اسامه منير ___ الكدب فى الحب, انا والنجوم وهواك
-----------------------
انا سمعت حلقه اسامه منير بعنوان
(( الكدب فى الحب ))
ليه يا جماعه بنكدب فى الحب ؟
ده مش سؤالى ده سؤال اسامه
وجاله اتصال تليفونى من بنت
واختصاره
انا كدبت على شخص بيحبنى وقولتله انى بحبه
عشان كنت مجروحه من شخص قبله
بس انا مش عارفه اعمل ايه ؟
اصارحه واقوله انت شخص كويس بس مش حاسه
ناحيتك بحاجه ؟
ولا اسيبه وميعرفش عنى حاجه ؟
ابعد عنه ازاى ؟ بصراحه الشخص ده صعبان عليا
------------------------------------------
ومعانا اتصال تانى من شاب
اختصاره
انا اتجوزت واحده مبحبهاش تماما ولا طايقها
بس انا عملت كده غصب عنى
الدنيا كانت مقفله فى وشى بعد فشل قصه حب
جميله وحسيت ان الحل هو الجواز
وللاسف ده مكنش حل
ومشعارف اصارحها واقولها عشان كده انا عايش
معاها وانا بكدب دايما
وبجد انا تعبت ومشقادر !!!!!!!!!!
--------------------------------------------
بجد يا جماعه الحلقه دى عجبتنى جدا
وخصوصا المكالمتين دول
وبصراحه اوس اوس (( اسامه )) مكنش عارف يجاوب
ونزل اغانى ومجاوبش عليهم
انت شايف الحل ايه ؟؟؟؟؟
--------------------
التعليقات
مش متخيله موقف
مش متخيله موقف الطرف التاني بجد خالص عايش الوهم . ازاى حد يعمل فى الناس كده وميفقوش غير متأخر اويي
بجد على رأي الللى قال
الدنيا خربااااانه ياعمرخربااااانه
انا من رايى
انا من رايى البنت الى كدبت على الى حبيبها انها تبعده عنها باى طريقه باى خلاف فى وجهات نظر تعمل اى حاجه تبعده عنها غير ما تجرح مشاعره وتقله على الحقيقه تبعده بطريقه شيك بدون اى جرح مشاعر لانها هى بتظلمه وبتظلم نفسها ازاى اسامه مش لقى رد او اجابه عليها دا راى اى حد يعرف يقوله اما بالنسبه للزوج دا لازم يقدر الزوجه ويحترمها ويحاول يفتح صفحه جديده معاهايا اما يواجه الموضوع بحكمه شديده ويطلقها بالمعروف والطلاق امر اتذكر فى القران الكريم والاحاديث النبويه والا هتتحول حياتهم للجحيم وكداالاستمراريه امر صعب بينهم