فيلم حين  مسخره او حين ميسره ال معروض الايام دى بالسينما  عمل جدل كتير بين المشاهدين  وبين النقاد كمان ...لان الفيلم بيعرض قضاي ومشاكل افراد العشوائيات ولكن بتدنى واسفاف ..كلنا عارفين ان مناطق العشوائيات فيها  ظروف صعبه وقاسيه على افرادها بتدفعهم بالفعل لاكتر مما عرض الفيلم من مشاكل وانحرافات ..لكن ال يعرض مشاكل وقضايا افراد بفيلم سينما يعرضها برقى وانسانيه وليس باسفاف وانحدار كما هو بالفيلم ..يعنى مالوش لازمه  مشهد الاغتصاب ال اتعرض  بوضوح اوى وال اتسال فيه المخرج والبطله سميه الخشاب وقالوا انهم اتعمدوا ان  عرض المشاكل بالفيلم يكون بمنتهى الواقعيه  ..الله طيب ما تعرضوا الواقعيه  بمشاكل كتيره زى النهب والسرقه والرشاوى وانحدار التعليم والصحه  ومتاعب المواطن من سؤ المعامله من تجاه الحكومه او اعرضوا مشاكل العشوائيات ولكن بطريقه لا تخدش حياء امهاتنا او اخواتنا او بناتنا او اطفالنا ال ممكن يشوفوا الفيلم ...ناهيك باه عن لقطات الشذوذ ال مثلتها برده  سميه الخشاب جعلها الله خشب لجهنم انشاءلله ...المشكله ان  سميه الخشاب بعد الرقص والبدل العاريه ومشاهد الاباحيه بتقول ماما لما شافت افيشات الفيلم قالت لى اوعى يا سميه تكون لقطات وحشه ..قلت لها لا يا ماما هتشوفى الفيلم وهتحكمى ..ولما ماما شافت الفيلم طلعت من السينما تزغرد ..افتكرها هتقول طلعت ماما تولول ولا تصوت على اباحيه بنتها الوقوره ال تبلغ من العمر 41 سنه  وبتعمل لقطات خليعه زى كده مقابل الشهره والمال ..هى الناس ناقصه  فقر بتفقرونا بانحلالكم ومبادئكم المتدنيه ..اعرضوا المشاكل براحتكوا وحاولوا تكشفوها للراى العام والمختصين لكن لا تلجاوا الى الاسفاف والوقاحه  والاباحيه لجعل الفيلم تجارى  درجه اولى بدافع واااقعيه ..يا رب توقعوا انتوا  بواقعيه فى بلاعه مجارى مفتوحه  تاخدكم ونخلص من اسفافكم وتشوفوا الواقعيه بجد فى  بلاعات الشوارع المفتوحه وال عيون المسئولين غفلانين عنها بدون واقعيه خالص...ومخرج الفيلم التانى ال مصمم يلفت النظر ليه بشويه افكار غريبه كده ومصمم يكون يوسف شاهين التانى ..مع زياده جرعه الاباحيه والاسفاف عن مخرجنا يوسف شاهين ...علشان كده بقترح الفيلم فعلا يتغير اسمه الى حين مسخره بدلا من حين ميسره