر فوقيك نور الشمس او ظل النهار
وساعات ظل جدران السجون زي ما يكون
تلقى نفسك من قفاك مسحوب لفوق
يا ابني زقطط مش أي سحبة تكون لفوق
فجأة تلقى صدر ناعم
أو صوابع فلة آخر ألاجة
بص حبة اتملى حبة قبل لحظة النهاية
  اتفرج... جسم ايه ريحة ايه والعبارة صعبة حبة
 والفانلة في الجونلة
والمخدة في الملاية
لكن لفين رايح؟!!
 أيوة انت يا ضنايا
فجأة تطلع من الجونلة ولعة جاهزة في المراية
وبين أحلى شفايف لسة منفوخة النهاردة
  لسة طازة  متباسة الساعة دي
تلقى نفسك تتمسك..
 تتأسر تتباس شوية
وويلك من شهد الرضاب
بس حبة تلقى ولعة جاية تسحب نفسها
من أول السطر لحد راسك 
ومن تحت راسك لحد ساسك
يا ابني دا انت بتتقتل
ده انت بتتدبح دانت بتتحرق
أه رجعت اناملها اللي كانت من شوية
ما يعرف حد فين
آه دي رجعت تنقذك من بين براثن خشمها
تلقى نفسك في الهوا
شكلك يا بني لسه عايش
فجأة يا بني تلقى تاني خشمها اللي غاوي يدلعك
اللي غاوي يولعك
فجأة تلقى عمرك رايح
 ناحية الآخر ... عمرك بيخلص يا وله
تفتتكر في أحلى موته من كده 
واللي تقتلك ايوه عارفه نفسها
عارفه انه حقها
 انك اسير خرجت من السجن خمسة
 تنبسط.... لا مش انت هي تتبسط
آه تحرقك... ده حقها
لأجل خمسة تنبسط
وانت شوفت شويه نور
شميت شويه هوا
ده خسارة في جتتك
يا ابني اوعى بلاش صداع
انت مخلوق لي لاجل ما تشيل الصداع
وانت ولع اتحرق
دي وظيفتك دي حياتك
تيجي للدنيا في علبة وتتحبس
في جيب قميص شياكة بيتلبس
ولما تيجي لحظتك
 وسط جوز مقلوظ من حراسة كويسين
تطلع لفوق يمكن لحظة نور أو لحظة ظلام
 يا ابني ما حدش اختار البيت اللي فيه اتولد
يمكن قصر أو حتى زريبة بقر
سيبني اكمل قصتي
ولا انت عارف قصتي
ألقى نفسي في لحظة حب فوق
ولما تخلص الحلاوة 
وتشد منك  النفس
ألقى نفسي كعبلة تحت المداس
كله طينة صاحبتك
إف... حقي حتى موتي مكان عفش
بعد علبة قطيفة وحياة خفيفة
  وحشة خالص النهاية
بس يا بني بس حظي لسة أحلى من اللبانة
لو شوية تفضى بكرة مني حاحي عنها الحكاية