بسم الله الرحمن الرحيم
فكره الحاكم هى فكره لصيقه بالتاريخ الانسانى فترجع الى بدايه تكوين المجتمع وتعتبر اساس من اساسيات بنائه.
الحاكم ................هو ذلك الشخص الذى يطبق السلطه الالهيه حامى المعبد وخادم الرب .وكلما زاد فساده الاخلاقى كلما علت منزلته المقدسه (فظن فرعون نفسه الاها وقال انا ربكم الاعلى)ويكون ذالك بتقربه من الطبقه الدينيه الفاسده.
فاعتمد نظام الحكم عند الانسان القديم على تربيه وماهيه مانما عليه الحاكم وفالغالب يكون مستبد او اداه لمن حوله ويذكر التاريخ القليل ممن حكموا للبشريه بالخير
وعند ذكر انظمه الحكم لابد ان نتعرض لمنظومه ارسطو السياسيه والتى نمشى فى ظلالها حتى الان
يرى ارسطو انا انظمه الحكم 6
1-الفرد المستبد المستنير (هو ذلك الشخص الراعى لمصالح شعبه والعالم بخير امته من شرها وهو حاكم جيد قلما يجود به الزمان و
سنكمل قريبا
ذكريات العيد
يااااه ذكريات العيد كل فترة بتتغير خالص
اولا عيد سعيد عليكم اينما كنتم
حبيت بس اعيد عليكم ونتشارك العيد وفرحته
ومستني العيدية من كل واحد فيكم حتة ولو حتة فرو من الخروف
المهم ذكريات العيد كل ما افتكرها افكر كتير في
لبس العيد واللي كل يوم عيد بلبس شكل غير بيجامة العيد اللي
بتتلبس يوم الوقفة بس
ومسدس كل عيد بمسدس وطلق وبمب وعيدية لازم تخلص اول يوم وارجع اشحن
من جدي الله يرحمه ويغفر له ذنوبه
وطبعا اي حد كنت وانا صغير بشوفه بقلبه في عيدية
كنت شقي جدا ولازم اعمل كارثة يو الوقفة يتباعها
كوارث في اول يوم اضرب عيل صغير اكسر عجلة قزاز بيت
اضيع عيدية او المسدس او اقطع هدومي الجديدة
اعكس بنت واترن علقة اشياء من هذا القبيل
بس دايما في ذاكرتي جدودي الاتنين وبالاخص الله يرحمه جدي اللي كنت بصلي معاه صلاة العيد في جامع الفتح
بس عندنا في شبرا
وفتةجدتي والكبده طبعا بعد ما اخنق الجدي وهو اللي كان بيتمنى يندبح
وكنت بعيط لما يجي الجزار يدبحه
ايام وطول عمري افتكر لازم ندخل سينما مودرن ونتمشي على النيل في اغاخان ياااه ايام حلوة اوي
عمري ما كنت بفكر في بكرة وكل همي هنتفسح فين بكرة
ويوم عند جدي ابو ابويا ويوم عند جدي ابو امي ومقضيها
الاعياد اللي افتكرها وانا كبير كلها صلاة العيد وفتة عند جدتي وخروج بليل مع اصحابي طبعا بعد ما اروح لجدي
ابو ابويا لان ده عادة من يوم ولدتي
اخر عيدين بصراحة كانو مميزيين جدا لاني كنت في طابا ارض اليهود
وسبحان الله محستش فيهم باي حاجة ايام عادية خالص
ولا دبح ولا يحزنزن وكمان العيد الصغير كمان قضيته هناك
وتخيلو صلاة العيد وشكرا روحت اعيد عليه بالموبيل تصدقو اول مرة احس
انه ليه فايدة ابن الذين ده لانه نقلني من سيناء للقاهرة في حوالي ساعة كاملة
من رنات ومكالمات اصحابي ورسايلهم
وطبعا قفاشتهم ادبحلك تعبان وسحليه جبلي ولا توريشة
ولا خدلك معزة من الجبل
والله قضيت العيد في البيت وكنت نوبتجي لوحدي والزفت المسيحي البديل متنيل قاعد في القاهرة
المفروض هو اللي يكون هناك مش انا
ما علينا روحت خدت يوم الوقفة تفريدة العيد وطبعا كانت لحمة
وعملتها كباب حلة وكده بس
قضيت اليوم مش حاسس اني بعيد خالص وطلعت اهيس فوق سطح السكن بتاع الاطباء اللي انا متنيل فيه
اشرب سجاير ومليش نفس اكل ولا اشرب حسيت لاول مرة بالوحدة وفكرت ان المساجين دول
بيتعذبو بجد
لاني مسجون في الجبل مش عارف انزل اعيد وسط اهلي وحسيت بقيمة تجمعنا في يوم زي العيد حوالين الفتة
والدبح على الرغم اني من فترة ثانوي بطنش الكلام ده
ولما جدودي الاتنين ماتوا مبقتش حريص زي زمان اني اتواجد وبفضل الخروج مع اصحابي بليل والنهار مديها نوم
بجد اللمة حلوة اوي للمفتقدها على الرغم اني يومها فضلت بعد صلاة العيد اسلم على افراد المستشفى واحد واحد
حسيت انهم بيكملو احساس الاهل ولو للحظات
وبعد الصلاة روحت البحر اقضي وقت هناك
افتكر ان اليوم ده جالي حالة من طابا وكانو جماعة من القاهرة جايين من شرم وعايزيين
دكتور الاسنان حضرتي ويومها طلعت 100 جنيه والاحلى اني حسيت انهم فكروني بالقاهرة وزحمتها
طبعا صرفت الفلوس ديه عند محمد والكافيتريا اللي في الترابيين والمزاج العالي
قولت اني مكنتش متوقع اكسب مليم النهاردة اصرفه وابسط نفسي
الاخت سفيان الاسرائيلية مكنتش هناك على فكرة
بصراحة ذكريات العيد الاخيرة مكنتش حلوة اوي الفترة الاخيرة لاني كنت مسافر
واللي قبلها كنت في امتحانات ميد تيرم
يعني مش حاسس اوي بيها
لكن يارب الجاية تكون حلوة واقضيها مع شريكة حياتي في اي منتجع سياحي كده
اكيد هيكون شرم لاني وقعت في غرام سيناء اخيرا اعترفت حبيت سيناء
بس مش قوي يعني
بس هي ديه ذكرياتي يا ريت اعرف ذكرياتكم
د\حاتم البيطار
002 0105684344
كل عام وانتم بخير بمناسبتين
العام الجديد 2007
عيد الاضحى
ويارب يعيدوه على كل المنتدى باليمن والخير والبركات
وكلو لحمة بس مش كتير
هههههههه
اه باركولي على قرار الاجازة نصف الوقت
باذن الله تبدا من السنة الجديدة
عايز رسايل تعييد عليا ورناتكم
ميرسي يا شباب المنتدى واتمنالكم فتة حلوة ولحمة احلى
وعيد سعيد وايام حلوة ليكم