archives
وجهة نظر
جمعة, 2008-02-01 16:58 — ahmedfathy3بمناسبة حدوته الحب فى مصر( التى ارجو قراتها قبل الرد على هذا الموضوع) كنت عاوز اعمل استفتاء صغير كده او استبيان لوجهات النظر زى ما بيقولوا بتوع الانتخابات يعنى وهو عن موضوع شائك جدا ومعظم الشباب مش عارفين رأسهم من رجليهم فيه وارجو ان تعم الفائده عن طريق اكتساب خبرات من الاخرين والناتجه عن تجاربهم فى الحياه وفهمهم المختلف للواقع عن فهم الفرد بمفرده وارجو ايضا (وسامحونى على طمعى) ان تودعوا رايكم بخلاصة القول ,بس ياريت اللى يدلى برأيه يكون رايه ناتج عن تجربه شخصيه او على الاقل من تجارب احد اصدقائه مثلا...
- ما رايكم فى الحب (علاقة الرجل بالمراه) فى ظل الظروف الاقتصايه والعادات الاجتماعيه العقيمه (اللى انتو عارفينها ده)؟؟؟؟
- وما رايكم فى ما يسمى بالملل العاطفى ؟؟؟
- وما هو افضل سن للزواج بين الرجل والمراه(من وجهة نظر الطرفين)؟؟؟؟؟
- وما سر عزوف معظم الشباب عن الزواج والتجائهم لطرق اخرى للعلاقه مع المراه على الرغم من تحسن حالتهم الماديه؟؟؟؟ عايش على ما تفرج
## قمة الهندسة أن تبني جسرا من الأمل فوق بحر من اليأس ##
جمعة, 2008-02-01 13:56 — memobasha181هناك كلمات تفكر بها أحيانا ولكن لا يستطيع اللسان أن يعبر عنها فتسأل نفسك هل انا فعلا لا أستطيع التعبير عنها ؟ ام أنها كلمات محرجة لا أستطيع قولها ؟ أم أنها كلمات وتشعر أنها رأي وتخاف أن يكون هذا الرأي غير صائب فتخاف أن تعبر عنها ؟
انا أحتار أحيانا كيف أعبر عما بداخلي وفي بعض الأوقات لا أعرف ماذا أريد ؟
فقط أستلقي علي السرير وأحلم ؟
وانا صغير كنت بحلم أدخل كلية الهندسة والحمد لله ربنا وفقني ودخلتها بس مش عارف بعد كده انا عاوز ايه ؟
معلشي أصل واحد صاحبي نده عليا أخرج أشوفه عاوز ايه وأكمل وقت تاني أن شاء الله
سلااااااااااااااااااااااام .
حد يفهمنا هوا فيه ايه
جمعة, 2008-02-01 13:53 — yamaha8228اتعرفت على الانترنت سنه 1999و اول حاجه عملتها كان ايميل ياهوو
كنت راجع من الشغل طهقان من اللى فيه قولت اقعد اجرب ايه النت دا
المهم عدا يوم و لاقيت نفسى نسيت الايميل اللى كنت عامله قلت اعمل واحد جديد
و ادخل اشوف الدنيا عامله ازاى
دخلت على شات الياهو وقعدت اتكلم وطبعا محدش سال فيا
ولا كانى بدن فى مالطه و فجاه لاقيت شات ويندو ظهرت
واحده كده معرفش اسمها ايه بتقول لى هاى
اتعرفنا على بعض
انا من مصر و هيا من الفلبيين
بس كانت صغيره حوالى 15 سنه
قولت طيب و انا هاعمل ايه بسنها صغيره ولا كبيره ادينا بندردش وخلاص
و كان يوم طويل المهم خلت وقفلت الايميل بتاعى وروحت وانا مبسوط ال ايه كلمت واحده من برا
عملت اللى متعملش
ما علينا صحيت لاقيت نفسى متاخر عن الشغل
لبست هدومى اوام و جريت على الشغل لاقيت المدير مستنينى على باب المطعم و بيقولى ..ما بدرى يا بيه جى على نفسك كده ليه.قولت لو انا اسف بس المواصلات بقى..حجه البليد معلش بقى اصل المدير كان شكله يخوف حبتين.
المهم ادانى جزا وخصم لى يوم وكمان اشتغلت
عادى احسن ما كان يرفدنى
وانا بغير هدومى اكتشفت حاجه اول مره اخد بالى منها
انا ايه اللى خلانى استحمل رزاله الراجل ده
ياترى الفلوس هى اللى عملت فيا كده ولا ايه.
لاقيت ان كول اللى بفكر فيه ان امتى الشغل يخلص علشان اجرى على النت كافيه و اقعد اكمل اللى كنت بعملو امباح وكانى بهرب من الواقع اللى انا عايش فيه و عادى مش فارقه معايا .
للحكايه نهايه يدينا و يديكو طوله العمر
تحياتى للجميع 