جانا الهوى جانا وجبنا الكأس من غانا
مبررررررررررررروك للمنتخب المصرى ولشعب مصر ولكل الشعب العربى

 العقل ميزه منحها الخالق لعبده ليستغلها احسن استغلال اما نحن كعرب بصوره عامه فالعقل عندنا بح . راح ...ما ننكر ان حاله او حالتين اخدوا جايزه نوبل لكن من كم   ؟؟ من 78 مليون يعنى معدل لا يقدر او يحسب بأى حال من الاحوال ..والمشكله عندنا زى ما قال زعماء اسرائيل عننا ان تفوقهم علينا فى الحروب كان بسبب ان الشعب المصرى بيفطر فول ويتغدا كوره ويتعشا اغانى ام كلثوم ويا عينى على الغيبوبه ...حاليا طبعا انتهت ام كلثوم واصبح نت او دش او اغانى او كليبات او سماع الدعاه الدينين ال على الفضائيات وال ما زلت اقول انهم من احد احزاب الغيبوبه المسلطه على فكر شبابنا ..ييجى داعى دينى كل همه تأمين نفسه فى احاديثه علشان الرزق ال بالملايين وعلشان ميعاديش الحكومه ..وبصوت ملائكى وحالم يكلمك عن الرضا والهدؤ والسكينه ويخليك تنام وانت فى الكرسى ..طيب فين كلمه الحق ..فين توجيه العقول لمصيرها وحقوقها ..فين كلمه العدل التى ترضى ضميرك وربك فى حق شباب مصيره الضياع ؟؟ كله بح المهم يهدى الشباااب ويطمنهم ويريحهم علشان الرزق يزيد ويزيد فى مقابل غيبوبه الشباب وعدم وعيهم فى حقوقهم او المطالبه بيها ..علشان كده السياسيين وصفوا الاديان بانها افيون الشعوب الفقيره والضعيفه ..وذلك ليس تقليل من الاديان لا سمح الله ولكن تاكيد منهم بان الاديان تستغل كأحد الاسلحه القويه فى التاثير على الشباب ...علشان كده بنلاحظ ان الحكومه كتير بتشجع حلقات عمرو خالد وخالد الجندى ..رغم معاداتها للاخوان المسلمين سواء على حق او باطل ..وذلك لان فيه نواحى دينيه تستغل لليقظه والوقوف ضد الحكومه ومساوئها ..بينما نواحى اخرى تستغل للتخدير والتأثير على الشباب من اجل اخماد اى فكر او مطالبه بدافع الايمان والرضا ..والسبب واضح جدا ان الله خلق لنا عقل لنعرف به العدل والحق دون دعاه او رعاه ولكن للأسف عقولنا خارج نطاق الخدمه ...وتحياتى لكم